Amgylchiadau Esgusodol

Anawsterau/problemau dros dro neu dymor byr sy’n effeithio arnoch yw amgylchiadau esgusodol. Er enghraifft:

• Problemau meddygol (gan gynnwys iechyd meddwl/lles)
• Marwolaeth perthynas neu ffrind agos
• Problemau personol
• Problemau teuluol, megis ysgariad
• Ymosodiad/trais rhywiol
• Cyfnod o hunanynysu/cwarantin
• Cyfrifoldebau gofalu ac anawsterau domestig
• Defodau crefyddol
• Cyflyrau sy'n gysylltiedig â beichiogrwydd
• Materion sy'n ymwneud â fisâu
• Cyfarpar TG nad yw'n gweithio, lle mae problem y gellir ei gwirio

Mae'r enghreifftiau canlynol yn amgylchiadau nad yw'r Brifysgol yn eu derbyn fel amgylchiadau esgusodol

• Salwch bach megis pen tost ac annwyd
• Cyflyrau meddygol nad ydynt wedi'u cefnogi gan dystiolaeth neu le nad oes modd rhoi esboniad boddhaol am y diffyg tystiolaeth
• Rhwymedigaethau cymdeithasol
• Camddarllen cyfarwyddiadau/amserlenni asesu
• Rheoli amser yn wael, e.e. Ni ddechreuais i fy aseiniad tan y funud olaf

Yn y lle cyntaf, dylech chi bob amser siarad â'ch Cyfadran/Ysgol am eich anawsterau. Efallai y bydd modd cynnig cymorth i chi neu eich cyfeirio at rywun arall a all helpu.

Os nad ydych chi'n gallu paratoi ar gyfer asesiad neu ei gwblhau oherwydd yr anawsterau hyn, dylech chi hysbysu eich Mentor Academaidd neu'r tîm gweinyddol yn eich Cyfadran/Ysgol cyn gynted â phosib.

Gallant eich cynghori ynghylch yr hyn y mae angen i chi ei wneud er mwyn i’r amgylchiadau hyn gael eu hystyried. 

Er enghraifft, byddant yn rhoi ffurflenni perthnasol i chi ac yn eich cynghori os oes angen i chi ddarparu rhagor o wybodaeth.

extenuation-medicinehealthlifescience@swansea.ac.uk

StudentSupport-ScienceEngineering@swansea.ac.uk 

extenuating-management@swansea.ac.uk

extenuating-socialsciences@swansea.ac.uk

extenuating-cultureandcom@swansea.ac.uk

extenuating-law@swansea.ac.uk

Caiff pob cais am amgylchiadau esgusodol ei ystyried i'w gymeradwyo ai peidio gan eich Cyfadran/Ysgol.

Fel arfer, dylid darparu dogfennaeth annibynnol i gyfiawnhau amgylchiadau esgusodol a rhaid bod ganddi ddyddiad o fis o'r asesiad/arholiad yr effeithiwyd arno. Rhaid i'r dystiolaeth nodi sut gwnaeth yr amgylchiadau effeithio ar eich perfformiad a/neu amharu ar eich gallu i fynd i asesiad, ei gwblhau neu ei gyflwyno ar amser. Bydd peidio â darparu dogfennaeth o'r fath yn arwain at wrthod y cais oni bai y gellir darparu esboniad boddhaol yn y cais sy'n esbonio pan nad ydych chi wedi gallu darparu tystiolaeth o'r fath.

