Doethur mewn Athroniaeth (Integredig 1+3)

Mae rheoliadau’r Ddoethuriaeth mewn Athroniaeth (Integredig) yn rhoi cyfle i ymgeiswyr ymgymryd â gradd Meistr a’i chwblhau a symud ymlaen i PhD, gan dderbyn dau ddyfarniad: MSc a PhD.

Mae'r rhaglen yn cynnwys dwy elfen: MSc mewn Dulliau Ymchwil Cymdeithasol (yr elfen Meistr) a PhD mewn amrywiaeth o feysydd pwnc (yr elfen Doethuriaeth).

Caiff y rhaglen ym Mhrifysgol Abertawe ei chynnig fel rhan o'r Rhaglen Hyfforddiant Doethurol, ar y cyd â phartneriaid cydweithredol ledled Cymru, gan alluogi myfyrwyr i astudio elfennau mewn sawl sefydliad gwahanol.

Mae'n rhaid i'r holl fyfyrwyr gwblhau'r elfen Meistr yn y sefydliad sy’n ei haddysgu cyn symud ymlaen yn ffurfiol i'r elfen doethuriaeth, naill ai yn yr un sefydliad, neu gydag aelod arall o'r bartneriaeth. Pan fydd myfyrwyr wedi cyflwyno'r elfen dysgu annibynnol dan gyfarwyddyd, caniateir iddynt gofrestru dros dro ar yr elfen Doethuriaeth, ar yr amod bod rhaid cwblhau'r elfen Meistr i gofrestru'n llawn. Bydd myfyrwyr nad ydynt yn cwblhau'r elfen Meistr fel rheol yn cael eu diarddel o'r rhaglen PhD.

Lle bo myfyrwyr yn astudio mewn sawl sefydliad, bydd y rheoliadau lleol yn berthnasol.

Lle bynnag y bo modd, mae'r partneriaid wedi ymdrechu i sicrhau bod rheoliadau tebyg ar waith gan bob partner.

Dylid darllen yr adran hon ar y cyd â'r Canllawiau ar Dderbyn Myfyrwyr Ymchwil.

1.1

Dyfernir graddau doethurol i fyfyrwyr sydd wedi dangos eu bod wedi cyflawni'r canlynol:

• Creu a dehongli gwybodaeth newydd, trwy ymchwil gwreiddiol neu ysgolheictod uwch arall, sydd o ansawdd sy'n bodloni adolygiad cymheiriaid, sy'n estyn ffiniau'r ddisgyblaeth ac sy'n deilwng o gael ei gyhoeddi.
• Caffael a deall yn systematig corff sylweddol o wybodaeth sydd ar flaen y gad mewn disgyblaeth academaidd neu faes o ymarfer proffesiynol.
• Y gallu cyffredinol i gysyniadu, cynllunio a gweithredu prosiect er mwyn creu gwybodaeth, cymwysiadau neu ddealltwriaeth newydd sydd ar flaen y gad o fewn y ddisgyblaeth, ac addasu cynllun y prosiect yn wyneb problemau nas rhagwelwyd.
• Dealltwriaeth fanwl o dechnegau cymwys ar gyfer ymchwil ac ymholi academaidd uwch.

Yn nodweddiadol, bydd deiliaid y cymhwyster yn gallu gwneud y pethau canlynol:

• Dod i farn wybodus ar faterion cymhleth mewn meysydd arbenigol, yn aml yn absenoldeb data cyflawn, a gallu mynegi eu syniadau a'u casgliadau yn glir ac yn effeithiol i gynulleidfaoedd arbenigol a lleyg.
• Parhau i ymgymryd ag ymchwil a datblygu pur a/neu gymwysedig ar lefel uwch, gan gyfrannu'n sylweddol i ddatblygu technegau, syniadau neu ymagweddau newydd.

A bydd gan y deiliaid:

• Y rhinweddau a'r sgiliau trosglwyddadwy angenrheidiol ar gyfer cyflogaeth lle mae gofyn iddynt arfer cyfrifoldeb personol a menter annibynnol i raddau helaeth mewn sefyllfaoedd cymhleth nad oes modd eu darogan mewn amgylchedd proffesiynol neu gyfatebol.

1.2

Rhaid i’r holl ymgeiswyr gofrestru’n fyfyrwyr Prifysgol Abertawe a thalu’r ffioedd priodol a bennir gan y Brifysgol. Fel myfyrwyr cofrestredig, rhaid i’r ymgeiswyr gydymffurfio â rheoliadau academaidd a chyffredinol y Brifysgol.

1.3

Ni all ymgeiswyr fod wedi cofrestru ar raglen arall sy’n arwain at ddyfarnu’r cymhwyster hwn yn y brifysgol hon neu sefydliadau arall heb ganiatâd Cadeirydd y Pwyllgor Rheoliadau, Ansawdd a Safonau neu oni bai fod y wobr yn rhan o gymwysterau a nodwyd yn fframwaith y radd hon.

1.4

Rhaid i'r holl ymgeiswyr fonitro’r cyfrif e-bost a roddwyd iddynt gan y Brifysgol trwy gydol cyfnod yr ymgeisyddiaeth gan y bydd yr holl ohebiaeth electronig oddi wrth y Brifysgol yn cael ei hanfon i gyfrif e-bost Prifysgol yr ymgeisydd. Awgrymir yn gryf bod pob ymgeisydd yn defnyddio’r cyfrif e-bost Prifysgol a roddwyd iddynt wrth gyfathrebu â’r Brifysgol.

1.5

Lefel astudio'r radd ymchwil a reolir gan y rheoliadau hyn fydd Lefel 8 y Fframwaith Cymwysterau Addysg Uwch (Lefel 8 y FfCAU).

2.1     

Rhaid i ymgeiswyr am Radd Doethur mewn Athroniaeth (3+1) feddu ar radd gychwynnol o brifysgol yn y DU neu brifysgol arall a gymeradwywyd gan Senedd y Brifysgol, a bydd yn ofynnol iddynt gwblhau elfen Meistr y rhaglen cyn symud ymlaen yn ffurfiol i elfen doethuriaeth y rhaglen. Gall ymgeiswyr gofrestru dros dro ar yr elfen Doethuriaeth ar ôl cyflwyno eu Dysgu Annibynnol dan Gyfarwyddyd, yn unol â'r rheoliad ar gofrestru cydamserol, hyd at gyfnod hwyaf o dri mis. 

2.2    

Rhaid i’r holl ymgeiswyr fodloni gofynion mynediad Iaith Saesneg y rhaglen a’r Brifysgol. Ceir rhagor o fanylion yn 

http://www.swansea.ac.uk/admissions/englishlanguagerequirements/

Efallai bydd yn rhaid i ymgeiswyr gymryd cyfarwyddyd ychwanegol yn Saesneg.

2.3

Gwneir y penderfyniad i dderbyn ymgeisydd i raglen ymchwil arfaethedig gan y Deon Gweithredol perthnasol neu Diwtor Derbyn y Gyfadran/Ysgol perthnasol. Dylai penderfyniadau fod yn seiliedig ar y ffactorau canlynol:

1. A yw’r Gyfadran/Ysgol yn fodlon bod yr ymgeisydd yn cyrraedd y safon academaidd angenrheidiol i allu cwblhau’r rhaglen ymchwil a fwriedir, waeth beth fo cymwysterau’r ymgeisydd;
2. A yw’r testun ymchwil a ddewiswyd gan yr ymgeisydd yn addas i’w astudio yn y dyfnder sydd ei angen ar gyfer y radd;
3. A allai aelod priodol o’r staff ddarparu goruchwyliaeth ddigonol yn unol â’r rheoliadau a osodir o dan ‘Goruchwyliaeth’;
4. A oes adnoddau a chyfleusterau addas ar gael i gynnal a chefnogi’r rhaglen ymchwil arfaethedig;
5. A yw’n ymddangos yn rhesymol y gellid cwblhau’r rhaglen arfaethedig o fewn y cyfnod byrraf posibl a bennwyd.
6. A yw'r ymgeisydd yn cwrdd â'r cymhwysedd iaith Saesneg gofynnol a amlinellir yn 2.2.

Pan fydd yr ymgeisydd yn bodloni’r holl ofynion i gofrestru (yn unol â Rheoliad 15.2) oni bai am ofynion llywodraethu matriciwleiddio’r Brifysgol, gall yr ymgeisydd, yn ôl disgresiwn y Swyddfa Derbyn, gael caniatâd i gofrestru dros dro am gyfnod penodol o amser, cyhyd â bod yr ymgeisydd yn cytuno i fodloni gofynion y Brifysgol o ran matriciwleiddio erbyn y dyddiad a bennir gan y Swyddfa Dderbyn. Os yw’r ymgeisydd wedyn yn methu â bodloni gofynion llywodraethu matriciwleiddio’r Brifysgol erbyn y dyddiad cau a bennir gan y Swyddfa Dderbyn, bydd y cofrestriad dros dro yn dod i ben, ac ystyrir nad yw’r ymgeisydd yn gymwys i gofrestru, a bydd Rheoliad 15.6 isod yn berthnasol.

