Siarter Myfyrwyr

Four students having a discussion in The Lighthouse

Siarter Myfyrwyr Prifysgol Abertawe

Yma yn Abertawe, rydych chi'n rhan o Brifysgol fywiog, amrywiol a chynhwysol. Mae profiad cadarnhaol ar gyfer myfyrwyr yn dibynnu ar bartneriaeth lwyddiannus rhwng y Brifysgol, Undeb y Myfyrwyr ac, yn anad dim, chi, ein myfyrwyr. Rydych chi'n bwysig iawn i ni - felly rydym am wneud popeth y gallwn ni ei wneud i wella'ch amser yn Abertawe. Rydym yn ymrwymedig i'ch cefnogi i sicrhau y gallwch gyflawni eich potensial llawn.

Crëwyd y Siarter Myfyrwyr hon i atgyfnerthu ein hymrwymiadau i chi. Cafodd ei llunio mewn partneriaeth rhwng ein myfyrwyr, Undeb y Myfyrwyr a Thîm Partneriaeth ac Ymgysylltu â Myfyrwyr y Brifysgol, ac mae'n amlygu addewidion penodol i'n holl staff a myfyrwyr. Gallwn i gyd chwarae ein rhan wrth greu amgylchedd dysgu cefnogol, cynhwysol a disglair. Mae'r Siarter hon yn ymgorffori'r egwyddorion a fydd yn helpu i wneud eich amser yn Abertawe yn fwy buddiol byth.

Mae ein Siarter Myfyrwyr yn ymdrechu i:

esboniwch mewn termau syml yr hyn y gall pob myfyriwr ei ddisgwyl gan y Brifysgol
amlinellu disgwyliadau rhesymol y Brifysgol o fyfyrwyr
esboniwch ble a sut mae Undeb y Myfyrwyr yn cefnogi'r Brifysgol a myfyrwyr i wella profiad y myfyrwyr
amlygu ein hymrwymiad ar y cyd i gyfoethogi profiad y myfyrwyr
cynnig canllaw cyfeirio gwerthfawr i'n myfyrwyr i'w helpu i gael mynediad at amrywiaeth o wybodaeth a fydd yn eu helpu drwy eu hastudiaethau

Llywydd Undeb y Myfyrwyr, Esyllt Rosser, a'r Is-ganghellor, yr Athro Paul Boyle

Dysgu, Addysgu a Chyflogadwyedd

Bydd y Brifysgol yn:

Creu amgylchedd lle mae profiadau academaidd a chymdeithasol myfyrwyr yn cydfodoli, gan arwain at yrfa lwyddiannus ar ôl graddio.
Cefnogi myfyrwyr drwy fentoriaid academaidd neu oruchwylwyr ochr yn ochr â chymorth academaidd a bugeiliol.
Darparu gwybodaeth glir a strwythuredig am y cwrs, gan gynnwys amserlennu, amserlen asesu, marcio ac adborth, ar ddechrau pob cwrs astudio.
Sicrhau cydymffurfiaeth â'r wybodaeth am gyrsiau sy'n cael ei darparu i fyfyrwyr, gan sicrhau ein bod yn cyflawni'r dyletswyddau a amlinellwyd gan yr Awdurdod Cystadleuaeth a Marchnadoedd.
Diogelu buddiannau myfyrwyr os bydd rhaid canslo cwrs/cau'r sefydliad neu newid ein dulliau darparu cyrsiau. Mae gweithdrefnau ar waith i ymateb i'r amgylchiadau hyn a bydd y rhain yn lliniaru'r effaith bosib ar fyfyrwyr, gan gydnabod anghenion gwahanol ein cymuned amrywiol o fyfyrwyr.
Sicrhau, lle y bo'n bosib, y caiff myfyrwyr y cyfle y ymgysylltu â byd diwydiant, i ymgymryd â lleoliadau a phrofiad gwaith, gan gynnwys dramor, a manteisio ar gyfleoedd gwirfoddoli, er mwyn eu paratoi'n llawn ar gyfer byd gwaith.

Disgwylir i fyfyrwyr:

Bod yn weithgar wrth gymryd rhan mewn dysgu drwy astudio annibynnol, mynd i bob darlith, seminar a sesiwn arall a amserlennir drwy gydol y flwyddyn academaidd.
Dilyn rheoliadau’r Brifysgol o ran monitro presenoldeb.
Osgoi llên-ladrad a mathau eraill o gamymddygiad academaidd. 
Talu ffioedd dysgu a chostau eraill yn y cyfnod amser priodol. 
Fod yn rhagweithiol wrth geisio cymorth gyda'u hastudiaethau pan fydd angen, drwy fynd i weithdai neu siarad ag aelodau staff academaidd perthnasol.

