Canolfan Llwyddiant Academaidd

Mae'r Ganolfan Llwyddiant Academaidd yma i roi cymorth i chi o ran meithrin eich sgiliau astudio academaidd a chyflawni eich nodau. Boed eich bod yn mynychu'r Brifysgol am y tro cyntaf neu'n cymryd y cam nesaf ar eich taith academaidd, gallwn eich helpu i bontio'r bwlch rhwng ble rydych chi ar hyn o bryd a ble mae angen i chi fod.

Sut gallwn fod o fudd i chi

Gallwch gynyddu eich potensial i'r eithaf a datblygu eich hyder drwy ystod o gyrsiau, gweithdai a thiwtorialau untro. Mae pob un o'n staff yn gymwys iawn a chanddynt flynyddoedd o brofiad gan roi cyngor a chymorth cyfeillgar a phroffesiynol. Edrychwch ar yr amrywiaeth o bethau rydym yn eu cynnig:

Ewch i gwrs neu weithdy

Gallwch weld beth sy'n digwydd dros yr wythnosau nesaf; Mae llawer o ddewis.

Gallwch gael cymorth un-i-un

Cadwch le i gael cyngor personol ar agweddau penodol ar eich gwaith academaidd

Gwnewch gwrs ar-lein

Cofrestrwch ar ein cyrsiau e-ddysgu rhyngweithiol am ddim sydd ar gael ar Canvas

Porwch ein Labordy Sgiliau Academaidd

Darllenwch erthyglau byr ar sgiliau academaidd a ysgrifennwyd gan ein staff.

Eisiau cael rhagolwg o'r holl ddigwyddiadau y tymor hwn? Cliciwch yma i weld ein Catalog Cyrsiau Hydref / Gaeaf 24

Cwestiynau Cyffredin

Cysylltwch â'r Ganolfan Llwyddiant Academaidd

Stableblock, SIngleton Campus

I gysylltu â ni, e-bostiwch: academicsuccess@abertawe.ac.uk.

Mae ein derbynfa ar agor

Dydd Llun - Dydd Gwener (10am-4pm)

Derbynfa Bloc Stabl
Prifysgol Abertawe
Parc Singleton
Abertawe, SA2 8PP

Problemau wrth gael mynediad at ddosbarth a addysgir drwy Zoom (NID APWYNTIADAU UN-I-UN)

Dilynwch y cyfarwyddiadau hyn er mwyn ymuno:

1.Os gofynnir i chi fewngofnodi, dewiswch SSO (un pwynt mewngofnodi), sef y ddolen gydag eicon yr allwedd:

A screen grab of the sign-up window for Zoom highlighting where to click for single sign on (SSO)

2. Yna teipiwch swanseauniversity (mewn llythrennau bach, heb fwlch) fel parth cwmni pan gyrhaeddwch y sgrîn isod.

A screen grab of the sign-up window for Zoom showing where you add the company domain

3. Yna gofynnir ichi deipio’ch cyfeiriad e-bost Prifysgol Abertawe a’ch cyfrinair.

Mae angen help arnaf i gyfeirnodi

Mae'r Llyfrgellwyr Cymorth Pwnc yn ymdrin yn benodol â chyfeirnodi. Maent yn cynnig apwyntiadau un-i-un yn y maes hwn ac yn darparu canllawiau cyfeirnodi ar-lein. Ewch i'r dudalen we Timau Cymorth Pwnc y Llyfrgell am ragor o wybodaeth.

Mae'r Ganolfan Llwyddiant Academaidd hefyd yn cynnig apwyntiadau sy'n para 30 munud, wyneb yn wyneb neu ar-lein, drwy gydol y flwyddyn lle gall tiwtor edrych dros ran o'ch gwaith ysgrifenedig a rhoi cyngor ar agweddau fel gramadeg, strwythur ac arddull. Gellir trefnu apwyntiadau drwy ymweld â'r dudalen we Cymorth Un-i-un.

Mae angen help arnaf i ddeall camymddygiad academaidd a sut i'w osgoi

Mae llên-ladrad yn drosedd academaidd lle nad yw syniadau rhywun arall yn cael eu cydnabod yn briodol. Mae hyn yn cynnwys cyfeirnodi'n anghywir, aralleirio'n wael, neu gyflwyno gwaith rhywun arall fel eich gwaith eich hun. Ym Mhrifysgol Abertawe, mae staff academaidd yn defnyddio meddalwedd Turnitin i'w helpu i nodi llên-ladrad mewn gwaith. Edrychwch ar y Canllaw i Gamymddygiad Academaidd sy'n cynnwys fideos byr ac awgrymiadau ar sut i osgoi camymddygiad academaidd.