Dylid darllen yr adran hon ar y cyd â Canllawiau ar Dderbyn Myfyrwyr Ymchwil.

3.1  Cofrestru

3.1.1

Mae’r Brifysgol yn disgwyl i bob ymgeisydd gofrestru er mwyn cael ei gydnabod fel myfyriwr y Brifysgol. Dylai pob ymgeisydd gofrestru yn unol â chyfarwyddiadau cofrestru'r rhaglen astudio benodol ac o fewn y cyfnod cofrestru penodedig.  

3.1.2

Mae’n rhaid i ymgeiswyr gofrestru o fewn y cyfnod a bennwyd ar gyfer cofrestru:

• Os ydynt yn cofrestru yn y brifysgol am y tro cyntaf.
• Os ydynt yn cofrestru ar raglen astudio benodol am y tro cyntaf.
• Os ydynt yn symud ymlaen i lefel nesaf eu hastudiaethau, blwyddyn nesaf eu hastudiaethau neu, mewn rhai achosion, rhan nesaf eu hastudiaethau, ac yn fyfyrwyr amser llawn neu ran-amser.
• Os yw’r Brifysgol yn disgwyl i ffi gael ei thalu yn unol â rheoliadau’r Brifysgol sy'n berthnasol i gyllid a ffioedd myfyrwyr.

3.1.3

Er mwyn cofrestru yn y Brifysgol, mae’n ofynnol i ymgeiswyr, lle bynnag y bo'n briodol, ddarparu tystiolaeth o’u hawl i astudio yn y Brifysgol yn unol â:

• Gofynion penodol y rhaglen.
• Rheoliadau’r Brifysgol o ran matriciwleiddio.
• Y ddeddfwriaeth ynghylch astudio yn y Deyrnas Unedig.

3.1.4

Os na fydd ymgeisydd yn cofrestru o fewn y cyfnod penodedig, bydd ei ymgeisiaeth yn dod i ben a bydd rhaid i’r ymgeisydd dynnu'n ôl o’r Brifysgol. Caiff ceisiadau i ailsefydlu'r ymgeisiaeth ac am ganiatâd i gofrestru'n hwyr eu hystyried gan y Deon Gweithredol a Gwasanaethau Addysg.

3.1.5

Bydd y Brifysgol yn hysbysu'r awdurdodau perthnasol, o fewn cyfnod penodedig, yn unol â deddfau’r Deyrnas Unedig parthed astudio yn y DU, am fyfyrwyr y tynnwyd eu henwau yn ôl oherwydd iddynt beidio â chofrestru ar raglen astudio o fewn y cyfnod cofrestru penodedig.

3.2

Caiff ymgeisydd astudio am radd Doethur mewn Athroniaeth (1+3) drwy un o’r dulliau canlynol:

• Fel myfyriwr amser llawn, trwy ymgymryd ag addysgu ac ymchwil yn y Brifysgol;
• Fel myfyriwr rhan-amser, trwy ymgymryd ag addysgu yn y Brifysgol ac ymchwil naill ai yn y Brifysgol neu’n allanol;
• Fel myfyriwr amser llawn, trwy ymgymryd ag addysgu/ymchwil yn y Brifysgol a/neu fod  ar raglen ymchwil gymeradwy a gynigir ar y cyd gan y Brifysgol a Phrifysgol arall neu bartner cymeradwy.

3.3

Ni ellir dyfarnu’r radd Doethur mewn Athroniaeth fel gradd er anrhydedd.

Dylid darllen yr adran hon ar y cyd â Chanllaw’r Brifysgol i Ymgeisyddiaeth Gradd Ymchwil a Chanllaw’r Brifysgol i Drosglwyddo a Thynnu Myfyrwyr Ymchwil yn ôl.

4.1

Rhaid i ymgeisydd ddilyn a chwblhau rhaglen addysgu ar Lefel Meistr ac rhaglen astudio dan oruchwyliaeth, gan gynnwys ymchwil a datblygu medrau generig naill ai’n fyfyriwr amser llawn neu'n fyfyriwr rhan-amser. Nodir y cyfnodau byrraf posibl ar gyfer astudio dan oruchwyliaeth, o'r dyddiad cofrestru, yng Nghanllawiau'r Brifysgol ar Ymgeisyddiaeth Graddau Ymchwil.

4.2 

Caiff yr elfen Meistr ei chwblhau fel a nodir gan y Gyfadran/Ysgol neu'r Partner Cydweithrediadol perthnasol (Dull D) a'r asesiadau wedi'u cwblhau erbyn y dyddiadau a bennwyd gan y Cyfadrannau/Ysgolion.

4.3

Rhaid i ymgeiswyr amser llawn ar y Wobr Integredig PhD 1+3 gwblhau rhannau addysgu'r elfen Meistr yn llwyddiannus a chyflwyno'r Dysgu Annibynnol dan Gyfarwyddyd  o fewn 12 mis ar ôl cofrestru a chyn cofrestru dros dro ar gyfer yr elfen ddoethurol. Rhaid i ymgeiswyr rhan-amser gwblhau'n llwyddiannus adrannau yr elfen Meistr a addysgir a chyflwyno'r Dysgu Annibynnol dan Gyfarwyddyd o fewn 24 mis ar ôl cofrestru a chyn cofrestru dros dro ar gyfer yr elfen ddoethurol.

4.4

Bydd ymgeiswyr ar fersiwn amser llawn a rhan-amser y rhaglen yn gallu cofrestru'n ffurfiol yn dilyn cwblhau'r elfen Meistr yn llwyddiannus. Bydd myfyrwyr nad ydynt yn cwblhau'r elfen Meistr fel rheol yn cael eu diarddel o'r rhaglen PhD.

4.5

Caiff y rhaglen radd gyfan ei chwblhau o fewn y terfynau amser canlynol o ddyddiad y cofrestru gwreiddiol:

4.6

Er gwaethaf paragraff 4.1, gall myfyriwr a gofrestrwyd o dan ddull Ch, gyda chaniatâd penodol y Gyfadran/Ysgol a’r Brifysgol, dreulio cyfnod neu gyfnodau yn astudio mewn sefydliad arall. Cytunir ar y cyfnodau astudio byrraf posibl yn y Brifysgol adeg derbyn (fel a ddiffinnir ym mharagraff 3.1) y myfyriwr gan Grŵp Gweithredol y Pwyllgor Rheoliadau, Ansawdd a Safonau.

4.7

Mae hawl gan ymgeiswyr ymgymryd â'r elfen Meistr mewn unrhyw sefydliad o fewn cytundeb y Rhaglen Hyfforddiant Doethurol ar y cyd, ac unwaith byddant wedi ei chwblhau'n llwyddiannus gallant ddechrau ar yr elfen ddoethurol mewn unrhyw sefydliad yn y Rhaglen Hyfforddiant Doethurol, gan symud ymlaen yn uniongyrchol i flwyddyn 2 (amser llawn) neu flwyddyn 3 (ran-amser) y rhaglen.

4.8

Bydd hawl gan ymgeiswyr sydd wedi cofrestru o dan Ddull D, ar ôl cwblhau'r elfen Meistr yn llwyddiannus, ddechrau ar yr elfen ddoethurol mewn unrhyw sefydliad yn y Rhaglen Hyfforddiant Doethurol, gan symud ymlaen yn uniongyrchol i flwyddyn 2 (amser llawn) neu flwyddyn 3 (rhan-amser) y rhaglen.

4.9

Nid yw’r rheoliad sy’n ymwneud â throsglwyddo credydau ar gyfer yr elfen hyfforddiant yn berthnasol i’r radd hon.

5.1

Disgwylir i ymgeiswyr am radd PhD (1+3) astudio’r rhaglen gyfan ym Mhrifysgol Abertawe ac ni fyddant fel arfer yn cael trosglwyddo credydau am yr elfen hyfforddiant o sefydliadau eraill nac o raglenni eraill ym Mhrifysgol Abertawe.

5.2

Mewn rhai achosion, caiff ymgeiswyr wneud cais i newid i ddull neu raglen astudio arall, neu gall y Bwrdd Achosion Myfyrwyr eu cyfarwyddo i wneud hynny. Bydd newidiadau o’r fath yn cael eu rheoli gan Ganllaw'r Brifysgol i Drosglwyddo a Thynnu Myfyrwyr Ymchwil yn ôl. Mewn achosion o’r fath bydd y Brifysgol yn pennu isafswm cyfnod astudio diwygiedig.

5.3

Fel arfer, ni chaniateir i ymgeiswyr drosglwyddo eu hymgeisyddiaeth i sefydliad arall nes bod isafswm y cyfnod ymgeisyddiaeth wedi'i gwblhau, fel y'i nodir ym mharagraff 1 Canllaw'r Brifysgol i Ymgeisyddiaeth Graddau Ymchwil.

6.1

Rhaid i Gyfadrannau/Ysgolion bennu strwythur a dull cyflwyno rhaglen wrth i'r rhaglen gael ei chymeradwyo.

