Library and IT Services

Mae gan ein llyfrgelloedd dîm o lyfrgellwyr pwnc sy’n barod iawn i’ch helpu i ddod o hyd i wybodaeth y bydd ei hangen arnoch chi ar gyfer eich aseiniadau ac i gyfeirnodi’r wybodaeth rydych chi’n ei defnyddio. Gallwch chi e-bostio’r tîm gyda’ch cwestiynau neu drefnu apwyntiad un-i-un: engineeringlib@abertawe.ac.uk

 Ceir hefyd ganllawiau sy’n benodol i’r pwnc sy’n cynnwys dolenni i’r adnoddau gorau ar gyfer myfyrwyr Peirianneg a Gwyddor Chwaraeon ac Ymarfer Corff.

Gellir dod o hyd i’r manylion cyswllt diweddaraf yma.

Bydd myfyrwyr yn derbyn cyflwyniad i’r llyfrgell ar ddechrau’u cwrs ac mae staff y llyfrgell yn barod iawn i ateb cwestiynau ar unrhyw adeg. 

Bydd adran ‘Rhestr Ddarllen’ eich modiwl ar Canvas yn rhestru’ch cyfeirlyfrau gosod ynghyd â dolen i iFind, sef catalog y llyfrgell, fel y bydd modd ichi wirio a ydyn nhw ar gael i’w benthyca. Os bydd ar gael, byddwch chi hefyd yn derbyn y ddolen i’r e-lyfr ar iFind. Rydyn ni’n croesawu awgrymiadau o ran prynu llyfrau newydd. E-bostiwch ni i engineeringlib@abertawe.ac.uk.

Ewch i dudalen Mynediad i’n Llyfrgelloedd i gael yr wybodaeth ddiweddaraf un o ran cyfyngiadau sy’n gysylltiedig â Covid-19.

Bydd iFind yn eich helpu i ddod o hyd i lyfrau, e-lyfrau, erthyglau cyfnodolion a chronfeydd data’r llyfrgell. Mae’n creu dolenni i adnoddau ar-lein neu rif galw (côd ar feingefn y llyfr) ar gyfer pob eitem yn y llyfrgell fel y byddwch chi’n gallu dod o hyd iddi ar y silff.

Mewngofnodi i iFind

Dylech chi fewngofnodi i iFind i ofyn am eitemau mewn llyfrgelloedd eraill, gofyn am eitemau sydd ar fenthyg i bobl eraill a chael mynediad at ein hadnoddau ar-lein. Mae’r ddolen fewngofnodi ar y brig ac ar gornel dde’r sgrîn.

Beth sy’n digwydd os na alla i ddod o hyd i’r hyn sydd ei angen arna i?

A yw’r eitem yn iFind? – Gwiriwch iFind i sicrhau nad yw rhywun arall wedi’i benthyca. Os yw’r eitem wedi’i benthyca, yna bydd yn rhaid ichi wneud cais i’w harchebu.

Gofynnwch am gymorth wrth y Ddesg Wybodaeth - os na allwch chi ddod o hyd i’r hyn rydych chi’n chwilio amdano yn iFind, yna gofynnwch am gymorth wrth Ddesg Wybodaeth y Llyfrgell neu e-bostiwch engineeringlib@abertawe.ac.uk.

Mae’r Llyfrgell yn cynnal sesiynau cymorth yn rheolaidd ar nifer o bynciau. Gallwch chi weld yr holl sesiynau sydd ar gael yma.

Gellir dod o hyd i’r manylion cyswllt diweddaraf yma.  

Mae’r feddalwedd ddilynol ar gael i fyfyrwyr ei lawrlwytho yn rhad ac am ddim. Sylwer y gall y rhestr isod newid bob amser o ganlyniad i gytundebau trwydded.

• Altair Hyperworks
• Ansys Student
• AutoCAD (a bron yr holl feddalwedd Autodesk arall)
• Bentley Staad.Pro
• CES Edupack
• Changelog
• Endnote
• Matlab
• Microsoft Office Student
• Solidworks
• SPSS

Defnyddiwch Ganllaw Meddalwedd y Coleg Peirianneg yn gyfarwyddyd. Mae’r canllaw hwn ar gael ar Canvas (mewngofnodwch i Canvas, ewch i’ch Dangosfwrdd ac yna dewiswch yr HUB: Cymuned y Coleg Peirianneg neu HUB: BSc Gwyddor Chwaraeon ac Ymarfer Corff i ddod o hyd i’r Canllaw ar gyfer y feddalwedd). Mae’r canllaw hwn ar gael hefyd ar y Gyriant L: Cyffredin yn ffolder y Coleg Peirianneg. 

Er mwyn helpu myfyrwyr yn ystod pandemig Covid-19, mae Gwasanaethau TG wedi buddsoddi mewn porth sy’n seiliedig ar y we o’r enw Labstats a bydd y porth hwn yn caniatáu ichi gael mynediad o bell i’r CPau ar y campws. Bydd hyn yn rhoi mynediad ichi at yr holl feddalwedd berthnasol y bydd ei hangen arnoch chi drwy gydol eich astudiaethau o’ch dyfais bersonol drwy borwr ar y we. Ewch i dudalen we Gwasanaeth Mynediad o bell i CPau y Brifysgol am gyfarwyddyd ynglŷn â sut i gael mynediad i’r gwasanaeth.

