CWESTIYNAU CYFFREDIN AM YR ASESIADAU

Gelli di weld dy amserlen a'th grynodebau ar gyfer cyfnod arholiadau drwy fewngofnodi i https://myuni.swansea.ac.uk/cy/ a mynd i'r fewnrwyd lle bydd amserlenni arholiadau yn opsiwn ar ochr chwith y dudalen.

Darpariaethau Addasiadau Cynhwysol ar gyfer arholiadau ar y safle, wyneb yn wyneb:

Ar gyfer unrhyw arholiadau ar y safle, mae ein swyddfa arholiadau yn treialu system optio allan ar gyfer gweithredu darpariaethau, lle mae eich darpariaethau'n cael eu rhoi ar waith yn awtomatig i unrhyw arholiadau wyneb yn wyneb rydych chi'n eu sefyll yn ystod eich amser yn Abertawe, oni bai eich bod yn cael gwybod fel arall.

Pan gaiff amserlen yr arholiadau ei chyhoeddi ar eich cyfrif mewnrwyd, bydd yn dangos lleoliadau eich arholiadau â darpariaethau priodol, ynghyd â manylion cryno am drefniadau eich darpariaeth.

Os oes unrhyw ddarpariaethau nad ydych am iddynt fod ar waith ar gyfer eich arholiadau ar y safle, neu os ydych am wrthod eich darpariaethau yn gyfan gwbl a sefyll eich arholiadau yn y prif leoliadau, anfonwch e-bost at dîm y Swyddfa Arholiadau yn examsoffice@abertawe.ac.uk.

Darpariaethau Addasiadau Cynhwysol ar gyfer arholiadau ar-lein:

Os oes gennych ffurflen Addasiadau Cynhwysol gyda darpariaethau wedi'u cytuno ar gyfer arholiadau, ar gyfer unrhyw arholiad a fydd ar-lein ac yn para am 24 awr neu lai, caiff eich darpariaethau amser ychwanegol a/neu seibiannau eu rhoi ar waith yn awtomatig.

Os ydych chi'n dechrau asesiad ar-lein ac yn sylweddoli nad ydych chi wedi derbyn yr amser ychwanegol y mae gennych hawl iddo, cysylltwch â'r tîm yn StudentSupport-ScienceEngineering@abertawe.ac.uk ar unwaith (yn ddelfrydol, pan fydd yr asesiad yn dal i fod ar agor) er mwyn inni allu archwilio a chywiro hyn os bydd angen.

Darparu Darllenwyr: Ar gyfer myfyrwyr a fydd fel arfer yn cael mynediad at ddarllenydd ar gyfer arholiadau wyneb yn wyneb, nid yw hon yn ddarpariaeth sy'n berthnasol i asesiadau ar-lein. Fodd bynnag, rydym ni'n awgrymu bod myfyrwyr yn adolygu'r dechnoleg gynorthwyol sydd ar gael iddynt: https://www.swansea.ac.uk/cy/technoleg-gynorthwyol/ 

Hefyd, gweler nodwedd newydd sydd bellach ar gael yn Canvas o'r enw'r 'Immersive Reader'. Dyma offer Microsoft sy'n plygio i mewn i Canvas ac yn helpu wrth ddarllen cynnwys mewn tudalennau Canvas mewn ffyrdd hygyrch, gan gynnwys:

• adrodd ar ffurf sain
• cyfieithu
• neilltuo cynlluniau lliw
• neilltuo ffontiau
• a mwy.

Gweler canllaw yn y cwrs Pasbort i Canvas o dan Immersive Reader in Canvas Pages am ragor o wybodaeth am sut i ddefnyddio'r teclyn hwn.

Os rwyt ti'n credu y gallet ti fod yn gymwys i gael darpariaethau arholiadau, cwblha'r Ffurflen Cymorth i Fyfyrwyr i atgyfeirio dy hun at y Tîm Lles ac Anabledd.

Er mwyn dy helpu i baratoi ar gyfer dy asesiadau, gweler yr adnoddau academaidd sydd wedi'u rhestru ar dudalen Cymorth Academaidd ein Cyfadran, a gweler hefyd yr wybodaeth am adnoddau ar-lein, gweithdai a thiwtora personol drwy apwyntiad drwy'r Ganolfan Llwyddiant Academaidd.

