Amgylchiadau Esgusodol yn ystod Cyfnod Arholiadau Atodol Mis Awst

Amgylchiadau Cymwys:

• Mae Darpariaethau Dros Dro yn gyfyngedig i fyfyrwyr y mae cyflyrau sydyn a thros dro yn effeithio arnynt yn ystod y cyfnod asesu.
• Os caiff yr opsiwn hwn ei gymeradwyo, bydd myfyrwyr yn cael 25% o amser ychwanegol a/neu gymorth wrth archebu sesiynau ychwanegol i astudio yn y llyfrgell ac addasiadau ar gyfer asesiadau cymwys (os ydynt ar gael).
• Sylwer y bydd unrhyw ddarpariaethau dros dro OND yn berthnasol yn ystod y cyfnod asesu maent yn cael eu cymeradwyo ar ei gyfer, a DIM OND ar gyfer asesiadau sydd 24 awr neu'n llai o hyd. Os oes gennych gyflyrau hirdymor parhaus a all effeithio arnoch mewn arholiadau yn y dyfodol, rydym yn argymell y dylech gysylltu â'r Gwasanaethau Anableddau neu Les i drafod darpariaethau hirdymor i'ch cynorthwyo yn y dyfodol.

Camau i gwblhau cais am Ddarpariaeth Dros Dro ar gyfer arholiadau AR-LEIN:

1. Er mwyn cyflwyno cais am Ddarpariaethau Dros Dro, a wnewch chi lenwi'r ffurflen ar-lein Darpariaethau Dros Dro ar gyfer Arholiadau, gan roi tystiolaeth ategol drwy eich ffurflen. Mae angen tystiolaeth ategol allanol er mwyn cyflwyno cais am Ddarpariaethau Dros Dro, ac ni fyddwn yn gallu ystyried eich cais nes i ni gael tystiolaeth ategol.
   
   
2. Rhoi tystiolaeth ategol: Mae angen tystiolaeth ategol allanol er mwyn cyflwyno cais am Ddarpariaethau Dros Dro, ac ni fyddwn yn gallu ystyried eich cais nes i ni gael tystiolaeth ategol. Wrth gyflwyno cais am Ddarpariaethau Dros Dro, a wnewch chi hefyd lanlwytho'r dystiolaeth ategol sydd gennych i gadarnhau eich amgylchiadau. Os nad ydych yn gallu cyflwyno eich tystiolaeth ar yr un pryd â'ch cais, yna a wnewch chi anfon eich tystiolaeth i dîm Cymorth Myfyrwyr y gyfadran drwy e-bostio StudentSupport-ScienceEngineering@abertawe.ac.uk cyn gynted â phosib.
   
   
3. Cadarnhad o ddarpariaethau: Os caiff eich cais ei gymeradwyo, bydd y gyfadran yn trafod pa ddarpariaethau fydd yn briodol (25% o amser ychwanegol a/neu'r posibilrwydd o archebu sesiwn ar gyfrifiadur yn y llyfrgell ymlaen llaw yn ystod y cyfnod asesu os yw hyn ar gael). Os caiff amser ychwanegol ei gymeradwyo, bydd dyddiad ac amser rhyddhau pob asesiad cymwys yn aros fel y maent ar yr amserlen wreiddiol, ond caiff eich dyddiad cau i gyflwyno ei addasu i ganiatáu am y ddarpariaeth amser ychwanegol.

Camau i gwblhau cais am Ddarpariaeth Dros Dro ar gyfer arholiadau AR Y SAFLE, WYNEB YN WYNEB:

1. Er mwyn cyflwyno cais am Ddarpariaethau Dros Dro, a wnewch chi lenwi'r ffurflen ar-lein Darpariaethau Dros Dro ar gyfer Arholiadau, gan roi tystiolaeth ategol drwy eich ffurflen. Mae angen tystiolaeth ategol allanol er mwyn cyflwyno cais am Ddarpariaethau Dros Dro, ac ni fyddwn yn gallu ystyried eich cais nes i ni gael tystiolaeth ategol.
   
