Beth sydd ymlaen

Dydd Mawrth i ddydd Iau, 7 i 9 Mehefin

Cyfarfod cyflogadwyedd a arweinir gan fyfyrwyr - Agor y Drws i’ch Dyfodol! Cyfarfod anffurfiol sy'n canolbwyntio ar yrfaoedd i fyfyrwyr. Rhagor o wybodaeth ar gael yma.

8fed Ebrill, 13:00-14:00

Mae ymwybyddiaeth fasnachol yn un o’r sgiliau allweddol y mae cyflogwyr yn chwilio amdanynt gan ymgeiswyr. Serch hynny, nid yw deall ymwybyddiaeth fasnachol a sut i’w datblygu’n hawdd. Drwy ddefnyddio profiad personol ac enghraifft ymarferol, bydd Ludo’n trafod popeth y mae angen i chi ei wybod ar gyfer ymwybyddiaeth fasnachol, sut i’w datblygu a sut i’w defnyddio mewn cyfweliadau. Mae Ludo’n Gyfreithiwr Dan Hyfforddiant yn BDB Pitmans ac yn sefydlwr y platfform ymwybyddiaeth fasnachol gyfreithiol, The Legal Update. Peidiwch â’i golli!

• Crynodeb o Ymwybyddiaeth Fasnachol a’i harwyddocâd.
• Ymchwilio i straeon ac arddangosiad ymarferol o hyn.
• Straeon mewn ffurflenni cais a chyfweliadau (dull SWOT, PESTLE a TLU)

Cliciwch yma i wylio'r sesiwn.

 7 ebrill

18:00 tan 19:00

Cyflwynir y sesiwn gan hyfforddwr datblygiad personol, siaradwr ac entrepreneur. Bydd Victor yn rhannu ei daith o dwf personol a sut mae hynny wedi effeithio ar ei gynnydd gyrfa â’r myfyrwyr. Bydd hefyd yn cyflwyno myfyrwyr i’r ffyrdd y gallant ddechrau ar eu taith eu hunain.

Croeso i Bawb.

Gofrestru yma.

29 Mawrth - 22 Ebrill 2022. Union Ddyddiadau i'w gadarnhau.

Ddim yn siŵr lle mae dy radd yn dy arwain di? Meddwl am swyddi i raddedigion ond heb wybod ble i ddechrau? Mae Prifysgol Abertawe yn gweithio ar y cyd ag #EntryLevelBoss a'r seren TikTok Alexa Shoen er mwyn dy roi ar y trywydd iawn cyn graddio. Ceir rhagor o wybodaeth yma: #ENTRYLEVELBOSS Swansea Employability Programme — #ENTRYLEVELBOSS

15 Chwefror - 29 Mawrth.

24 sesiwn, a gyflwynwyd dros 7 wythnos.

Ydych chi’n teimlo’n isel eich hyder ers y llynedd, fel na allwch chi gael mynediad at y cyfleoedd iawn, neu fel nad ydych chi’n perthyn?  

UWCH-GYNHADLEDD RE:ACTION 24/7 yw’r hwb sydd ei angen arnoch chi.  

Mewn partneriaeth ag Enterprise Rent A Car a rhai gwesteion arbennig, byddwn yn eich helpu chi i ddeall sut i weld eich hun mewn ffordd gadarnhaol a datblygu meddylfryd cadarnhaol i fynd i’r afael â heriau bywyd! Ymunwch â ni ar y rhaglen hon, wrth i ni glywed gan siaradwyr proffil uchel, darparu sesiynau hyfforddiant arbenigol i chi yn ogystal â thrafodaethau rhyngweithiol â chyflogwyr. Caiff yr holl sesiynau eu cyflwyno’n fyw ar-lein a byddant ar gael ar alw.  

Cofrestrwch drwy Parth Cyflogaeth 

24 Mawrth

17:00- 18:15 

Bydd y digwyddiad wyneb yn wyneb hwn gyda Nathan Yusuf, sef myfyriwr israddedig o Brifysgol Loughborough sydd wedi bod yn llwyddiannus yn sicrhau sawl interniaeth gyda rhai o’r cwmnïau ariannol gorau. Bydd Nathan yn trafod ei daith yrfaol, sut gwnaeth ddysgu sgiliau CV a chyfweliad a sut gall myfyrwyr sicrhau interniaeth a’u swyddi delfrydol. Croeso i bawb.

