Peirianneg

Er mwyn pasio'r lefel astudio hon, rhaid i fyfyrwyr wneud y canlynol:

• Pasio pob modiwl CRAIDD. Am restr o fodiwlau CRAIDD, gweler eich Llawlyfr Rhan 2.
• Ennill 100 o gredydau ar lefel pasio (40+%) neu'n uwch.
• Cael isafswm o 30% mewn unrhyw fodiwl a fethwyd nad yw'n fodiwl craidd.
• Cyflawni cyfartaledd lefel cyffredinol o 35% o leiaf.

Sylwer:

• Ar gyfer ymholiadau am farciau methu cymhwyso (QF), a wnewch chi ddarllen ein cwestiynau cyffredin ynghylch canlyniadau.
• Yn ôl disgresiwn bwrdd asesu Diwedd y Flwyddyn, gall myfyrwyr ailsefyll modiwlau a fethwyd hyd at uchafswm o 60 credyd, lle bydd asesiad ar gael.
• Bydd methu mwy na 60 credyd yn golygu na chaniateir cyfle arall i ailsefyll a gellir cynnig cyfle i fyfyriwr Ail-wneud Lefel ar yr amod ei fod wedi pasio o leiaf 20 credyd ac nad yw eisoes wedi ail-wneud y lefel astudio.
• Bydd unrhyw fyfyriwr nad yw'n ennill o leiaf 20 credyd o fodiwlau ar lefel pasio yn cael ei dynnu'n ôl o'i raglen.
• Gellir goddef 10-20 credyd os yw marciau modiwlau yn uwch na 30% ac nad ydynt yn fodiwlau CRAIDD, ac os yw holl feini prawf eraill y rhaglen ar gyfer dilyniant yn cael eu bodloni. Mae hyn yn berthnasol i'r flwyddyn Sylfaen YN UNIG.
• Ar gyfer y flwyddyn Sylfaen, os bydd myfyrwyr yn methu 1 modiwl CRAIDD ac 1 modiwl nad yw'n GRAIDD (gyda 30%+), bydd yn ofynnol i'r myfyriwr ailsefyll y 'modiwl CRAIDD' yn unig ac ni fydd yn cael asesiad atodol yn y modiwl nad yw'n GRAIDD gyda marc sy’n uwch na 30%.
• Mae meini prawf ychwanegol i fod yn gymwys i ymgymryd â rhaglenni Blwyddyn mewn Diwydiant a Blwyddyn Dramor ac i aros arnynt. Cysylltwch â Thîm Cyflogadwyedd y Gyfadran Gwyddoniaeth a Pheirianneg os oes gennych ymholiadau penodol.

Er mwyn pasio'r lefel astudio hon, rhaid i fyfyrwyr wneud y canlynol:

• Pasio 120 o gredydau, a phasio pob modiwl CRAIDD. Sylwer bod modiwlau ym Mlynyddoedd 1, 2, 3 a 4 i gyd yn GRAIDD ar gyfer pob rhaglen Peirianneg achrededig.
• Cyflawni cyfartaledd lefel cyffredinol o 35% o leiaf.

Sylwer:

• Ym mhob rhaglen Peirianneg achrededig, mae pob modiwl yn 'GRAIDD' yn unol â'r gofynion a nodir gan y cyrff achredu ar gyfer y rhaglenni. O ganlyniad, er bod y meini prawf pasio gofynnol ar gyfer y flwyddyn yn pennu bod yn rhaid pasio 100 credyd er mwyn mynd ymlaen i'r lefel astudio nesaf, rhaid i unrhyw fyfyriwr sy'n cwblhau Blynyddoedd 1, 2, 3, 4 neu MSc achrededig basio pob un o'r 120 credyd o fodiwlau y maent wedi cofrestru amdanynt.
• Mae meini prawf ychwanegol i fod yn gymwys i ymgymryd â rhaglenni Blwyddyn mewn Diwydiant a Blwyddyn Dramor ac i aros arnynt. Cysylltwch â Thîm Cyflogadwyedd y Gyfadran Gwyddoniaeth a Pheirianneg os oes gennych ymholiadau penodol.

