Ffynonellau Cymorth Academaidd

Roedden ni am dynnu eich sylw at rai adnoddau mae tîm y Ganolfan Llwyddiant Academaidd wedi'u casglu ynghyd ar y pynciau canlynol:

• Dysgu Ysbeidiol
• Y dechneg Pomodoro

Yn ogystal â'r adnoddau hyn, cofiwch fod y tîm ar gael ar gyfer apwyntiadau personol, lle gallan nhw helpu i gynghori ar strategaethau mewn arholiadau ac wrth adolygu: Cymorth un i un - Prifysgol Abertawe.

Rhan o'r gwaith o baratoi am lwyddiant academaidd yw deall rheolau ymddygiad academaidd y brifysgol. Yn ddiarwybod i lawer o fyfyrwyr, os ydych yn destun ymchwiliad i gamymddygiad academaidd ac y caiff ei gadarnhau, bydd y gosb yn dibynnu ar yr amgylchiadau, ond gall gynnwys rhoi marc o 0% ar aseiniad, 0% ar fodiwl, neu mewn achosion mwy difrifol gellir eich tynnu'n ôl o'ch rhaglen astudio. Os ydych yn destun ymchwiliad i gamymddygiad academaidd, mae’n bosib na fydd eich canlyniadau’n cael eu rhyddhau ar amser a gellir arafu eich dilyniant.

Er mwyn sicrhau eich bod yn dilyn y rheolau, ac nad ydych yn gwneud rhywbeth ar ddamwain a ystyrir yn gamymddygiad academaidd, a wnewch chi ddarllen yr wybodaeth a'r adnoddau isod.

• Rheoliadau Uniondeb Academaidd
• Deall Llên-ladrad
• Llwyddiant Academaidd: Sgiliau ar gyfer Dysgu, Sgiliau am Oes

Mae hen bapurau ar gael ar gyfer rhai rhaglenni yn yr adran MODIWLAU yn yr hybiau ar CANVAS (gweler isod).

• HYB: Cyfrifiadureg
• HYB: y Gymuned Peirianneg
• HYB: y Gymuned Gwyddor Chwaraeon ac Ymarfer Corff
• HYB: Daearyddiaeth
• HYB: Mathemateg
• HYB: Biowyddorau  

Ar gyfer rhaglenni nad ydynt yn rhoi mynediad at hen bapurau, a wnewch chi gadw golwg ar dudalennau Canvas eich holl fodiwlau i weld adnoddau adolygu ac enghreifftiau o gwestiynau. Cysylltwch â chydlynydd y modiwl perthnasol i gael mwy o arweiniad.

• Ar gyfer myfyrwyr Peirianneg, mae Cydlynwyr Modiwlau'n rhoi adborth cyffredinol yn dilyn pob cyfnod arholi drwy Ffurflenni Adborth Arholiad, sydd ar gael o dan Ffurflenni Adborth Arholiad drwy HYB Canvas: y Gymuned Peirianneg.

• Ar gyfer myfyrwyr Gwyddoniaeth, ychwanegir adborth cyffredinol am arholiadau fel arfer at dudalennau Canvas holl fodiwlau'r cwrs, neu bydd Cydlynwyr Modiwlau'n rhoi cyfle i bob myfyriwr gael adborth unigol. A wnewch chi holi eich Cydlynydd Modiwl.

Caffi Mathemateg y Gyfadran: Mae’r Caffi Mathemateg yn arbenigo mewn cefnogi myfyrwyr Peirianneg a’r Gwyddorau Chwaraeon ac Ymarfer Corff, ac rydych yn cael eich annog i ddod â chwestiynau a phroblemau mewn fformat ‘yn barod i’w rhannu’, e.e. llun o’r gwaith gweithio allan, sgrinluniau, nodiadau darlith etc fel y gallwn weithio drwy enghreifftiau penodol gyda chi.

dydd Mercher a dydd Iau rhwng 1pm a 3pm  Ystafell A027 Adeilad Canolog Peirianneg 16.10.2024

Yn benodol ar gyfer y Biowyddorau, ceir adnoddau mathemateg ac ystadegau ar yr HYB: Israddedigion yn y Biowyddorau.

Yn benodol ar gyfer myfyrwyr Peirianneg, ceir nifer o adnoddau ar-lein ar y dudalen Canvas HYB: Adnoddau Peirianneg, gan gynnwys:

• Llyfrau gwaith HELM - Helping Engineers Learn Mathematics
• Academi Khan
• Math Centre
• Math Tutor
• Nodiadau darlith - ar gyfer y modiwlau dadansoddi peirianyddol
• Dolenni i wefannau allanol
• Mae MathCentre yn cynnwys ystod o gymorth, taflenni gwaith y gallwch weithio drwyddyn nhw i’ch addysgu eich hun neu eu defnyddio fel cymorth. Ewch i'w gwefan am ragor o wybodaeth: http://www.mathcentre.ac.uk/courses/

Am adnoddau i helpu gyda meddalwedd Peirianneg, mae'r dudalen HYB Canvas: Adnoddau Peirianneg yn cynnwys:

• Gwybodaeth am y feddalwedd sydd ar gael i fyfyrwyr Peirianneg.
• Gwybodaeth am fynediad o bell at gyfrifiadur personol.
• Adnoddau cymorth ar gyfer ANSYS, AutoCAD, MATLAB a SolidWorks.

