Amgylchiadau Esgusodol ar gyfer Arholiadau

Os yw eich amgylchiadau’n golygu eich bod yn cael trafferth wrth gwblhau asesiad, ond nid ydych yn siŵr a fyddwch chi’n gymwys i gyflwyno cais i’w ohirio, a wnewch chi gysylltu â’r Tîm Profiad a Gwybodaeth Myfyrwyr fel y gallwn eich cynghori.

Gweler ein Canllaw i gwblhau Cais am Ohirio ar Fewnrwyd y Gyfadran am wybodaeth cam wrth gam am sut i gyflwyno cais.

Camau i gyflwyno cais i ohirio:

1. Cwblhau'r ffurflen:

• Er mwyn cyflwyno cais i ohirio asesiad, a wnewch chi lenwi'r Ffurflen Gohirio Arholiad Terfynol drwy fewnrwyd y Gyfadran. I gael mynediad at y ffurflen, mewngofnodwch i fewnrwyd y Gyfadran a dewiswch y tab ‘Amgylchiadau Esgusodol’ ar yr hafan. Yna byddwch yn gallu dewis ‘Ffurflen Gohirio Arholiad Terfynol’ a dilyn y camau nesaf er mwyn cyflwyno eich cais.
  
  
• Rhaid cyflwyno ceisiadau o fewn 5 niwrnod gwaith (cyn neu ar ôl) dyddiad cau'r asesiad. Gallwch gyflwyno mwy nag un cais i ohirio, ac mae'r terfyn amser o bum niwrnod gwaith yn berthnasol i bob asesiad rydych am ei ohirio. Fel arfer, nid ystyrir ceisiadau sy’n hwyr.

2. Darparu tystiolaeth ategol: Mae angen tystiolaeth ategol allanol os ydych yn cyflwyno cais i ohirio arholiadau, ac ni fyddwn yn gallu ystyried eich cais nes i ni gael tystiolaeth ategol. Wrth gyflwyno eich cais i ohirio arholiad terfynol, a wnewch chi hefyd lanlwytho'r dystiolaeth ategol sydd gennych i gadarnhau eich amgylchiadau. Os na allwch chi gyflwyno tystiolaeth fel rhan o'ch cais cychwynnol am ohirio, bydd angen i chi fewngofnodi eto i'r system Gohirio Arholiad a lanlwytho tystiolaeth yn hwyrach (cyn y dyddiad cau ar ddydd Mercher 12 Mehefin 2024).

Gweler yr wybodaeth isod o ran y mathau o dystiolaeth a fydd yn cael ei derbyn.

3. Hysbysu o ganlyniad:

• Caiff eich cais ei adolygu unwaith y byddwn wedi derbyn eich Ffurflen Gais am Ohirio a’r ddogfennaeth eglurhaol wedi’u cwblhau. Bydd y Tîm Profiad a Gwybodaeth Myfyrwyr yn rhoi gwybod i chi am ganlyniad eich cais i ohirio drwy eich cyfeiriad e-bost myfyriwr, ymhen 5 niwrnod gwaith. Os nad ydych chi’n derbyn penderfyniad ymhen 5 niwrnod gwaith, cysylltwch â’r tîm ar yr adeg honno.
  
  
• Os caiff eich Cais i Ohirio ei gymeradwyo mewn perthynas ag asesiad rydych wedi ei gyflwyno eisoes, ni chaiff eich asesiad ei farcio a bydd eich marc terfynol ar gyfer y modiwl yn seiliedig ar yr asesiad wedi'i ohirio.
  
  
• Bydd myfyrwyr sydd wedi cael caniatâd i ohirio arholiadau yn sefyll yr arholiad(au) a ohiriwyd yng nghyfnod arholiadau atodol mis Awst 2024.  

Amgylchiadau sy'n gymwys:
Ceir Darpariaethau Dros Dro sy'n berthnasol i fyfyrwyr â chyflyrau byrdymor sydyn sy'n digwydd yn ystod cyfnod yr arholiadau ac sy’n amharu ar eich arholiadau. Mae hyn yn cynnwys cyflyrau meddygol sy'n dechrau'n sydyn (torri asgwrn, beichiogrwydd, nam ar y golwg, etc).

Sylwer, os cytunwyd ar ddarpariaethau dros dro ar gyfer naill ai arholiadau ar-lein neu ar y campws, byddant yn berthnasol ar gyfer y cyfnod arholiadau dan sylw YN UNIG, ac ar gyfer asesiadau sy'n para am 24 awr neu lai YN UNIG.Os oes gennych gyflyrau hirdymor parhaus a allai effeithio arnoch mewn arholiadau yn y dyfodol, rydym yn argymell eich bod yn cysylltu â'r Gwasanaeth Anabledd neu'r Gwasanaethau Lles er mwyn trafod darpariaethau hirdymor i'ch cefnogi yn y dyfodol.

