Meddwl am Eich Sgiliau

Sgiliau Trosglwyddadwy ar gyfer eich CV

Sgiliau trosglwyddadwy yw’r sgiliau rydym yn eu defnyddio ym mywyd gwaith bob dydd. Gellir cyfeirio at y sgiliau hyn weithiau fel ‘sgiliau meddalach,’ a bydd hefyd angen sgiliau penodol/technegol arnoch ar gyfer galwedigaethau. Ceir enghreifftiau o wahanol fathau o sgiliau trosglwyddadwy isod. Ceisiwch gynnwys y rhain mewn CVau a cheisiadau am swyddi, ond peidiwch â theimlo bod angen i chi eu cynnwys nhw i gyd – byddai rhai yn ddefnyddiol.

STAR

Mae acronym STAR yn offeryn defnyddiol ar gyfer meddwl am y prif bethau sy’n eich gwerthu wrth ysgrifennu CVau a cheisiadau, yn ogystal â pharatoi am gyfweliadau swydd. Ystyr STAR yw:

Situation (Sefyllfa) – meddyliwch am sefyllfa lle’r oedd angen i chi ddefnyddio/dangos sgìl demonstrate a skill
Task (Tasg) – beth oedd y dasg go iawn yr oedd angen i chi ei gwneud?
Action (Cam gweithredu) – yr hyn a wnaethoch (canolbwyntiwch ar yr hyn a wnaethoch CHI)
Result (Canlyniad) – beth oedd y canlyniad?

Gwnewch yr enghraifft yn FYR

Situation (Sefyllfa): Roedd angen i mi weithio fel rhan o dîm prosiect bach a oedd yn gorfod ymgymryd ag ymarfer cynllunio ariannol, a chyflwyno’r canfyddiadau wedyn i gyd-fyfyrwyr a thiwtoriaid ar gyfer asesiad ffurfiol.

Task (Tasg): Fy rôl yn benodol oedd gwneud gwaith ymchwil i’r gwahanol fodelau cynllun busnes a pharatoi papur briffio gyda fy awgrymiadau ynghylch y model y dylai’r tîm ei ddefnyddio. Roedd angen cyflawni hyn o fewn cyfnod tynn iawn o amser.

Action (Cam gweithredu): Y cam gweithredu a gymerais oedd gwneud gwaith ymchwil i gynlluniau busnes ar wefannau amrywiol, ymweld â nifer o fanciau lleol i gael cyngor, a chasglu gwybodaeth a oedd yn cynnwys modelau cynllun busnes. Siaradais hefyd â’r gwasanaeth cyngor busnes lleol i gael ragor o arweiniad.

Result (Canlyniad): Canlyniad – paratois adroddiad gydag asesiad o’r modelau cynllun busnes amrywiol, a fy argymhelliad o ran y model y dylai’r tîm ei ddefnyddio. Cafodd hyn ei gyflawni o fewn y dyddiad targed oherwydd cynlluniwyd a threfnwyd cyfarfodydd gyda phartïon amrywiol mewn modd effeithiol. Cawsom ein canmol am ein cyflwyniad gan y myfyrwyr a’r aseswyr, yn benodol am ansawdd ac effeithiolrwydd ein cynllun busnes (cawsom farc o 78%).

Geirdaon

Gofynnwch am ganiatâd gan eich canolwyr bob amser. Cofiwch roi’r wybodaeth ddiweddaraf i’ch canolwyr ynglŷn â’r swyddi rydych yn ymgeisio amdanynt, fel bod modd iddynt ymateb i ymholiadau yn gyflym. Ceisiwch roi cymaint o amser ag y bo modd i’ch canolwyr.