Canlyniadau Dilyniant

Mwy o Wybodaeth, Cymorth ac Arweiniad i Fyfyrwyr y mae’r Boicot Marcio ac Asesu wedi Effeithio Arnynt

Bydd nifer bach o'n myfyrwyr wedi derbyn penderfyniadau ar ddyfarniadau a dilyniant y mae’r Boicot Marcio ac Asesu wedi effeithio arnynt, yn anffodus. Mae'r Brifysgol wedi cyflwyno set o Reoliadau Asesu Eithriadol i sicrhau bod safonau academaidd yn cael eu cynnal a bod cyn lleied o effaith â phosib ar fyfyrwyr. Rydym yn gwybod bod hon yn sefyllfa anodd sy'n peri gofid i'n myfyrwyr, ac roeddem am roi mwy o gyngor, cyd-destun a chymorth am oblygiadau’r penderfyniadau hyn, beth yw'r camau nesaf, a sut gall y Brifysgol ac Undeb y Myfyrwyr eich helpu chi.

Mae'r dolenni isod yn esbonio'n fanylach beth yw ystyr pob penderfyniad ar y cam hwn.

Os ydych wedi derbyn:

Dilyniant Israddedig

Rwyf yn fyfyriwr israddedig - a fyddaf yn gallu parhau i'r lefel astudio nesaf, gan symud ymlaen wrth aros am benderfyniad ar gyfer modiwlau nad yw eu credydau wedi’u cadarnhau?

Er bod rhai o'th farciau'n anffodus ar goll oherwydd y boicot, mae'r byrddau dilyniant wedi cadarnhau y gelli di barhau â'th astudiaethau. Nes bod y marciau hyn yn hysbys, byddi di’n aros am benderfyniad ar gyfer modiwlau nad yw eu credydau wedi’u cadarnhau wrth symud ymlaen i'r lefel astudio nesaf. Pan fydd y marciau ar gael, bydd bwrdd arholi'n cwrdd i gadarnhau dy benderfyniad dilyniant. Ni fydd angen iti ailadrodd yr addysgu nac ail-gymryd â'r modiwlau, ond pan fydd y marciau'n hysbys a'th fod wedi methu unrhyw fodiwlau sydd ar goll o'th broffil, byddi di'n cael cyfle i ailsefyll yr asesiad.

Rwyf yn fyfyriwr israddedig ac rwyf wedi cael penderfyniad gohirio dilyniant.

Mae dy broffil marciau wedi cael ei ystyried, ond yn anffodus mae gormod o farciau a/neu mae dy broffil o farciau sydd ar gael yn golygu nad yw'r byrddau dilyniant yn gallu gwneud penderfyniad dilyniant ar dy ran ar hyn o bryd, bydd dy benderfyniad dilyniant ar gael yn fuan pan fydd dy farciau coll ar gael ac yn cael eu hystyried gan y bwrdd. Bydd y Brifysgol yn ceisio darparu penderfyniad dilyniant iti cyn gynted â phosib, cysyllta â'th gyfadran i ddechrau i drafod dy ganlyniad â nhw.

Rwy'n fyfyriwr israddedig ac rwyf wedi derbyn penderfyniad atodol, a yw fy nghanlyniadau wedi cael eu heffeithio gan y boicot?

Mae marciau dy broffil wedi cael eu hystyried gan y byrddau ac rwyt ti wedi cael penderfyniad atodol, sy'n golygu y bydd yn rhaid i ti ailsefyll. Os oes marciau ar goll ar dy broffil, mae hyn hefyd yn golygu bod dy ganlyniadau'n anffodus wedi cael eu heffeithio gan y boicot marcio ac asesu ac nid yw rhai o'th farciau ar gael ar hyn o bryd, er nad yw hyn yn newid penderfyniad dy lefel.

Rwyf yn fyfyriwr israddedig ac rwyf wedi derbyn penderfyniad o ailadrodd y lefel, a yw fy nghanlyniadau wedi cael eu heffeithio gan y boicot?

