Amgylchiadau Esgusodol ar gyfer Arholiadau

Rydym yn gobeithio na fyddi di'n wynebu unrhyw anawsterau a fydd yn effeithio ar dy arholiadau yng nghyfnod arholiadau mis Ionawr 2025 (6-24 Ionawr 2025) ond os fyddi di, mae opsiynau cymorth ar gael i ti.

Os oes gennyt amgylchiadau cymwys, mae modd i ti gyflwyno cais i ohirio unrhyw arholiad(au) nad oes modd i ti ei sefyll/eu sefyll i gyfnod asesu yn y dyfodol.

Efallai y byddi di hefyd yn gallu cyflwyno cais am Ddarpariaethau Dros Dro os wyt ti'n dioddef o gyflwr tymor byr sydyn sy'n effeithio arnat yn ystod cyfnod yr arholiadau.

Darllena'r wybodaeth am yr opsiynau hyn yn ofalus a chysyllta â'n Tîm gydag unrhyw gwestiynau. Efallai y bydd Polisi Amgylchiadau Esgusodol y Brifysgol hefyd yn ddefnyddiol.

Sylwer y bydd gwasanaeth y Dderbynfa a Thîm Cymorth Myfyrwyr y Gyfadran yn cau ddydd Llun 23 Rhagfyr 2024 ac ni fydd yn ailagor tan ddydd Iau 2 Ionawr 2025.

CWESTIYNAU CYFFREDIN AM YR ASESIADAU

Sut i Gyflwyno Cais i Ohirio Arholiad

Gall myfyrwyr sydd ag amgylchiadau esgusodol gyflwyno cais i ohirio unrhyw un o Arholiadau Semester 1 Mis Ionawr 2025. Os caiff hwn ei gymeradwyo, mae'n rhoi opsiwn i fyfyrwyr i ohirio un neu fwy o'u harholiadau terfynol a sefyll yr asesiad sydd wedi'i ohirio yn ystod cyfnod asesu yn y dyfodol.

Cliciwch yma i wneud cais

I gyflwyno cais i ohirio arholiad, cyflwyna gais drwy'r system Amgylchiadau Esgusodol ar eVision. Gelli di ddod o hyd i arweiniad ynghylch sut i gyflwyno cais gohirio arholiad yma.

Rhaid cyflwyno ceisiadau o fewn y 10 niwrnod gwaith cyn dyddiad cau'r aseiniad yr effeithir arno, neu o fewn 5 niwrnod gwaith ar ôl y dyddiad cau ar gyfer yr aseiniad yr effeithir arno. Gelli di gyflwyno mwy nag un cais i ohirio, ac mae'r terfyn amser cyflwyno'n berthnasol i bob arholiad rwyt ti am ei ohirio. Ni chaiff ceisiadau hwyr eu derbyn fel arfer.

Bydd angen dogfennaeth ategol briodol er mwyn cymeradwyo cais i ohirio. Wrth gyflwyno dy gais i ohirio, dylet ti lanlwytho unrhyw dystiolaeth ategol sydd gen ti sy'n cadarnhau dy amgylchiadau. Os nad oes modd i ti gyflwyno tystiolaeth fel rhan o dy gais gohirio gwreiddiol bydd gofyn i ti wneud hyn erbyn 12pm (canol dydd) ddydd Mercher 29 Ionawr 2025.

Sylwer:

Bydd myfyrwyr nad ydynt yn eu blwyddyn olaf, sy'n cael cymeradwyaeth, yn sefyll unrhyw arholiadau a ohiriwyd yn ystod Cyfnod Arholiadau Atodol mis Awst 2025.
Gall myfyrwyr sydd yn eu blwyddyn olaf, sy'n cael cymeradwyaeth, ddewis naill ai sefyll arholiadau a ohiriwyd yn ystod cyfnod arholiadau mis Mai/Mehefin neu gyfnod arholiadau mis Awst 2025.
Os caiff eich Cais i Ohirio ei gymeradwyo mewn perthynas ag asesiad rydych wedi ei gyflwyno eisoes, ni chaiff eich asesiad ei farcio a bydd eich marc terfynol ar gyfer y modiwl yn seiliedig ar yr asesiad wedi'i ohirio.

Tystiolaeth Ategol

Rhaid i dystiolaeth ategol:

Nodi sut mae'r amgylchiadau wedi effeithio ar berfformiad myfyriwr a/neu wedi effeithio ar allu myfyriwr i fynd i asesiad, ei gwblhau neu ei gyflwyno ar amser.
Cael ei dyddio o fewn mis i ddyddiad yr asesiad dan sylw.
Cael ei darparu gan drydydd parti a’i chyflwyno gan y myfyriwr.
Esbonio'r amgylchiadau'n glir.
Cadarnhau'r cyfnod amser yr oedd yr amgylchiadau'n effeithio arno.
Cael ei chyflwyno cyn gynted â phosibl.
Yn achos dogfennaeth a ysgrifennwyd mewn iaith arall, rhaid darparu cyfieithiad swyddogol.
Cael ei chyflwyno fel dogfen Word, JPEG neu PDF (nid yw systemau'r Brifysgol yn gallu darllen dogfennau ategol mewn fformat HEIC).