6.2

Bydd y radd PhD (dyfarniad 1+3 integredig) yn cynnwys elfen Meistr a Addysgir (blwyddyn 1 amser llawn, blynyddoedd 1 a 2 rhan-amser) ac elfen Ymchwil Ôl-raddedig (blynyddoedd 2-4 amser llawn, blynyddoedd 3-8 rhan-amser) ynghyd â chyfnod ysgrifennu ar y diwedd o hyd at flwyddyn ar y mwyaf.

6.3

Bydd yr elfen Meistr a Addysgir yn cynnwys amrywiaeth o gydrannau addysgol ar wahân (modiwlau) y tybir bod eu lefel a’u cynnwys academaidd yn briodol ar gyfer y dyfarniad mewn maes pwnc penodol.

6.4

Mae rhaglen astudio gradd Meistr amser llawn neu ran-amser yn cynnwys modiwlau cyfwerth â chyfanswm o 180 o gredydau, lle caiff elfen dysgu annibynnol dan gyfarwyddyd[1] (gwerth 60 o gredydau), neu ddull amgen a awdurdodwyd gan y Pwyllgor Rheoliadau, Ansawdd a Safonau, ei chyflwyno yn un o'r fformatau isod:

• Ar yr un pryd â modiwlau a addysgir.
• Yn rhan o'r elfen a addysgir.
• Cyfuniad o a) a b).

6.5

Bydd elfen ymchwil y rhaglen yn gofyn i'r ymgeisydd lunio a chyflwyno traethawd ymchwil sylweddol a sefyll arholiad llafar.

6.6

Bydd strwythur rhaglen y radd PhD (1+3) fel a ganlyn:

7.1                

Caiff yr holl ymgeiswyr eu cofrestru ar y rhaglen PhD (1+3) integredig.

7.2          

Bydd yr holl ymgeiswyr yn dechrau gyda'r elfen Meistr a Addysgir ym mlwyddyn 1.

7.3          

Er mwyn symud ymlaen yn ffurfiol i elfen Doethuriaeth y rhaglen, mae'n rhaid i ymgeiswyr gwblhau holl fodiwlau'r elfen Meistr yn llwyddiannus (ar yr ymgais gyntaf neu'r ail ymgais) a chyflwyno'r cyd-ran dysgu annibynnol dan gyfarwyddyd.

7.4          

Bydd gan ymgeiswyr ganiatâd amodol i symud ymlaen i'r elfen Doethuriaeth, cyn cael cadarnhad o ddyfarnu'r elfen Meistr, ar ôl iddynt gwblhau'r holl fodiwlau a addysgir a chyflwyno'r dysgu annibynnol dan gyfarwyddyd. Os nad yw ymgeiswyr yn llwyddo yn yr elfen Meistr wedi hyn, cânt eu diarddel o'r rhaglen PhD.

8.1

Cydran addysgol unigol o fewn rhaglen yw modiwl. Bydd pob rhaglen yn cynnwys modiwlau a addysgir - a all fod yn fodiwlau sengl sy’n werth o leiaf 5 credyd Prifysgol Abertawe ond na fyddant fel arfer yn werth mwy na 30 o gredydau. Yn achos Rhaglenni Meistr, bydd 60 o gredydau ychwanegol o ddysgu annibynnol dan gyfarwyddyd neu drefniant amgen a gymeradwywyd.

8.2

Ar gyfer pob modiwl:

• Dynodir côd cyfeirio unigryw.
• Dynodir lefel astudio sy’n adlewyrchu safon academaidd y modiwl a’i ddeilliannau dysgu.
• Caiff credydau’r System Trosglwyddo Credydau Ewropeaidd (ECTS) eu pennu iddo (yn fras, mae 5 credyd y system honno’n gyfwerth â 10 credyd Prifysgol Abertawe).
• Gall modiwl fod â rhagofynion a/neu gyd-ofynion.

8.3

Gellir grwpio modiwlau i’r categorïau canlynol: modiwlau sydd wedi’u seilio ar ddarlithoedd; modiwlau sydd wedi’u seilio ar waith ymarferol; ymarfer allanol; dysgu annibynnol dan gyfarwyddyd; traethawd estynedig; gwaith cyfrifiadurol; gwaith maes; lleoliad gwaith neu ddysgu yn y gweithle, neu gyfuniad priodol o’r categorïau hyn (modiwl cyfansawdd).

8.4

Bydd pob modiwl ar gyfer cymhwyster a gynigir dan y rheoliadau hyn yn cyfateb i Lefel 7 y Fframwaith Cymwysterau Addysg Uwch. 

8.5 

Mae'r gwahanol fathau o fodiwl yn cynnwys:

Modiwlau Gorfodol

Bydd modiwlau gorfodol, a fydd yn cael eu pennu gan y Gyfadran(nau)/Ysgol(ion) dan sylw, yn perthyn i’r rhan fwyaf o raglenni gradd. Dylai pob Cyfadran/Ysgol nodi’r cyfryw fodiwlau a'u rhestru yn llawlyfrau'r Gyfadran/Ysgol.

Modiwlau Dewisol

Yn ogystal â’r modiwlau gorfodol, efallai y bydd disgwyl i ymgeiswyr astudio modiwlau dewisol o restr o ddewisiadau a bennir yn y maes (neu’r meysydd) pwnc arbenigol. Dylai ymgeiswyr ofyn am arweiniad eu Gyfadran/Ysgol ‘cartref’ wrth ddewis y modiwlau dewisol.

Modiwlau Craidd

Gall Cyfadrannau/Ysgolion nodi modiwlau sy’n hanfodol ar gyfer rhaglen. Gall Cyfadrannau/Ysgolion fynnu bod rhaid i ymgeisydd astudio'r modiwlau ‘craidd’ hynny a llwyddo ynddynt cyn y caiff symud ymlaen i ran nesaf yr astudio neu fod yn gymwys i ennill y dyfarniad. Mae’n rhaid gwneud yn iawn am fodiwlau craidd sy’n cael eu methu.

Modiwlau Amgen

Fel rheol, caiff y modiwlau hyn eu hastudio yn lle modiwlau a fethwyd yn flaenorol (ar ymgais gyntaf yn unig). Caiff ymgeiswyr wneud cais i'w Cyfadran/Ysgol gartref am ganiatâd i ddilyn modiwl(au) amgen. Bydd y marc ar gyfer modiwl amgen yn cael ei gapio, waeth beth yw'r marc mewn gwirionedd.

8.6   

Trosglwyddo Rhwng Modiwlau

Caiff ymgeiswyr drosglwyddo o un modiwl i fodiwl arall ar yr amod bod y cais i drosglwyddo’n cael ei gymeradwyo gan y Gyfadran(nau)/Ysgol(ion) perthnasol o fewn y raddfa amser ganlynol:

• Modiwlau dwys byr (2 wythnos) cyn diwedd yr ail ddiwrnod o addysgu ar y modiwl dan sylw.
• Modiwlau byr (11 wythnos): cyn diwedd ail wythnos yr addysgu ar y modiwl dan sylw.
• Modiwlau hir (22 wythnos) cyn diwedd y bedwaredd wythnos o addysgu ar y modiwl dan sylw.

Mewn achosion eithriadol yn unig, a chyda chymeradwyaeth Cadeirydd Pwyllgor Dysgu ac Addysgu’r Gyfadran/Ysgol, y cymeradwyir cais i drosglwyddo y tu allan i’r terfynau amser hyn.

Disgwylir i fyfyrwyr gydymffurfio â'r gweithdrefnau a fabwysiadwyd gan Senedd y Brifysgol, ac sydd mewn grym ar y pryd.

9.1

Gellir caniatáu i ymgeiswyr amser llawn a rhan-amser ar gwrs ôl-raddedig a addysgir newid eu dull mynychu cyn dechrau eu rhaglen gradd, ar yr amod nad yw hynny’n groes i reolau sy’n berthnasol i deithebau a nawdd/ysgoloriaethau ymchwil. Gall ymgeiswyr amser llawn a rhan-amser newid eu dull mynychu rhwng un a phedair wythnos ar ôl dechrau eu rhaglen gyda chymeradwyaeth y Deon Gweithredol neu ei enwebai. Fel arfer, bydd ymgeiswyr sy’n dymuno newid eu modd astudio ar ôl y terfynau amser hyn yn cael eu cynghori i ohirio eu hastudiaethau a dychwelyd ar gyfer y sesiwn ganlynol. Fodd bynnag, gyda chefnogaeth ddatganedig y Deon Gweithredol, gellir cyflwyno achos i Wasanaethau Addysg a fydd yn ystyried yr achos yn weinyddol, ar ran y Bwrdd Achosion Myfyrwyr.

10.1

Dynodir Tîm Goruchwylio Ymchwil i ymgeiswyr wrth iddynt gofrestru. Hefyd, dynodir Tiwtor Personol i ymgeiswyr, yn unol â Pholisi Prifysgol Abertawe ar Tiwtora Personol, a goruchwyliwr traethawd estynedig ar gyfer yr elfen Meistr.

10.2

Yn ystod yr elfen Meistr, bydd ymgeiswyr yn derbyn cymorth tiwtora a goruchwyliaeth ar gyfer eu traethawd estynedig, yn unol â pholisi'r Brifysgol ar gymorth tiwtora a goruchwylio traethawd estynedig. Yn ogystal, byddant yn cwrdd â'u tîm goruchwylio ymchwil i fonitro eu cynnydd.