Myfyrwyr Israddedig nad ydynt yn eu Blwyddyn Olaf (pob rhaglen a addysgir)

• Yn ôl disgresiwn bwrdd asesu Diwedd y Flwyddyn, gall myfyrwyr ailsefyll modiwlau a fethwyd hyd at uchafswm o 60 credyd, lle bydd asesiad ar gael.
• Bydd methu mwy na 60 credyd yn golygu na chaniateir cyfle arall i ailsefyll a gellir cynnig cyfle i fyfyriwr Ail-wneud Lefel ar yr amod ei fod wedi pasio o leiaf 20 credyd ac nad yw eisoes wedi ail-wneud y lefel astudio.
• Bydd unrhyw fyfyriwr nad yw'n ennill o leiaf 20 credyd o fodiwlau ar lefel pasio yn cael ei dynnu'n ôl o'i raglen.

Ar gyfer myfyrwyr Blwyddyn 3 ar raglenni MEng sy'n para am 4 blynedd, mae'r canlynol yn berthnasol i ailsefyll asesiadau:

• Mae gan fyfyrwyr hawl i ailsefyll 20 credyd, a rhaid iddynt gael cyfartaledd cyffredinol o 55% ar ôl iddynt gwblhau'r asesiadau hynny. Felly mae'n rhaid i fyfyrwyr ar MEng blwyddyn 3 basio 100 credyd er mwyn cael ailsefyll asesiadau. Os na fyddant yn pasio 100 credyd, byddant yn cael eu trosglwyddo i'r rhaglen BEng a byddant yn dilyn y rheolau i fyfyrwyr blwyddyn olaf ar gyfer ailsefyll a dyfarnu graddau.

Myfyrwyr Peirianneg Israddedig yn eu Blwyddyn Olaf (ac eithrio Peirianneg Meddalwedd)

• Efallai bydd myfyrwyr Baglor/Meistr Peirianneg yn eu blwyddyn olaf nad ydynt wedi bodloni'r isafswm gofynion i raddio â gradd achrededig yn cael cyfle i ailsefyll modiwlau a fethwyd hyd at uchafswm o 40 credyd, lle bydd asesiadau atodol yn bosib. Cyfnod Atodol mis Awst fydd yr adeg ar gyfer ailsefyll pob asesiad.
• Caiff marciau'r holl asesiadau atodol eu capio oni bai bod amgylchiadau esgusodol priodol yn berthnasol.
• Ar gyfer myfyrwyr sydd wedi cofrestru ar y BSc Peirianneg Meddalwedd, dyma raglen Gwyddoniaeth a dylent ddarllen y canllawiau i fyfyrwyr Gwyddoniaeth.

Rhaid i chi fodloni’r meini prawf isod er mwyn cwblhau blwyddyn MEng rhaglen peirianneg achrededig:

• Pasio pob modiwl craidd. Am restr o fodiwlau CRAIDD, gweler eich Llawlyfr Rhan 2.
• Ennill 100 o gredydau ar lefel pasio (50+%) neu'n uwch.
• Cael isafswm o 40% mewn unrhyw fodiwl a fethwyd nad yw'n fodiwl craidd.

Sylwer:

• Ym mhob rhaglen Peirianneg achrededig, mae pob modiwl yn 'GRAIDD' yn unol â'r gofynion a nodir gan y cyrff achredu ar gyfer y rhaglenni. O ganlyniad, er bod y meini prawf pasio gofynnol ar gyfer y flwyddyn yn pennu bod yn rhaid pasio 100 credyd er mwyn mynd ymlaen i'r lefel astudio nesaf, rhaid i unrhyw fyfyriwr sy'n cwblhau Blynyddoedd 1, 2, 3, 4 neu MSc achrededig basio pob un o'r 120 credyd o fodiwlau y maent wedi cofrestru amdanynt.
• Nid yw'r Flwyddyn Sylfaen (Blwyddyn 0) na’r MSc Realiti Rhithwir wedi'u hachredu. Felly, maent wedi'u heithrio o hyn.
• Efallai bydd myfyrwyr Baglor/Meistr Peirianneg yn eu blwyddyn olaf nad ydynt wedi bodloni'r isafswm gofynion i raddio â gradd achrededig, yn cael cyfle i ailsefyll modiwlau a fethwyd hyd at uchafswm o 40 credyd, lle bydd asesiadau atodol yn bosib. Cyfnod Atodol mis Awst fydd yr adeg ar gyfer ailsefyll pob asesiad.
• Rhaid i bob myfyriwr gael cyfartaledd lefel cyffredinol gwerth o leiaf 35%, yn unol â'r rheoliadau asesu safonol perthnasol.
• Caiff marciau'r holl asesiadau atodol eu capio oni bai bod amgylchiadau esgusodol priodol yn berthnasol.
• Ceir meini prawf ychwanegol i fod yn gymwys ar gyfer rhaglenni Blwyddyn mewn Diwydiant ac i aros arnynt. Cysylltwch â Thîm Cyflogadwyedd y Gyfadran Gwyddoniaeth a Pheirianneg os oes gennych ymholiadau penodol.