Dyma restr anghyflawn o enghreifftiau o dystiolaeth briodol:

• Llythyr/tystysgrif gan Feddyg*/Gweithiwr Iechyd Proffesiynol sy'n cadarnhau'r salwch, gan nodi effaith debygol y salwch ac sy'n nodi'n glir y cyfnod amser o salwch sy'n cyfateb i'r cyfnod asesu y mae'r hawliad yn cael ei wneud ynddo. (*Dylai’r meddyg fod wedi cofrestru gyda’r Cyngor Meddygol Cyffredinol, neu fod â statws cyfatebol. Lle nad yw’r meddyg teulu wedi cofrestru gyda’r Cyngor Meddygol Cyffredinol, neu os nad oes ganddo statws cyfatebol, gellir gofyn am dystiolaeth bellach, fel y bo'n briodol).  
• Yn achos myfyriwr sy'n cwympo'n sâl yn ystod arholiad ar y safle sy'n cael ei oruchwylio, copi o adroddiad y goruchwyliwr. (Dylid darparu tystiolaeth feddygol o hyn lle bynnag y bo'n bosib). Mae'n rhaid i fyfyrwyr sy'n sâl yn ystod arholiad ar y safle roi gwybod i'r goruchwyliwr yn ystod yr arholiad neu yn syth ar ôl iddo orffen a chyn gadael lleoliad yr arholiad. Bydd y goruchwyliwr yn gwneud cofnod o hyn y gall y myfyriwr gael mynediad iddo o'r Swyddfa Arholiadau.
• Llythyr derbyn a rhyddhau o'r ysbyty – i gadarnhau'r cyfnod yn yr ysbyty. Rhaid i'r llythyr gynnwys enw'r myfyriwr a bydd yn rhaid bodloni'r Gyfadran/Ysgol bod y llythyr yn ymwneud â'r myfyriwr.
• Llythyr gan wasanaeth sy'n cefnogi'r myfyriwr, e.e. Y Gwasanaeth Lles ac Anabledd, y Swyddog Cyswllt Trais Rhywiol (SVLO), y Ganolfan Atgyfeirio Achosion o Ymosodiadau Rhywiol (SARC), Cwnselydd, Canolfan Gyngor Prifysgol Abertawe (SUAC) neu asiantaeth arall a allai fod yn cefnogi'r myfyriwr, etc. (a ddarperir yn ôl disgresiwn y gwasanaeth cefnogi).
• Yn achos archwiliad o orbryder/straen â diagnosis/a nodir, bydd angen tystysgrif feddygol neu brofforma addasiadau.
• Yn achos cael eich gosod dan gwarantin, bydd angen copi o'r cwarantin (os ydych chi'n cael eich gosod dan gwarantin yn llety'r Brifysgol sydd ar gael drwy MyUniSupport).
• Yn achos hunanynysu, bydd angen copi o'r e-bost a anfonwyd gan y GIG/Brifysgol at y myfyriwr yn ei hysbysu am y cyfnod hunanynysu.
• Yn achos myfyrwyr gyda chyflyrau iechyd/anableddau sy'n gallu gwella a gwaethygu a gymeradwywyd gan y Gwasanaeth Lles ac Anabledd, bydd y profforma addasiadau yn cael ei dderbyn fel tystiolaeth.
• Naill ai tystysgrif marwolaeth neu Drefn Gwasanaeth neu Lythyr gan y Trefnwr Angladdau.
• Yn achos salwch difrifol a/neu farwolaeth perthynas agos (sy'n cael ei ddiffinio fel rhiant/prif ofalwr yr ymgeisydd, chwaer neu frawd, partner/partner priod, plentyn/dibynnydd yr ymgeisydd), bydd tystiolaeth o'r farwolaeth/salwch difrifol yn ddigonol a chymerir yn ganiataol bod y salwch/farwolaeth wedi effeithio ar y myfyriwr.
• Adroddiad yr heddlu – ni fydd dim ond rhif cyfeirnod y drosedd yn ddigonol
• Erthygl newyddion sy'n cadarnhau anawsterau teithio annisgwyl.
• Yn achos cyfrifoldebau gofalu ac anawsterau domestig yn y tymor byr sy'n effeithio ar allu'r myfyriwr i baratoi am asesiadau a'u cwblhau, datganiad gan aelod o'r teulu/ffrind.
• Yn achos cyfarpar TG sy'n ddiffygiol, lle mae methiant gwiriadwy sy'n effeithio ar system neu systemau, gall tystiolaeth fod ar ffurf sgrinluniau o amhariadau i'r gwasanaeth, gwallau, tudalen darparwr y rhwydwaith neu gyfathrebiadau sy'n amlinellu'r tarfiad, gan gynnwys postiadau ar y cyfryngau cymdeithasol ac e-bost gan ddarparwyr neu systemau monitro.