Rydym yn cynnig amrywiaeth o weithdai ar thema Uniondeb Academaidd. Mae gennym hefyd adnodd hunan-astudio ar-lein ar Uniondeb Academaidd ar Canvas. Gallwch weithio drwy hwn yn eich amser eich hun.

Ga i archebu sesiwn i grŵp o fyfyrwyr? (lleiafswm o 5-6 myfyriwr)

Gallwch ofyn am sesiwn grŵp drwy lenwi'r ffurflen ar-lein hon: Gofyn am Sgiliau Pwrpasol. Os nad yw'r union opsiwn yno, dewiswch yr opsiwn agosaf ac ysgrifennwch yn y nodiadau beth hoffech ei drafod.

Mae fy aseiniad yn ddyledus yr wythnos hon ac ni allaf ddod o hyd i apwyntiad

Mae'r apwyntiadau un-i-un yn boblogaidd dros ben ac yn cael eu harchebu'n gyflym. Rydym fel arfer yn argymell archebu wythnos neu bythefnos cyn dyddiad cyflwyno eich aseiniad er mwyn sicrhau eich bod yn cael lle.

Gallech gadw llygad ar y dudalen archebu oherwydd gallai fod apwyntiad ar gael yn gynt os bydd rhywun arall yn canslo.

Ga i gymorth ychwanegol ar gyfer Anawsterau Dysgu Penodol (SPLDs - fel dyslecsia), ADHD, awtistiaeth, anableddau hirdymor a chyflyrau iechyd meddwl?

Os hoffech ystyried cael cymorth ychwanegol neu archwilio diagnosis, cysylltwch â'r Gwasanaeth Lles ac Anabledd drwy lenwi'r ffurflen Cymorth i Fyfyrwyr. Ar ôl adolygu eich ffurflen, bydd y Gwasanaeth Lles ac Anabledd yn cysylltu â chi i'ch cynghori ymhellach am y camau nesaf. Am ragor o wybodaeth, ewch i'r dudalen we Cymorth i Fyfyrwyr.

Mae'r Ganolfan Llwyddiant Academaidd yn cynnig apwyntiadau un-i-un sy'n para 30 munud ac yn trafod meysydd fel ysgrifennu, cyflwyno, mathemateg, ystadegau a sgiliau Microsoft. Mae apwyntiadau ar gael drwy gydol y flwyddyn a gellir eu trefnu drwy ein gwefan archebu cymorth un-i-un.

Cyfleoedd Gwaith Myfyrwyr

Mae'r Ganolfan Llwyddiant Academaidd yn cynnig nifer o brofiadau gwaith â thâl, fel y gallwch fanteisio ar eich astudiaethau. Mae'r rhain yn gyfleoedd gwerthfawr lle byddwch yn derbyn hyfforddiant, yn ennill profiad gwaith a sgiliau a fydd yn gwella eich CV a'ch cyflogadwyedd yn y dyfodol.

Arweinydd Myfyrwyr

Rydym yn recriwtio Ymgynghorwyr Ysgrifennu i Gymheiriaid i weithio gyda ni i helpu myfyrwyr ym Mhrifysgol Abertawe y mae angen cymorth academaidd arnynt. Am gyfle i gyflwyno cais am un o'r swyddi hyn, yn gyntaf mae angen ichi gwblhau ein cwrs Hyfforddiant i Ymgynghorwyr Ysgrifennu i Gymheiriaid.

Cynghorwyr Myfyrwyr Mathemateg a Stats

A hoffech chi weithio gyda myfyrwyr prifysgol sy'n cynnig cymorth ac arweiniad ar ymholiadau mathemateg ac ystadegau? Os felly, gallech ddod yn Gynghorydd Myfyrwyr yn gweithio ar un o'n sesiynau galw heibio. Byddech yn gweithio mewn partneriaeth ag Ymgynghorydd Myfyrwyr arall a byddech chi'n derbyn hyfforddiant llawn ynghyd â chyfradd hael.

Os oes gennych unrhyw gwestiynau am y naill neu'r llall o'r rhain, e-bostiwch academicsuccess@abertawe.ac.uk.