Cer i dudalennau gwe'r Llyfrgell am restr lawn o oriau agor a gwasanaethau a chymorth llyfrgell:

https://www.swansea.ac.uk/library/library-hours/ 

Ar wahân i adeiladau'r llyfrgell, mae sawl ardal ar gampws y Bae a Singleton y gelli di eu defnyddio at ddibenion astudio anffurfiol. Gelli di ddod o hyd i wybodaeth am y mannau astudio anffurfiol hyn yma.

Os ydych chi'n sylwi nad yw modiwl rydych chi'n disgwyl ei gwblhau yn ystod cyfnod asesu yn ymddangos ar yr amserlen, e-bostiwch assessment-scienceengineering@abertawe.ac.uk cyn gynted â phosib.

Nid oes modd i ni symud dyddiadau'r asesiadau oherwydd bod yr amserlenni wedi cael eu pennu a'u hystyried yn ofalus. Fodd bynnag, os ydych chi'n sylwi ar wallau yn yr amserlenni, e-bostiwch assessment-scienceengineering@abertawe.ac.uk.

Mae cynnwys yr holl bapurau arholiad wedi cael ei wirio'n drylwyr. Fodd bynnag, os ydych chi'n meddwl eich bod chi wedi sylwi ar wall, a wnewch chi godi eich llaw a rhoi gwybod amdano i un o oruchwylwyr yr arholiad. Oni bai iddo gael effaith sylweddol ar y papur arholiad, ni chaiff y gwall ei gywiro yn lleoliad yr arholiad. Yn hytrach na hynny, caiff ei nodi gan gydlynydd y modiwl a'r Bwrdd Arholi wrth ystyried eich canlyniadau.

Os ydych chi'n sylwi ar wall ar bapur arholiad na chaiff ei gywiro yn lleoliad yr arholiad, a wnewch chi sicrhau eich bod chi’n nodi'r gwall yn eich llyfryn atebion cyn parhau i ateb y papur arholiadau hyd eithaf eich gallu fel y mae wedi cael ei ysgrifennu.

Os oes gennych chi gwestiynau am hyn, mae croeso i chi gysylltu â'n tîm.

Ar gyfer atebion ysgrifenedig y tynnwyd llun ohonynt, defnyddiwch ap sganio fel Microsoft Office Lens neu mae enw da iawn gan ap Adobe Scanner. Os oes modd, rhowch dudalennau eich ateb mewn ffeil PDF unigol. Yn olaf, cyn cyflwyno'r PDF, adolygwch y ddogfen i wirio a yw'n ddarllenadwy:

• Ydy'r delweddau'n glir ac mewn ffocws?
• Oes afluniad yn y delweddau a fydd yn eu gwneud yn anodd eu darllen
• Ydy'r delweddau wedi'u gogwyddo yn y ffordd gywir?
• Ydy eich ap neu'ch camera wedi ychwanegu arteffactau, fel dyfrnodau, sydd wedi cuddio rhan o'ch gwaith ysgrifennu?
• Fydd modd i mi ddarllen a marcio eich gwaith yn hwylus?

Gall treulio ychydig o funudau'n gwneud hyn osgoi problemau difrifol nes ymlaen.

Ar gyfer cyflwyniadau drwy Turnitin: Ar ôl cwblhau'r cyflwyno, bydd derbynneb ddigidol yn ffenestr eich porwr. Hefyd, anfonir copi drwy e-bost. Mae'n bwysig defnyddio cyfeiriad e-bost dilys er mwyn derbyn y copi hwn o'r dderbynneb ddigidol. Cadwch y dderbynneb a'r rhif adnabod cyflwyno y mae'n ei gynnwys, oherwydd bod hyn yn profi eich bod wedi cyflwyno'n llwyddiannus. Os na fydd y sgrin yn dangos y dderbynneb ddigidol ar ôl i chi gyflwyno, ewch yn ôl i dudalen portffolio'r dosbarth ac edrychwch ar yr aseiniad er mwyn sicrhau eich bod wedi cyflwyno'r papur yn gywir.

Ar gyfer cyflwyno drwy lanlwytho ffeil Canvas (sef drwy ‘Canvas File Upload Submissions’): Er mwyn gwirio a ydych chi wedi cyflwyno eich aseiniad yn llwyddiannus, ewch i'r adran 'Aseiniadau' a chliciwch ar deitl yr aseiniad. Yn y gornel dde ar ben y sgrin, dylech chi weld y testun 'Wedi'i gyflwyno' (sef ‘Submitted’) a chadarnhad o’r amser cyflwyno.

