Cyfleoedd Gwaith fel Myfyriwr Llysgennad

Mae Diwrnodau Agored Israddedig yn ddigwyddiadau allweddol yng nghalendr y Brifysgol. Mae'r digwyddiadau hyn ar gyfer myfyrwyr sy'n ystyried cyflwyno cais i Brifysgol Abertawe. Dyma'r digwyddiadau mwyaf sydd wedi eu trefnu gan y Brifysgol, gyda dros 5,000 o ymwelwyr yn dod i bob un. Mae Myfyrwyr Llysgennad yn chwarae rôl allweddol wrth gefnogi'r gwaith o gyflwyno'r digwyddiadau hyn. Pan fyddant ar y safle, bydd Myfyrwyr Llysgennad yn cefnogi gwaith gosod/pacio i ffwrdd, yn derbyn ymwelwyr, teithiau o'r campws, dangos llety, stiwardio’r maes parcio a'r safle bws, y Ffair Wybodaeth, sgyrsiau bywyd myfyrwyr/gweminarau, a gweithgareddau recriwtio cyfadrannau

Fel arfer, cynhelir y Diwrnodau Agored Ôl-raddedig ar brynhawn Mercher unwaith y bydd yr addysgu wedi'i gwblhau ar gyfer y diwrnod. Mae'r Diwrnodau Agored yn rhoi cyfle i ymwelwyr:

• Siarad ag aelodau staff am geisiadau, gyrfaoedd, cyllid a chymorth i fyfyrwyr ôl-raddedig
• Mynd ar daith o'r campws
• Mynd i sgyrsiau am astudio ôl-raddedig ym Mhrifysgol Abertawe, cyllid ôl-raddedig, a chlywed gan fyfyrwyr graddau Meistr a PhD presennol
• Ymweld ag adrannau academaidd a siarad â staff arbenigol am y cwrs/cyrsiau sydd o ddiddordeb iddynt

Cynhelir Diwrnodau Agored Rhithwir a Sesiynau Pwnc ar-lein ac maent yn ddigwyddiadau allweddol ar gyfer cyrraedd darpar fyfyrwyr na all deithio i ymweld â'r campws. Wrth weithio'n rhithiol, bydd Myfyrwyr Llysgennad yn cefnogi gweminarau Holi ac Ateb, sgwrs fyw Arena, a sesiynau Pwnc.

Drwy gydol y flwyddyn, bydd eich cyfadrannau'n cynnal prosiectau marchnata/recriwtio i dynnu sylw at gyrsiau, siarad am fywyd myfyrwyr, tynnu sylw ymgeiswyr sydd â diddordeb mewn dod i Abertawe at wasanaethau yn y Brifysgol. Dyma gyfle gwych i gynrychioli eich cwrs a'ch Cyfadran drwy rannu eich profiadau a'ch safbwynt.

Mae Myfyrwyr Llysgennad yn cefnogi sawl ymgyrch alw drwy gydol y flwyddyn sy'n cynnwys ffonio darpar ymgeiswyr i siarad am Brifysgol Abertawe neu ffonio graddedigion i weld beth maen nhw'n ei wneud nawr.

Cynhelir digwyddiadau corfforaethol ar draws y Brifysgol a chanol y ddinas drwy gydol y flwyddyn, gan roi cyfleoedd gwych i Fyfyrwyr Llysgennad gymryd rhan. Mae Gŵyl Wyddoniaeth Abertawe yn enghraifft, a chynhelir honno yn flynyddol. Dyma'r ŵyl am ddim fwyaf o'i bath yng Nghymru ac mae'n cynnwys ymchwilwyr sy'n archwilio dyfnderoedd y môr, y tir, yr awyr, a gofod, a chynhelir digwyddiadau ar draws cyfres o barthau â thema. Mae digwyddiadau corfforaethol hefyd yn cynnwys Varsity a Dawns yr Haf ac wedi cynnwys y Biggest Weekend gan Radio 1 yn y gorffennol. Mae'r rhain i gyd wedi bod yn gyfleoedd â thâl i Fyfyrwyr Llysgennad weithio, gan roi amrywiaeth i'r rolau sydd ar gael.

Drwy gydol y flwyddyn, mae'r Swyddfa Recriwtio Myfyrwyr yn trefnu sawl ymweliad â'r Brifysgol o wahanol ysgolion/colegau. Mae'r rhain yn cynnwys ysgolion cynradd ac uwchradd. Mae gofyn i Fyfyrwyr Llysgennad gynnal teithiau o'r campws a chynorthwyo wrth fynd gyda grwpiau yn ystod sesiynau.

