Gradd Doethuriaeth Uwch

Dylid darllen yr adran hon ar y cyd â Chanllaw’r Brifysgol i Radd Doethuriaeth Uwch.

1.1

Gall y Brifysgol ddyfarnu gradd Doethuriaeth Uwch ar sail gwaith sydd eisoes wedi’i gyhoeddi, ac sy’n bodloni’r meini prawf a nodir isod. Dyfernir y cymhwyster i ymgeiswyr sydd:

1. Wedi gwneud cyfraniad gwreiddiol a sylweddol i’w disgyblaeth(au) dros gyfnod sylweddol;
2. Wedi ennill statws awdurdodol yn eu disgyblaeth(au).

1.2

Rhaid i bob ymgeisydd dalu’r ffioedd priodol a bennir gan y Brifysgol. Rhaid i bob ymgeisydd gydymffurfio â rheoliadau academaidd a chyffredinol y Brifysgol.

1.3

Lefel astudio'r radd ymchwil a reolir.

Dylid darllen yr adran hon ar y cyd â Chanllaw'r Brifysgol i Radd Doethuriaeth Uwch.

2.1

Rhaid i ymgeisydd am radd Doethuriaeth Uwch naill ai:

1. Bod yn un o raddedigion y Brifysgol, ers o leiaf 10 mlynedd ar gyfer lefel israddedig, neu ers o leiaf pedair blynedd ar gyfer lefel gradd Meistr, neu ers o leiaf dwy flynedd ar gyfer lefel doethuriaeth; neu
2. Bod yn aelod presennol neu flaenorol o staff Prifysgol Abertawe am gyfnod parhaus o dair blynedd o leiaf os yw’n aelod o staff llawn amser (neu gyfnod cyfwerth os yw’n aelod o staff rhan amser), a bod yn un o raddedigion Prifysgol arall ers o leiaf 10 mlynedd.

2.2

Cyn cyflwyno cais ffurfiol, dylai’r ymgeisydd gyflwyno rhestr o waith cyhoeddedig, ynghyd â datganiad ynghylch cyfraniad yr ymgeisydd at unrhyw bapurau sydd â mwy nag un awdur/gwaith cydweithredo,l a’r ddogfennaeth a amlinellir ym mharagraff 3.2, i Deon Gweithredol neu enweba. Bydd Deon Gweithredol, Cyfarwyddwr Ymchwil y Gyfarwyddiaeth/Ysgol (neu rôl gyfatebol) ac aelod annibynnol o'r uwch staff o fewn disgyblaeth y pwnc yn cwrdd i ystyried y cais yn fanwl ac i benderfynu a yw o safon briodol i symud ymlaen at y cam cyflwyno cais ffurfiol. Y Bwrdd Dilyniant a Dyfarniadau, neu rywun a enwebwyd gan y Bwrdd, fydd yn gyfrifol am y penderfyniad terfynol ynghylch derbyn ymgeisydd ar gyfer y radd ai peidio. Bydd y penderfyniad yn seiliedig ar yr argymhellion a wneir gan y Deon Gweithredol perthnasol, Cyfarwyddwr Ymchwil perthnasol y Gyfarwyddiaeth/Ysgol (neu rôl gyfatebol) ac aelod annibynnol o'r staff uwch o fewn disgyblaeth y pwnc.

2.3

Rhaid i bob ymgeisydd fatriciwleiddio cyn cyflwyno gwaith i’w arholi, yn unol â rheoliadau cyffredinol y Brifysgol ynghylch matriciwleiddio.

Dylid darllen yr adran hon ar y cyd â Chanllaw'r Brifysgol i Radd Doethuriaeth Uwch.

3.1

Fel rheol, dim ond gwaith cyhoeddedig mewn cyfnodolion a llyfrau ysgolheigaidd a fydd yn gymwys i’w ystyried. Rhaid i’r holl waith fod wedi’i gyhoeddi mewn modd sy’n golygu ei fod ar gael yn gyffredinol i’w ddarllen gan ysgolheigion neu bobl eraill sydd â diddordeb ynddo.

3.2

Bydd y gwaith sydd i’w gyflwyno yn cynnwys:

1. Esboniad byr sy’n rhoi crynodeb o’r gwaith cyhoeddedig, gan gynnwys holl brif gysyniadau a chasgliadau’r gwaith cyhoeddedig;
2. Taflen grynhoi sy’n rhestru’r holl waith cyhoeddedig a gyflwynir, ynghyd â datganiad ynghylch maint cyfraniad yr ymgeisydd i waith sydd â mwy nag un awdur;
3. Copi o bob cyhoeddiad, wedi’u rhifo, yn unol â 3.2 b) uchod;
4. Tystiolaeth am statws yr holl waith cyhoeddedig a gyflwynir;
5. Curriculum Vitae academaidd.

3.3

Bydd gofyn i ymgeiswyr am radd Doethuriaeth Uwch gyflwyno tri chopi o’r gwaith fel y disgrifir ym mharagraff 3.2, i Swyddfa Ymchwil Myfyrwyr Ôl-raddedig y Gwasanaethau Addysg i’w arholi.