Mae dy broffil o farciau wedi cael eu hystyried gan y byrddau ac rwyt ti wedi cael penderfyniad o ailadrodd y lefel, sy'n golygu y bydd yn rhaid i ti ailadrodd y lefel. Os oes marciau ar goll ar dy broffil, mae hyn hefyd yn golygu bod dy ganlyniadau'n anffodus wedi cael eu heffeithio gan y boicot marcio ac asesu ac nid yw rhai o'th farciau ar gael ar hyn o bryd, er nad yw hyn yn newid penderfyniad dy lefel.

Dyfarniadau Israddedig

dosbarthiad sy'n cynnwys marciau deilliadol (FV a/neu PV wedi'i nodi yn erbyn marciau yn eich proffil)

rhagwelir dyfarniad

dyfarniad wedi'i ohirio ond yn gymwys i fynd i seremoni raddio

dyfarniad wedi'i ohirio ond nid yw'n gymwys i fynd i seremoni raddio

Dyfarniadau a Dilyniant Cyrsiau Ôl-raddedig a Addysgir

Dyfarniadau Ôl-raddedig a Addysgir

parhad i Ddysgu Annibynnol dan Gyfarwyddyd, gan symud ymlaen â modiwlau nad yw eu credydau wedi’u cadarnhau

parhau, gan symud ymlaen â modiwlau nad yw eu credydau wedi’u cadarnhau

Mae'r holl benderfyniadau uchod yn golygu bod rhai o'ch marciau ar goll o'ch proffil*. Mae nifer y marciau sydd ar goll a/neu'r ffaith bod eich rhaglen wedi'i hachredu gan gorff proffesiynol yn golygu, gwaetha'r modd, nad ydym wedi gallu cynnig dosbarthiad neu ganlyniad y dyfarniad i rai myfyrwyr ar y cam hwn.

*Mae marciau sy'n nodi FV/PV yn cynnwys marciau sydd ar goll a ddisodlwyd gan farc deilliadol ar yr adeg hon.

Beth sy'n digwydd nesaf?

Bydd penderfyniad ar eich dyfarniad terfynol neu eich dilyniant yn cael ei gadarnhau unwaith byddwn wedi derbyn eich holl farciau a bydd y rhain wedi'u hystyried a'u cadarnhau mewn bwrdd dyfarnu. Oherwydd natur barhaus y boicot, mae'n anodd rhoi union amserlen ar gyfer cadarnhau dyfarniadau a dilyniant, ond byddwn yn gwneud ein gorau i gadarnhau penderfyniadau ar ddyfarniadau a dilyniant i fyfyrwyr cyn gynted â phosib.

Cywirdeb y Marciau a Gyhoeddwyd ac Apeliadau

Os ydych chi'n meddwl bod unrhyw un o'ch marciau yn anghywir a'u bod wedi'u cofnodi'n anghywir, gallwch holi am hyn yn unol â'r Polisi Cywirdeb y Marciau a Gyhoeddwyd.

Gallwch hefyd apelio yn erbyn eich penderfyniad. Sylwer y gellir apelio ar seiliau cyfyngedig yn unig. Nid yw apêl a gyflwynir ar sail sy'n gysylltiedig â'r boicot marcio ac asesu neu gymhwyso'r Rheoliadau Eithriadol yn unig yn debygol o fod yn llwyddiannus. Mae manylion llawn y gweithdrefnau a'r profformas perthnasol ar y dudalen Gweithdrefn Apeliadau Academaidd.

Trawsgrifiadau

Er efallai nad yw eich set lawn o farciau ar gael eto, mae trawsgrifiadau ar gael i'r holl fyfyrwyr:

I lawrlwytho copi o'ch Trawsgrifiad Academaidd

Mewngofnodwch i’r fewnrwyd
Dewiswch fanylion y cwrs o’r ddewislen ar yr ochr chwith
Ewch i’r ochr dde a byddwch yn gweld ‘Trawsgrifiad.’ Cliciwch arno a gallwch lawrlwytho PDF o’ch trawsgrifiad.

Sut gall y Brifysgol fy nghefnogi i?

Mae timau ar draws y Brifysgol sydd yno i'ch cefnogi ar yr adeg hon.

Os oes gennych unrhyw gwestiynau neu bryderon am ganlyniad eich dyfarniad, dylech gysylltu â'ch Cyfadran i ddechrau.

