Gwyddor chwaraeon ac Ymarfer Corff

Ym Mlynyddoedd 0, 1 a 2 Rhaglenni Gwyddoniaeth, mae'n rhaid i chi gael:

• O leiaf 80 credyd ar lefel pasio (40%) neu'n uwch ac
• Heb fethu unrhyw fodiwlau a ddynodwyd yn rhai 'Craidd'
• Cyfartaledd cyffredinol o 35% neu'n uwch ar gyfer y lefel astudio.

Mae rhagor o wybodaeth ar gael yn adran 2.4 y Rheoliadau Asesu Israddedig yn y Canllaw Academaidd.

Sylwer:

• Sylwer bod holl fodiwlau Ffiseg Blwyddyn 1 bellach yn fodiwlau craidd ac felly nid yw goddefgarwch yn bosibl.
• Ar gyfer ymholiadau am farciau methu cymhwyso (QF), a wnewch chi ddarllen ein cwestiynau cyffredin ynghylch canlyniadau.
• Mae meini prawf ychwanegol i fod yn gymwys i ymgymryd â rhaglenni Blwyddyn mewn Diwydiant a Blwyddyn Dramor ac i aros arnynt. Cysylltwch â Thîm Cyflogadwyedd y Gyfadran Gwyddoniaeth a Pheirianneg os oes gennych ymholiadau penodol.
• Ym Mlynyddoedd 0, 1 a 2, caiff methiannau hyd at 40 o gredydau o fodiwlau a fethwyd gyda marciau rhwng 30 a 39% eu goddef er mwyn caniatáu dilyniant, os caiff yr holl feini prawf eraill eu bodloni.
• Rhaid i fyfyriwr basio 60 credyd neu fwy er mwyn cael caniatâd i sefyll arholiadau/asesiadau atodol ym mhob modiwl a fethwyd y mae modd ei ailsefyll.
• Os yw myfyriwr yn methu mwy na 60 credyd o fodiwlau ond yn pasio 20 credyd o fodiwlau, gellir cynnig penderfyniad 'Ail-wneud y Flwyddyn’ i'r myfyriwr ar ddiwedd y flwyddyn.
• Bydd unrhyw fyfyriwr nad yw'n ennill o leiaf 20 credyd o fodiwlau ar lefel pasio yn cael ei dynnu'n ôl o'i raglen.

Er mwyn symud i Flwyddyn 4 Gradd Gychwynnol Uwch, rhaid eich bod:

• Wedi ennill 80 o gredydau ar lefel pasio (40%) neu'n uwch
• Heb fethu unrhyw fodiwlau a ddynodwyd yn rhai 'Craidd'
• Wedi cael isafswm cyfartaledd cyffredinol o 35%.

Mae rhagor o wybodaeth ar gael yn y Rheoliadau Asesu Israddedig yn y Canllaw Academaidd.

Sylwer:

• Sylwer bod prosiectau Ffiseg Blwyddyn 3 ac Ôl-raddedig a Addysgir bellach yn brosiectau craidd ac felly nid yw goddefgarwch yn bosibl.
  
  
• Mae meini prawf ychwanegol i fod yn gymwys i ymgymryd â rhaglenni Blwyddyn mewn Diwydiant a Blwyddyn Dramor ac i aros arnynt. Cysylltwch â Thîm Cyflogadwyedd y Gyfadran Gwyddoniaeth a Pheirianneg os oes gennych ymholiadau penodol.
  
  
• Ar gyfer myfyrwyr Blwyddyn 3 sydd wedi'u cofrestru ar radd gychwynnol uwch sy'n para am bedair blynedd, caiff hyd at 40 credyd o fodiwlau a fethwyd gyda marciau rhwng 30 a 39% eu goddef er mwyn caniatáu dilyniant, os caiff yr holl feini prawf dilyniant eraill eu bodloni.
  
  
• Mae myfyrwyr yn dilyn y rheolau dilyniant arferol ac felly mae hawl ganddynt i ailsefyll 60 credyd ym Mlwyddyn 3, os ydynt yn astudio ar raglen uwch sy'n para am 4 blynedd.
  
  
• Os na fydd myfyriwr ym Mlwyddyn 3 sydd wedi cofrestru ar radd gychwynnol uwch pedair blynedd o hyd yn cymhwyso i symud ymlaen i'r flwyddyn olaf (Blwyddyn 4) ond wedi ennill 20 credyd, gellid cynnig penderfyniad o Ail-wneud Lefel Astudio iddo. Os na fydd myfyriwr yn bodloni'r gofyniad hwn, caiff ei drosglwyddo i Flwyddyn Olaf Gradd Gychwynnol (BSc) i'w ystyried fel myfyriwr blwyddyn olaf.