Os ydych wedi methu modiwl ac yn gweld EX wrth ochr marc un o gydrannau eich canlyniadau:

Ar rai modiwlau, mae’n rhaid i'r myfyriwr basio'r arholiad gyda 40+ er mwyn i'r elfen gwaith cwrs gyfrif. Nodir y gofyniad hwn yn eich Llawlyfr Rhan 2. Os na fydd myfyrwyr yn pasio'r arholiad gyda 40%, bydd EX yn cael ei nodi wrth ochr y gydran gwaith cwrs a'r marc terfynol fydd marc yr arholiad yn unig (a bydd yn cyfrif fel modiwl a fethwyd).

Os gwelwch QF wrth ochr canlyniad eich modiwl:

Mae gan rai modiwlau farciau pasio sy'n benodol i gydrannau. Er enghraifft, mewn rhai achosion rhaid i fyfyrwyr basio pob cydran gyda 40% yn ogystal â phasio'r modiwl gyda 40%. Yn yr achosion hyn, pan nad yw myfyrwyr yn bodloni meini prawf penodol y gydran, byddant yn derbyn QF yn erbyn eu marc am y modiwl. Gall marc y modiwl fod yn uwch na 40% yn gyffredinol, ond mae QF yn golygu eu bod wedi methu'r modiwl a bydd angen iddynt ailsefyll y cydrannau lle na wnaethant fodloni'r meini prawf gofynnol. Yn yr achosion hyn, caiff asesiadau wedi'u hailsefyll eu capio ar lefel cydran yn hytrach na lefel modiwl.

Mae'r isod yn berthnasol i fyfyrwyr a ddechreuodd eu rhaglen ym mis Medi 2022.

Asesir yr holl fyfyrwyr sydd wedi cofrestru ar raglenni MSc a Addysgir ym mis Medi yn unol â'r rheoliadau nad ydynt yn hyblyg, ac eithrio'r MSc Peirianneg Gynaliadwy ar gyfer Datblygu Rhyngwladol a'r MSc Arwain a Rheoli Peirianneg.

Ar gyfer rhaglenni nad ydynt yn hyblyg, mae'r Radd MSc wedi'i rhannu'n ddwy ran. Mae Rhan Un yn cynnwys 120 credyd o fodiwlau a addysgir. Mae Rhan Dau yn brosiect/draethawd estynedig 60 credyd.

Er mwyn symud ymlaen o Ran Un i Ran Dau eich rhaglen MSc, bydd yn rhaid i chi fodloni pob un o'r meini prawf isod:

• 120 credyd drwy basio modiwlau gyda marc o 50% neu fwy.

Bydd myfyrwyr yn cael un cyfle i wneud yn iawn am fodiwlau a fethwyd, a byddant yn cael eu cofrestru'n awtomatig ar gyfer asesiadau atodol yn ystod y cyfnod ailsefyll ym mis Awst 2023.

Mae rhagor o wybodaeth ar gael yn adran 2.3 Rheoliadau Graddau Meistr a Addysgir Safonol yn y Canllaw Academaidd.

Sylwer nad yw'r canllawiau uchod yn berthnasol i fyfyrwyr sydd wedi cofrestru ar yr MSc Rheoli Peirianneg Gynaliadwy ar gyfer Datblygu Rhyngwladol a'r MSc Arwain a Rheoli Peirianneg. Mae'r rhaglenni hyn yn dilyn rheoliadau hyblyg ac ni fydd yr wybodaeth uchod yn berthnasol. Am arweiniad penodol, cysylltwch â Chydlynydd eich MSc.

Mae Rhaglenni MSc a Addysgir gyda Blwyddyn mewn Diwydiant yn cael eu cwblhau dros ddwy flynedd. Blwyddyn 1 yw 120 credyd o fodiwlau a addysgir, sy’n cael eu cwblhau rhwng mis Medi 2022 a mis Mehefin 2023. Mae Blwyddyn 2 wedi'i rhannu'n Rhan A a Rhan B. Mae Rhan A yn brosiect/draethawd estynedig gwerth 60 credyd, mae Rhan B yn Fodiwl Profiad Diwydiannol gwerth 60 credyd sy’n cael ei gwblhau rhwng mis Mehefin 2023 a mis Mehefin 2024.

