Apwyntiadau gydag Ymgynghorydd Gyrfaoedd
Rydym yn cynnig arweiniad cyfrinachol a ddiduedd i'ch helpu chi i wneud dewisiadau realistig am eich addysg a'ch cynlluniau o ran gyrfa, gan gynnwys:
- archwilio eich opsiynau pan nad ydych yn siŵr o'r hyn i'w wneud ar ôl graddio
- gwella eich ceisiadau a'ch datganiadau personol ôl-raddedig
- eich helpu os ydych yn ystyried newid neu adael eich cwrs
- cynllunio eich camau nesaf
- hyfforddiant at gyfweliadau i wella eich technegau cyfweld
Gallwch drefnu apwyntiad 30 munud yn uniongyrchol drwy'r ddolen hon. Cewch eich annog i greu eich proffil wrth i chi ddefnyddio'r Parth Cyflogaeth am y tro cyntaf. Gallwch drefnu apwyntiad o'r tab ar ochr dde'r faner werdd ar ôl i chi wneud hyn.
Ewch i sesiwn galw heibio wythnosol
Rydym ni yn parhau â sesiynau galw heibio wythnosol ar gyfer eich holl anghenion o ran gyrfaoedd a swyddi!
Y tymor hwn, rydym ni wedi rhannu'r sesiynau galw heibio'n ddau gategori; y Parth Cyflogaeth, ar gyfer eich holl anghenion cyffredinol o ran gyrfaoedd a swyddi, a sesiynau galw heibio ar gyfer CVs. Mae'n haws nag erioed cael cyngor ac arweiniad personol ar yrfaoedd!
Ar gyfer y tymor hwn (o 30 Ionawr tan 31 Mawrth ac o 24 Ebrill tan 9 Mehefin), cynhelir y sesiynau galw heibio'n wythnosol ar:
- Ddydd Mawrth, 12:00 - 2:00pm - Sesiynau Galw Heibio'r Parth Cyflogaeth, Campws Singleton, Stablau'r Abaty
- Dydd Mawrth, 12:00 - 2:00pm - Sesiynau Galw Heibio'r Parth Cyflogaeth, Llyfrgell Campws y Bae
- Dydd Mercher, 11:30 - 12:30 - Sesiynau Galw Heibio ar gyfer CVs, Campws Singleton, Stablau'r Abaty
Hefyd, gallwch drefnu apwyntiadau personol gydag Ymgynghorwyr Gyrfaoedd y mae ACA yn eu cynnig ar y ddau gampws neu drwy Zoom.
Os ydych chi newydd gyrraedd Abertawe neu'n dod at ddiwedd eich astudiaethau, dyma gyfle gwych i gwrdd â'r tîm a dysgu rhagor am sut gallwch chi ddod o hyd i interniaethau, gwaith rhan-amser a swyddi i raddedigion. Mae gan ACA rywbeth i helpu pob myfyriwr o bob disgyblaeth radd.
Galwch heibio a dweud helô. Edrychwn ymlaen at gwrdd â chi!