Cwestiynau Cyffredin am Ganlyniadau

Cyhoeddir dyddiadau'r holl asesiadau ar y dudalen Dyddiadau Semester a Thymor.

Ar gyfer y flwyddyn academaidd 2023/24:

• Cynhelir cyfnod arholiadau mis Ionawr o 8 Ionawr tan 26 Ionawr 2024.
• Cynhelir cyfnod arholiadau mis Mai-Mehefin o 15 Mai tan 7 Mehefin 2024.
• Cynhelir cyfnod arholiadau atodol mis Awst o 5 Awst tan 16 Awst 2024.

Disgwylir rhyddhau amserlenni arholiadau ar gyfer Cyfnod Arholiadau Mis Ionawr 2024 yn ystod yr wythnos sy'n dechrau ar 27 Tachwedd 2023.

*Sylwer y gall dyddiadau amrywio ar gyfer myfyrwyr sy'n dilyn y rhaglenni canlynol: Arwain a Rheoli Peirianneg a Rheoli Peirianneg Gynaliadwy ar gyfer Datblygu Rhyngwladol

Caiff y canlyniadau eu rhyddhau ar y dyddiadau isod:

• Bydd canlyniadau dros dro myfyrwyr a fydd yn cwblhau arholiadau terfynol Semester 1 yn ystod cyfnod arholiadau mis Ionawr 2024 ar gael o ddydd Llun 12 Chwefror 2024. Sylwer y caiff canlyniadau eu cyhoeddi pan fyddant ar gael o'r dyddiad hwnnw ac efallai na fydd eich set lawn o ganlyniadau dros dro ar gael ddydd Llun 12 Chwefror 2024.  
• Sylwer y bydd canlyniadau dros dro myfyrwyr a ddechreuodd ym mis Ionawr 2023 sydd wedi ymgymryd ag asesiadau yng nghyfnod arholiadau mis Ionawr 2024 ar gael ar 4 Mawrth 2024.  

Dyddiadau cofrestru:

• Gellir cyrchu'r amserlen ar gyfer blwyddyn academaidd 2023/24 yma.

Gallwch lawrlwytho trawsgrifiad swyddogol wedi'i lofnodi a'i stampio o'ch holl ganlyniadau hyd yn hyn o'ch cyfrif ar fewnrwyd y Brifysgol drwy ddewis y tab 'Manylion y Cwrs' ar y ddewislen ar y chwith a chlicio ar y ddolen 'Trawsgrifiad' ar ochr dde'r dudalen.  

Mae eich tystysgrif dyfarniad a'ch trawsgrifiad hefyd ar gael drwy system Gradintel. Os nad ydych eisoes wedi gwneud hynny, gallwch actifadu eich cyfrif Gradintel drwy fewngofnodi i'ch dangosfwrdd MyUni a mynd i ardal Gradintel. Er mwyn actifadu eich cyfrif Gradintel, chwiliwch am e-bost actifadu a anfonwyd i'ch cyfrif e-bost myfyriwr. Os oes gennych broblemau, a wnewch chi e-bostio MyUniHub@abertawe.ac.uk. Ar ôl i'ch cyfrif gael ei actifadu, bydd gennych fynediad parhaol at eich tystysgrif a'r trawsgrifiad a byddwch yn gallu eu rhannu'n ddiogel â thrydydd partïon.  

Pan fyddwch yn gweld eich canlyniadau, mae'r Penderfyniad Lefel yn nodi eich canlyniad cyffredinol ar gyfer y flwyddyn. Nesaf at eich penderfyniad, gallwch hefyd weld llythyr penderfyniad (dogfen PDF) sy'n cynnwys esboniad o'ch canlyniad. Cliciwch ar y testun glas sy'n dweud 'Gellir gweld esboniad o'ch penderfyniad drwy glicio fan hyn'. Bydd hyn yn agor mewn ffenestr ar wahân, felly gwnewch yn siŵr bod ffenestri naid wedi'u galluogi.

Mae crynodeb byr o'r rheolau asesu ar gyfer pob lefel astudio ar gael ar ein tudalennau crynodebau asesu ar gyfer y Gyfadran Gwyddoniaeth a Pheirianneg.

