1. Cartref i Fyfyrwyr Presennol
  2. Llais Myfyrwyr
  3. Newid Gyda'n Gilydd

Newid Gyda'n Gilydd

RYDYCH CHI WEDI GWNEUD GWAHANIAETH

Mae ein hymgyrch 'Gyda'n Gilydd Gwnaethom Newid' wedi taflu goleuni ar yr holl newidiadau gwych a gafwyd o ganlyniad i'ch adborth.

Nod yr ymgyrch yw eich cynnwys yn yr holl gamau gweithredu a wnaed sy'n seiliedig ar yr ymatebion i'r arolygon myfyrwyr, negeseuon ar Unitu, sylwadau mewn paneli Barn Myfyrwyr/grwpiau ffocws, a gweithgarwch cyfranogiad myfyrwyr arall. Drwy rannu eich barn, rydych chi'n ein helpu i wella profiad y myfyrwyr, felly diolch i chi!

Edrychwch ar y rhestr isod, neu edrychwch ar y map gerllaw iddi, i weld rhai o'r enghreifftiau o ran sut mae eich adborth wedi helpu i lywio ein Prifysgol.

Ar y cyd, rydym wedi cyflawni'r canlynol:

Students sitting at a table in Harbwr Fulton

Cyflwyno Harbwr Fulton

Yn ddiweddar, rydym wedi adnewyddu llawr cyntaf Tŷ Fulton (y ffreutur gynt) i gyflwyno Harbwr Fulton i chi! Mae'n fan cymdeithasol newydd sbon i chi ymlacio a mwynhau yno.

Ceir ystafell gemau benodol yn yr ardal hon lle gallwch gwrdd fel grŵp i ymlacio neu fwynhau gêm o bêl-droed bwrdd, pŵl neu Monopoly!

Amgylchiadau Esgusodol - diweddariad

Gwnaed newidiadau pwysig i'r system Amgylchiadau Esgusodol, sy'n golygu bod yr holl fyfyrwyr bellach yn defnyddio'r un system.
Gwnaethom ddefnyddio eich syniadau hefyd ac addasu'r fframwaith Tiwtoriaid Personol i fyfyrwyr israddedig ac ôl-raddedig a addysgir.

Student studying
Student playing badminton

Ehangu'r rhaglen Bod yn ACTIF!

Rydych chi wedi bod mor gadarnhaol am y rhaglen Bod yn ACTIF, rydym wedi ychwanegu dosbarthiadau ychwanegol gan gynnwys sesiynau barbwysau, badminton, mwy o ddosbarthiadau ioga a sesiynau hyfforddiant dwys bob wythnos!

Gweler yr amserlen lawn.

Bywiogi ein campysau!

Rydym wedi ychwanegu mwy o seddau awyr agored, plannu mwy o blanhigion a blodau, codi bwâu newydd yn y Safle o Ddiddordeb Gwyddonol Arbennig ar Gampws y Bae ac wedi dechrau ar waith adfer ac atgyweirio Abaty Singleton.

Yn fwy diweddar, mae'r artist lleol Hasan Kamil wedi dylunio a gosod murluniau ar Gampws y Bae a Champws Singleton! Ydych chi wedi eu gweld nhw?

Image of local artist, Hasan Kamil, creating a mural at Bay Campus
Mobile phone with MySwansea app

Gwelliannau i ap FyAbertawe

Rydym wedi cael adborth ac awgrymiadau gwych am ap FyAbertawe.

Bellach, rydym wedi ychwanegu mwy o bethau gan gynnwys argaeledd cyfrifiaduron yn ogystal ag offeryn i restru eich benthyciadau, ffïoedd a dirwyon llyfrgell!

Mwy o fannau astudio

Rydym wedi ychwanegu mwy o fannau astudio ar Gampws y Bae a Champws Singleton. Os ydych yn chwilio am ardal ddysgu dawel ar gyfer astudio ar eich pen eich hun, rhywle i weithio fel grŵp, neu os oes angen lle arnoch i ymlacio rhwng eich astudiaethau, mae digon o le i chi!

Edrychwch ar y rhestr lawn.

Students working on laptops