Eisiau gwella eich CV neu ymarfer ar gyfer Cyfweliadau? Siaradwch â'ch Cynghorwyr Gyrfa heddiw!

22 Mawrth

17:30 – 19:00

Faraday B, Singleton 

Bydd y sesiwn hon, a gynhelir gan UK Youth a LinkedIn, yn cyflwyno myfyrwyr i LinkedIn. Bydd myfyrwyr yn dysgu am sut y gallant greu eu proffiliau LinkedIn a sut gallant wneud y mwyaf o’r platfform.

Angen cefnogaeth gyda LinkedIn? Edrychwch ar y weminar hon i'ch rhoi ar ben ffordd!

21 Mawrth

Mae Michelle Watiki yn beiriannydd graddedig yn Rolls Royce ac yn ymddiriedolwr yn Engineering Development Trust. Bydd hi’n rhannu ei phrofiad am hynt ei gyrfa â myfyrwyr yn ogystal â’i hawgrymiadau a’i chyngor.

Croeso i Bawb.

ACS Abertawe.

Mawrth 16eg, 12:00-13:00

Yn 2021, y tâl cyfartalog i oedolion ifanc 22 i 29 oed yn y DU yw £25,985 - mae'n brin iawn cwrdd â rhywun yn yr ystod oedran hon sy'n ennill mwy na £50,000 neu hyd yn oed £75,000.

Er nad oedd gan Tor Abrams brofiad gwaith, sgiliau neu gysylltiadau cyn graddio, roedd yn gallu ennill dros £100,000 erbyn iddo gyrraedd 25 oed; ac yn y sgwrs hon, bydd yn rhannu ei ymagwedd onest y gallwch chi ei hailadrodd ar gyfer eich hun!

Bydd Tor yn trafod y canlynol:

Ffitrwydd meddyliol

· Deall yr economi ac arian

· Ennill sgiliau incwm uchel

· Rhwydweithio â darpar enillwyr uchel eraill o oed ifanc

· Cael ei swydd gyntaf a thyfu fy ngwerth net dros amser

· Cynilo a buddsoddi

· Lansio amryw o fusnesau

· Ei gynlluniau ar gyfer y dyfodol

Mae Negodi yn sgil a fydd o fudd ichi yn eich bywyd personol a'ch bywyd gwaith.

Mae'r gweithdy hwn yn gyfle i ddysgu mwy am negodi a gwella'ch sgiliau personol eich hun a'ch hyder drwy ymarfer ac arsylwi ar eraill. 

Mae'n weithdy cyffrous a hynod gyfranogol felly ceisiwch sicrhau bod eich camera a'ch microffon yn gweithio'n dda. 

Cofrestrwch drwy Zoom a chadwch eich lle nawr! Mae nifer gyfyngedig o leoedd ar gael.

Gofrestru yma.

Dyddiad: Dydd Mawrth, 1 Mawrth 2022

Amser: 17:15 – 18:45

Trefn:  Ar-lein  drwy Zoom

Mae'r digwyddiad yn agored iI’r holl staff a fyfyrwyr sy'n mynychu, neu sydd wedi graddio o, unrhyw un o brifysgolion Cymru - Archebwch eich lle yma

Mae’r digwyddiad wedi’i gynllunio i hysbysu ac ysbrydoli myfyrwyr a graddedigion, ledled Cymru, sy’n gobeithio ymgorffori'r amgylchedd a chynaliadwyedd yn eu gyrfaoedd yn y dyfodol. Bydd y digwyddiad yn arddangos sut mae sefydliadau'n mynd i'r afael â materion amgylcheddol allweddol a mynd i'r afael â'r newid yn yr hinsawdd. Bydd gyflogwyr graddedig, cynfyfyrwyr Prifysgol Caerdydd a gweithwyr proffesiynol ar ddechrau eu gyrfa sy'n gweithio yn y sector amgylcheddol yn rhannu eu harbenigedd a'u dealltwriaeth o sut i lywio cyfleoedd gyrfa yn y sector hwn ac archwilio rhai o'r heriau a'r cyfleoedd yn eu diwydiannau.

