Eich Cyfrif

Myfyrwyr Newydd a Gwybodaeth am Gyfrif TG Prifysgol Abertawe

Cyflwyniad

Mae angen i chi sefydlu Dilysu Amlffactor (MFA) er mwyn i'ch cyfrif fod yn ddiogel. Mae MFA yn eich galluogi i gadarnhau eich hunaniaeth drwy ddefnyddio gwybodaeth ddiogelwch neu ddulliau dilysu. Mae'n gam gofynnol wrth sefydlu a chynnal eich cyfrif.

Bydd sefydlu MFA er mwyn profi eich hunaniaeth hefyd yn eich galluogi i ailosod eich cyfrinair (os byddwch yn ei anghofio) neu'i newid drwy ddefnyddio'r Hunanwasanaeth Ailosod Cyfrinair (SSPR) ar unrhyw adeg heb fod angen cymorth pellach.

Er mwyn cwblhau'r broses hon, bydd i chi wybod eich cyfeiriad e-bost myfyriwr a'ch cyfrinair dros dro.

Bydd y dull cyntaf rydych yn ei sefydlu yn dod yn ddull di-ofyn. Y dull diofyn a argymhellir yw'r ap Microsoft Authenticator.

Rydym yn eich cynghori'n gryf i ychwanegu ail ddull, fel hysbysiadau drwy neges destun, felly os na fydd modd i chi ddefnyddio eich dull diofyn bydd modd i chi gael mynediad at eich cyfrif o hyd, heb fod angen cysylltu â ni am gymorth. Gweler yr adran Sefydlu Ail Ddull am ragor o arweiniad.

Os oes angen cymorth ychwanegol arnoch, cysylltwch â'r Desg Wasanaeth TG. Sylwer y bydd angen i chi ein ffonio ar 01792 604000 ar gyfer galwadau sy'n ymwneud â diogelwch y cyfrif, er mwyn inni allu cadarnhau eich hunaniaeth.

Diweddariadau i Microsoft Authenticator

Microsoft Authenticator Number Matching

Ar 9 Chwefror, bydd y cymhwysiad Microsoft Authenticator yn newid.

Bydd Microsoft yn cyflwyno nodwedd newydd o'r enw 'Number Matching'. Yn lle gweld yr opsiynau 'Approve' neu 'Deny' ar eich dyfais symudol, bydd gofyn i chi deipio'r rhif a fydd yn ymddangos ar eich sgrîn er mwyn cymeradwyo'r cais. Bydd modd i chi wrthod y cais os bydd yn ymddangos, os nad ydych chi wedi ceisio mewngofnodi. Mae'r sgrinlun isod yn dangos yr hyn y byddwch yn ei weld ar eich sgrîn ac ar eich dyfais symudol.

A screenshot showing a prompt featuring a two-digit number on one screen and another mobile screen that is requesting that number is entered into the box. A No, it's not me option is also visible

Yn ogystal, bydd y swyddogaeth 'Show App' yn dangos i chi enw'r cymhwysiad sy'n gofyn am eich awdurdodiad. Bydd hyn yn eich helpu i wirio eich bod yn caniatáu mynediad at y cymhwysiad hwnnw yn unig. Mae rhai gwasanaethau heb eu henwi, felly byddant yn sbarduno'r proc 'Approve' neu 'Deny' o hyd. Un enghraifft o hyn yw ein gwasanaeth RDP na fydd yn gofyn i chi deipio rhif.

A screenshot showing a prompt with the app name OfficeHome and the option to approve or deny

Cefnogi Apple Watch ar gyfer Microsoft Authenticator

Yn y fersiwn o Microsoft Authenticator a gaiff ei rhyddhau ym mis Ionawr 2023 ar gyfer iOS, ni fydd ap cydymaith ar gyfer watchOS gan nad yw'n cyd-fynd â nodweddion diogelwch Authenticator. Ni fydd modd i chi osod neu ddefnyddio Microsoft Authenticator ar Apple Watch. Rydym ni argymell felly eich bod yn dileu Microsoft Authenticator o'ch Apple Watch, a mewngofnodi â Microsoft Authenticator ar ddyfais arall.