Er mwyn sicrhau eich bod wedi cyflwyno'r gwaith cywir ar gyfer y modiwl cywir, rydym ni'n argymell y dylai ffeiliau rydych chi'n eu lanlwytho fod â theitl sy'n cynnwys eich rhif myfyriwr, côd y modiwl, a theitl cryno ar ffurf côd y modiwl_rhif y myfyriwr_enw'r asesiad (e.e. EG-128_123456_arholiad ar-lein). Ni ddylech chi gynnwys eich enw wrth gyflwyno gwaith.

Os wyt ti'n cael trafferth i ddod i arholiad neu gwblhau asesiad oherwydd amgylchiadau anodd, gweler yr wybodaeth ar y dudalen Amgylchiadau Esgusodol, a chysyllta â'r tîm Gwybodaeth Myfyrwyr arstudentsupport-scienceengineering@abertawe.ac.uk i drafod dy opsiynau.

Os wyt yn ceisio cyflwyno neu lanlwytho dy waith ac rwyt ti'n pryderu y byddi di'n colli dyddiad cau oherwydd problemau cyflwyno, byddwn yn derbyn cyflwyniadau ar e-bost mewn amgylchiadau eithriadol a dim ond cyn dyddiad cau. Ceisia gyflwyno dy waith drwy Canvas, ac os wyt ti'n cael anawsterau technegol, gelli di hefyd e-bostio Cydlynydd y Modiwl yn uniongyrchol. Os nad yw ti'n gallu cyflwyno dy waith drwy Canvas, gelli di e-bostio dy waith i studentsupport-scienceengineering@abertawe.ac.uk a byddwn yn cysylltu ag Arweinydd Addysg y Myfyrwyr a Chydlynydd y Modiwl i weld a all y gwaith gael ei dderbyn a'i farcio.

E-bostia'r Tîm Gwybodaeth Myfyrwyr ar studentsupport-scienceengineering@abertawe.ac.uk. Sylwer y byddwn yn gallu helpu'n well os wyt ti'n cysylltu â'r tîm cyn y terfyn amser os wyt ti'n cael trafferth.

Cysylltwch â thîm Profiad a Gwybodaeth Myfyrwyr y gyfadran cyn gynted â phosibl er mwyn trafod yr opsiynau, ac yn ddelfrydol cyn i'ch arholiadau ddechrau. Os ydych chi'n cysylltu â'r tîm cyn neu yn ystod arholiad, bydd eich opsiynau'n fwy cyfyngedig.

Mae disgwyl i fyfyrwyr wneud trefniadau ar gyfer offer TG personol y bydd eu hangen arnoch fel rhan o'ch rhaglen astudio. Fodd bynnag, os ydych chi wedi colli neu ddifrodi eich gliniadur/offer ac mae angen cymorth arnoch wrth gael trwsio offer personol neu gael offer newydd, gweler yr opsiynau isod (sydd ar gael i fyfyrwyr yn Abertawe):

Mae Mannau Cyfrifiaduron y Llyfrgell ar gael drwy apwyntiad: https://www.swansea.ac.uk/cy/ggs/llyfrgelloedd/mannau-astudio-eraill/

Mae Benthyca Gliniaduron Byrdymor ar gael drwy loceri hunanwasanaeth: https://myuni.swansea.ac.uk/cy/bywyd-academaidd/gwasanaethau-tg/locer-gliniadur/

Mae Benthyca Gliniaduron Hirdymor ar gael i fyfyrwyr sydd ag amgylchiadau esgusodol cymwys ac sy'n gallu dangos angen clir am fenthyciad hirdymor. Cysylltwch â'r Tîm Profiad a Gwybodaeth Myfyrwyr er mwyn trafod.

Os nad ydych chi yn Abertawe, ac mae gennych amgylchiadau sy'n golygu na fydd modd i chi gwblhau eich asesiadau oherwydd problemau TG, efallai bydd opsiwn i ohirio hefyd.

Y porwr delfrydol yw Chrome, ac yna Firefox. Byddem ni'n eich cynghori i ddefnyddio un o'r porwyr hyn, yn ddelfrydol Chrome os bydd yn bosibl.

 Cewch weld y dyddiadau diweddaraf ar gyfer cyhoeddi canlyniadau yma.

I gael mynediad at eich canlyniadau, ewch i https://myuni.swansea.ac.uk/ ac ewch i'r Mewnrwyd/Proffil Myfyriwr/Manylion y Cwrs/Modiwlau 2023.