   
2. Rhoi tystiolaeth ategol: Mae angen tystiolaeth ategol allanol er mwyn cyflwyno cais am Ddarpariaethau Dros Dro, ac ni fyddwn yn gallu ystyried eich cais nes i ni gael tystiolaeth ategol. Wrth gyflwyno cais am Ddarpariaethau Dros Dro, a wnewch chi hefyd lanlwytho'r dystiolaeth ategol sydd gennych i gadarnhau eich amgylchiadau. Os nad ydych yn gallu cyflwyno eich tystiolaeth ar yr un pryd â'ch cais, yna a wnewch chi anfon eich tystiolaeth i dîm Cymorth Myfyrwyr y gyfadran drwy e-bostio StudentSupport-ScienceEngineering@abertawe.ac.uk cyn gynted â phosib.
   
   
3. Cadarnhad o ddarpariaethau: Os caiff y cais ei gymeradwyo, bydd tîm MyUniHub yn trafod pa ddarpariaethau a fydd yn bosib ar gyfer eich arholiadau ar y safle.

Nid oes opsiwn i ohirio asesiadau yn ystod cyfnodau asesu atodol, ond os ydych yn cael trafferth oherwydd amgylchiadau esgusodol, cewch gyflwyno Ffurflen Datganiad o Amgylchiadau Esgusodol. Sylwer, rydym yn cynghori myfyrwyr i geisio sefyll eu harholiad(au) atodol a chyflwyno Datganiad o Amgylchiadau Esgusodol os ydynt yn profi amgylchiadau sy'n effeithio arnynt yn ystod y cyfnod atodol. 

• Rhaid e-bostio ffurflenni Datganiad o Amgylchiadau Esgusodol i studentsupport-scienceengineering@abertawe.ac.uk o fewn 5 niwrnod gwaith (cyn neu ar ôl) dyddiad cau’r asesiad yr effeithiwyd arno. Rydym yn argymell yn gryf bod myfyrwyr yn cyflwyno cyn y dyddiad cau.
• Dylech gynnwys cymaint o fanylion â phosib ynghylch eich amgylchiadau a chyflwyno tystiolaeth ategol gyda'ch datganiad. Dylech ddarllen Polisi Amgylchiadau Esgusodol y Brifysgol i weld pa amgylchiadau sy'n gymwys.
• Bydd eich ffurflen Datganiad o Amgylchiadau Esgusodol yn cael ei hystyried pan gaiff y canlyniadau atodol eu trafod a'u cadarnhau ym Myrddau Arholi mis Ebrill 2023. Sylwer, hyd yn oed gydag amgylchiadau esgusodol, bydd y rheoliadau asesu arferol yn berthnasol, ac ni fyddwch yn cael symud ymlaen i'r lefel/rhan astudio nesaf neu’n gymwys am ddyfarniad os nad ydych wedi bodloni'r meini prawf gofynnol ar gyfer dilyniant/dyfarniad.
• Bydd myfyrwyr yn derbyn neges e-bost sy'n cadarnhau ein bod wedi derbyn eu Datganiad o Amgylchiadau Esgusodol, ond ni fyddant yn cael penderfyniad ar unwaith. Bydd penderfyniadau a chanlyniadau terfynol yn cael eu hystyried wrth gyfrifo Canlyniadau'r Arholiadau Atodol a gyhoeddir ar 04 Mai 2023 ar eich Proffil Myfyriwr ar y Fewnrwyd.

Mae angen Tystiolaeth Ategol os ydych yn gwneud cais am ddarpariaethau dros dro neu’n cyflwyno Datganiad o Amgylchiadau Esgusodol. Os gofynnir am dystiolaeth ategol, rhaid ei bod wedi’i dyddio o fewn mis i'r asesiad dan sylw neu'r dyddiad cau perthnasol, a rhaid iddi nodi sut mae'r amgylchiadau wedi effeithio ar berfformiad myfyriwr a/neu sut gallent fod wedi effeithio ar allu'r myfyriwr i ymgymryd ag asesiad, ei gwblhau neu ei gyflwyno'n brydlon.

Rhaid cyflwyno'r holl dystiolaeth ategol fel dogfen Word, JPEG neu PDF. Nid yw systemau'r colegau yn gallu darllen dogfennau ategol yn fformat HEIC.

Rhaid i dystiolaeth ategol:

• Gael ei darparu gan drydydd parti a'i chyflwyno gan y myfyriwr chi.
• Esbonio'r amgylchiadau'n glir.
• Cadarnhau'r cyfnod amser yr oedd yr amgylchiadau'n effeithio arno.
• Cael ei dyddio o fewn mis i ddyddiad yr asesiad dan sylw.
• Cael ei chyflwyno i'r Gyfadran cyn gynted â phosib.
• Yn achos dogfennaeth a ysgrifennwyd mewn iaith arall, rhaid darparu cyfieithiad swyddogol.