Na allwch. Nid yw'n bosib i fyfyrwyr hunan-ardystio mwyach. Yn gyffredinol, dylid darparu dogfennaeth annibynnol fel tystiolaeth o amgylchiadau esgusodol a rhaid bod ganddi ddyddiad o fewn mis o'r asesiad/arholiad dan sylw.

Argymhellir y dylai unrhyw un sy’n profi’n bositif am Covid-19 aros gartref a pheidio â dod i’r arholiadau ar y campws. Nid yw’n ofyniad cyfreithiol mwyach i hunanynysu, ond er mwyn lleihau’r risg o drosglwyddo’r feirws i eraill, os oes gennych chi symptomau dylech chi wneud prawf a hunanynysu os ydych yn profi’n bositif.

Os hoffech wneud cais am Amgylchiadau Esgusodol, anfonwch dystiolaeth ffotograffig o'ch prawf i'ch cyfadran academaidd. Sicrhewch fod rhif cyfresol y prawf yn y llun. Dylid gosod eich prawf positif wrth ymyl nodyn sy'n cynnwys eich rhif myfyriwr, enw llawn, dyddiad a llofnod sy'n cadarnhau mai eich un chi yw'r prawf.

Y dyddiad cau ar gyfer cyflwyno cais am amgylchiadau esgusodol fydd o fewn pum niwrnod gwaith o ddyddiad cau cyflwyno'r asesiad/yr arholiad NEU y dyddiad cau rhagnodedig a gyhoeddwyd gan eich Cyfadran/Ysgol.

Bydd eich Cyfadran/ Ysgol yn cydnabod derbyn eich cais ac yn rhoi gwybod i chi a oes angen rhagor o wybodaeth/tystiolaeth. Bydd eich Cyfadran/Ysgol yn rhoi gwybod i chi am ganlyniad eich cais maes o law. Os caiff eich cais ei gymeradwyo, cewch eich hysbysu bod eich asesiad(au) wedi cael ei/eu ohirio/gohirio/rhoddwyd estyniad/canlyniad priodol arall. Fel arfer, cewch eich hysbysu drwy e-bost, ond bydd eich Cyfadran/Ysgol yn rhoi gwybod i chi os cewch chi eich hysbysu drwy ddulliau electronig.

Os na dderbynnir eich amgylchiadau, bydd y Bwrdd Arholiadau'n ystyried eich canlyniadau a dyfernir penderfyniad i chi yn seiliedig ar y rheolau asesu arferol.

Os bydd y Gyfadran/Ysgol yn gwrthod cais am amgylchiadau esgusodol mewn perthynas ag arholiad neu waith cwrs, caiff y camau canlynol eu cymryd:

• os na wnaethoch chi roi cynnig ar yr asesiad, rhoddir marc o 0% i chi (absenoldeb anawdurdodedig) am yr asesiad a chaiff eich canlyniad cyffredinol ei bennu yn unol â'r rheoliadau asesu ar gyfer y rhaglen astudio; neu
• os gwnaethoch chi roi cynnig ar eich asesiad, caiff y gwaith a gyflwynwyd gennych ei farcio, caiff marc ei gofnodi a phenderfynir ar eich canlyniad cyffredinol yn unol â rheoliadau asesu'r rhaglen astudio.

Fel arfer, ni chaiff apeliadau yn erbyn y Gyfadran/Ysgol eu hystyried.

Os ydych chi'n teimlo bod anghysondeb wedi bod o ran y gweithdrefnau, dylech chi gysylltu â'r Gyfadran/Ysgol berthnasol yn y man cyntaf.