10.3

Yn ystod yr elfen ymchwil, caiff ymgeiswyr eu goruchwylio'n rheolaidd ac yn barhaus, yn unol â'r gweithdrefnau ar gyfer goruchwylio ôl-raddedigion a bennir ym mholisi'r Brifysgol.

10.4

Penodir y tîm goruchwylio gan Ddeon Gweithredol yr ymgeisydd neu ei enwebai. Bydd y tîm goruchwylio'n cynnwys o leiaf ddau oruchwyliwr mewnol sy'n gymwys i'w penodi yn unol â chanllawiau'r Brifysgol. Bydd un goruchwyliwr yn cael ei ddynodi’n oruchwyliwr cyntaf/prif oruchwyliwr.

10.5

Mae’n rhaid i’r goruchwylwyr mewnol fod yn aelodau o staff Prifysgol Abertawe fel y'i nodir yng Nghanllawiau'r Brifysgol ar oruchwylio ymchwil ôl-raddedig. Bydd y prif oruchwyliwr yn bennaf gyfrifol am adrodd am gynnydd i’r Gyfadran/Ysgol a’r Bwrdd Dilyniant a Dyfarnu Academaidd, fel y'i nodir ym mharagraff 7.

10.6

Dynodir Tiwtoriaid Personol neu oruchwylwyr ymchwil i'r holl ymgeiswyr sy'n astudio drwy ddull Ch mewn sefydliad partner cydweithredol, yn unol â rheoliadau'r sefydliad lle mae'r ymgeisydd yn astudio.

10.7

Penodir goruchwylwyr allanol yn unol â gweithdrefnau'r Brifysgol ac â chymeradwyaeth y Bwrdd Dilyniant a Dyfarnu. Cydnabyddir oruchwylwyr o’r fath yn swyddogol yn y Brifysgol.       

Dylid darllen yr adran hon ar y cyd â Chanllawiau'r Brifysgol ar Fonitro Cynnydd Myfyrwyr Ymchwil.

11.1

Yn ystod yr elfen Meistr, disgwylir i ymgeiswyr fynd i holl sesiynau dysgu cynlluniedig yr amserlen sy'n gysylltiedig â phob modiwl maent wedi dewis ei ddilyn.

11.2

Caiff cyfranogiad yn ystod yr elfen Meistr ei fonitro yn unol â pholisi'r Brifysgol ar fonitro cyfranogiad.

11.3

Bydd cynnydd yn cael ei fonitro drwy gynnal sesiynau trafod rheolaidd gyda thiwtoriaid a goruchwylwyr, a thrwy Fyrddau Arholi.

11.4

Rhaid i’r Gyfardran/Ysgol gadarnhau ymgeisyddiaeth pob ymgeisydd o fewn tri mis i gofrestriad cychwynnol yr ymgeisydd fel y'i nodir yng Nghanllaw'r Brifysgol ar Fonitro Cynnydd Myfyrwyr Ymchwil.

11.5

Os nad yw’r Gyfardran/Ysgol yn gallu cadarnhau ymgeisyddiaeth ymgeisydd o fewn tri mis i gofrestriad cychwynnol yr ymgeisydd, efallai y bydd rhaid i'r ymgeisydd ohirio neu dynnu’n ôl o'r rhaglen.

11.6

Caiff cynnydd ymgeisydd yn ystod y cyfnod ymgeisyddiaeth byrraf ei fonitro'n rheolaidd gan y Bwrdd Dilyniant a Dyfarnu er mwyn penderfynu a ellir caniatáu i'r ymgeisydd symud i'r lefel nesaf. Caiff cynnydd ei fonitro ar adegau penodol fel y'i nodir yng Nghanllaw'r Brifysgol ar Fonitro Cynnydd Myfyrwyr Ymchwil.

11.7

Bydd ymgeiswyr sy'n parhau i astudio ar ôl isafswm cyfnod eu hymgeisyddiaeth yn parhau i gael eu monitro'n rheolaidd gan y Bwrdd Dilyniant a Dyfarnu nes iddynt gyflwyno'r traethawd ymchwil ar ddiwedd yr ymgeisyddiaeth.

11.8

Os yw’r Bwrdd Dilyniant a Dyfarnu o’r farn bod cynnydd ymgeisydd yn anfoddhaol, gellir mynnu bod yr ymgeisydd yn newid i raglen arall, neu gellir ei ddiarddel o'r rhaglen.

11.9

Yng nghyd-destun paragraffau 11.5 ac 11.8 uchod, bydd gan yr ymgeiswyr hyn hawl i apelio yn erbyn penderfyniadau ar ddilyniant, yn unol â gweithdrefnau Prifysgol Abertawe ar Gywirdeb Marciau a Gyhoeddwyd neu ei gweithdrefnau ar gyfer Apeliadau Academaidd.

12.1

Os yw salwch yn tarfu ar waith ymgeiswyr am fwy na saith niwrnod, bydd yn ofynnol iddynt hysbysu’r Gyfardran/Ysgol yn ysgrifenedig a chyflwyno tystysgrif feddygol.

12.2

Mae'n ofynnol i ymgeisydd sydd wedi bod yn absennol o arholiad gyflwyno esboniad ysgrifenedig i'r Gyfardran/Ysgol yn ddi-oed ac o fewn pum niwrnod gwaith ar ôl dyddiad yr arholiad. Yn achos salwch, bydd yn ofynnol i'r ymgeisydd gyflwyno tystysgrif feddygol hefyd.

12.3

Dylai pob ymgeisydd sylwi mai cyfrifoldeb yr ymgeisydd yw hysbysu'r Gyfardran/Ysgol, cyn gynted â phosib, am  amgylchiadau esgusodol a allai effeithio ar ei berfformiad, naill ai yn ystod y flwyddyn academaidd neu mewn arholiadau, yn unol â Pholisi'r Brifysgol ar Amgylchiadau Esgusodol sy'n Effeithio ar Asesu. Ni fydd apeliadau academaidd sy’n seiliedig ar amgylchiadau esgusodol y gellid bod wedi’u dwyn i sylw’r Gyfardran/Ysgol briodol cyn cyfarfod y byrddau arholi yn cael eu hystyried.

Ystyrir ceisiadau i ohirio astudiaethau yn unol â Rheoliadau Prifysgol Abertawe ynghylch Gohirio Astudiaethau.

Dylid darllen yr adran hon ar y cyd â Chanllaw'r Brifysgol ar Gyflogaeth Myfyrwyr Ymchwil.

14.1   

Rhaid i ymgeiswyr sy’n ceisio am swydd, ar ben eu hastudiaethau, naill ai yn y Brifysgol neu’r tu allan iddi, ufuddhau i’r canllawiau ar gyflogaeth fel y’u cyhoeddir yng Nghanllaw'r Brifysgol ar Gyflogaeth Myfyrwyr Ymchwil.

Dylid darllen yr adran hon ar y cyd â Chanllaw'r Brifysgol ar Ymgeisyddiaeth Graddau Ymchwil.

Yr Elfen Meistr

15.1

Mae'n ofynnol i'r holl ymgeiswyr gwblhau 180 o gredydau, gan gynnwys 60 o gredydau o ddysgu annibynnol, gan gyflwyno pob asesiad o fewn yr amserlenni a nodir isod.

15.2

Os na fydd ymgeisydd yn cyflwyno aseiniadau erbyn y dyddiad cyflwyno olaf, gall y Brifysgol fynnu bod yr ymgeisyddiaeth yn cael ei therfynu.

Datganiad, wedi’i lofnodi gan yr ymgeisydd, sy’n dangos i ba raddau y mae’r gwaith a gyflwynir yn ganlyniad gwaith ymchwil yr ymgeisydd ei hun. Dylid cydnabod ffynonellau eraill mewn troednodiadau sy’n cynnwys cyfeiriadau penodol. Dylid atodi llyfryddiaeth lawn i'r gwaith.

Datganiad, wedi'i lofnodi gan yr ymgeisydd, yn ardystio nad yw'r gwaith wedi cael ei dderbyn fel rhan sylweddol o radd arall, heblaw am ddyfarniadau a wneir fel rhan o'r rhaglen PhD integredig, ac yn ardystio nad yw'n cael ei gyflwyno, ar yr un pryd, fel rhan o ymgeisyddiaeth unrhyw radd.

Datganiad, wedi'i lofnodi, ynghylch argaeledd y gwaith.

16.1 

Rhaid i ddysgu annibynnol dan gyfarwyddyd gael ei gyflwyno'n unol â gofynion y Brifysgol. Caiff Cyfadrannau/Ysgolion ddewis rhwng yr opsiynau canlynol:

• Derbyn copi electronig o'r gwaith.
• Derbyn dau gopi o’r gwaith, mewn rhwymiad meddal, yn ogystal â chopi electronig.

Rhaid i Gyfadrannau/Ysgolion hysbysu myfyrwyr am y dull cyflwyno a ddefnyddir, yn Llawlyfr y Gyfadran/Ysgol.

