Trosglwyddiadau Cwrs

Gweler isod y camau y bydd rhaid i chi eu cymryd wrth wneud cais i drosglwyddo i gwrs arall a chysylltwch â ni os oes gennych gwestiynau neu broblemau.

Sylwer ein bod wrthi'n adolygu ceisiadau i drosglwyddo i gynllun gradd newydd ar gyfer blwyddyn academaidd 2025/26. Serch hynny, ni fydd y ceisiadau hyn yn cael eu gweithredu nes eich bod chi wedi gorffen blwyddyn academaidd 2024/25. Gall hyn fod ar ôl i'r holl ganlyniadau gael eu rhyddhau ar 14 Gorffennaf 2025, neu os oes gennych arholiadau ym mis Awst (ailsefyll neu ohirio), bydd hyn yn cael ei weithredu ar ôl rhyddhau canlyniadau'r arholiadau atodol ar 11 Medi 2025.

Cam 1 - Cymeradwyaeth Academaidd

Mewn rhai achosion, bydd angen i chi gael cymeradwyaeth academaidd er mwyn cyflwyno cais i drosglwyddo eich cwrs.

Pryd bydd angen cymeradwyaeth academaidd arnaf?

Os ydych chi am drosglwyddo i gwrs gwahanol yn y Gyfadran Gwyddoniaeth a Pheirianneg (er enghraifft, Peirianneg Awyrofod Blwyddyn 1 i Beirianneg Fecanyddol Blwyddyn 1) bydd angen i chi gael cymeradwyaeth academaidd gan y Tiwtor Derbyn perthnasol. Cysylltwch â'n Tîm i gael gwybodaeth gyswllt y Tiwtoriaid Derbyn perthnasol.
Os ydych chi am drosglwyddo i gwrs gwahanol y tu allan i'r Gyfadran Gwyddoniaeth a Pheirianneg (er enghraifft, Bioleg Blwyddyn 1 i Hanes Blwyddyn 1) bydd angen cymeradwyaeth academaidd y Gyfadran berthnasol. Cysylltwch â'n tîm i gael yr wybodaeth gyswllt berthnasol ar gyfer y Gyfadran.

Pryd na fydd angen i mi gael cymeradwyaeth academaidd?

Ar gyfer y cyrsiau canlynol, bydd angen i chi fodloni'r gofynion mynediad a nodir yn y tabl isod.

Newidiadau i gwrs y Biowyddorau ar gyfer myfyrwyr Blwyddyn 0 a Blwyddyn 1
BEng i MEng
BSc i MCHem, MMaths, MPhys neu MSci
Blwyddyn Dramor neu Blwyddyn mewn Diwydiant
Blwyddyn Sylfaen

Cwrs	Cyfartaledd gofynnol ar gyfer y lefel	Modiwlau gorfodol	Dyddiad cau er mwyn trosglwyddo	Gwybodaeth Ychwanegol
BSc Fioleg, Bioleg y Môr neu Sŵoleg			7 Mawrth 2025	Yn berthnasol i fyfyrwyr y Biowyddorau Blwyddyn 0 a Blwyddyn 1 yn Unig
MEng	55% ar gyfartaledd ym Mlwyddyn 1 a 2	Yr holl fodiwlau CRAIDD	Ar gyfer myfyrwyr Blwyddyn 3, 7 Ebrill 2025	Trosglwyddo i'r MEng.
MChem	Pasio'r flwyddyn gyntaf, 55% ar gyfartaledd ym mlwyddyn 2 a dim asesiadau atodol	CH-343, dim CH-344	Ar gyfer myfyrwyr Blwyddyn 3, 13 Rhagfyr 2024
MMaths	Pasio'r Flwyddyn Gyntaf, 55% ar gyfartaledd ym Mlwyddyn 2 a dim asesiadau atodol	MA-252	Dechrau Blwyddyn 3 (h.y. 1 Medi 2024)
MPhys	Pasio'r Flwyddyn Gyntaf, 65% ar gyfartaledd ym Mlwyddyn 2 a dim asesiadau atodol		Ar gyfer myfyrwyr Blwyddyn 3, 11 Hydref 2024
MSci	55% ar gyfartaledd yn y Flwyddyn Gyntaf		Ar gyfer myfyrwyr Blwyddyn 3, 7 Ebrill 2025
Blwyddyn Dramor			Ar gyfer myfyrwyr Blwyddyn 2, 7 Ebrill 2025	I aros ar y rhaglen, mae'n rhaid nad yw myfyrwyr yn gorfod ailsefyll unrhyw asesiadau ym Mlwyddyn 2. Cynhelir arholiadau ar gyfer myfyrwyr sydd wedi gohirioyn ystod cyfnod atodol mis Awst. Felly, os ydych chi'n fyfyriwr ym Mlwyddyn 2 sydd wedi gohirio arholiad(au) mae'n debygol na fyddwch yn gallu cymryd rhan yn eich blwyddyn dramor.
Blwyddyn mewn Diwydiant	55% ar gyfartaledd yn y Flwyddyn Gyntaf	Modiwl Paratoi ar gyfer Blwyddyn mewn Diwydiant Blwyddyn 2 (pwnc penodol)	Ar gyfer myfyrwyr Blwyddyn 2, 7 Ebrill 2025	Os oes rhaid i fyfyriwr ail-wneud modiwlau a fethwyd, ni fydd modd trosglwyddo oni bai y ceir cadarnhad o'i hawl i symud ymlaen i'r flwyddyn nesaf.