Er mwyn symud ymlaen o Ran Un i Ran Dau eich rhaglen MSc, bydd yn rhaid i chi ennill:

• 120 credyd drwy basio modiwlau gyda marc o 50% neu fwy.

Bydd myfyrwyr yn cael cyfle i wneud yn iawn am unrhyw fodiwlau a fethwyd, a byddant yn cael eu cofrestru'n awtomatig ar gyfer asesiadau atodol yn ystod y cyfnod ailsefyll ym mis Awst 2023.

Bydd methu pasio Rhan Un erbyn i ganlyniadau Diwedd Blwyddyn gael eu cyhoeddi yn golygu trosglwyddo i'r garfan nad yw'n dilyn lleoliad gwaith ar y rhaglen MSc berthnasol. Mae rhagor o wybodaeth am y rheoliadau a'r strwythur ar gyfer eich rhaglen ar gael yn adran Cwestiynau Cyffredin eich Llawlyfr Rhan 2.

Ar gyfer myfyrwyr a ddechreuodd eu rhaglen ym mis Ionawr 2023

Caiff yr holl fyfyrwyr sydd wedi cofrestru ar raglenni MSc a ddechreuodd ym mis Ionawr eu hasesu yn unol â rheoliadau rhaglenni hyblyg. Gall myfyrwyr sy'n dilyn rheoliadau hyblyg weithio ar eu prosiect/traethawd hir ochr yn ochr â'u modiwlau a addysgir.

Bydd myfyrwyr sydd wedi cofrestru ar raglenni MSc Mynediad mis Ionawr yn cwblhau 60 credyd o fodiwlau a addysgir yn Semester y Gwanwyn (Ionawr 2023 – Mehefin 2023), traethawd estynedig 60 credyd yn Semester yr Haf (Mehefin 2023 – Medi 2023), a 60 credyd ychwanegol o fodiwlau a addysgir yn Semester yr Hydref (Medi 2023 – Ionawr 2024).

Er mwyn cwblhau'r rhaglen, bydd angen i chi gyflawni'r canlynol:

• 120 o gredydau ar lefel pasio (50+%) neu'n uwch.

Bydd myfyrwyr yn cael cyfle i wneud yn iawn am unrhyw fodiwlau a fethwyd, a byddant yn cael eu cofrestru'n awtomatig ar gyfer asesiadau atodol yn ystod y cyfnodau ailsefyll ym mis Awst 2023 (ar gyfer modiwlau'r Haf/Ionawr-Mehefin) a Mawrth 2024 (ar gyfer modiwlau'r Hydref/Medi-Ionawr). Bydd pob asesiad atodol yn cael ei gapio ar 50%, oni bai bod Amgylchiadau Esgusodol wedi'u cymeradwyo.

Sylwer nad yw'r canllawiau uchod yn cynnwys myfyrwyr sydd wedi cofrestru ar yr MSc Rheoli Peirianneg Gynaliadwy ar gyfer Datblygu Rhyngwladol a'r MSc Arwain a Rheoli Peirianneg. Er bod y rhaglenni hyn hefyd yn dilyn rheoliadau hyblyg, mae gan y rhaglenni hyn reoliadau penodol ac ni fydd yr wybodaeth uchod yn berthnasol iddynt. Am arweiniad penodol, cysylltwch â Chydlynydd eich MSc.

Mae'r flwyddyn MEng yn datblygu ac yn estyn y gwaith rydych yn ei astudio yn y cynllun BEng, ac yn cyflawni'r holl ofynion academaidd sy'n orfodol i'r rhai sy'n dymuno dilyn a chyflawni statws Peiriannydd Siartredig (CEng).

• I fod yn gymwys i drosglwyddo, bydd angen i chi ennill Cyfartaledd o 55% ym Mlwyddyn 2.
• Dylai unrhyw fyfyrwyr Rhyngwladol neu o'r UE ar fisa Llwybr Myfyrwyr sydd â diddordeb mewn trosglwyddo i'r MEng gysylltu â'r Tîm Gwybodaeth Myfyrwyr cyn mis Ebrill fel y gellir gwneud yr ymholiadau angenrheidiol ynghylch Cadarnhad Derbyn i Astudio (CAS) a cheisiadau am fisa.