Mae enghreifftiau o dystiolaeth briodol yn cynnwys y canlynol:

Amgylchiadau Posib	Enghreifftiau o dystiolaeth briodol
Problemau technegol (h.y. tarfu ar Wi-Fi/gysylltiad, problemau mynediad, etc)	Sgrinluniau o negeseuon gwall, gan gynnwys dyddiad/amser. Hysbysiad o darfu ar wasanaeth wedi'i ddyddio. Diweddariad gan dudalen darparwr rhwydwaith. Cyfathrebiad sy'n nodi'r tarfiad, gan gynnwys negeseuon e-bost neu gyfryngau cymdeithasol. Gohebiaeth â darparwr gwasanaeth neu dîm technegol i nodi'r broblem, y dyddiad/amser a'r ymgais i ddatrys y broblem.
Amgylchiadau sy'n gysylltiedig ag iechyd neu les/iechyd meddwl	Nodyn gan eich meddyg, eich meddyg teulu neu ganolfan iechyd sy'n nodi'r amgylchiadau a'r dyddiadau dan sylw. Llythyr yn cadarnhau cyfnod yn yr ysbyty neu ddyddiad rhyddhau. Nodyn gan dimau lles neu lesiant canolog y Brifysgol os ydych yn cael cymorth gan y gwasanaethau hyn. Yn achos myfyrwyr â chyflyrau iechyd/anableddau newidiol sydd wedi cael eu cymeradwyo gan y Gwasanaethau Lles ac Anabledd, dylid ystyried bod y ffurflen addasiad yn dystiolaeth os yw'r amgylchiadau a nodir ar y cais am amgylchiadau esgusodol yn ymwneud â'r cyflwr iechyd a nodwyd.
Yn achos profedigaeth	Rydym yn sylweddoli bod hwn yn gyfnod anodd i bawb a gall fod yn anodd cael tystiolaeth. Mae'r mathau o dystiolaeth y gallwn eu hystyried yn cynnwys, ymysg eraill: Copi o'r dystysgrif marwolaeth (os bydd ar gael) Copi o drefn gwasanaeth angladd neu hysbysiad am yr angladd Copi o lythyr Trefnydd Angladdau Os yw'r brofedigaeth yn golygu eich bod yn cael problemau o ran eich lles/iechyd meddwl, gallwch ddarparu tystiolaeth o hyn (gweler yr arweiniad uchod ar dystiolaeth briodol) Mae'r uchod yn enghreifftiau'n unig. Os ydych yn ei chael hi'n anodd cael gafael ar dystiolaeth, mae croeso i chi gysylltu â'n tîm am arweiniad a chymorth.
Os ydych yn ddioddefwr trosedd	Adroddiad gan yr heddlu – ni fydd rhif cyfeirnod y drosedd ar ei ben ei hun yn ddigonol.
Cyfrifoldebau gofalu	Yn achos cyfrifoldebau gofalu ac anawsterau domestig tymor byr sy'n effeithio ar allu myfyriwr i baratoi ar gyfer asesiadau neu gynnal asesiadau, datganiad gan aelod o'r teulu/ffrind. Yn achos cyfrifoldebau gofal tymor hir, Pasbort Gofalwr.
Yn achos amgylchiadau eraill sy'n gymwys	Ceisiwch ddisgrifio'r amgylchiadau mewn modd mor fanwl â phosib a darparu cymaint o dystiolaeth ag y gallwch, a bydd y Tîm Gwybodaeth Myfyrwyr yn cysylltu â chi os bydd angen rhagor o dystiolaeth.

Bydd absenoldeb dogfennau ategol yn arwain at wrthod y cais oni bai bod y myfyriwr yn gallu rhoi esboniad digonol yn ei gais am ei reswm dros fethu darparu tystiolaeth fel hynny. Mae'r Brifysgol yn cydnabod y bydd hi'n anodd i rai myfyrwyr gasglu tystiolaeth yn y sefyllfa bresennol, a bydd yn ystyried ceisiadau â chydymdeimlad os darperir esboniad priodol.

Efallai y bydd Polisi Amgylchiadau Esgusodol y Brifysgol hefyd yn ddefnyddiol.

Sut i Gyflwyno Cais am Ddarpariaethau Dros Dro

Darpariaethau Dros Dro

Amgylchiadau sy'n gymwys:
Ceir Darpariaethau Dros Dro sy'n berthnasol i fyfyrwyr â chyflyrau byrdymor sydyn sy'n digwydd yn ystod cyfnod yr arholiadau ac sy’n amharu ar eich arholiadau. Mae hyn yn cynnwys cyflyrau meddygol sy'n dechrau'n sydyn (torri asgwrn, beichiogrwydd, nam ar y golwg, etc).