Cyn Mewngofnodi

Cyn i chi am y tro cyntaf, dylech lawrlwytho'r ap Microsoft Authenticator ar ddyfais symudol e.e. ffôn clyfar neu dabled, ac nid y ddyfais y byddwch yn ei defnyddio fel arfer er mwyn gweithio neu astudio e.e. eich Cyfrifiadur Personol neu'ch gliniadur.

Gwnewch yn siŵr eich bod yn galluogi'r hysbysiadau ar eich dyfais symudol.

Mae'r ap Microsoft Authenticator ar gael yn Google Play ac Apple App Store. Bydd yr eicon, ar ôl ei lawrlwytho, yn ymddangos fel hyn:

The logo for the Microsoft Authenticator app. It has a blue background and a white padlock image

Er mwyn i MFA weithio, mae'n rhaid i'r ap Microsoft Authenticator aros wedi'i osod ar eich dyfais. Os byddwch yn ei dileu, ac nid oes gennych ddull dilysu wrth gefn wedi'i sefydlu, ni fyddwch yn derbyn y negeseuon proc y mae eu hangen er mwyn cadarnhau eich hunaniaeth.

Mewngofnodi

Y tro cyntaf y byddwch yn mewngofnodi, bydd angen i chi ddefnyddio'ch cyfeiriad e-bost myfyriwr Prifysgol (eich rhif myfyriwr@abertawe.ac.uk) fel enw defnyddiwr, a'r cyfrinair dros dro rydych eisoes wedi'i dderbyn.

Dylech fewngofnodi i'ch cyfrif am y tro cyntaf drwy fynd i myuni.swansea.ac.uk a chlicio ar yr eicon Mewngofnodi.

A button featuring the text Login

Ar ôl mewngofnodi'n llwyddiannus, bydd gofyn i chi newid eich cyfrinair. Nid yw hyn yn ddewisol. Dewiswch gyfrinair cryf ag o leiaf 8 llythyren sy'n ystyrlon i chi, ond yn anodd ei ddyfalu.

Dyma rai awgrymiadau ar gyfer dewis cyfrineiriau cryf:

Dewiswch gymysgedd o 3 i 4 gair
Peidiwch â defnyddio un gair (e.e., Abertawe)
Peidiwch â dewis cyfrinair gwan (e.e. cynnwys y geiriau cyfrinair, Abertawe neu eiriau sy'n gysylltiedig â chi fel enwau'r teulu)
Peidiwch â defnyddio ymadrodd poblogaidd (e.e. gadfimewn)

Os nad ydych yn gosod cyfrinair digon cryf, bydd yn cael ei wrthod. Ni fydd eich cyfrinair yn newid a byddwch yn cael rhoi cynnig arno eto nes i chi fodloni’r gofynion. Dylai’r arweiniad uchod eich galluogi i ddewis cyfrinair priodol.

Sefydlu Dilysu Amlffactor

Dylech fod wedi lawrlwytho'r ap Microsoft Authenticator eisoes, wedi mewngofnodi am y tro cyntaf ac wedi newid eich cyfrinair cyn cyrraedd y cam hwn.

Mae'r dull hwn yn haws ei ddilyn os byddwch yn defnyddio gliniadur i fewngofnodi i'ch cyfrif a bydd gennych yr ap Authenticator ar ffôn symudol (neu ar ddyfais symudol arall fel tabled) wrth law.

Wrth i chi fewngofnodi, byddwch yn derbyn neges broc More information required. Cliciwch ar Next.

Gan eich bod eisoes wedi mewnosod yr ap, gallwch glicio ar Next ar y sgrîn ganlynol hefyd.

Agorwch yr ap Microsoft Authenticator.

Efallai bydd angen i chi ganiatáu hysbysiadau os nad yw hyn eisoes ar waith. Ychwanegwch gyfrif a dewiswch yr opsiwn Work or School.

Cliciwch ar Next ar y sgrîn fewngofnodi i gydnabod eich bod yn sefydlu eich cyfrif.

A dialogue box titled Keep your account secure. There is a button for Next

Bydd sgrîn eich ap dilysu yn newid i sganiwr côd QR. Sganiwch y côd QR ar y sgrîn.