Camau i gwblhau cais am Ddarpariaeth Dros Dro ar gyfer arholiadau AR Y SAFLE, WYNEB YN WYNEB:

1. I gyflwyno cais am Ddarpariaethau Dros Dro, e-bostiwch dîm MyUniHub am arweiniad yn myunihub@abertawe.ac.uk

2. Darparu tystiolaeth ategol: Bydd angen tystiolaeth ategol allanol os ydych chi'n cyflwyno cais am Ddarpariaethau Dros Dro ac ni fydd eich cais yn cael ei adolygu nes eich bod chi wedi darparu'r dystiolaeth ategol. Wrth gyflwyno cais am Ddarpariaethau Dros Dro, a wnewch chi hefyd lanlwytho'r dystiolaeth ategol sydd gennych i gadarnhau eich amgylchiadau.

Os nad ydych yn gallu cyflwyno eich tystiolaeth ar yr un pryd â'ch cais, anfonwch eich tystiolaeth drwy e-bostio tîm MyUniHub yn myunihub@abertawe.ac.uk cyn gynted â phosibl.

3. Cadarnhau darpariaethau: Os caiff y cais ei gymeradwyo, bydd tîm MyUniHub yn trafod y darpariaethau a fydd yn bosibl ar gyfer eich arholiadau ar y safle.

Camau i gwblhau cais am Ddarpariaeth Dros Dro ar gyfer arholiadau AR-LEIN:

1. Er mwyn gofyn am Ddarpariaethau Dros Dro, cwblhewch ffurflen gais am Ddarpariaethau Dros Dro ar gyfer Arholiadau AR-LEIN, darparwch dystiolaeth ategol, a chyflwynwch eich cais i'r gyfadran drwy e-bostio StudentSupport-ScienceEngineering@abertawe.ac.uk. 

2. Darparu tystiolaeth ategol: Gweler yr wybodaeth isod o ran y mathau o dystiolaeth a fydd yn cael ei derbyn.

3. Cadarnhau darpariaethau: Os caiff y cais ei gymeradwyo, bydd y gyfadran yn trafod pa ddarpariaethau fydd yn briodol (naill ai 25% o amser ychwanegol a/neu fannau cyfrifiadurol yn y Llyfrgell wedi'u trefnu ymlaen llaw yn ystod y cyfnod asesu os ydynt ar gael). Os cytunir ar amser ychwanegol, bydd yr amser a'r dyddiad rhyddhau ar gyfer pob asesiad cymwys yn aros yr un peth â'r amserlen wreiddiol, ond bydd eich dyddiad cyflwyno'n cael ei addasu i ganiatáu ar gyfer yr amser ychwanegol.

Ystyriaethau ac amseru pwysig:

• Sylwer efallai na fydd amser ychwanegol yn bosib ar fyr rybudd, a bydd angen o leiaf 2 ddiwrnod gwaith o rybudd arnom i roi darpariaethau yn eu lle unwaith bydd y cais wedi'i brosesu a'i gymeradwyo. Byddwn yn e-bostio eich cyfrif e-bost myfyriwr i gadarnhau pa asesiadau fydd yn cynnwys darpariaethau.
• Sylwer hefyd ar gyfer darpariaethau ar-lein, efallai na fydd mannau ar y cyfrifiaduron yn y Llyfrgell ar gael, ac eto bydd angen i ni ymgynghori â thîm y Llyfrgell ynghylch hyn.
• Os na fydd y darpariaethau y mae eu hangen arnoch ar gael, neu os ydych chi'n meddwl na fydd y darpariaethau hyn yn ddigonol, bydd angen i chi ystyried gohirio.

Rhaid i dystiolaeth ategol:

• Nodi sut mae'r amgylchiadau wedi effeithio ar berfformiad myfyriwr a/neu wedi effeithio ar allu myfyriwr i fynd i asesiad, ei gwblhau neu ei gyflwyno ar amser.
• Cael ei dyddio o fewn mis i ddyddiad yr asesiad dan sylw.
• Cael ei darparu gan drydydd parti a’i chyflwyno gan y myfyriwr.
• Esbonio'r amgylchiadau'n glir.
• Cadarnhau'r cyfnod amser yr oedd yr amgylchiadau'n effeithio arno.
• Cael ei chyflwyno cyn gynted â phosibl.
• Yn achos dogfennaeth a ysgrifennwyd mewn iaith arall, rhaid darparu cyfieithiad swyddogol.
• Cael ei chyflwyno fel dogfen Word, JPEG neu PDF (nid yw systemau'r Brifysgol yn gallu darllen dogfennau ategol mewn fformat HEIC).

Mae enghreifftiau o dystiolaeth briodol yn cynnwys y canlynol:

Bydd absenoldeb dogfennau ategol yn arwain at wrthod y cais oni bai bod y myfyriwr yn gallu rhoi esboniad digonol yn ei gais am ei reswm dros fethu darparu tystiolaeth fel hynny. Mae'r Brifysgol yn cydnabod y bydd hi'n anodd i rai myfyrwyr gasglu tystiolaeth yn y sefyllfa bresennol, a bydd yn ystyried ceisiadau â chydymdeimlad os darperir esboniad priodol.