Y dyddiad olaf i fyfyrwyr Blwyddyn 3 drosglwyddo I'R rhaglen MSci neu O'R rhaglen hon yw 15 Ebrill 2024.

Er mwyn ennill gradd, rhaid i chi gyflawni'r canlynol yn eich blwyddyn olaf:

• 80 o gredydau ar lefel pasio neu'n uwch. Ym mlwyddyn 3, 40% yw marc pasio modiwl; ym mlwyddyn olaf rhaglenni Meistr integredig (Lefel M) 50% yw'r marc.
• Dim methiannau mewn modiwlau a ddynodir yn rhai 'Craidd'.
• Cael isafswm cyfartaledd cyffredinol o 35%.

Mae rhagor o wybodaeth ar gael yn y Rheoliadau Asesu Israddedig yn y Canllaw Academaidd.

Sylwer:

• Sylwer bod prosiectau Ffiseg Blwyddyn 3 ac Ôl-raddedig a Addysgir bellach yn brosiectau craidd ac felly nid yw goddefgarwch yn bosibl.
• Mae meini prawf ychwanegol i fod yn gymwys i ymgymryd â rhaglenni Blwyddyn mewn Diwydiant a Blwyddyn Dramor ac i aros arnynt. Cysylltwch â Thîm Cyflogadwyedd y Gyfadran Gwyddoniaeth a Pheirianneg os oes gennych ymholiadau penodol.
• Yn y flwyddyn olaf, gall myfyrwyr oddef hyd at 40 credyd o fodiwlau a fethwyd i lawr i farc o 0%, os caiff yr holl feini prawf eraill eu bodloni.
• Dim ond os cytunir ar hynny'n flaenorol o ganlyniad i amgylchiadau esgusodol cymeradwy (h.y. gohiriadau) y caniateir i fyfyrwyr ailsefyll modiwlau'r flwyddyn olaf. Ni fydd myfyrwyr blwyddyn olaf sy'n gohirio tan fis Awst yn graddio ym mis Gorffennaf. Yn hytrach na hynny, cânt eu gwahodd i seremonïau graddio'r gaeaf os bydd yn briodol.

Mae'r isod yn berthnasol i fyfyrwyr a ddechreuodd eu rhaglen ym mis Medi 2022.

Caiff yr holl fyfyrwyr sydd wedi'u cofrestru ar raglenni MSc a ddechreuodd ym mis Medi eu hasesu yn ôl y rheoliadau i raglenni nad ydynt yn hyblyg.

Ar gyfer rhaglenni nad ydynt yn hyblyg, mae'r Radd MSc wedi'i rhannu'n ddwy ran. Mae Rhan Un yn cynnwys 120 credyd o fodiwlau a addysgir. Mae Rhan Dau yn brosiect/draethawd estynedig 60 credyd.

• Er mwyn symud ymlaen o Ran Un i Ran Dau eich rhaglen MSc, bydd angen i chi gael 120 credyd drwy basio modiwlau gyda marc o 50% neu fwy.
• Bydd myfyrwyr yn cael un cyfle i wneud yn iawn am fodiwlau a fethwyd, a byddant yn cael eu cofrestru'n awtomatig ar gyfer asesiadau atodol yn ystod y cyfnod ailsefyll ym mis Awst 2023.
• Caiff myfyrwyr sy'n methu hyd at 30 credyd ganiatâd i oddef y methiannau hyn dan yr amodau canlynol:
  - Mae'r marc cyfartalog cyffredinol ar gyfer Rhan Un yn 50%
  - Mae’n rhaid i fyfyrwyr gyflwyno cais i ofyn am fethiannau a oddefir os ydynt yn gymwys.
  - Mae’r marciau ar gyfer y modiwlau a fethwyd rhwng 40 a 49%.
  - Mae'r myfyriwr wedi ennill o leiaf 90 credyd o fodiwlau a basiwyd.

Mae'n rhaid i fyfyrwyr gyflwyno cais i ofyn i oddef modiwlau a fethwyd os ydynt yn gymwys, ac mae'n rhaid cyflwyno pob cais i oddef methiant o fewn 10 niwrnod gwaith ar ôl y dyddiad rhyddhau canlyniadau. Sylwer na fydd modiwlau a fethwyd yn cael eu goddef yn awtomatig, a bydd angen i fyfyrwyr gyflwyno cais am Oddef Methiant o fewn 10 niwrnod. Cysylltwch â Thîm Cymorth Myfyrwyr y gyfadran drwy e-bostio StudentSupport-ScienceEngineering@abertawe.ac.uk os oes gennych gwestiynau am oddef modiwlau neu os hoffech ofyn i oddef modiwlau a fethwyd.