Os oes gennych ddiddordeb, neu os oes gennych gwestiynau am y gwahaniaeth rhwng y rhaglenni MEng ac MSc, siaradwch â’ch Tiwtor Personol a chysylltwch â'r Tîm Gwybodaeth Myfyrwyr hefyd.

Mae'r holl wybodaeth y mae ei hangen i gyflwyno cais i drosglwyddo ar ein tudalen cyngor ar drosglwyddo i’r MEng.

Myfyrwyr o'r DU a myfyrwyr heb Fisa Llwybr Myfyrwyr

• Os ydych wedi cael Cyfartaledd o 55% ym Mlwyddyn 2: Gallwch gyflwyno cais am y rhaglen MEng drwy ddilyn Camau 2 i 4 ar ein tudalen cyngor ar newid cwrs.
• Os na wnaethoch ennill cyfartaledd o 55% ym Mlwyddyn 2: Gallwch ofyn i gael trosglwyddo i'r rhaglen MEng ar ôl i'ch canlyniadau yn Semester 1 Blwyddyn 3 gael eu rhyddhau. Caiff ceisiadau o’r fath eu hystyried fesul achos. Os byddwn yn derbyn cymeradwyaeth academaidd, gallwch gyflwyno cais drwy ddilyn Camau 2 i 4 ar ein tudalen cyngor ar newid cwrs.

Myfyrwyr rhyngwladol a myfyrwyr o'r UE â Fisa Llwybr Myfyrwyr

• Yn anffodus, ni all myfyrwyr â fisa Llwybr Myfyrwyr sydd eisoes ym Mlwyddyn 3 drosglwyddo i'r MEng ar yr adeg hon. Fodd bynnag, mae cyflwyno cais i un o'n cyrsiau MSc yn dal i fod yn opsiwn.

Y dyddiad olaf i fyfyrwyr Blwyddyn 3 drosglwyddo I'R rhaglen MEng neu O'R rhaglen hon yw 15 Ebrill 2024. Cysylltwch â'r Tîm Gwybodaeth Myfyrwyr os oes gennych gwestiynau.

Mae'n ofynnol i fyfyrwyr Blwyddyn 2 gael cyfartaledd lefel o 55% o leiaf i aros ar y rhaglen MEng. Os nad ydynt yn cyflawni hyn, cânt eu trosglwyddo i'r rhaglen BEng gyfatebol yn ystod mis Gorffennaf os nad oes ganddynt asesiadau i'w hailsefyll a/neu os nad ydynt wedi gohirio asesiadau, neu ar ôl ailsefyll ym mis Medi os ydynt yn gwneud hynny.

Bydd angen i fyfyrwyr Blwyddyn 3 ar y rhaglen MEng gael cyfartaledd lefel o 55% o leiaf i aros ar y rhaglen MEng. Os na fyddant yn cyflawni hyn, cânt eu trosglwyddo o’r MEng i'r cwrs BEng cyfatebol yn ystod proses y Bwrdd Arholi Atodol a chânt eu hasesu o dan reoliadau blwyddyn olaf y BEng.

Rhoddir pwysoliad o 1 i'ch cyfartaledd Blwyddyn 2 a phwysoliad o 2 i'ch cyfartaledd Blwyddyn 3 i gyfrifo eich cyfartaledd gradd wedi'i bwysoli cyffredinol.

Enghraifft:

• Cyfartaledd Blwyddyn 2 = 62.14%
• Cyfartaledd Blwyddyn 3 = 59.16%
• Cyfartaledd Gradd wedi'i Bwysoli = (62.14 x 1/3) + (59.16 x 2/3) = (20.67 + 39.33) = 60.15%

Gweler hefyd y canllawiau ynghylch cyfrifiad Rhwyd Ddiogelwch 2019-20 a sut bydd hyn yn effeithio ar eich dosbarthiad gradd.

Rhoddir pwysoliad o 1 i'ch cyfartaledd ym Mlwyddyn 2, rhoddir pwysoliad o 2 i'ch cyfartaledd ym Mlwyddyn 3 a phwysoliad o 2 i'ch cyfartaledd ym Mlwyddyn 4 i gyfrifo eich cyfartaledd gradd wedi'i bwysoli cyffredinol.