Mae'r Swyddfa Recriwtio a Derbyn Myfyrwyr yn recriwtio staff i weithio dros fisoedd yr Haf yn ystod cyfnod prysur Cadarnhau a Chlirio. Dyma adeg y flwyddyn pan fydd y Swyddfa Derbyn Myfyrwyr yn prosesu canlyniadau arholiadau'r holl ymgeiswyr i Brifysgol Abertawe ac yn derbyn miloedd o alwadau ffôn gan ymgeiswyr sy'n chwilio am le drwy'r broses Clirio. Maen nhw'n chwilio am fyfyrwyr israddedig ac ôl-raddedig presennol a fydd ar gael yn ystod mis Awst i fod yn rhan o'r tîm sy'n ymdrin â'r ymholiadau ffôn ac i gyfarch ymwelwyr, cynghori ymgeiswyr am y broses a hyrwyddo'r Brifysgol.

Bob blwyddyn, mae'r Swyddfa Recriwtio Myfyrwyr yn anfon myfyrwyr yn ôl i'w hysgolion uwchradd a'u colegau Addysg Bellach i siarad am fywyd myfyrwyr ym Mhrifysgol Abertawe. Fel arfer bydd y cyflwyniadau hyn yn para tua hanner awr ac yn cael eu hamseru i gyd-fynd â gwyliau'r Brifysgol. Bydd y Swyddfa Recriwtio Myfyrwyr yn trefnu'r holl fanylion i chi, yn darparu hyfforddiant llawn a thempled cyflwyniad PowerPoint.

Mae Myfyrwyr Llysgennad wedi darparu cymorth gweinyddol a chlercol i sawl adran megis y Parth Cyflogaeth, Derbyn Myfyrwyr, y Swyddfa Llety, a'r Swyddfa Recriwtio Myfyrwyr. Mae gwaith yn yr achosion hyn yn amrywio o gefnogi tasgau a phrosiectau, cofnodi data, a thrin ymholiadau.

Dyma system negeseuon sy'n galluogi darpar fyfyrwyr i sgwrsio â myfyrwyr mewn addysg uwch. Bydd eich proffil ar Wefan Prifysgol Abertawe a bydd yn cael ei amlygu yn ystod digwyddiadau allweddol, fel Diwrnodau Agored, i ddarpar fyfyrwyr anfon neges atoch chi gyda'u cwestiynau. Rhannwch eich profiadau a magu eich hyder wrth siarad â phobl newydd.

Mae Academi Cyflogadwyedd Abertawe yn cynnal digwyddiadau cyflogadwyedd blynyddol i helpu myfyrwyr i ddod o hyd i gyfleoedd profiad gwaith a chyfleoedd i ennill mwy o arian. Mae'r Cynllun Llysgennad Myfyrwyr yn helpu i gefnogi'r gwaith o sefydlu a darparu'r digwyddiadau hyn dan oruchwyliaeth Tîm y Parth Cyflogaeth. Dyma gyfle gwych i rwydweithio â chyflogwyr y tu allan i'r Brifysgol a myfyrio ar eich uchelgeisiau gyrfa eich hun.

Nid yw pob ymgeisydd yn gallu dod i Ddiwrnodau Agored, felly yn aml byddant yn cysylltu â'r adran i drefnu ymweliad i weld y Campws a'r cyfleusterau. Bydd yr Adran yn galw ar Fyfyrwyr Llysgennad i ddarparu teithiau o'r campws i ymwelwyr a rhoi cyfle i'r ymgeisydd a'r teulu ofyn cwestiynau am fywyd myfyrwyr a phrofiad y cwrs/y Gyfadran.  Hefyd, gellir galw ar Fyfyrwyr Llysgennad i ddarparu teithiau o'r campws i swyddogion allanol ac uwch-arweinwyr y Brifysgol.

Grŵp o fewn y Cynllun Myfyrwyr Llysgennad yw is-gynllun, sy'n gweithio dro ar ôl tro gyda phrosiectau neu weithgareddau penodol. Yn aml, bydd angen proses recriwtio bellach ar gyfer yr is-gynlluniau hyn er mwyn sicrhau bod gan yr ymgeisydd llwyddiannus y sgiliau neu'r profiadau angenrheidiol i gefnogi'r prosiectau neu'r gweithgareddau y mae pob cynllun yn ymwneud â nhw. Er y bydd gwaith ymgeiswyr llwyddiannus y cynlluniau hyn yn cael ei gyfarwyddo gan oruchwylwyr yr is-gynllun a byddant yn gweithio'n agosach gyda'r adrannau hynny, maent yn dal i fod yn Fyfyrwyr Llysgennad ac yn cael eu rheoli gan Reolwr y Cynllun Llysgennad Myfyrwyr, maent yn dal i orfod glynu wrth Werthoedd y Gwasanaethau Proffesiynol a Chôd Ymddygiad y Myfyrwyr Llysgennad.

Maent yn cefnogi'r Tîm Marchnata Digidol wrth greu cynnwys digidol. Cynnwys fel Flogiau YouTube, ymgyrchoedd ar Instagram, ac maent yn cefnogi'r gwaith o greu cynnwys cyfryngau cymdeithasol a ddefnyddir i gefnogi gwaith recriwtio myfyrwyr. Mae hyn yn gweithredu fel is-dîm penodol yn y Cynllun Myfyrwyr Llysgennad lle gall Llysgenhadon weithio ar eu projectau digidol eu hunain gan arddangos yr hyn sydd gan Abertawe a'r Brifysgol i'w gynnig fel gweithgareddau a siopau bwyd, teithiau o amgylch yr ardaloedd ehangach etc.