Bydd yn cadarnhau'r cysylltiad ac yn anfon hysbysiad prawf.

O Chwefror 9 2023 bydd y app Authenticator Microsoft yn gofyn i chi ddilysu eich hunaniaeth drwy fynd i mewn i rif yr ydych yn gweld ar y sgrin i mewn i'ch app Authenticator. Bydd mynd i mewn i'r rhif cywir yn cadarnhau'r mewngofnodi.

A screenshot showing a prompt featuring a two-digit number on one screen and another mobile screen that is requesting that number is entered into the box. A No, it's not me option is also visible

Os ydych chi'n mynd i mewn i rif anghywir neu cliciwch ar y Na, nid fi sy'n opsiwn gwrthodir y mewngofnodi. Byddwch yn cael opsiwn i ofyn am gais arall.

A screenshot of a denied Microsoft Authenticator prompt with an option to request another request

Sylwer: byddwch yn derbyn hysbysiad dim ond os bydd eich cyfrinair yn gywir. Os byddwch yn derbyn negeseuon proc pan nad ydych yn ceisio mewngofnodi, newidiwch eich cyfrinair gan ei bod hi'n bosibl bod manylion eich cyfrif wedi'u peryglu.

Sefydlu Ail Ddull

Ar ôl i chi sefydlu eich ap Authenticator, argymhellir yn gryf y dylech ychwanegu ail ddull.

Er mwyn ychwanegu ail ddull, mewngofnodwch i MyApps a dewiswch Secure My Account. Byddwch yn derbyn neges broc MFA. Yna gallwch ddefnyddio'r opsiwn Add Method o dan eich gwybodaeth ddiogelwch, a dilyn y cyfarwyddiadau.

Hefyd, gallwch ddewis dileu dull (er enghraifft, rhif ffôn nad ydych yn ei ddefnyddio mwyach) a newid eich opsiwn di-ofyn. Rydym yn argymell defnyddio naill ai opsiwn yr hysbysiad gan Microsoft Authenticator neu opsiwn yr alwad ffôn, gan fod y rhain yn eich galluogi i ddefnyddio gwasanaeth y Cyfrifiadur Personol â Mynediad o Bell.

A screenshot of a Security Info page. The Default sign-in method is Microsoft Authenticator - notification. A redacted phone number is also featured

Sylwer: os ydych yn bwriadu newid eich dyfais neu'ch rhif ffôn, sicrhewch eich bod wedi ychwanegu dull wrth gefn/dull eilaidd er mwyn i chi allu cael mynediad at eich cyfrif.

Newid eich cyfrinair

Ar ôl i chi sefydlu MFA bydd modd i chi ddefnyddio'r Hunanwasanaeth Ailosod Cyfrinair (SSPR).

Os ydych wedi anghofio eich cyfrinair neu'n amau bod eich manylion wedi'u peryglu, defnyddiwch y ddolen hon: https://passwordreset.microsoftonline.com/

Os ydych yn gwybod eich cyfrinair ond hoffech ei newid, defnyddiwch y ddolen hon: https://account.activedirectory.windowsazure.com/ChangePassword.aspx

Rhagor o Gymorth

Os oes arnoch angen rhagor o gymorth neu gyngor ar ddulliau dilysu eraill, cysylltwch â'r Desg Wasanaeth TG.

Gwybodaeth am Gyfrifon TG Myfyrwyr Presennol

Gallwch reoli eich dulliau MFA ar unrhyw adeg drwy fewngofnodi i a dewis Secure My Account. Byddwch yn derbyn neges broc MFA.

Yna gallwch ddefnyddio'r opsiwn Add Method o dan eich gwybodaeth ddiogelwch a dilyn y cyfarwyddiadau ar y sgrîn. Hefyd gallwch ddewis dileu dull (er enghraifft, rhif ffôn nad ydych yn ei ddefnyddio mwyach) a newid eich opsiwn di-ofyn. Rydym yn argymell defnyddio naill ai opsiwn yr hysbysiad gan Microsoft Authenticator neu opsiwn yr alwad ffôn, gan fod y rhain yn eich galluogi i ddefnyddio gwasanaeth y Cyfrifiadur Personol â Mynediad o Bell.