Os oes gennych chi dystiolaeth newydd sy'n ymwneud â chais a gyflwynwyd eisoes, gallwch chi ailgyflwyno hon i'r Gyfadran/Ysgol i'w hailystyried ar yr amod bod hyn o fewn y terfyn amser a nodwyd.

Dim ond mewn achosion lle mae'r dystiolaeth feddygol a gyflwynwyd yn cefnogi'r awgrym nad oedd y myfyriwr mewn sefyllfa i wybod a oedd yn addas i ymgymryd ag asesiad neu i baratoi gwaith i'w asesu a hysbysu'r Gyfadran/Ysgol y bydd y Brifysgol yn derbyn cais am amgylchiadau esgusodol a gyflwynir ar ôl y dyddiad cau. Dylid rheoli hawliadau o’r fath yn unol â'r Weithdrefn Apeliadau Academaidd.

Mae'r Brifysgol am gefnogi myfyrwyr sy'n mynd drwy amgylchiadau anodd felly peidiwch â theimlo cywilydd i ddatgelu eich amgylchiadau. Bydd holl staff y Brifysgol yn trin eich rhesymau fel rhai cyfrinachol, ac ni fyddant yn rhannu gwybodaeth amdanoch heb eich caniatâd. Efallai y bydd eich Mentor Academaidd yn gallu eich helpu, neu efallai y bydd yn eich atgyfeirio at rywun sy'n gallu helpu gyda'ch amgylchiadau penodol chi, megis y ganolfan Arian@BywydCampws neu Llesiant@BywydCampws.

Bydd y Brifysgol yn ystyried ceisiadau â chydymdeimlad. Fodd bynnag, eich dewis chi yw datgelu'r amgylchiadau hyn i'r staff yn eich Cyfadran/Ysgol ai peidio. Efallai y byddwch yn teimlo y gallwch gwblhau eich asesiadau neu sefyll arholiadau er gwaethaf eich amgylchiadau.   Os ydych chi'n dewis peidio â chyflwyno cais o fewn y terfynau amser a bennwyd gan y Gyfadran/Ysgol, NI fydd y Brifysgol fel arfer yn ystyried amgylchiadau esgusodol o'r fath fel sail am apêl academaidd, yn erbyn canlyniad gradd neu benderfyniad dilyniant.

Cyfadran/Ysgol

Bydd staff Gwasanaethau Proffesiynol a'ch mentor academaidd yn eich Cyfadran/Ysgol yn gallu eich cynorthwyo chi a rhoi cyngor i chi ar weithdrefnau.

Gwasanaethau Cymorth i Fyfyrwyr

Mae Gwasanaethau Cymorth i Fyfyrwyr y Brifysgol yn cynnig ystod eang o gymorth:

Gwasanaethau Lles – lles@abertawe.ac.uk

Arian@BywydCampws – money.campuslife@abertawe.ac.uk

Gwasanaethau Myfyrwyr Rhyngwladol – international.campuslife@abertawe.ac.uk

Swyddfa Anableddau – wellbeingdisability@abertawe.ac.uk

Am ragor o wybodaeth ynghylch y gwasanaethau uchod, ewch i:

https://myuni.swansea.ac.uk/cy/cymorth-a-lles/

Gwasanaethau Academaidd

Gall y Gwasanaethau Academaidd gynnig cyngor ar reoliadau, gweithdrefnau, gwaharddiadau a thynnu'n ôl. E-bostiwch myunihub@abertawe.ac.uk.

Canolfan Gyngor Undeb y Myfyrwyr

Gall Canolfan Gyngor Undeb y Myfyrwyr helpu gyda materion sy’n ymwneud â thai, teulu ac anawsterau personol, dyled, arian, cyflogaeth a materion academaidd. Cysylltwch ag advice@swansea-union.co.uk.

Mae'r polisi Amgylchiadau Esgusodol llawn ar gael ar-lein yn:

https://myuni.swansea.ac.uk/cy/bywyd-academaidd/rheoliadau-academaidd/polis%C3%AFau/polisi-ar-amgylchiadau-esgusodol/