Mae ein Hadran Gyfrifiadureg yn cynnig cyfres o sesiynau cefnogi rhaglennu i gynorthwyo myfyrwyr gyda’u sgiliau rhaglennu. Nod y sesiynau hyn yw helpu myfyrwyr i ddatblygu eu galluoedd rhaglennu a llwyddo yn y cwrs.

Bydd y gweithgarwch hwn yn ailddechrau ym mlwyddyn academaidd 2024/25. Cadwch lygad am fanylion yn agosach at ddechrau'r flwyddyn academaidd nesaf.

Bydd y Caffi Realiti Rhithwir ar gael o 12pm tan 4pm bob dydd Mercher yn ystod y tymor. Cynhelir y cyfarfodydd yn ystafell A123 yn Adeilad Dwyreiniol Peirianneg, gan gynnig lle i roi cynnig ar y cyfarpar realiti rhithwir a defnyddio efelychiadau er mwyn eich helpu i ddysgu a chofio cynnwys.

Cofiwch gwblhau'r arolwg presenoldeb bob tro y byddwch yn ymweld â'r caffi.

Mae’r Caffi Peirianneg â Chymorth Cyfrifiadur yn cynnal sesiynau Zoom drwy Canvas ar ddydd Mawrth, dydd Mercher a dydd Iau rhwng 1pm a 3pm yn ystod y tymor. Ar ddydd Iau bydd y Caffi’n cynnal sesiwn hybrid, ac yn ogystal â’r opsiwn Zoom byddwn hefyd yn cwrdd yn Ystafell A027 Adeilad Canolog Peirianneg. 

Bydd y Caffi’n dechrau ar 29 Ionawr 2024 ac yn cael ei gynnal tan ddiwedd y tymor (2 Gall).

Sesiynau cymorth galw heibio yw'r rhain ar gyfer ymholiadau sy'n gysylltiedig â meddalwedd benodol i Beirianneg (gan gynnwys SOLIDWORKS, Matlab ac Ansys). Bydd staff ar gael i helpu gyda chwestiynau ynghylch meddalwedd a datrys problemau, ond ni fydd ganddynt wybodaeth benodol am waith modiwlau, ac ni fydd modd iddynt weithio gyda myfyrwyr ar aseiniadau penodol.

Er mwyn ymuno yn sesiynau Zoom y Caffi CAE, gweler tudalen HYB Canvas: Adnoddau Peirianneg.

Yn ogystal â'r Caffi CAE, mae tudalen HYB Canvas: Adnoddau Peirianneg yn cynnwys:

• Gwybodaeth am y feddalwedd sydd ar gael i fyfyrwyr Peirianneg.
• Gwybodaeth am fynediad o bell at gyfrifiadur personol.
• Adnoddau cymorth ar gyfer ANSYS, AutoCAD, MATLAB a SolidWorks.

Mae gan yr holl staff addysgu oriau swyddfa dynodedig yn ystod yr wythnos pan fydd myfyrwyr yn cael eu hannog i alw heibio i drafod cynnwys darlithoedd, gofyn am adborth ar eu haseiniadau neu godi materion academaidd sydd ganddyn nhw. Bydd Oriau Swyddfa’n cael eu cynnal ar-lein drwy Zoom hyd oni nodir yn wahanol. Gallwch chi gael gwybod pryd y cynhelir Awr Swyddfa drwy dudalen berthnasol y modiwl ar Canvas neu drwy ofyn i’r staff academaidd yn uniongyrchol drwy e-bost.

Bydd pob myfyriwr yn derbyn Tiwtor Personol y bydd yn cwrdd ag ef drwy gydol y flwyddyn mewn cyfres o sesiynau unigol a grŵp gorfodol. Mae’ch Tiwtor Personol yno i roi cymorth ac anogaeth ichi wireddu’ch potensial academaidd ac i fod yn gyswllt academaidd unigol ar gyfer pob myfyriwr.

Gallwch chi ddod o hyd i fanylion cyswllt eich Tiwtor Personol ar Fewnrwyd y Brifysgol (ewch i Broffil Myfyriwr/Manylion y Cwrs/Enwau Cyswllt y Cwrs).

Yn ogystal â’ch Tiwtor Personol, gallwch hefyd gysylltu â’r Pennaeth Blwyddyn ar gyfer eich lefel a’ch rhaglen astudio gydag ymholiadau neu bryderon mwy cyffredinol sydd gennych am eich cwrs.- Mae’r manylion cyswllt ar gyfer eich Pennaeth Blwyddyn yn Rhan 2 y Llawlyfr ar gyfer eich rhaglen a’ch lefel.