Enghraifft:

• Cyfartaledd Blwyddyn 2 = 62.36%
• Cyfartaledd Blwyddyn 3 = 59.43%
• Cyfartaledd Blwyddyn 4 = 63.10%
• Cyfartaledd Gradd wedi'i Bwysoli = (62.36 x 1/5) + (59.43 x 2/5) + (63.10 x 2/5) = 12.47 + 23.77 + 25.24 = 61.48%

Gweler hefyd y canllawiau ynghylch cyfrifiad Rhwyd Ddiogelwch 2019-20 a sut bydd hyn yn effeithio ar eich dosbarthiad gradd.

Caiff dosbarthiad cyffredinol y radd ei gyfrifo ar sail cyfartaledd cymedrig marciau'r modiwlau, a gaiff eu pwysoli yn unol â'u gwerth o ran credydau, ar draws y rhaglen gyfan. 

Am ragor o wybodaeth, gweler Rheoliadau Asesu Ôl-raddedig y Brifysgol.

Os yw'ch cyfartaledd gradd wedi'i bwysoli o fewn 2% i ffin y dosbarthiad gradd nesaf (sy'n cael ei alw'n 'Ffenestr Cyfle'), defnyddir yr egwyddorion mwyafrif (preponderance) a chyfradd welliant wrth ymadael (exit velocity). Mae hyn yn golygu y gallech ennill dosbarthiad uwch am eich gradd os ydych yn bodloni'r naill neu'r llall o'r egwyddorion hyn.

Yr Egwyddor Mwyafrif

Rhaid bod hanner y credydau sy'n cyfrif tuag at eich gradd mewn dosbarthiad uwch na'ch cyfartaledd gradd wedi'i bwysoli.

Yn achos gradd BEng, byddai hyn yn golygu ennill 120 credyd mewn dosbarthiad gradd uwch ar draws Blynyddoedd 2 a 3.

Yn achos y radd MEng, byddai hyn yn golygu ennill 180 credyd ar draws Blynyddoedd 2, 3 a 4 mewn dosbarthiad gradd uwch.

Enghraifft ar gyfer BEng:

• Blwyddyn 2 - 40 credyd rhwng 50% a 59% (2:2) ac 80 credyd rhwng 60% a 69% (2:1).
• Blwyddyn 3 - 80 credyd rhwng 50% a 59% (2:2), 30 credyd rhwng 60% a 69% (2:1) a 10 credyd ar 70+% (1af).
• Cyfartaledd Gradd wedi'i Bwysoli - 58.37% (2:2).
• Canlyniad Terfynol - wedi'i uwchraddio i 2:1 am y rhesymau canlynol:
  1) Mae'r cyfartaledd gradd wedi'i bwysoli o fewn y Ffenestr Cyfle.
  2) Bodlonir yr egwyddor Mwyafrif, h.y. Roedd 80 credyd ym Mlwyddyn 2 a 40 credyd ym Mlwyddyn 3 yn uwch na dosbarthiad 2:2. Mae hynny'n rhoi 120 o gredydau mewn dosbarthiad gradd uwch na'r cyfartaledd gradd wedi'i bwysoli.

Yr Egwyddor Cyfradd Welliant wrth Ymadael

Rhaid i chi gyflawni cyfartaledd yn eich blwyddyn olaf (h.y. y 3ydd Flwyddyn ar raglen BEng; y 4edd Flwyddyn ar raglen MEng) sydd mewn dosbarthiad gradd uwch na chyfartaledd wedi'i bwysoli eich gradd.

Enghraifft:

• Cyfartaledd Gradd wedi'i Bwysoli - 58.37% (2:2).
• Cyfartaledd y Flwyddyn Olaf - 61.2% (2:1).
• Canlyniad Terfynol - wedi'i uwchraddio i 2:1 am y rhesymau canlynol:
  1) Mae'r cyfartaledd gradd wedi'i bwysoli o fewn y Ffenestr Cyfle.
  2) Bodlonir yr egwyddor Cyfradd Welliant wrth Ymadael, h.y. mae cyfartaledd y flwyddyn olaf mewn dosbarthiad gradd uwch na'r cyfartaledd gradd wedi'i bwysoli.

Darllenwch yr adran Dosbarthiad Graddau Anrhydedd yn y Canllaw Academaidd am wybodaeth fanylach am y pwnc hwn a cheir dadansoddiad o ffiniau dosbarthiad gradd isod.