Sut gallwn ni eich helpu?
Mae tîm MyUniHub yma i'ch helpu i gael mynediad at ystod eang o wasanaethau cymorth y Brifysgol a'ch helpu i ddatrys unrhyw ymholiadau a allai fod gennych.
MyUniHub
Eich porth chi i'r Brifysgol
Yr hyn rydym yn ei ddisgwyl gennych chi
Yr hyn y gallwch ei ddisgwyl ohonom
Ymholiadau gan rieni/gwarcheidwaid
Ymholiadau gan drydydd partïon
- Esbonio’n eglur yr hyn y mae ei angen arnoch gennym
- Bod yn ystyrlon o breifatrwydd eraill sy’n defnyddio ein gwasanaeth
- Trin ein staff gyda chwrteisi a pharch
- Cadw pob apwyntiad a drefnwyd
- Amgylchedd cyfeillgar, cefnogol a chroesawgar
- Eich ateb yn brydlon, bod yn gwrtais ac yn gyfeillgar, a chadarnhau pwy rydych yn siarad ag ef
- Anelu at ateb eich ymholiad ar yr alwad neu’r ymweliad cyntaf neu o fewn 24 awr o dderbyn eich e-bost
- Rhoi gwybod i chi pan fydd MyUniHub ar gau neu os bydd oedi o ran ymateb i’ch ymholiad
Sylwer nad ydym yn gallu trafod unrhyw faterion sy’n ymwneud â myfyriwr heb ganiatâd y myfyriwr ymlaen llaw oherwydd deddfwriaeth diogelu data.
Nid ydym am siarad â chi, ond mae gofyniad cyfreithiol arnom i lynu wrth ganllawiau ar y wybodaeth y gallwn ei rhoi i chi. Byddwn yn hapus i siarad â chi am unrhyw ymholiadau cyffredinol, ond allwn ni ddim mynd i fanylion penodol oni bai bod yna amgylchiadau eithriadol sy'n rhwystro'ch mab neu'ch merch rhag gysylltu â ni. Hefyd, rhaid i ni gael caniatâd ysgrifenedig eich mab neu ferch i ni wneud hynny.
Mae Prifysgol Abertawe’n defnyddio Hedd i weinyddu pob ymholiad gwirio gan drydydd parti o ran myfyrwyr presennol a chyn-fyfyrwyr.
Gwasanaeth swyddogol Addysg Uwch y DU yw Hedd i wirio ymgeiswyr a dilysu prifysgolion. Mae’n cynnig system ganolog i wirio graddau sy’n cysylltu cyflogwyr, asiantaethau, prifysgolion, llysgenadaethau a chynghorau.
Gallwch wirio lle astudio myfyriwr presennol neu gyn-fyfyriwr, y dyfarniad a’r radd a dderbyniwyd a dyddiadau mynychu. Sylwer: rhaid cael caniatâd y myfyriwr er mwyn defnyddio’r gwasanaeth hwn.
Dylid anfon unrhyw ymholiadau at: Heddhelp@prospects.ac.uk
Ni all myfyrwyr a graddedigion ddefnyddio Hedd i wirio eu dyfarniadau eu hunain. Dylid anfon unrhyw ymholiadau o'r fath at MyUniHub.
