Gadael y Brifysgol?

Mae eich mynediad at gyfrif TG wedi'i bennu gan ddyddiad gorffen eich cwrs ac nid eich dyddiad graddio. Dylech sicrhau bod gwybodaeth bersonol, yn enwedig eich cyfeiriad e-bost personol, wedi'i diweddaru ar y Fewnrwyd cyn i'r cyfrif gau, er mwyn inni anfon gohebiaeth atoch ar gyfer Graddio a'ch tystysgrifau.

Os byddwch yn derbyn e-bost sy'n rhoi gwybod i chi fod eich cyfrif yn cau, sy'n anghywir yn eich barn chi, e-bostiwch Gofnodion Myfyrwyr a byddant yn gallu gwirio a diweddaru'r statws o ran eich cwrs.

Os ydych yn apelio yn erbyn penderfyniad, efallai na fydd hawl gennych gael mynediad at eich cyfrif TG. Cysylltwch â Chofnodion Myfyrwyr, a byddant yn gallu rhoi cyngor i chi.

Dyma ychydig o bethau y dylech eu gwirio pan fyddwch yn derbyn yr e-bost cyntaf sy'n rhoi gwybod bod eich cyfrif yn cau:

• Diweddaru eich cysylltiadau gyda chyfeiriad e-bost gwahanol
• Trosglwyddo/Allforio eich cysylltiadau
• Cadw eich e-byst
• Lawrlwytho eich ffeiliau OneDrive 
• Cadw deunydd cwrs a gwaith wedi'i gyflwyno ar Canvas
• Diweddaru eich cyfrif Gradintel (ceir mynediad at hyn drwy MyApps)
• Sicrhau bod eich gwybodaeth bersonol, yn enwedig eich cyfeiriad e-bost personol, yn gyfredol ar y Fewnrwyd.
• Datgysylltu eich cyfrif Prifysgol Abertawe oddi wrth gymwysiadau Office 365 (Outlook, Word, etc.) ar ddyfeisiau personol
• Diweddaru eich manylion cyswllt gyda chwmnïau allanol (e.e. Netflix, Amazon, neu gwmnïau cyfleustodau, etc.)

Pob lwc i chi yn y dyfodol!