Rhaid i bob copi gynnwys:

• Datganiad sy’n nodi bod y gwaith yn cael ei gyflwyno er mwyn bodloni gofynion y radd yn rhannol.
• Crynodeb o’r gwaith, nad yw’n fwy na thri chan gair o hyd.
• Datganiad, wedi’i lofnodi gan yr ymgeisydd, sy’n dangos i ba raddau y mae’r gwaith a gyflwynir yn ganlyniad gwaith ymchwil yr ymgeisydd ei hun.
• Dylid cydnabod ffynonellau eraill mewn troednodiadau sy’n cynnwys cyfeiriadau penodol. Dylid atodi llyfryddiaeth lawn i'r gwaith.
• Datganiad, wedi’i lofnodi gan yr ymgeisydd, sy’n cadarnhau nad yw’r gwaith yn gyffredinol wedi’i dderbyn eisoes ar gyfer unrhyw radd, ac nad yw’n cael ei gyflwyno mewn ymgeisyddiaeth am unrhyw radd arall ar yr un pryd â’r radd dan sylw.
• Datganiad, wedi'i lofnodi, ynghylch mynediad at y gwaith gan bobl eraill. 

16.2 

Bydd cyfarwyddiadau manwl ynghylch cyflwyno gwaith ar gael i ymgeiswyr yn y Canllaw Academaidd.

16.3 

Diffinnir cyflwyno dysgu annibynnol dan gyfarwyddyd fel cyflwyno darn neu ddarnau o waith yn unol â'r gofynion ar gyfer cyflwyno dysgu annibynnol dan gyfarwyddyd (uchod) a dylai'r cyflwyniad fodloni gofynion y Gyfadran/Ysgol hefyd (o ran fformat, uchafswm y geiriau ac yn y blaen.) Mae gan Gyfadran/Ysgol hawl i benderfynu a yw cyflwyniad yn bodloni'r gofynion hyn ai peidio.

16.4 

Fel arfer, y dyddiadau cyflwyno ar gyfer y gwaith dysgu annibynnol dan gyfarwyddyd fydd:

16.5 

Caiff Cyfadran/Ysgol bennu dyddiad cau cynharach ar gyfer cyflwyno darn o waith, a rhaid i’r dyddiad hwnnw gael ei gyhoeddi yn llawlyfr y Gyfadran/Ysgol.

16.6 

Bydd raid i fyfyriwr nad yw'n cyflwyno ei waith erbyn y dyddiad cau dynnu'n ôl o'r Brifysgol, a chaiff Ddiploma Ôl-raddedig yn gymhwyster gadael.

16.7 

Mae gan bob gradd ei chyfnod ymgeisyddiaeth hwyaf posibl (fel yr amlinellir uchod). Bwriad y cyfnod hwyaf posibl yw sicrhau bod ymgeiswyr y torrwyd ar draws eu hastudiaethau am ba reswm bynnag yn gallu cwblhau eu gradd. Rhaid i ymgeiswyr geisio cwblhau eu rhaglen erbyn y dyddiadau cau a nodir yn Rheoliad 4 uchod. Bydd ymgeisyddiaeth yn dirwyn i ben (gan felly gwahardd arholi) os na chwblheir y rhaglen o fewn yr amserlen a bennir gan y Brifysgol fel yr amlygwyd yn Rheoliad 4.

17.1

Os na fydd yr arholwyr wedi derbyn y gwaith erbyn y dyddiad cau a bennwyd, caiff yr ymgeisydd ei ailgyflwyno unwaith yn unig o fewn y terfynau amser canlynol:

17.2

Bydd y Brifysgol yn codi ffi am ailarholi, a chaiff y marc ei gapio.

17.3

Dylai myfyrwyr sy’n ailgyflwyno gwaith dderbyn adborth ysgrifenedig ar y rhesymau pam y bu iddynt fethu yn union ar ôl i’r Bwrdd Dyfarnu gadarnhau’r canlyniad. Dylai Cyfadrannau/Ysgolion sicrhau bod yr adborth yn adlewyrchu holl sylwadau’r Arholwyr (Mewnol ac Allanol) a bod y myfyriwr yn cael gwybod am y newidiadau sy’n angenrheidiol. 

17.4

Dim ond mân newidiadau i deitl eu gwaith y caiff myfyrwyr sy’n ailgyflwyno eu gwaith eu gwneud, gyda chaniatâd eu Goruchwyliwr. Ni ddylai newidiadau o’r fath beri bod angen unrhyw ymchwil gwreiddiol pellach.

17.5

Tybir bod myfyrwyr sy'n ailgyflwyno eu gwaith yn fyfyrwyr allanol. Fel arfer, ni ddisgwylir i'r fath fyfyrwyr fod yn bresennol yn Abertawe yn ystod y cyfnod ailgyflwyno. Caiff myfyrwyr y mynnir iddynt fod yn bresennol yn Abertawe yn ystod y cyfnod ailgyflwyno gyflwyno achos i'r Bwrdd Achosion Myfyrwyr, a rhaid i'r fath achos gael ei gefnogi gan y Deon Gweithredol neu rywun a enwebir ganddo.

18.1

Bydd Cyfadrannau/Ysgolion yn pennu dyddiadau cau ar gyfer cyflwyno gwaith. Bydd ymgeiswyr sy’n methu cyflwyno gwaith erbyn y dyddiad cau yn cael 0%. Gall ymgeiswyr sy’n cael eu hatal gan amgylchiadau esgusodol rhag cyflwyno gwaith erbyn dyddiadau cau wneud cais i’r Gyfadran/Ysgol am estyniad. Oni bai fod y Gyfadran/Ysgol yn derbyn manylion ynghylch amgylchiadau esgusodol a chais am estyniad, tybir nad oedd yr amgylchiadau penodol wedi effeithio’n ormodol ar y myfyriwr wrth baratoi ar gyfer yr asesiad dan sylw.

Dylid darllen yr adran hon ar y cyd â Chanllaw'r Brifysgol i Gyflwyno Traethawd Ymchwil ar gyfer Myfyrwyr Ymchwil a Chanllaw'r Brifysgol i Arholi Myfyrwyr Ymchwil.  

19.1

Mae'n ofynnol i'r holl ymgeiswyr gyflwyno traethawd ymchwil erbyn y dyddiad cyflwyno olaf a nodir ym mharagraff 1 Canllaw'r Brifysgol i Ymgeisyddiaeth Graddau Ymchwil, y fersiwn sydd mewn grym ar adeg derbyn y myfyriwr ac fel y'i nodir yn y Llythyr Cynnig ffurfiol.

19.2

Os na fydd ymgeisydd yn cyflwyno traethawd ymchwil erbyn y dyddiad cyflwyno olaf, gall y Brifysgol fynnu bod yr ymgeisyddiaeth yn cael ei therfynu.

19.3

Dylai ymgeiswyr hysbysu'r Brifysgol am eu bwriad i gyflwyno o leiaf dri mis cyn y dyddiad cyflwyno disgwyliedig.

19.4

Wedi cwblhau cyfnod byrraf posib yr ymgeisyddiaeth, caniateir i ymgeisydd gyflwyno copïau o draethawd ymchwil i’w arholi yn unol â Chanllaw’r Brifysgol ar Gyflwyno Traethawd Ymchwil ar gyfer Myfyrwyr Ymchwil.

19.5

Yn ogystal â chyflwyno copïau o'r traethawd ymchwil yn unol â pharagraff 19.4 uchod, rhaid i bob ymgeisydd gyflwyno copi electronig o'r traethawd ymchwil cyn iddo gael ei arholi. Dylid cyflwyno copi electronig o'r traethawd ymchwil wedi'i ddiwygio ar ôl yr arholiad os gwnaed cywiriadau neu newidiadau.

19.6

Gall ymgeisydd sy’n dilyn rhaglen ymchwil yn y Brifysgol ddewis cyflwyno traethawd ymchwil, neu waith arall, yn Saesneg neu yn Gymraeg. Rhaid i ymgeisydd sy’n dymuno cael ei asesu mewn iaith nad yw’n brif iaith addysgu/asesu'r rhaglen dan sylw hysbysu'r Bwrdd Achosion Myfyriwr cyn diwedd cyfnod byrraf posib yr ymgeisyddiaeth. Gwneir trefniadau yn unol â’r hyn a amlinellir yng Nghanllaw'r Brifysgol ar gyfer Arholi Myfyrwyr Ymchwil. Hefyd, rhaid cyflwyno ceisiadau am asesiad yn Gymraeg drwy'r Gyfadran/Ysgol cyn diwedd cyfnod byrraf posib yr ymgeisyddiaeth, er mwyn i drefniadau priodol gael eu rhoi ar waith i asesu'r gwaith drwy'r iaith y cafodd ei gyflwyno ynddi, lle bynnag y bo modd, neu drwy gyfieithu os nad yw hyn yn bosib.

19.7

Serch hynny, ni fydd y Bwrdd Achosion Myfyriwr yn cymeradwyo ceisiadau sy’n deillio o ddiffyg gallu’r ymgeisydd i gynhyrchu gwaith i’w gyflwyno yn Gymraeg neu yn Saesneg.