Mae eich cyfartaledd ar gyfer y flwyddyn yn cynnwys marciau'r holl fodiwlau sy'n dwyn credydau. Rhoddir y pwysoliad perthnasol i bob modiwl yn ôl ei werth o ran credydau h.y. bydd modiwl 20 credyd yn cyfrannu cymaint ddwywaith at eich cyfartaledd am y flwyddyn â modiwl 10 credyd.

Gweler tudalennau ein rheoliadau asesu Gwyddoniaeth a Pheirianneg i gael manylion ynghylch sut caiff eich gradd ei chyfrifo. Sgroliwch i lawr i waelod pob tudalen i weld yr wybodaeth berthnasol.

Caiff marciau modiwlau eu cyfrifo drwy roi’r pwysoliad penodol a ddynodir i farc pob cydran. Ar gyfer myfyrwyr Peirianneg, dylai manylion y pwysoliadau hyn fod ar gael yn Llawlyfrau Rhan 2 Peirianneg eich blwyddyn a'ch rhaglen. Yn achos rhaglenni Gwyddoniaeth, gwiriwch dudalennau modiwlau ar Canvas am wybodaeth, a chysylltwch â Chydlynwyr eich Modiwlau'n uniongyrchol os oes ymholiadau penodol.

Enghraifft:

Marc Modiwl = (56 x 0.7) + (62 x 0.1) + (69 x 0.2) = 39.2 + 6.2 + 13.8 = 59.2

Dim ond wrth ymateb i effaith gychwynnol y pandemig y rhoddwyd cyfrifiad y rhwyd ddiogelwch isod i fodiwlau myfyrwyr yn ystod blwyddyn academaidd 2019-20. Os oeddech yn gymwys am gyfrifiad Rhwyd Ddiogelwch yn 2019-20, ni fydd cyfrifiad y Rhwyd Ddiogelwch yn ymddangos ar eich cofnod fel myfyriwr sy'n symud ymlaen, ond mae wedi cael ei gadw a chaiff ei ystyried wrth ddyfarnu eich dosbarthiad gradd yn eich blwyddyn olaf. Os ydych yn fyfyriwr blwyddyn olaf yn 2022/23, caiff eich dosbarthiad yn ôl Rhwyd Ddiogelwch 2019-20 ei ystyried wrth gyfrifo dyfarniad eich gradd derfynol ym mis Gorffennaf.

Os mai 'QF' yw canlyniad eich modiwl, mae hyn yn golygu eich bod wedi methu cymhwyso i basio'r modiwl hyd yn oed os yw eich marc cyffredinol ar gyfer y modiwl yn uwch na'r trothwy i basio. Mae hyn oherwydd bod cydran yn y modiwl y mae'n ofynnol i chi ei phasio neu gael marc penodol ynddi cyn y gallwch symud ymlaen neu dderbyn eich gradd. Y rheswm dros fynnu marc pasio neu farc penodol mewn rhai cydrannau yw sicrhau y caiff deilliannau dysgu penodol eu bodloni ar gyfer y modiwl. Os oes gennych fodiwl gyda 'QF', nid oes modd ei oddef a chewch eich cofrestru ar gyfer yr asesiad i wneud iawn am fethiant yn ystod Cyfnod Asesu Atodol mis Awst.

Ar gyfer rhaglenni Peirianneg, nodir rheolau modiwlau penodol yn Llawlyfr Rhan 2 eich adran neu yn Canvas.

Yn achos rhaglenni Gwyddoniaeth, ceisiwch gyngor gan gydlynwyr eich modiwlau'n uniongyrchol os oes gennych ymholiadau sy'n ymwneud â modiwlau penodol.

Gweler ein tudalen we Opsiynau Ail-wneud Lefel Astudio.