Mae rhagor o wybodaeth ar gael yn adran 2.3 Rheoliadau Graddau Meistr a Addysgir Safonol yn y Canllaw Academaidd.

Ar gyfer myfyrwyr a ddechreuodd eu rhaglen ym mis Ionawr 2023

Caiff yr holl fyfyrwyr sydd wedi cofrestru ar raglenni MSc a ddechreuodd ym mis Ionawr eu hasesu yn unol â rheoliadau rhaglenni hyblyg. Gall myfyrwyr sy'n dilyn rheoliadau hyblyg weithio ar eu prosiect/traethawd hir ochr yn ochr â'u modiwlau a addysgir.

Bydd myfyrwyr sydd wedi cofrestru ar raglenni MSc Mynediad mis Ionawr yn cwblhau 60 credyd o fodiwlau a addysgir yn Semester y Gwanwyn (Ionawr 2023 – Mehefin 2023), traethawd estynedig 60 credyd yn Semester yr Haf (Mehefin 2023 – Medi 2023), a 60 credyd ychwanegol o fodiwlau a addysgir yn Semester yr Hydref (Medi 2023 – Ionawr 2024).

• Er mwyn cwblhau'r rhaglen, bydd yn rhaid i chi ennill 120 credyd ar lefel pasio (50%+) neu'n uwch.
• Bydd myfyrwyr yn cael cyfle i wneud yn iawn am unrhyw fodiwlau a fethwyd, a byddant yn cael eu cofrestru'n awtomatig ar gyfer asesiadau atodol yn ystod y cyfnodau ailsefyll ym mis Awst 2023 (ar gyfer modiwlau'r Haf/Ionawr-Mehefin) a Mawrth 2024 (ar gyfer modiwlau'r Hydref/Medi-Ionawr). Bydd pob asesiad atodol yn cael ei gapio ar 50%, oni bai bod Amgylchiadau Esgusodol wedi'u cymeradwyo.
• Caiff myfyrwyr sy'n methu hyd at 30 credyd ganiatâd i oddef y methiannau hyn dan yr amod canlynol:
  - Mae'r marc cyfartalog cyffredinol ar gyfer Rhan Un yn 50%. Mae hyn yn golygu na fydd modd i fyfyrwyr a ddechreuodd ym mis Ionawr ofyn i oddef methiannau ym mis Gorffennaf, ond bydd cyfle ganddynt i ystyried hyn ar ôl cwblhau'r holl fodiwlau a addysgir.
  - Mae’r marciau ar gyfer y modiwlau a fethwyd rhwng 40 a 49%.
  - Mae'r myfyriwr wedi ennill o leiaf 90 credyd o fodiwlau a basiwyd.

Cyfrifir cyfartaledd wedi'i bwysoli eich gradd gan ddefnyddio'r fformiwlâu pwysoli canlynol:

• Rhoddir pwysoliad o 3 i gyfartaledd yr 80 credyd gorau a gyflawnwyd gennych ym Mlwyddyn 3, h.y. lluosi â 3/6.
• Rhoddir pwysoliad o 2 i gyfartaledd y 40 credyd gwaethaf a gyflawnwyd gennych ym Mlwyddyn 3 a’r 40 credyd gorau a gyflawnwyd gennych ym Mlwyddyn 2, h.y. lluosi â 2/6.
• Rhoddir pwysoliad o 1 i gyfartaledd yr 80 credyd gwaethaf a gyflawnwyd gennych ym Mlwyddyn 2, h.y. lluosi â 1/6.

Yna caiff y cydrannau hyn eu hadio i roi cyfartaledd wedi'i bwysoli eich gradd:

Enghraifft:

• Cyfartaledd yr 80 credyd gorau ym Mlwyddyn 3 = 68.12
• Cyfartaledd y 40 credyd gwaethaf ym Mlwyddyn 3 a'r 40 credyd gorau ym Mlwyddyn 2 = 63.45
• Cyfartaledd yr 80 credyd gwaethaf ym Mlwyddyn 2 = 61.76
• 12 * (3/6) + 63.45 * (2/6) + 61.76 * (1/6) = 34.06 + 21.15 + 10.29 = 65.50% cyfartaledd wedi'i bwysoli'r radd

Gweler hefyd y canllawiau ynghylch cyfrifiad Rhwyd Ddiogelwch 2019-20 a sut bydd hyn yn effeithio ar eich dosbarthiad gradd.