Bydd Undeb y Myfyrwyr yn:

Cynrychioli buddiannau addysgol y myfyrwyr a gweithio gyda'r Brifysgol i ddatrys problemau a nodir gan ein haelodau, gan gynnwys mynediad at gyngor a chymorth ar gyfer materion academaidd yng Nghanolfan Cyngor a Chymorth Undeb y Myfyrwyr.
Creu cyfleoedd cyflogaeth ar gyfer myfyrwyr drwy weithgareddau'r Undeb.

Lles, Diogelu a Chynwysoldeb

Bydd y Brifysgol yn:

Parhau i weithredu Strategaeth Iechyd a Lles drwy fabwysiadu 'ymagwedd systemau cyfan' ac ymrwymo i'r pum llwybr i les.
Sicrhau bod yr holl staff a myfyrwyr yn trin ei gilydd yn gyfartal, â chwrteisi a pharch, waeth beth yw oedran, anabledd, rhyw, statws ailbennu rhywedd, beichiogrwydd a mamolaeth, hil, crefydd neu gred, priodas neu bartneriaeth sifil neu dueddfryd rhywiol yr unigolyn.
Cyfeirio'n glir at y gwasanaethau cymorth y mae'r Brifysgol yn eu cynnig.
Darparu cymorth a systemau adrodd i ddioddefwyr bwlio ac aflonyddu.
Darparu cymorth a chyfeirio i ddioddefwyr a thystion troseddau casineb.
Darparu systemau cymorth a datgelu i oroeswyr ymosodiadau rhywiol.
Glynu wrth yr holl ofynion a nodir gan Safonau'r Gymraeg gan gynnwys cyfleoedd i gael eich asesu drwy gyfrwng y Gymraeg neu Saesneg, waeth beth yw iaith eich rhaglen, ac yn hyrwyddo hyn i fyfyrwyr. 
Hyrwyddo dysgu ac addysgu drwy gyfrwng y Gymraeg ym mhob Cyfadran yn Abertawe.

Disgwylir i fyfyrwyr:

Ufuddhau i holl reoliadau'r Brifysgol. 
Gweithredu fel cynrychiolwyr y Brifysgol, trin staff a chyd-fyfyrwyr â pharch a chwrteisi, gan gynnwys yn y cyfryngau cymdeithasol, ac ymddwyn mewn modd ystyriol yn y gymuned leol ac wrth ymwneud â'n cymdogion. Mae rhagor o wybodaeth ar gael ym Mholisi'r Brifysgol ar Urddas yn y Gweithle ac wrth Astudio.

Bydd Undeb y Myfyrwyr yn:

Cynnig cyngor cyfrinachol a diduedd am ddim yng Nghanolfan Cyngor a Chymorth Undeb y Myfyrwyr.

Cyfathrebu â'n Gilydd

Bydd y Brifysgol yn:

Lledaenu gwybodaeth allweddol i'r gymuned o fyfyrwyr mewn modd amserol.
Defnyddiwn amrywiaeth o ddulliau i gyfleu gwybodaeth, megis e-bost, y cyfryngau cymdeithasol, neu alwadau ffôn.

Disgwylir i fyfyrwyr:

Diweddaru eu gwybodaeth gyswllt pryd bynnag y gwneir newidiadau.
Gwirio pob e-bost a gohebiaeth gan y Brifysgol yn rheolaidd ac ymateb neu weithredu yn ôl y gofyn. 
Cyfathrebu'n rhagweithiol â staff perthnasol yn y Brifysgol yn ôl yr angen.
Ystyried y canllawiau cyfryngau cymdeithasol wrth gyfathrebu ar-lein.

Bydd Undeb y Myfyrwyr yn:

Agored, yn dryloyw ac ar gael i fyfyrwyr gysylltu â ni drwy e-bost, ffôn neu wyneb yn wyneb.

Llais Myfyrwyr a Phrofiad Myfyrwyr

Bydd y Brifysgol yn:

Ceisio adborth drwy arolygon profiad y myfyrwyr, adborth ar fodiwlau a mentrau eraill wedi'u hwyluso gan y Tîm Gwasanaethau Partneriaeth ac Ymgysylltu â Myfyrwyr.
Gweithio'n agos gydag Undeb y Myfyrwyr a chynrychiolwyr eraill a gwrando arnynt o ran materion sy'n effeithio ar brofiad y myfyrwyr.

Disgwylir i fyfyrwyr:

Darparu adborth adeiladol i'r Brifysgol pan fyddant yn gallu, trwy fecanweithiau megis Arolygon Profiad Myfyrwyr, adborth ar fodiwlau, Unitu, a digwyddiadau eraill a gyflwynir gan y Tîm Gwasanaethau Partneriaeth ac Ymgysylltu â Myfyrwyr.