Sylwer, os cytunwyd ar ddarpariaethau dros dro ar gyfer naill ai arholiadau ar-lein neu ar y campws, byddant yn berthnasol ar gyfer y cyfnod arholiadau dan sylw YN UNIG, ac ar gyfer asesiadau sy'n para am 24 awr neu lai YN UNIG.Os oes gennych gyflyrau hirdymor parhaus a allai effeithio arnoch mewn arholiadau yn y dyfodol, rydym yn argymell eich bod yn cysylltu â'r Gwasanaeth Anabledd neu'r Gwasanaethau Lles er mwyn trafod darpariaethau hirdymor i'ch cefnogi yn y dyfodol.

Camau i gwblhau cais am Ddarpariaeth Dros Dro ar gyfer arholiadau AR Y SAFLE, WYNEB YN WYNEB:

1. I gyflwyno cais am Ddarpariaethau Dros Dro, e-bostiwch dîm MyUniHub am arweiniad yn myunihub@abertawe.ac.uk

2. Darparu tystiolaeth ategol: Bydd angen tystiolaeth ategol allanol os ydych chi'n cyflwyno cais am Ddarpariaethau Dros Dro ac ni fydd eich cais yn cael ei adolygu nes eich bod chi wedi darparu'r dystiolaeth ategol. Wrth gyflwyno cais am Ddarpariaethau Dros Dro, a wnewch chi hefyd lanlwytho'r dystiolaeth ategol sydd gennych i gadarnhau eich amgylchiadau.

Os nad ydych yn gallu cyflwyno eich tystiolaeth ar yr un pryd â'ch cais, anfonwch eich tystiolaeth drwy e-bostio tîm MyUniHub yn myunihub@abertawe.ac.uk cyn gynted â phosibl.

3. Cadarnhau darpariaethau: Os caiff y cais ei gymeradwyo, bydd tîm MyUniHub yn trafod y darpariaethau a fydd yn bosibl ar gyfer eich arholiadau ar y safle.

Camau i gwblhau cais am Ddarpariaeth Dros Dro ar gyfer arholiadau AR-LEIN:

I gyflwyno cais am ddarpariaethau dros dro, cwblha'r ffurflen Darpariaethau Dros dro ar gyfer Arholiadau, darparu tystiolaeth ategol drwy dy ffurflen.Bydd angen tystiolaeth ategol allanol os wyt ti'n cyflwyno cais am ddarpariaethau dros dro, ac ni fyddwn yn gallu adolygu dy gais nes ein bod wedi cael y dystiolaeth ategol.
Darparu tystiolaeth ategol: Rhaid darparu tystiolaeth ategol allanol os wyt ti'n cyflwyno cais am ddarpariaethau dros dro, ac ni fyddwn yn gallu adolygu dy gais nes ein bod wedi cael y dystiolaeth ategol.Wrth gyflwyno cais am Ddarpariaethau Dros Dro, a wnei di lanlwytho tystiolaeth ategol sydd gen ti sy'n cadarnhau dy amgylchiadau. Os nad wyt ti'n gallu cyflwyno dy dystiolaeth ar yr un pryd â'th gais, e-bostia dîm Cymorth Myfyrwyr y gyfadran StudentSupport-ScienceEngineering@abertawe.ac.uk gyda'th dystiolaeth cyn gynted â phosib.
Cadarnhau darpariaethau: Os caiff y cais ei gymeradwyo, bydd y gyfadran yn trafod pa ddarpariaethau fydd yn briodol (naill ai 25% o amser ychwanegol a/neu'r posibilrwydd o archebu mannau cyfrifiadur personol yn y Llyfrgell ymlaen llaw yn ystod y cyfnod asesu os ydynt ar gael). Os cytunir ar roi mwy o amser, bydd y dyddiad a'r amser rhyddhau ar gyfer pob asesiad cymwys yn aros yr un peth â'r amserlen wreiddiol, ond bydd y dyddiad cau ar gyfer cyflwyno dy asesiad yn cael ei addasu er mwyn cynnwys yr amser ychwanegol.

Ystyriaethau ac amseru pwysig:

Sylwer efallai na fydd amser ychwanegol yn bosib ar fyr rybudd, a bydd angen o leiaf 2 ddiwrnod gwaith o rybudd arnom i roi darpariaethau yn eu lle unwaith bydd y cais wedi'i brosesu a'i gymeradwyo. Byddwn yn e-bostio eich cyfrif e-bost myfyriwr i gadarnhau pa asesiadau fydd yn cynnwys darpariaethau.
Sylwer hefyd ar gyfer darpariaethau ar-lein, efallai na fydd mannau ar y cyfrifiaduron yn y Llyfrgell ar gael, ac eto bydd angen i ni ymgynghori â thîm y Llyfrgell ynghylch hyn.
Os na fydd y darpariaethau y mae eu hangen arnoch ar gael, neu os ydych chi'n meddwl na fydd y darpariaethau hyn yn ddigonol, bydd angen i chi ystyried gohirio.