Ar gyfer ymholiadau ynghylch trosglwyddo i Flwyddyn mewn Diwydiant gweler Blwyddyn mewn Diwydiant - Gyrfaoedd a chyflogadwyedd - Prifysgol Abertawe
Ar gyfer ymholiadau ynghylch trosglwyddo i Flwyddyn Dramor gweler Cyfleoedd i Fyfyrwyr Dramor - Cyfleoedd Byd Eang i Fyfyrwyr - Prifysgol Abertawe
Am ymholiadau am drosglwyddo i gwrs Blwyddyn mewn Diwydiant neu Flwyddyn Dramor, e-bostiwch Tîm Cyflogadwyedd y Gyfadran i gael arweiniad pellach. Byddwch yn ymwybodol y bydd angen i chi fodloni'r gofynion canlynol er mwyn bod yn gymwys am y cyrsiau Blwyddyn mewn Diwydiant neu Flwyddyn Dramor.
Er mwyn i fyfyrwyr Blwyddyn Sylfaen gyflwyno cais i drosglwyddo cwrs, bydd angen iddyn nhw basio'r holl fodiwlau craidd yn eu Blwyddyn Sylfaen. Gallwch gael mwy o arweiniad yn eich Llawlyfr Cwrs.

Cam 2 – Goblygiadau Ariannol

Mae'n bwysig iawn eich bod yn gwirio'r goblygiadau ariannol sydd ynghlwm wrth drosglwyddo i gwrs arall.

Cyllid Myfyrwyr - Os ydych yn derbyn Grant/Benthyciad Ffioedd Dysgu a/neu Gynhaliaeth gan y Cwmni Benthyciadau Myfyrwyr, mae'n hanfodol eich bod yn siarad ag Y Tîm Cyngor Ariannol cyn cyflwyno cais i drosglwyddo. Mae ganddynt dudalen cyngor ddefnyddiol iawn a allai ateb rhai o'ch cwestiynau.

Myfyrwyr sy'n cael eu Noddi - Os ydych yn cael eich noddi, anfonir eich cais at eich noddwr i'w gymeradwyo cyn i'r Coleg gyflwyno eich cais.

Cam 3 - Gwirio Fisas Myfyrwyr Rhyngwladol a’r UE (os yw’n briodol)

Os ydych yn fyfyriwr rhyngwladol neu o’r UE sy’n astudio ar fisa Llwybr Myfyriwr, bydd angen i chi gysylltu â Tîm Cyngor Fisa i drafod y goblygiadau ar gyfer CAS a’ch fisa sydd ynghlwm wrth newid eich cwrs.

Gweler arweiniad Canllawiau Meistr Integredig y Tîm Cyngor ar Fisa am ragor o wybodaeth.

Cam 4 - Cyflwyno Ffurflenni

Os hoffech fwrw ymlaen a chyflwyno eich cais i drosglwyddo i gwrs arall, bydd angen i chi:

Cwblhewch gais trosglwyddo myfyrwyr ar y FSE Intranet (swan.ac.uk).
Lanlwytho cadarnhad ysgrifenedig gan yr aelod staff academaidd/derbyn priodol ar gyfer y cwrs yr hoffech drosglwyddo iddo (os yw'n berthnasol)
Os ydych chi'n fyfyriwr rhyngwladol neu'r UE gyda fisa Llwybr Myfyrwyr, bydd angen i chi llwytho Holiadur Astudiaeth Flaenorol a Datganiad Personol ynghyd â'ch Ffurflen Gais Trosglwyddo.

Darllena’r Arweiniad ar Gyflwyno Cais i Newid Cwrs a chysyllta â'n tîm os bydd gennyt ti gwestiynau.

Tîm Cyngor Fisa

gysylltu â Thîm i drafod y goblygiadau ar gyfer CAS a’ch fisa

Tîm Cyngor Ariannol

Mae'n bwysigeich bod yn gwirio'r goblygiadau ariannol