Gan mai drwy borwr ar y we y ceir mynediad at y Gwasanaeth Mynediad o Bell, dylech chi fod yn ymwybodol y bydd ei berfformiad yn dibynnu ar gyflymdra/cysylltedd eich band eang lleol. Ewch i dudalen gyngor Cymorth gyda Wi-Fi a Band Eang Gartref tra’n astudio Gartref i gael awgrymiadau a syniadau defnyddiol ynghylch perfformiad y rhyngrwyd.

Er y gallwch chi gael mynediad at y feddalwedd drwy’r Gwasanaeth Mynediad o Bell y sonnir amdano uchod, rydyn ni’n argymell eich bod yn lawrlwytho’r feddalwedd y bydd ei hangen arnoch chi i’ch dyfais bersonol gan ddefnyddio, os yn bosibl, ein Canllaw Meddalwedd y Coleg Peirianneg yn gyfarwyddyd. Mae’r canllaw hwn ar gael ar Canvas (mewngofnodwch i Canvas, ewch i’ch Dangosfwrdd, ac yna dewiswch yr HUB: Cymuned y Coleg Peirianneg neu HUB: BSc Gwyddor Chwaraeon ac Ymarfer Corff i ddod o hyd i’r Canllaw ar gyfer y feddalwedd). Mae’r canllaw hwn ar gael hefyd ar y Gyriant L: Cyffredin yn ffolder y Coleg Peirianneg. 

Gallwch ddod o hyd i gyfarwyddiadau ynghylch sut i gadw cyfrifiadur personol yn y Llyfrgell a/neu Le Astudio yma.   

Gan eich bod yn fyfyriwr ym Mhrifysgol Abertawe, bydd gennych chi fynediad at Office 365. Mae OneDrive for Business yn rhan annatod o Office 365 gan ei fod yn darparu lle yn y cwmwl lle gallwch chi storio, rhannu a chydamseru’ch ffeiliau gwaith. Ewch i dudalen we Storio Ffeiliau OneDrive for Business y Brifysgol am ragor o wybodaeth ac atebion i gwestiynau cyffredin yn ogystal â’r canllaw Cychwyn Cyflym OneDrive for Business.

Myfyrwyr Cyfredol: Sylwer y bydd y ffeiliau hynny a oedd wedi’u harbed gynt ar y Gyriant P: wedi cael eu symud i OneDrive for Business Prifysgol Abertawe.

Er mwyn ailosod cyfrinair drwy hunanwasanaeth, mae’n rhaid ichi fewnbynnu gwybodaeth diogelwch a elwir yn ddulliau dilysu, a hynny er mwyn profi pwy ydych chi pan fyddwch chi’n ailosod eich cyfrinair. Mae’n rhaid ichi gofrestru o leiaf un o’r dulliau dilysu dilynol:

• Gosod ap dilysu ar eich dyfais symudol er mwyn creu codau neu geisiadau iddyn nhw gael eu cymeradwyo. Mynnwch gip ar y cyflwyniad PowerPoint am MFA drwy ap i gael cyfarwyddyd am hyn.
• Rhif ffôn ar gyfer galwad neu neges destun

Gallwch chi ddewis yr opsiynau dilynol yn opsiynau wrth gefn (sylwer bod yr opsiynau wrth gefn hyn ond yn addas ar gyfer SSPR ac nid oes modd eu defnyddio yn achos MFA:

• Cyfeiriad e-bost arall, h.y. nid eich cyfrif e-bost Prifysgol (@abertawe.ac.uk)
• Atebion i rai cwestiynau diogelwch wedi’u rhagddiffinio, e.e. beth oedd enw’ch ysgol gyntaf?

Sylwer: Rydyn ni’n eich argymell yn gryf i gofrestru mwy nag un dull dilysu fel opsiwn wrth gefn.

Pan fyddwch chi’n mewngofnodi i wasanaethau Prifysgol Abertawe, byddwch chi’n gweld anogwr cofrestru ‘Angen rhagor o wybodaeth’.

Cliciwch ‘Nesaf’ a dilynwch y cyfarwyddiadau ar y sgrîn.

Myfyrwyr Newydd/Ar Gyrraedd – Fel arfer bydd myfyrwyr sy’n astudio’n rhaglenni Peirianneg yn defnyddio nifer o becynnau meddalwedd drwy gydol eu gradd. Er mwyn cael y budd gorau o’r rhain a manteisio i’r eithaf ar yr amser tra’n astudio ar-lein, mae’r rhan fwyaf o’n myfyrwyr yn dewis prynu gliniadur o safon dda ar gyfer eu hastudiaethau, a bydd hyn yn enwedig o ddefnyddiol yn ystod sefyllfa bresennol y pandemig gan y bydd yn caniatáu ichi weithio o bell.

Nid oes rhaid ichi brynu cyfarpar newydd os oes gennych chi rywbeth yn ei le eisoes ar gyfer gweithio o bell. Fodd bynnag, os ydych chi’n bwriadu prynu gliniadur newydd ar unrhyw adeg, dyma isod isafswm y manylebau y mae’r Coleg yn eu hargymell ar gyfer caledwedd CPau.

OS: Windows 10 (Windows 7; Ni fydd Mac OS yn cael ei gefnogi).

CPU: Intel i5 4 core  (AMD r5).

RAM: 16GB.

Gyriant Caled: SD 512GB.

Cydraniad: 1080 x 1920 (1080p).

Ar gyfer VR GPU: Nvidia 1070.

Noder: Nid yw’r rhan fwyaf o feddalwedd peirianneg yn cael ei chefnogi ar Mac OS. Felly, argymhellir mynediad drwy’r datrysiad a seilir ar Gwmwl os mai Mac yw’r brif ddyfais rydych chi’n ei defnyddio ar gyfer eich astudiaethau.