Dylid darllen yr adran hon ar y cyd â Chanllaw'r Brifysgol i Radd Doethuriaeth Uwch.

4.1

Bydd ymgeiswyr am radd Doethuriaeth Uwch yn cael eu harholi gan Fwrdd Canolwyr fel yr amlygir ym mharagraff 5.

4.2

Bydd Cadeirydd y Bwrdd Academaidd ar gyfer Ymchwil Ôl-raddedig fel arfer yn dirprwyo’r tasgau gweinyddol sy’n ymwneud â chyflwyno ac arholi’r gwaith cyhoeddedig i’r Gwasanaethau Addysg. Bydd y y Deon Gweithredol neu enwebai hefyd yn enwebu Cadeirydd y Bwrdd Canolwyr. Rhaid i’r Cadeirydd fod yn aelod o staff y Brifysgol, rhaid iddo fod â phrofiad addas, a rhaid nad yw wedi ymwneud yn uniongyrchol mewn unrhyw ffordd arall â’r cyhoeddiadau sy’n rhan o’r gwaith a gyflwynir. Bydd y Grŵp Gweithredol neu Cadeirydd y Bwrdd Academaidd ar gyfer Ymchwil Ôl-raddedig a/neu unigolyn a enwebir ganddo yn ystyried ac, os yw’n berthnasol, yn cymeradwyo'r enwebiad ar gyfer Cadeirydd.

Dylid darllen yr adran hon ar y cyd â Chanllaw’r Brifysgol i Radd Doethuriaeth Uwch.

5.1

Bydd y Bwrdd Canolwyr ar gyfer ymgeiswyr yn cynnwys yr unigolion canlynol:

1. Cadeirydd annibynnol, fel yr amlinellir ym mharagraff 4.2. Bydd gofyn i Gadeirydd y Bwrdd Canolwyr gadeirio unrhyw gyfarfod o'r canolwyr a sicrhau eu bod yn cydymffurfio â’r rheoliadau;
2. Tri chanolwr allanol a benodir yn unol â Chanllaw’r Brifysgol i Radd Doethuriaeth Uwch.

5.2

Bydd Cadeirydd y Bwrdd Canolwyr yn annibynnol yn y broses arholi, a bydd yn atebol i’r Bwrdd Academaidd ar gyfer Ymchwil Ôl-raddedig am gynnal yr arholiad.

Dylid darllen yr adran hon ar y cyd â Chanllaw’r Brifysgol i Radd Doethuriaeth Uwch.

6.1

Bydd y gwaith cyhoeddedig yn cael ei arholi’n unol â Chanllaw’r Brifysgol i Radd Doethuriaeth Uwch. Bydd argymhelliad y Bwrdd Canolwyr yn cael ei gyflwyno i'r Grŵp Ymchwil Gweithredol i’w gadarnhau.

7.1

Weld y Rheoliadau Dyfarniadau Aegrotat.

Weld y Rheoliadau Dyfarniadau ar ôl Marwolaeth.

8.1

Gall ymgeiswyr nad yw’r Bwrdd Canolwyr wedi’u hargymell ar gyfer y radd y cafodd eu gwaith ei gyflwyno ar ei chyfer apelio yn erbyn y penderfyniad a gofyn am Apêl Academaidd; Ond dim ond am resymau’n ymwneud ag anghysondeb gweithdrefnol y gallant wneud hynny. Cynhelir pob apêl o’r fath gan ddefnyddio proses Adolygu Terfynol y Brifysgol.

9.1

Caiff honiadau o arfer annheg eu hystyried yn unol â gweithdrefnau a rheoliadau Camymddygiad Academaidd Prifysgol Abertawe. Caiff unrhyw honiadau o arfer annheg a ddaw i law’r Brifysgol ar ôl cyflwyno’r radd i’r ymgeisydd eu hystyried gan y sefydliad sy’n dyfarnu’r radd.

Os oes angen visa ar fyfyrwyr rhyngwladol i'w galluogi i astudio yn y Brifysgol, dylent sylwi bod eu hawl i astudio yn y Brifysgol yn amodol ar fodloni amodau eu teitheb a'r terfynau amser a bennir gan Fisâu a Mewnfudo y DU (UKVI). Am ragor o wybodaeth, ewch i https://www.gov.uk/browse/visas-immigration/study-visas.

Gwneir penderfyniadau gan y Brifysgol ynghylch statws cofrestru, perfformiad academaidd, dilyniant a dyfarniad ymgeisydd yn unol â rheoliadau academaidd ac ariannol y Brifysgol, ac ni fydd cyfyngiadau visa a therfynau amser a bennir gan UKVI yn effeithio arnynt. Fodd bynnag, mae'r hawl i barhau i astudio yn amodol ar fodloni gofynion. Brifysgol a cbod â fisa dilys.

Dylai myfyrwyr sydd â phryderon neu ymholiadau ynghylch eu visa Rhyngwladol@BywydCampws.