Bydd Undeb y Myfyrwyr yn:

Cefnogi ymgysylltu a phartneriaeth â myfyrwyr drwy gynrychiolaeth.
Darparu system ddemocrataidd i ethol cynrychiolwyr pwnc a Swyddogion Myfyrwyr a Chynrychiolwyr Myfyrwyr Amser Llawn a Rhan-amser.
Creu cyfleoedd i bob myfyriwr ddweud ei ddweud a lleisio ei farn wrth sicrhau newid.
Cynrychioli buddiannau addysgol y myfyrwyr a gweithio gyda'r Brifysgol i ddatrys problemau a nodir gan ein haelodau.
Cynrychioli myfyrwyr ar y lefelau uchaf o strwythur llywodraethu'r Brifysgol, yn lleol ac yn genedlaethol a thrwy swyddogion a chynrychiolwyr etholedig.
Sicrhau bod y swyddogion etholedig amser llawn a rhan-amser yn gweithredu ar ran yr holl fyfyrwyr a'u bod yn atebol.
Trefnu digwyddiadau i gefnogi myfyrwyr ac ymgysylltu â nhw drwy gydol y flwyddyn, gan gynnwys digwyddiadau croeso, #CymorthAstudio a Dawns yr Haf.
Cefnogi ymdrechion i sefydlu cymdeithasau myfyrwyr a chlybiau chwaraeon gan greu mynediad at gyfleoedd datblygiad personol.

Gwneud y Peth Iawn

Bydd y Brifysgol yn:

Gweithredu gweithdrefn deg a diduedd i ddatrys cwynion myfyrwyr.
Sicrhau nad yw myfyrwyr dan anfantais annheg mewn unrhyw ffordd oherwydd eu bod wedi cyflwyno cwyn.

Disgwylir i fyfyrwyr:

Dilyn côd ymddygiad y myfyrwyr gan gynnwys côd ymddygiad Prifysgol Abertawe ar gyfer unigolion a grwpiau myfyrwyr megis cymdeithasau a chlybiau.
Dilyn gweithdrefnau priodol pan fydd ganddynt achwyniad neu g?yn yr hoffent ei godi.

Bydd Undeb y Myfyrwyr yn:

Cynnig cyngor cyfrinachol a diduedd am ddim yng Nghanolfan Cyngor a Chymorth Undeb y Myfyrwyr.
Adolygu polisïau a gweithdrefnau'r Undeb yn rheolaidd.
Darparu eu gweithdrefn gwyno eu hun i ddatrys materion sy'n ymwneud â gweithgarwch Prifysgol Abertawe.

Cadw'n Iach

Sylwer y gallai'r adran hon newid ar fyr rybudd o ganlyniad i faterion iechyd cyhoeddus. Caiff unrhyw newidiadau eu cyfleu trwy e-bost.

Bydd y Brifysgol yn:

Sicrhau bod ein mannau a'n cyfleusterau addysgu'n cael eu rheoli'n unol â chanllawiau iechyd a diogelwch a gyhoeddwyd gan Lywodraeth Cymru neu fel arall.
Sicrhau eich bod yn cael gwybod am newidiadau sy'n effeithio ar weithredu ein gofodau neu ein gwasanaethau.
Darparu gwybodaeth am wasanaethau iechyd, gan gynnwys sut i gofrestru gyda meddyg teulu, beth i'w wneud os byddwch yn sâl a gwybodaeth am glefydau heintus.
Parhau i ddarparu gwybodaeth gyfredol am Covid-19 yn ôl yr angen.
Darparu cyfleusterau iechyd a ffitrwydd corfforol.
Cymryd cyfrifoldeb dros weithio tuag at leihau carbon, cynyddu cynaliadwyedd a chefnogi mentrau amgylcheddol.

Disgwylir i fyfyrwyr:

Dilyn arweiniad gan Lywodraeth Cymru neu'r Brifysgol pan fydd materion iechyd a diogelwch yn codi.
Parhau i ddilyn canllawiau Llywodraeth Cymru a'r Brifysgol yngl?n â Covid-19.
Rhoi gwybod i'ch Cyfadran os byddwch yn absennol o ganlyniad i salwch.
Defnyddio'r broses Amgylchiadau Esgusodol ar gyfer salwch pan fydd angen.

Bydd Undeb y Myfyrwyr yn:

Sicrhau y gall gweithgareddau a gwasanaethau barhau i weithredu, hyd yn oed os caiff arweiniad iechyd a diogelwch newydd ei gyflwyno.
Parhau i gynrychioli cymuned y myfyrwyr ar bob mater sy'n ymwneud â Covid-19, neu faterion iechyd a diogelwch eraill pan fyddant yn codi.
Darparu cyfleoedd i gyfranogi a chymryd rhan mewn clybiau chwaraeon a chymdeithasau a digwyddiadau Prifysgol Abertawe.

Caiff y Siarter Myfyrwyr ei hadolygu a'i diweddaru bob blwyddyn gan staff a myfyrwyr yn y Pwyllgor Partneriaethau ac Ymgysylltu â Myfyrwyr. Dosberthir y Siarter Myfyrwyr i staff a myfyrwyr bob blwyddyn drwy e-bost, ar-lein ac mewn cyfarfodydd sefydlu / cyfarfodydd â thiwtoriaid academaidd, i sicrhau bod y corff cyfan o fyfyrwyr a staff yn deall ac yn cymryd rhan.