Bydd pob siaradwr yn cyflwyno eu hunain, yn amlinellu taith eu gyrfa ac arddangos ymchwil a/neu brosiectau byw sy'n adlewyrchu'r gwaith y maent yn eu gwneud sydd wedi arwain at effeithiau cadarnhaol ar yr amgylchedd. Bydd y panel hefyd yn ateb cwestiynau gan y Cadeirydd a'r gynulleidfa, a fydd yn cynnig cyfle i drafod rhai o'r pynciau llosg a thrafod beth sydd ei angen i lwyddo yn y llwybr gyrfaol hwn. 

Cynhelir y digwyddiad hwn gan Andy Schofield, Platfform Amgylchedd Cymru a chaiff ei gadeirio gan Huw James sy'n arwain cynulleidfa fyd-eang gyda'i sgiliau cyflwyno gwyddoniaeth, darlledu a mentro byd-eang.  Darganfyddwch fwy am yrfa Huw ym maes cyfathrebu gwyddoniaeth, anturiaethau a darlledu yma.

Dydd Mawrth 1af Mawrth, 12:30-13:30.

Ydych chi erioed wedi ystyried swydd lle gallwch chi siarad Cymraeg bob dydd? A ydych yn ymwybodol o’r amrywiaeth o swyddi a sectorau yng Nghymru y gallwch weithio yn Gymraeg bob dydd? Dewch i’n Fforwm Gyrfaoedd yn Gymraeg i glywed gan amrywiaeth o weithwyr proffesiynol sy’n defnyddio eu sgiliau Cymraeg bob dydd.

Bydd y fforwm hwn yn cynnwys tri siaradwr yn trafod eu gyrfaoedd, sut beth yw gweithio yn Gymraeg ac yn cynnig cyngor i chi ar chwilio am, a sicrhau eich swydd trwy gyfrwng y Gymraeg. Bydd sesiwn Holi ac Ateb yn dilyn hyn er mwyn i chi allu sicrhau bod eich holl gwestiynau yn cael eu hateb!

Gofrestru yma.

Y gwanwyn hwn bydd PwC yn ôl ar y campws gyda'u Helfa Sborion Realiti Estynedig ar y We. Dewch i gymryd rhan i ddysgu mwy amdanynt a chael cyfle i ennill gwobrau technoleg gwych, neu hyd yn oed gar trydan newydd sbon! 

Chwiliwch 'PwC' ar y Bwrdd Swyddi i gael rhagor o wybodaeth.

Archwilio. Ysbrydoli. Ailddychmygu.

Dydd Mawrth 1 Chwefror, 12 canol dydd - 1pm.

Byddwn yn darparu trosolwg o Raglen i Raddedigion Cyngor Rhondda Cynon Taf

Manylion ynghylch ble i ddod o hyd i swyddi gwag a sut i gyflwyno cais ac arweiniad ar gwblhau ffurflenni cais Cyngor Rhondda Cynon Taf.

Bydd y weminar yn trafod yr holl swyddi gwag a swyddi gwag yn gyffredinol.

Mae'r digwyddiad  ar agor i fyfyrwyr a graddedigion diweddar.

Fodd bynnag, anogwn fyfyrwyr o'r disgyblaethau canlynol i gymryd rhan:

Peirianneg Sifil, Adeiladu, Mathemateg, Economeg, Cyllid, Rheoli Busnes, TGCh - y gwyddorau cyfrifiadurol.  

Cliciwch yma i gael rhagor o wybodaeth am y Cynllun Graddedigion.

Mae Tor Abrams wedi gweithio i Google, mae'n siaradwr TEDx ac yn sefydlwr nifer o fusnesau, ac mae wedi goresgyn diagnosis o orbryder cymdeithasol pan oedd yn 16 oed ac wedi ennill incwm blynyddol gwerth 6 ffigur erbyn 25 oed.

Mae'n mynd i rannu ei gyngor gorau ynghylch sut gelli di ennill arian A bod yn hapus. Bydd yn cynnwys:

• Chwalu mythau am y ddadl arian yn erbyn hapusrwydd.
• Sut i bennu a ddylet ti fynd ar ôl yr arian neu hapusrwydd?
• Entrepreneuriaeth yn erbyn swydd 9-5, yn erbyn sawl incwm
• Rheoli dy iechyd a lles meddyliol yn ystod dy astudiaethau (a dy yrfa).
• Sut i ddefnyddio arian er budd dy fywyd yn y tymor hir.
• Sesiwn holi ac ateb

Mae 75% o'r holl broblemau iechyd meddwl yn cael eu sefydlu erbyn 24 oed.