Wedi'i lleoli yng nghanol Campws Parc Singleton Prifysgol Abertawe, nod Canolfan  Celfyddydau Taliesin yw cyfoethogi bywydau diwylliannol unigolion a chymunedau ar draws y rhanbarth, gan rannu profiadau’r celfyddydau â chynulleidfaoedd yn ein lleoliadau ac ar strydoedd Abertawe.  Rydym yn credu y dylai pawb gael mynediad at y celfyddydau, a bod y celfyddydau a diwylliant yn fannau i gydweithredu, cymryd rhan, creu neu ail-greu, a dysgu. Os ydych chi hefyd, hoffem glywed gennych. Mae Llysgennad y Celfyddydau yn rôl newydd ac amrywiol a fydd yn ein helpu i ailadeiladu ein cysylltiadau â chynulleidfaoedd a chymunedau ar ôl COVID. Mae'n ddelfrydol i unrhyw un sydd â diddordeb mewn gweithio yn y celfyddydau a byd diwylliant neu weithio yn y sector elusennol/y trydydd sector yn y dyfodol.

[AR Y GWEILL]

Gweithio gydag adran Fentergarwch Prifysgol Abertawe a chefnogi'r tîm Mentergarwch drwy dynnu sylw at y gwasanaeth maen nhw'n ei darparu. Felly, beth yw Mentergarwch? Bod yn fentrus yw cael y gallu i wneud i bethau ddigwydd. Mae'r tîm Mentergarwch yn cynnal amrywiaeth o ddigwyddiadau a gweithgareddau drwy gydol y flwyddyn academaidd i helpu myfyrwyr i gael meddylfryd entrepreneuraidd, mabwysiadu ymddygiad entrepreneuraidd, a meithrin sgiliau menter. Mae cyflogwyr yn gofyn am y rhinweddau hyn, felly maen nhw'n rhoi mantais gystadleuol i fyfyrwyr yn y farchnad lafur, ac yn rhoi dealltwriaeth iddynt o sut i ddechrau eu busnes eu hunain.

Gweithio gyda thîm y Gwasanaethau Academaidd drwy ddarparu cymorth blaen y tŷ ar ddiwrnod graddio. Helpu i gymryd portreadau graddio a siarad â graddedigion.

Ymunwch â grwpiau ffocws gwahanol sy'n cael eu cynnal gan amrywiaeth o adrannau ar draws y Brifysgol sy'n amrywio o Ystadau i Farchnata. Cael cyfle i rannu eich meddyliau a'ch barn ar amrywiaeth o bynciau.

Cwrs preswyl yw'r Ysgol Haf ar gyfer myfyrwyr 16-17 oed sydd â diddordeb mewn astudio graddau penodol yn y dyfodol. Mae'r cwrs yn galluogi'r myfyrwyr i gael blas ar y disgyblaethau gwahanol rydym ni'n eu cynnig yn y Brifysgol, gyda gweithgareddau'r ddisgyblaeth yn cael eu lledaenu ar draws sawl diwrnod. Bydd y myfyrwyr hefyd yn cael profi amser oddi cartref mewn lleoliad Prifysgol ac yn cael cyfle i fwynhau'r digwyddiadau cymdeithasol rydyn ni'n eu trefnu ar gyfer y nosweithiau.

Mae hyn ar gyfer digwyddiadau mewnol ac allanol. Cael eich dewis i gynrychioli Prifysgol Abertawe a'r Cynllun Myfyrwyr Llysgennad mewn digwyddiadau megis cynadleddau a ffeiriau gwybodaeth.

Cefnogi Academi Hywel Teifi ac adrannau eraill wrth dynnu sylw at ystod y cyfleoedd Cymraeg sydd ar gael yn y Brifysgol. Yn amrywio o hyrwyddo cyrsiau ac ymchwil cyfrwng Cymraeg y mae'r Brifysgol yn eu cynnig. Cefnogi'r academi i hyrwyddo'i themâu craidd - Dysgu, Datblygu a Dathlu - wrth iddi weithio i sicrhau statws uwch i’r iaith ym mhob agwedd ar fywyd y Brifysgol ac yn ne-orllewin Cymru.

Gweithio gyda'r Swyddfa Datblygu Rhyngwladol ac Ewch yn Fyd-eang i greu cynnwys marchnata i gefnogi ymgyrchoedd recriwtio yn eich gwledydd chi.

Cael cyfle i ymuno â sesiynau ffotograffiaeth ac ymddangos yn neunydd ac ymgyrchoedd recriwtio/hysbysebion y Brifysgol yn y dyfodol.