Myfyrwyr sy'n parhau

• Yn unol â Pholisi 'Dim Anfantais' y Brifysgol ar gyfer blwyddyn academaidd 2020/21, bydd yr holl fyfyrwyr Peirianneg sy'n parhau'n cael eu cofrestru'n awtomatig i ailsefyll mewn hyd at 60 credyd o fodiwlau a fethwyd, lle mae asesiadau atodol yn bosib.Sylwer na fydd modd sefyll asesiadau atodol a bodloni deilliannau dysgu mewn nifer bach o fodiwlau sy'n seiliedig ar waith ymarferol/labordy, gwaith grŵp neu waith dylunio. Naill ai mae gan y modiwlau hyn feini prawf ychwanegol mae'n rhaid eu bodloni i fod yn gymwys i gael ail gyfle, neu nid yw'n bosib cynnig ail gyfle. Darllenwch y disgrifiadau o'r modiwlau yn  Llawlyfrau Rhan 2 i weld pa fodiwlau sydd â meini prawf ychwanegol i wneud iawn am fethiant a'r modiwlau lle nad oes modd cynnig ail gyfle.
• Rhaid i'r holl fyfyrwyr ennill cyfartaled cyffredinol o 35% neu'n uwch am y lefel, yn unol â'r rheoliadau asesu safonol.
• Caiff myfyrwyr sy'n gymwys am oddefiant gyfle i gwblhau'r asesiad atodol NEU dderbyn Methiant a Oddefir.
• Bydd marciau'r holl asesiadau atodol wedi'u capio oni bai fod Amgylchiadau Esgusodol priodol yn berthnasol.
• Os ydych wedi methu mwy na 60 credyd pan gaiff canlyniadau Diwedd y Flwyddyn eu cyhoeddi ym mis Gorffennaf ond byddwch wedi pasio 20 credyd, ni fyddwch yn cael eich cofrestru i ailsefyll asesiadau, ond byddwch yn cael cynnig cyfle i ail-wneud y lefel astudio.
• Caiff myfyrwyr ail-wneud lefel astudio unwaith yn unig. Os ydych wedi'ch cofrestru eisoes ar flwyddyn ail-wneud lefel/ail-wneud modiwlau a fethwyd, ni fyddwch yn cael cyfle arall a chewch eich tynnu'n ôl o'ch rhaglen.
• • Os nad ydych chi wedi pasio o leiaf 20 credyd, sef y nifer angenrheidiol i ail-wneud lefel astudio, cewch eich tynnu'n ôl o'ch rhaglen.

  Myfyrwyr yn eu Blwyddyn Olaf

• Os yw myfyrwyr yn eu blwyddyn olaf heb fodloni'r isafswm gofynion i raddio â gradd BEng/MEng achrededig, byddant yn cael cyfle i ailsefyll yn yr holl fodiwlau a fethwyd yn ystod cyfnod Asesiadau Atodol mis Awst, pan fo asesiadau atodol yn bosib.Sylwer na fydd modd sefyll asesiadau atodol a bodloni deilliannau dysgu mewn nifer bach o fodiwlau sy'n seiliedig ar waith ymarferol/labordy, gwaith grŵp neu waith dylunio. Naill ai mae gan y modiwlau hyn feini prawf ychwanegol mae'n rhaid eu bodloni i fod yn gymwys i gael ail gyfle, neu nid yw'n bosib cynnig ail gyfle. Darllenwch y disgrifiadau o'r modiwlau yn Llawlyfrau Rhan 2 i weld pa fodiwlau sydd â meini prawf ychwanegol i wneud iawn am fethiant a'r modiwlau lle nad oes modd cynnig ail gyfle.
• Os yw myfyrwyr y flwyddyn olaf wedi bodloni'r isafswm gofynion i raddio â gradd BEng/MEng achrededig â methiannau a oddefir, cânt gyfle i dderbyn eu gradd neu ailsefyll eu modiwlau a fethwyd yn ystod Cyfnod yr Asesiadau Atodol.
• • Rhaid i'r holl fyfyrwyr gyflawni cyfartaledd cyffredinol o 35% neu'n uwch ar gyfer y lefel, yn unol â'r rheoliadau asesu safonol perthnasol.
  • Bydd marciau'r holl asesiadau atodol wedi'u capio oni bai fod Amgylchiadau Esgusodol priodol yn berthnasol.