I fyfyrwyr sydd wedi’u cofrestru ar Radd Gychwynnol Uwch (4 blynedd), cyfrifir cyfartaledd cyffredinol eich gradd gan ddefnyddio'r fformiwlâu pwysoli canlynol:

• Rhoddir pwysoliad o 4 i gyfartaledd y 90 credyd gorau a gyflawnwyd gennych ym Mlwyddyn 4, h.y. 4/10
• Rhoddir pwysoliad o 3 i gyfartaledd y 30 credyd gwaethaf a gyflawnwyd gennych ym Mlwyddyn 4 a’r 60 credyd gorau a gyflawnwyd gennych ym Mlwyddyn 3, h.y. 3/10
• Rhoddir pwysoliad o 2 i gyfartaledd y 60 credyd gwaethaf a gyflawnwyd gennych ym Mlwyddyn 3 a’r 30 credyd gorau a gyflawnwyd gennych ym Mlwyddyn 2, h.y. 2/10
• Rhoddir pwysoliad o 1 i gyfartaledd y 90 credyd eraill a gyflawnwyd gennych ym Mlwyddyn 2, h.y. 1/10

Yna caiff y cydrannau hyn eu hadio a'u rhannu â 10 er mwyn cyrraedd cyfartaledd cyffredinol eich gradd wedi'i bwysoli.

Gweler hefyd y canllawiau ynghylch cyfrifiad Rhwyd Ddiogelwch 2019-20 a sut bydd hyn yn effeithio ar eich dosbarthiad gradd.

Caiff dosbarthiad cyffredinol y radd ei gyfrifo ar sail cyfartaledd cymedrig marciau'r modiwlau, a gaiff eu pwysoli yn unol â'u gwerth o ran credydau, ar draws y rhaglen gyfan. 

Am ragor o wybodaeth, gweler Rheoliadau Asesu Ôl-raddedig y Brifysgol.

Darllenwch yr adran Dosbarthiad Graddau Anrhydedd yn y Canllaw Academaidd am wybodaeth fanylach am y pwnc hwn a cheir dadansoddiad o ffiniau dosbarthiad graddau isod.

Os yw'ch cyfartaledd gradd wedi'i bwysoli o fewn 2% i ffin y dosbarthiad gradd nesaf (sy'n cael ei alw'n 'Ffenestr Cyfle'), defnyddir yr egwyddorion mwyafrif (preponderance) a chyfradd welliant wrth ymadael (exit velocity). Mae hyn yn golygu y gallech ennill dosbarthiad uwch am eich gradd os ydych yn bodloni'r naill neu'r llall o'r egwyddorion hyn.

Yr Egwyddor Mwyafrif

Rhaid bod hanner y credydau sy'n cyfrif tuag at eich gradd mewn dosbarthiad uwch na'ch cyfartaledd gradd wedi'i bwysoli.

Yn achos gradd gychwynnol 3 blynedd, byddai hyn yn golygu ennill 120+ o gredydau ar ffin y dosbarthiad uwch.

Yn achos gradd gychwynnol uwch 4 blynedd, byddai hyn yn golygu ennill 180+ o gredydau ar ffin y dosbarthiad uwch.

Enghraifft:

• Blwyddyn 2 - 40 credyd rhwng 50% a 59% (2:2) ac 80 credyd rhwng 60% a 69% (2:1).
• Blwyddyn 3 - 80 credyd rhwng 50% a 59% (2:2), 30 credyd rhwng 60% a 69% (2:1) a 10 credyd ar 70+% (1af).
• Cyfartaledd Gradd wedi'i Bwysoli - 58.37% (2:2).
• Canlyniad Terfynol - wedi'i uwchraddio i 2:1 am y rhesymau canlynol:
  1) Mae'r cyfartaledd gradd wedi'i bwysoli o fewn y Ffenestr Cyfle.
  2) Bodlonir yr egwyddor Mwyafrif, h.y. Roedd 80 credyd ym Mlwyddyn 2 a 40 credyd ym Mlwyddyn 3 yn uwch na dosbarthiad 2:2. Mae hynny'n rhoi 120 o gredydau mewn dosbarthiad gradd uwch na'r cyfartaledd gradd wedi'i bwysoli.

Yr Egwyddor Cyfradd Welliant wrth Ymadael

Rhaid i chi gyflawni cyfartaledd yn eich blwyddyn olaf sydd mewn dosbarthiad gradd uwch na chyfartaledd wedi'i bwysoli eich gradd.

Enghraifft:

• Cyfartaledd Gradd wedi'i Bwysoli - 58.37% (2:2).
• Cyfartaledd y Flwyddyn Olaf - 61.23% (2:1).
• Canlyniad Terfynol - wedi'i uwchraddio i 2:1 am y rhesymau canlynol:
  1) Mae'r cyfartaledd gradd wedi'i bwysoli o fewn y Ffenestr Cyfle.
  2) Bodlonir yr egwyddor Cyfradd Welliant wrth Ymadael, h.y. mae cyfartaledd y flwyddyn olaf mewn dosbarthiad gradd uwch na'r cyfartaledd gradd wedi'i bwysoli.