19.8

Pan fydd y Brifysgol wedi cael ei hysbysu am fwriad yr ymgeisydd i gyflwyno, bydd y Deon Gweithredol yn enwebu aelodau'r Bwrdd Arholi, y bydd ei aelodaeth yn unol ag adran 14 y rheoliadau ar gyfer Doethur mewn Athroniaeth (PhD) a nodir yng Nghanllaw'r Brifysgol i Arholi Myfyrwyr Ymchwil. Caiff yr ymgeisydd ei hysbysu am enwau aelodau arfaethedig y Bwrdd Arholi. Caiff penodiad aelodau’r Bwrdd Arholi ei gadarnhau gan y Pwyllgor Ymchwil Ôl-raddedig.

19.9

Bydd rhaid i ymgeiswyr sy’n ail-gyflwyno traethawd ymchwil nad yw wedi bodloni’r Bwrdd Arholi yn y gorffennol gyflwyno’r traethawd ymchwil diwygiedig yn unol â Chanllaw'r Brifysgol i Gyflwyno Traethawd Ymchwil ar gyfer Myfyrwyr Ymchwil. Bydd rhaid i’r ymgeisydd dalu ffi ychwanegol am ailgyflwyno hefyd. Pennir ffioedd ail-gyflwyno yn seiliedig ar y meini prawf a osodir ar y dudalen we ganlynol.

20.1

Dylai ymgeisydd y mae arno angen darpariaeth arbennig ar gyfer ei waith cwrs neu’i arholiad gyflwyno cais ysgrifenedig yn y lle cyntaf i'r Deon Gweithredol (neu unigolyn a enwebir ganddo/i), a fydd yn ymgynghori â’r Pennaeth Gwasanaethau Myfyrwyr (neu swyddog priodol o’r Brifysgol) cyn gynted ag y bo modd. Rhaid darparu tystiolaeth ddogfennol i gefnogi’r cais. Bydd y Deon Gweithredol neu'r unigolyn a enwebir ganddo hawl, ar ôl ymgynghori â’r Pennaeth Gwasanaethau Myfyrwyr (neu swyddog priodol o’r Brifysgol), i ddiystyru ceisiadau am ddarpariaeth arbennig os na chânt eu cefnogi gan dystiolaeth ddogfennol briodol.

20.2

Os caiff y Deon Gweithredol neu ei enwebai wybod y dylai ymgeisydd gael darpariaeth arbennig, bydd yn anfon y cais ynghyd â chopïau o'r dystiolaeth ddogfennol sy’n cefnogi’r cais at y Pennaeth Gwasanaethau Myfyrwyr (neu swyddog priodol o’r Brifysgol) cyn gynted ag y bo modd. Yn achos ymgeiswyr â dyslecsia, rhaid cael adroddiad sydd wedi’i ddyddio o fewn tair blynedd i ddyddiad mynediad yr ymgeisydd i’r rhaglen astudio. Rhaid i’r adroddiad gael ei gyflwyno gan seicolegydd cymwys sydd â phrofiad o weithio gydag oedolion dyslecsig, neu gan rywun sydd â chymhwyster ar ôl dilyn cwrs hyfforddi proffesiynol a oedd yn ymwneud ag asesu oedolion â dyslecsia.

20.3

Dylai unrhyw ymgeisydd y mae arno angen darpariaeth arbennig neu ystyriaeth arbennig ar gyfer ei waith cwrs neu’i arholiad, oherwydd amgylchiadau nad oedd modd eu rhagweld, hysbysu y Deon Gweithredol neu enwebai am hynny cyn gynted ag sy’n bosibl. Oni bai fod y Gyfadran/Ysgol yn derbyn manylion ynghylch amgylchiadau esgusodol a chais am estyniad, tybir nad oedd y myfyriwr wedi’i effeithio’n ormodol wrth baratoi ar gyfer yr asesiad dan sylw. 

20.4

Os yw’n briodol, gwneir trefniadau addas gan y Deon Gweithredol ar ôl ymgynghori â’r ymgeisydd.

21.1

Gall ceisiadau i estyn y dyddiad cau i gyflwyno'r darn o ddysgu annibynnol dan gyfarwyddyd (yr Elfen Meistr) gael eu hystyried gan y Gyfadran/Ysgol, hyd at gyfnod lleiaf posib yr ymgeisyddiaeth. Rhaid cwblhau estyniadau i ymgeisyddiaeth yn unol â rheoliadau'r Brifysgol, a rhaid eu cyfeirio drwy oruchwyliwr yr ymgeisydd, i'r Gwasanaethau Addysg, yn unol â'r dyddiadau cau a nodwyd.

21.2

Os cymeradwyir cais am estyniad i'r dyddiad cau i gyflwyno'r darn o Ddysgu Annibynnol dan Gyfarwyddyd ar gyfer yr Elfen Meistr, gall olygu na fydd ymgeiswyr yn gallu dechrau elfen doethuriaeth y rhaglen tan y cyfnod derbyn nesaf.

Dylid darllen yr adran hon ar y cyd â Chanllaw'r Brifysgol i Ohiriadau ac Estyniadau ar gyfer Myfyrwyr Ymchwil a Chanllaw'r Brifysgol i Drosglwyddo a Thynnu’n Ôl ar gyfer Myfyrwyr Ymchwil.

22.1

O dan amgylchiadau eithriadol, ac yn unol â Chanllaw'r Brifysgol i Ohiriadau ac Estyniadau ar gyfer myfyrwyr ymchwil, gall fod yn ofynnol i ymgeisydd ohirio ei ymgeisyddiaeth am resymau disgyblu, ariannol neu iechyd.

22.2

Dan amgylchiadau eithriadol, gall ymgeiswyr ofyn am ohirio eu hymgeisyddiaeth neu am estyniad i’w hymgeisyddiaeth. Dylid gwneud pob cais i ohirio ymgeisyddiaeth neu i estyn ymgeisyddiaeth yn unol â pharagraff 2 Canllaw'r Brifysgol i Ohiriadau ac Estyniadau ar gyfer myfyrwyr ymchwil.

22.3

Pan fydd ymgeisydd yn gohirio ei ymgeisyddiaeth, fel yr amlinellir ym mharagraffau 22.1 a 22.2 uchod, rhaid nodi, adeg y gohirio, ar ba ddyddiad y bydd yr ymgeisydd yn ailgydio yn ei astudiaethau.

22.4

Os na fydd ymgeisydd yn ailgydio yn ei astudiaethau erbyn y dyddiad dychwelyd i astudio, tybir bod yr ymgeisydd wedi tynnu’n ôl o’r rhaglen, yn effeithiol o ddechrau'r cyfnod gohirio, fel y'i nodir ym mharagraff 7 Canllaw'r Brifysgol ar Drosglwyddo a Thynnu’n Ôl ar gyfer Myfyrwyr Ymchwil.

22.5

Fel arfer, bydd y Bwrdd Achosion Myfyriwr yn mynnu bod myfyrwyr ymchwil sefydledig sydd wedi cwblhau blwyddyn neu fwy o'u hymchwil amser llawn, ond sydd wedi mynd dros y cyfnod gohirio hwyaf a ganiateir, yn tynnu'n ôl. Fodd bynnag, mewn amgylchiadau eithriadol, mae'n bosib y caniateir i'r myfyrwyr hyn wneud cais arall i ailgofrestru ar yr un cam â'r ymchwil blaenorol (o fewn cyfnod hwyaf o ddwy flynedd o'r dyddiad tynnu'n ôl). Dan yr amgylchiadau hyn yn unig y caniateir cyfnod ymgeisyddiaeth byrrach i fyfyriwr.

23.1

Bydd ymgeiswyr yn cael eu hasesu yn y Sefydliad lle maent wedi dilyn y rhaglen astudio.

23.2

Gall  ymgeisydd sy’n dilyn rhaglen astudio yn y Brifysgol wneud cais – waeth ai Saesneg neu Gymraeg yw prif iaith asesu'r rhaglen dan sylw – am gyflwyno sgriptiau arholiad neu waith i'w asesu yn Gymraeg neu Saesneg. Ymdrinnir â cheisiadau o’r fath yn unol â’r Canllawiau i Asesu ac Arholi yn Gymraeg neu mewn Iaith Arall ar wahân i Iaith yr Addysgu.

23.3

Mewn achosion lle gellir tybio ei bod hi'n briodol cyflwyno traethawd ymchwil mewn iaith heblaw am Gymraeg/Saesneg am resymau academaidd, gall y Gyfadran/Ysgol ganiatáu hynny os oes achos rhesymegol wedi’i gyflwyno i’w gymeradwyo, fel arfer cyn i’r ymgeisydd gofrestru i astudio. Fodd bynnag, ni fydd y Gyfadran/Ysgol yn cymeradwyo ceisiadau sy’n seiliedig ar ddiffyg gallu’r ymgeisydd i lunio gwaith i’w gyflwyno yn Gymraeg neu’n Saesneg.

24.1

Bydd gan bob Bwrdd Arholi ar gyfer graddau Meistr ôl-raddedig a Addysgir Gadeirydd a fydd yn gyfrifol am sicrhau bod y gweithdrefnau gweinyddol cywir ar gyfer cyflwyno ac arholi’r gwaith yn cael eu dilyn. 