    Rhaglenni MSc a Addysgir (Dechrau ym mis Medi)

    • Bydd myfyrwyr sydd wedi'u cofrestru ar raglenni MSc a Addysgir a ddechreuodd ym mis Medi 2020 yn cael cyfle i ailsefyll yr holl fodiwlau a fethwyd lle mae asesiadau atodol yn bosib.
    • Gall myfyrwyr ofyn am oddefiant ar gyfer hyd at 20 credyd o fodiwlau a fethwyd (ar yr amod nad ydynt yn rhai craidd) o fewn 10 niwrnod gwaith i ryddhau eu canlyniadau Diwedd y Flwyddyn ym mis Gorffennaf, ar yr amod eu bod wedi bodloni holl feini prawf dilyniant eu rhaglen.

Nid yw Prifysgol Abertawe'n caniatáu i fyfyrwyr ddewis ailsefyll arholiadau. Ar ôl eich canlyniadau Diwedd y Flwyddyn ym mis Gorffennaf (mis Medi ar gyfer myfyrwyr Blwyddyn 1 a ddechreuodd ym mis Ionawr), ni chaniateir i chi ailsefyll asesiad mewn modiwl rydych chi eisoes wedi'i basio.

Os byddwch yn ail-wneud modiwl a fethwyd ac yn cael marc is, bydd y Brifysgol yn defnyddio ‘Egwyddor y Marc Gorau’ a chaiff marc eich asesiad gwreiddiol ei gynnwys ar eich trawsgrifiad ac wrth gyfrifo eich lefel/dyfarniad.

Os ydych chi'n credu nad yw marc yn gywir, gallwch ofyn am wiriad Cywirdeb y Marciau Cyhoeddedig o fewn 10 diwrnod gwaith o ryddhau'r canlyniadau. Cyn cyflwyno unrhyw gais, darllenwch y wybodaeth isod.

Bydd y broses yn sicrhau bod y marciau sydd wedi'u cofnodi ar gyfer cydrannau asesu a'r modiwl ar y cyfan yn rhydd o wallau gweinyddol a/neu rifyddol, e.e. bod y marciau wedi cael eu trosglwyddo i'r System Arholiadau yn gywir, bod y marciau wedi'u cyfrif yn gywir ar sgript arholiad, etc.

Nid yw’r weithdrefn yn darparu ar gyfer ail-farcio asesiadau, ac ni fydd ychwaith yn rhoi mwy o wybodaeth ynglŷn â’r rhesymau dros ddyfarnu marciau penodol.

Sylwer y gall marciau modiwlau fynd yn llai yn ogystal â mynd yn fwy yn dilyn cais i wirio cywirdeb y marciau a gyhoeddwyd.

Rhaid i fyfyrwyr gwblhau ffurflen Cais i Gadarnhau Cywirdeb y Marciau a Gyhoeddwyd ar-lein, o fewn 10 niwrnod gwaith fan bellaf ar ôl dyddiad rhyddhau eich canlyniadau (bydd y ffurflen hon ar agor ar gyfer cyflwyniadau o'r diwrnod y caiff canlyniadau eu rhyddhau).

Targed y Gyfadran yw 5 niwrnod gwaith i ddarparu ymateb. Fodd bynnag, sylwer ein bod yn ymdrin â nifer uchel o geisiadau ac efallai na fydd modd i ni fodloni'r targed hwn ym mhob achos.

Os oes gennych gwestiynau am y broses, cysylltwch â thîm Arholiadau'r Gyfadran drwy e-bostio assessment-scienceengineering@abertawe.ac.uk neu darllenwch ddogfen Cwestiynau Cyffredin ynghylch Cywirdeb y Marciau a Gyhoeddwyd y Brifysgol a chanllawiau Cywirdeb y Marciau a Gyhoeddwyd y Brifysgol.

Os hoffech apelio yn erbyn penderfyniad a gymerwyd gan Fwrdd Arholi'r Brifysgol, gallwch gyflwyno Ffurflen Apêl Academaidd i Y Tîm Achosion Myfyrwyr ar ôl i'ch canlyniad diwedd y flwyddyn gael ei gyhoeddi. Darllenwch dudalen cyngor ar Apeliadau Academaidd y Brifysgol a chysylltwch â Chanolfan Gyngor Undeb y Myfyrwyr am gymorth gyda'ch cais.

Sylwer nad oes modd i ni fel Cyfadran gynghori myfyrwyr yn uniongyrchol ar y broses hon.