Mae enghreifftiau o dystiolaeth briodol yn cynnwys y canlynol:

• Llythyr neu dystysgrif gan feddyg.
• Llythyr yn cadarnhau cyfnod yn yr ysbyty a dyddiad rhyddhau o'r ysbyty.
• Tystysgrif marwolaeth/trefn gwasanaeth angladd/llythyr gan gyfarwyddwr angladdau.
• Adroddiad gan yr heddlu – ni fydd rhif cyfeirnod y drosedd ar ei ben ei hun yn ddigonol.

Os na chaiff dogfennaeth ategol ei darparu, bydd y cais yn cael ei wrthod oni bai y gall y myfyriwr ddarparu esboniad boddhaol yn ei gais pam na fu modd iddo ddarparu tystiolaeth o'r fath. Mae'r Brifysgol yn cydnabod y bydd hi'n anodd i rai myfyrwyr gasglu tystiolaeth yn y sefyllfa bresennol, a bydd yn ystyried ceisiadau â chydymdeimlad os darperir esboniad priodol.

Yn achos problemau technegol (h.y. amhariad ar y wifi/cysylltiad, problemau mynediad etc), bydd angen i chi ddarparu tystiolaeth i ategu eich cais. Gall y dystiolaeth gynnwys:

• sgrinluniau o negeseuon gwall sy'n nodi dyddiad/amser.
• hysbysiad o amhariad ar y gwasanaeth â dyddiad.
• diweddariad o dudalen darparwr y rhwydwaith
• cyfathrebu ynghylch yr amhariad, gan gynnwys e-byst neu bostiadau yn y cyfryngau cymdeithasol.
• gohebiaeth â darparwr gwasanaeth neu dîm technegol sy'n manylu ar y broblem, y dyddiad/amser a'r ymgais i ddatrys y broblem.

Yn achos amgylchiadau sy'n ymwneud ag iechyd neu les/iechyd meddwl, gall y dystiolaeth gynnwys:

• Nodyn gan eich meddyg, meddyg teulu neu ganolfan iechyd yn manylu ar yr amgylchiadau a'r dyddiadau pan oeddent yn effeithio arnoch chi.
• Ffurflen wedi’i chwblhau gan dîm Lles neu Anableddau'r Brifysgol yn cadarnhau'r cyflwr neu'r amgylchiadau. Dylech ddarparu copi o'ch ffurflen fel rhan o'ch cais, fel y bydd y cais a'r ddogfennaeth ategol gennym gyda'i gilydd wrth i ni adolygu'r cais. Os nad oes gennych gopi, e-bostiwch studentsupport-scienceengineering@abertawe.ac.uk a gallwn ddarparu un i chi ei ddefnyddio yn y dyfodol.

Yn achos profedigaeth, sylweddolwn fod hwn yn gyfnod gofidus i bawb ac y gall fod yn anodd casglu tystiolaeth. Mae'r mathau o dystiolaeth y gallwn eu hystyried yn cynnwys, ymysg eraill:

• Copi o dystysgrif marwolaeth (os oes un ar gael).
• Copi o drefn gwasanaeth angladd neu hysbysiad o angladd.
• Os oes gennych broblemau lles neu iechyd meddwl o ganlyniad i brofedigaeth, gallwch ddarparu tystiolaeth ynghylch y problemau lles/iechyd meddwl yn hytrach na'r brofedigaeth ei hun (gweler y nodiadau uchod ynghylch dogfennau ategol ar gyfer amgylchiadau iechyd, lles/iechyd meddwl).
• Enghreifftiau yn unig yw'r manylion uchod ac os yw'n anodd i chi gasglu tystiolaeth, siaradwch ag aelod o'r Tîm Gwybodaeth Myfyrwyr.

Yn achos amgylchiadau cymwys eraill, megis trefniadau domestig neu gyfrifoldebau gofalu, ceisiwch roi cynifer â phosib o fanylion am yr amgylchiadau a darparu cymaint o dystiolaeth ag y gallwch, a bydd y Tîm Gwybodaeth Myfyrwyr yn cysylltu â chi os oes angen rhagor o dystiolaeth.