24.2

Caiff yr holl waith ei farcio gan ddau aelod mewnol o staff, a dylai goruchwyliwr yr ymgeisydd hwnnw fod yn un ohonynt, fel arfer. Serch hynny, mewn rhai amgylchiadau efallai na fydd yn briodol i’r Goruchwyliwr fod yn farciwr.

24.3

Diffinnir rôl yr Arholwr Allanol yng Nghod Ymarfer Arholi Allanol Prifysgol Abertawe.

24.4

Fodd bynnag, os yw’n amhosibl penodi dau farciwr mewnol, dylai’r Gyfadran/Ysgol dalu marciwr allanol i fod yn ail farciwr a dylid gofyn i’r Arholwr Allanol wirio bod safoni wedi digwydd.

24.5 

Er ei bod yn arferol i’r un Arholwr Allanol arholi ymgeisydd ar gyfer Rhan Un a Rhan Dau, gellir penodi arholwr annibynnol i arholi’r gwaith os oes angen gwybodaeth arbenigol.

24.6

Gall Cyfadrannau/Ysgolion ddewis defnyddio rheoliadau samplu os ceir mwy na 10 o ymgeiswyr. Mae’r rheoliadau samplu fel a ganlyn:

O leiaf 10% o gyfanswm y darnau o waith (lleiafswm o 5) gan gynnwys o leiaf un darn o bob dosbarth (Llwyddo, Teilyngdod, Rhagoriaeth, lle y bo’n briodol). Yn ogystal â hyn, rhaid anfon bob darn o waith a fethwyd at yr Arholwr Allanol.

24.7

Bydd y marciau’n cael eu cadarnhau yng nghyfarfodydd Byrddau Arholi Rhan Dau (Bwrdd Dyfarnu'r Gyfadran/Ysgol a Bwrdd Dyfarnu'r Brifysgol.

24.8

Gweler y Cod Ymarfer ar gyfer Arholi Allanol am fanylion y weithdrefn ar gyfer ymdrin ag anghydfod neu anghytundeb.

Dylid darllen yr adran hon ar y cyd â Chanllaw'r Brifysgol i Gyflwyno Traethawd Ymchwil ar gyfer Myfyrwyr Ymchwil.

25.1

Caiff ymgeiswyr am radd PhD (3+1) eu hasesu yn y ffyrdd canlynol:

• Bydd yr elfen Meistr yn seiliedig ar asesu parhaus a/neu arholiadau uwch mewn meysydd astudio i'w pennu gan Gyfarwyddwr y Rhaglen dan sylw.
• Rhaid i'r holl ymgeiswyr gwblhau'r elfen Meistr yn llwyddiannus a chyflwyno'r dysgu annibynnol dan gyfarwyddyd cyn cael caniatâd amodol i symud ymlaen i'r elfen Doethuriaeth a chofrestru arni. Bydd ymgeiswyr sy'n methu'r elfen Meistr wedi hynny'n cael eu diarddel o'r rhaglen PhD.
• Bydd yr elfen Doethuriaeth yn seiliedig ar draethawd ymchwil sy’n cynrychioli dulliau a chanlyniadau’r prosiect ymchwil. Dylid cyflwyno pob traethawd ymchwil yn unol â Chanllaw'r Brifysgol i Gyflwyno Traethawd Ymchwil ar gyfer Myfyrwyr Ymchwil.
• Asesir y Ddoethuriaeth drwy arholiad llafar (Viva Voce) fel y'i nodir ym mharagraff 26.

25.2

Caiff Pennaeth y y Deon Gweithredol ddirprwyo'r tasgau gweinyddol ynghylch cyflwyno ac arholi traethawd ymchwil i aelod o'i staff, a bydd hefyd yn enwebu Cadeirydd y Bwrdd Arholi. Dylai'r Cadeirydd fod yn aelod o staff y Gyfadran/Ysgol â phrofiad priodol, nad yw wedi ymwneud yn uniongyrchol â goruchwylio'r ymgeisydd.

Dylid darllen yr adran hon ar y cyd â'r Canllawiau ar gyfer Myfyrwyr Ymchwil ar Gyflwyno Traethawd Ymchwil a'r Canllawiau ar Arholi Myfyrwyr Ymchwil.

26.1

Disgwylir i’r Bwrdd Arholi gynnal arholiad llafar ar gyfer pob ymgeisydd am radd ymchwil. Os caniateir i fyfyriwr ailgyflwyno o fewn 12 mis, fel arfer disgwylir i ail arholiad llafar gael ei gynnal. Fodd bynnag, mewn achosion eithriadol, gellir hepgor yr angen i gynnal ail arholiad llafar os darperir achos manwl o blaid ei hepgor yn adroddiad ysgrifenedig Cadeirydd y Bwrdd Arholi. Bydd angen i holl aelodau'r Bwrdd Arholi gytuno ar yr adroddiad ysgrifenedig a'i lofnodi ar y cyd.

26.2

Bydd pob arholiad llafar fel arfer yn cael ei gynnal ym Mhrifysgol Abertawe o fewn chwe mis i ddyddiad cyflwyno’r traethawd ymchwil.

26.3

Os oes angen darpariaeth arbennig ar ymgeisydd ar gyfer yr arholiad llafar, rhaid iddo hysbysu ei Gyfadran/Ysgol Cartref cyn cyflwyno’r traethawd ymchwil. Bydd y Gyfadran/Ysgol yn rhoi trefniadau ar waith, yn unol â’r hyn a amlinellir yng Nghanllaw'r Brifysgol i Arholi Myfyrwyr Ymchwil.

26.4

Bydd gan oruchwylwyr ymgeisydd hawl i fynegi i Gadeirydd y Bwrdd Arholi sylwadau ynghylch prosiect ymchwil ymgeisydd, ynghylch y traethawd ymchwil sy’n deillio ohono neu ynghylch ei arholi y teimla’r goruchwylwyr y dylai’r Bwrdd eu hystyried cyn gwneud ei benderfyniad. Bydd y goruchwylwyr yn mynegi'r sylwadau hyn, yn ysgrifenedig, i’r Cadeirydd ac i’r ymgeisydd cyn gynted ag y bo modd ar ôl i'r traethawd ymchwil gael ei gyflwyno i'r Bwrdd Arholi, ac yn ddigon cynnar i roi digon o amser i’r ymgeisydd, cyn arholi’r traethawd ymchwil (gan gynnwys  arholiad llafar), ystyried y sylwadau a wnaed a pharatoi ymateb.

26.5

Cynhelir yr arholiad llafar yn unol â Chanllaw'r Brifysgol i Arholi Myfyrwyr Ymchwil. Bydd argymhelliad y Bwrdd Arholi'n cael ei gyflwyno i’r Bwrdd Dilyniant a Dyfarniau i’w gadarnhau.

27.1

Bydd y Byrddau Arholi canlynol yn cwrdd i asesu ymgeiswyr ar gyfer yr elfen Meistr:

• Byrddau Cyfadrannau/Ysgolion (Semester 1 a 2 yn achos rhaglenni amser llawn).
• Bwrdd Dilyniant a Dyfarnu'r Brifysgol (diwedd y trydydd semester yn achos rhaglenni amser llawn).

27.2

Ceir manylion pellach ynghylch aelodaeth, rolau a chyfrifoldebau Byrddau Arholi yn y Rheoliadau Asesu ar gyfer Dyfarnu Ôl-raddedig a Addysgir.

27.3

Bydd yr holl arholiadau’n cael eu cynnal dan awdurdod a Gweithdrefnau’r Brifysgol ar gyfer Cynnal Arholiadau. Bydd y Bwrdd Arholi'n gweithredu'n unol â Rheoliadau Asesu Dyfarnu Ôlradd a Addysgir.

27.4

Caiff arholwyr allanol eu henwebu a’u penodi yn unol â’r gweithdrefnau a amlinellir yng Nghôd Ymarfer Prifysgol Abertawe ar gyfer Arholi Allanol.

27.5

Rhaid bod gan arholwyr/tiwtoriaid cyswllt statws proffesiynol amlwg diweddar neu gyfredol mewn maes ymarfer sy’n perthyn yn agos i’r rhaglen astudio.

27.6

Bydd curriculum vitae llawn yn cael ei ddarparu i’r Pwyllgor Addysg i gymeradwyo statws Arholwr Cyswllt.

Dylid darllen yr adran hon ar y cyd â'r Canllawiau ar Arholi Myfyrwyr Ymchwil.

28.1

Rhaid i bob Bwrdd Arholi ar gyfer ymgeiswyr sy'n cwblhau'r elfen Doethuriaeth gynnwys yr unigolion canlynol:

• Cadeirydd annibynnol, a fydd yn Ddeon Gweithredol neu’n aelod o staff â phrofiad priodol a enwebwyd gan y Ddeon Gweithredol. Disgwylir i Gadeirydd y Bwrdd Arholi gadeirio’r arholiad llafar a chyfarfodydd yr arholwyr.
• Arholwr neu arholwyr allanol a benodir yn unol â Chanllawiau'r Brifysgol i Arholi Myfyrwyr Ymchwil.
• Arholwr mewnol a benodir yn unol â Chanllaw'r Brifysgol i Arholi Myfyrwyr Ymchwil.