Mae nifer o ffactorau sy'n cyfrannu yn y gymdeithas gyfoes, gan gynnwys y pwysau i lwyddo, defnyddio'r cyfryngau cymdeithasol, diet gwael, patrymau cysgu gwael a mwy. Mae'r amgylchedd hwn yn achosi pobl i aberthu eu hapusrwydd er mwyn mynd ar ôl arian.

Daliwch i fyny ar y sesiwn holi ac ymateb ar ei sianel YouTube!

Mae'r digwyddiad hwn ar agor i fyfyrwyr a graddedigion, ond caiff ei gyflwyno fel rhan o Raglen Cymorth i Raddedigion Prifysgol Abertawe. Mae'r Rhaglen yn darparu digwyddiadau, hyfforddiant, cymorth a chyfleoedd i raddedigion Prifysgol Abertawe.

Ffair Yrfaoedd yr Hydref yw dy gyfle i siarad ag amrywiaeth eang o sefydliadau, rhwydweithio â chyflogwyr a chanfod cyfleoedd swyddi mewn un lle!

Ymuna â ni ar-lein ddydd Mercher 20 Hydref o 11:00 tan 17:00 ochr yn ochr â sefydliadau lleol, cenedlaethol a rhyngwladol.

Gan gynnwys y Fyddin, Babcock, yr Adran Addysg, Anabledd Cymru, Addysgwyr Cymru, Farrer & Co., Fortil UK, GAMBIT Corporate Finance, Hamilton Barnes, Cyllid a Thollau Ei Mawrhydi (HMRC), Hoare Lea, Lanyon Bowdler LLP, Mondelēz International, NFocus Ltd, Academi Cyllid GIG Cymru, TG y Swyddfa Ystadegau Gwladol a Data Space, Perrigo, Priory Healthcare, yr RAF, Tîm Gweithlu  Cynrychioliadol Heddlu De Cymru, Clwb Pêl-droed Dinas Abertawe, Teach First, Cyngor Cyfleusterau Gwyddoniaeth a Thechnoleg (STFC), Trafnidiaeth Cymru, a Chynllun 'Venture' i Raddedigion a llawer mwy!

Mae'r ffair hon ar gyfer pob myfyriwr a phob un sydd wedi graddio'n ddiweddar.

Cadwa le yma: Ffair Yrfaoedd yr Hydref - Creu Cysylltiadau (jobteaser.com)

Dyma flwyddyn rhyfedd iawn i fod yn astudio, yn graddio ac efallai'n chwilio am dy swydd gyntaf ar ôl graddio. Mae Sally Lloyd, sy'n rhan o'r cwmni cyflogadwyedd blaenllaw #ENTRYLEVELBOSS, ynghyd â'i phartner Frances Odera Matthews o The Notion Bar, yn cynnal gweithdy unigryw i fyfyrwyr Abertawe ynghylch datblygu a defnyddio'r feddalwedd Notion am ddim er mwyn cynllunio dy amser yn ddoeth ac yn strategol er mwyn lleihau straen wrth astudio, cynllunio dy yrfa a chwilio am swydd a bod yn oedolyn pur o ran trefnu dy hun.

Bydd y gweithdy ymarferol hwn yn dy helpu i ddefnyddio Notion er mwyn trefnu dy hun a chreu strwythur.

Ar ddiwedd y gweithdy, bydd gennyt ti:

• Ddealltwriaeth glir o Notion a sut i'w ddefnyddio
• Templed olrhain cymwysiadau syml y gelli di ei addasu
• Gwybodaeth am sut i lunio CV gwych mewn ffordd newydd a ffres
• Templed i olrhain cysylltiadau, a phwy rwyt ti wedi cysylltu â nhw
• Dealltwriaeth o'r ffordd mae Nolton yn cyd-fynd â dy holl fywyd
• Amser ar gyfer sesiwn holi ac ateb!

 Cewch fwy o adnoddau o #ENTRYLEVELBOSS yma.

Yn ôl cyflogwyr graddedigion, mae sgiliau negodi yn rhai o'r prif sgiliau sy'n brin ymysg graddedigion. Mae sgiliau negodi'n berthnasol ymhobman - o ran cysylltiadau busnes, negodi dy gyflog nesaf neu negodi pris am waith llawrydd. Dylet ti achub y blaen a phontio'r blwch sgiliau drwy ddod i'n Gweithdy Negodi.

Dysgwch fwy am Glybiau Trafod yma.