28.2

Bydd Cadeirydd y Bwrdd yn annibynnol yn y broses arholi a bydd yn atebol i’r Bwrdd Academaidd ar gyfer Ymchwil Ôl-raddedig pathed cynnal yr arholiad.

28.3

Ni chaniateir i oruchwylwyr yr ymgeisydd nac unrhyw aelod o staff sydd ynghlwm wrth oruchwylio’r ymgeisydd fod yn rhan o’r Bwrdd Arholi, ond gall Cadeirydd y Bwrdd Arholi eu gwahodd, wedi cael caniatâd ysgrifenedig penodol yr ymgeisydd ymlaen llaw, i fynychu’r arholiad llafar mewn rôl ymgynghorol. Ni chaiff ymgynghorydd siarad ond ar ôl cael ei wahodd i wneud hynny gan y Cadeirydd.

28.4

Yn achos ymgeisydd sy’n aelod o staff y Brifysgol adeg yr arholiad, bydd y Bwrdd Arholi yn cynnwys yr unigolion canlynol:

1. Cadeirydd, fel y nodir ym mharagraff 28.1 a) uchod.
2. Dau arholwr allanol, a benodir yn unol â Chanllawiau'r Brifysgol ar gyfer Arholi Myfyrwyr Ymchwil.

28.5

Bydd Cadeirydd y Bwrdd Arholi yn gyfrifol am sicrhau bod yr arholwr neu arholwyr mewnol a’r arholwr neu arholwyr allanol yn derbyn copïau o’r traethawd ymchwil i’w arholi ynghyd ag unrhyw ddogfennau perthnasol eraill fel y nodir yn y Canllawiau ar Arholi Myfyrwyr Ymchwil.

29.1

Dylai’r Gyfadran/Ysgol gadw un copi o’r gwaith am o leiaf dwy flynedd. Pan fydd ymgeisydd wedi cyflwyno dau gopi â rhwymiad meddal, dylai'r copi arall fod ar gael i'r ymgeisydd ei gasglu, oni fernir bod y cynnwys yn berthnasol i Gymru, ac yn yr achos hwnnw dylid ei gadw yn Llyfrgell y Brifysgol.

30.1

Caiff ymgeisydd gyhoeddi’r gwaith cyfan neu ran o’r gwaith a gynhyrchwyd yn ystod ei gyfnod cofrestru yn y Brifysgol. Gall ymgeisydd gyhoeddi’r gwaith cyn ei gyflwyno yn ei gyfanrwydd neu'n rhannol, ar yr amod na nodir yn unrhyw le yn y gwaith a gyhoeddir ei fod yn cael ei ystyried ar gyfer gradd uwch. Caiff y fath waith ei ymgorffori wedyn yn y darn o ddysgu annibynnol dan gyfarwyddyd a gyflwynir i'w arholi.

Dylid darllen yr adran hon ar y cyd â'r Canllawiau gyfer Myfyrwyr Ymchwil ar Gyflwyno Traethawd Ymchwil a'r Canllawiau ar Arholi Myfyrwyr Ymchwil.

31.1 

Bydd traethawd ymchwil a gyflwynir am radd uwch yn y Brifysgol ar gael yn agored, ac ni chaiff ei roi mewn unrhyw ddosbarthiad diogelwch ac ni fydd unrhyw gyfyngu ar ei ddefnyddio.

32.1

Er gwaethaf y darpariaethau yn y rheoliadau sy’n ymwneud ag argaeledd dysgu annibynnol dan gyfarwyddyd, gall y Brifysgol gael caniatâd, ar sail argymhelliad arbennig a gymeradwyir gan y Ddeon Gweithredol neu enwebai’r ymgeisydd, i atal unrhyw un rhag llungopïo a/neu gael mynediad at waith ymgeisydd am gyfnod o hyd at bum mlynedd. Cyfrifoldeb goruchwyliwr yr ymgeisydd fydd cyflwyno cais priodol i’r Deon Gweithredol neu enwebai cyn gynted ag y bo’n rhesymol ymarferol. Byddai’r gwaharddiad hwn hefyd yn berthnasol i aelodau’r Brifysgol.

32.2 

Dylai’r crynodeb a’r teitl fod ar gael yn ddirwystr.

32.3

Rhaid i unrhyw argymhelliad i atal mynediad gael ei gyflwyno i’r Deon Gweithredol drwy law’r Gwasanaethau Addysg, ar ôl ystyried cais a gyflwynwyd gan oruchwyliwr yr ymgeisydd ac a gefnogwyd gan y Deon Gweithredol neu ei enwebai. Cyfrifoldeb y goruchwyliwr fydd cyflwyno’r cais cyn gynted ag y bo’n rhesymol ymarferol. Rhaid i’r argymhelliad gynnwys datganiad ynghylch y rhesymau dros wneud y cais. Gwneir y rhan fwyaf o’r ceisiadau hyn ar sail sensitifrwydd masnachol yr ymchwil, a allai fod wedi’i noddi’n rhannol gan gorff masnachol neu ddiwydiannol. 

32.4

Bydd Ysgrifennydd y Pwyllgor (Pwyllgor Achosion Arbennig) yn hysbysu'r Goruchwyliwr pan fydd caniatâd wedi’i roi i atal mynediad. Yn achos gwaith y tybir ei fod yn berthnasol i Gymru, bydd y Gyfadran/Ysgol yn hysbysu llyfrgellydd Llyfrgell Genedlaethol Cymru o’r ffaith y dylid atal mynediad at y gwaith am gyfnod penodedig.

32.5

Tybir y bydd y penderfyniad i atal mynediad yn dod i rym cyn gynted ag y bydd y gwaith wedi’i gyflwyno, ond caiff y cyfnod a gymeradwywyd ei gyfrifo o’r dyddiad y caiff yr ymgeisydd ei hysbysu’n ffurfiol gan y Brifysgol am y ffaith ei fod yn gymwys i ennill gradd.

32.6

Pan gaiff gwaith ei gyflwyno, bydd yn ofynnol i ymgeisydd gynnwys datganiad wedi’i lofnodi ynddo a fydd yn dangos naill ai:

• Bod y gwaith, os yw’n llwyddiannus, yn gallu bod ar gael ar gyfer benthyciad rhwng llyfrgelloedd neu i’w lungopïo (yn unol â’r ddeddf hawlfraint), ac y gellir darparu’r teitl a’r crynodeb ar gyfer sefydliadau allanol; neu
• Y daw’r gwaith, os yw’n llwyddiannus, ar gael felly ar ddiwedd cyfnod y gwaharddiad.

Gall ymgeisydd sydd wedi cofrestru ar gyfer PhD (3+1) ond sydd ymhen amser yn methu neu’n cael ei wahardd rhag, cwblhau’r radd, gan ddibynnu ar lefel yr astudiaethau a gyflawnwyd, fod yn gymwys i dderbyn un o gymwysterau canlynol y Brifysgol:

33.1

Bydd pob myfyriwr sy'n symud ymlaen i'r gydran Ddoethuriaeth wedi cwblhau a derbyn gradd Meistr.

34.1

Bydd ymgeiswyr sydd wedi cymhwyso am eu dyfarniadau yn cael eu derbyn i’w graddau yn eu habsenoldeb, drwy orchymyn Is-ganghellor Prifysgol Abertawe. Gwahoddir yr ymgeiswyr i seremoni ddyfarnu yn ddiweddarach i ddathlu eu dyfarniad.

35.1

Weld y Rheoliadau Gradd Aegrotat

Weld y Diplomâu a Thystysgrifau ar ôl Marwolaeth

36.1

Caiff ymgeiswyr nad yw’r Bwrdd Arholi wedi’u hargymell ar gyfer y dyfarniad y cyflwynwyd y traethawd ymchwil ar ei gyfer apelio yn erbyn y penderfyniad a gofyn am apêl academaidd. Cynhelir pob apêl academaidd yn unol â gweithdrefnau Cywirdeb Marciau a Gyhoeddwyd a gweithdrefnau Apeliadau Academaidd Prifysgol Abertawe.

37.1

Caiff honiadau o arfer annheg eu hystyried yn unol â gweithdrefnau a rheoliadau Camymddygiad Academaidd Prifysgol Abertawe. Caiff unrhyw honiadau o arfer annheg a ddaw i law'r Brifysgol ar ôl cyflwyno'r radd i'r ymgeisydd eu hystyried gan y sefydliad sy'n dyfarnu'r radd.

38.1

Caiff honiadau yn ymwneud ag addasrwydd i ymarfer eu hystyried yn unol â rheoliadau Addasrwydd i Ymarfer Prifysgol Abertawe.

39.1

Dylai myfyrwyr sy’n anfodlon â'r dysgu a’r addysgu, y cyfleusterau neu'r gwasanaethau a ddarperir gan y Brifysgol, neu’r modd y mae’r Brifysgol, ei myfyrwyr, neu ei staff wedi ymddwyn neu heb ymddwyn, ddilyn y camau gweithredu a amlygir yng Ngweithdrefn Gwyno Prifysgol Abertawe.