Mae Canolfan Cyngor a Chymorth Undeb y Myfyrwyr hefyd ar gael i gynnig cyngor ac arweiniad i chi. Mae Gwasanaethau Lles a Llesiant y Brifysgol hefyd wrth law.

Os ydych chi'n Fyfyriwr Rhyngwladol sy'n poeni am sut gallai eich penderfyniad effeithio ar eich fisa neu gais am fisa Llwybr i Raddedigion, e-bostiwch y tîm Cydymffurfiaeth Myfyrwyr am fwy o gyngor a chymorth studentcompliance@abertawe.ac.uk.

Efallai fod rhai ohonoch am symud ymlaen i astudiaethau pellach, cael cyflogaeth neu eisiau cymorth wrth esbonio sut mae'r boicot wedi effeithio ar eich dyfarniad ar yr adeg hon. Mae tîm MyUniHub yn gallu rhoi llythyr i chi er mwyn esbonio hyn. Cwblhewch y ffurflen hon a byddan nhw'n anfon llythyr ategol atoch.

Rwyf yn fyfyriwr sy'n ymweld, ac mae fy Mhrifysgol gartref yn disgwyl cadarnhad o'm canlyniadau. Pwy sy'n gallu fy helpu i esbonio'r hyn sy'n digwydd?

Bydd tîm HybMyUni yn gallu rhoi datganiad dros dro i ti a fydd yn esbonio y bydd oedi cyn cyflwyno dy ddyfarniad neu gadarnhau dy hawl i symud ymlaen o ganlyniad i'r boicot os yw wedi effeithio arnat. Bydd modd i MyUniHub ddarparu datganiad dros dro yn cadarnhau dy ganlyniad. A wnei di gyflwyno cais i MyUniHub drwy'r ffurflen hon.

A fyddaf yn gallu mynd ar flwyddyn dramor/blwyddyn mewn diwydiant os nad yw fy marciau ar gael am y flwyddyn gyfan?

Os oes gen ti benderfyniad modiwlau yr effeithiwyd arnynt nad yw eu credydau wedi'u cadarnhau eto, dylet ti fod yn gallu mynd ar dy flwyddyn dramor neu leoliad gwaith gan fod y Brifysgol ar y cam hwn wedi cadarnhau dy ddilyniant i'r lefel nesaf. Unwaith bydd marciau dy fodiwlau'n hysbys, os bydd angen iti ailsefyll, bydd angen iti gymryd unrhyw arholiadau ail-sefyll erbyn diwedd Bloc Addysgu 1 (Ionawr 2024), byddi di hefyd yn cael cyfle ailsefyll arall ar ddiwedd Bloc Addysgu 2 (Mai 2024), os bydd angen ailsefyll eto yn dilyn dy ganlyniad ailsefyll o fis Ionawr 2024. Gall tîm MyUniHub dy helpu gyda llythyron cefnogi ar gyfer lleoliadau gwaith i esbonio sut mae'r boicot wedi effeithio ar dy benderfyniad.

Rwyf yn fyfyriwr noddedig y mae angen cadarnhad arnaf fy mod wedi cwblhau fy mlwyddyn astudio ar gyfer fy noddwr ond mae marciau ar goll oherwydd y boicot.

Gall tîm MyUniHub dy helpu gyda'th lythyron cefnogi ar gyfer noddwyr i esbonio sut mae'r boicot wedi effeithio ar dy benderfyniad ynghylch dilyniant.

Pryd bydd angen i mi ailsefyll unrhyw gredydau heb eu cadarnhau a fethwyd?

Bydd yn rhaid i gredydau heb eu cadarnhau a fethwyd gael eu hailsefyll erbyn diwedd Bloc Addysgu 1 (Ionawr 2024), byddi di hefyd yn cael cyfle arall i ailsefyll ar ddiwedd Bloc Addysgu 2 (Mai 2024) os bydd angen iti ailsefyll eto yn dilyn dy ganlyniad ailsefyll o fis Ionawr 2024. Ni fydd disgwyl iti gyfranogi yn y dysgu a'r addysgu am unrhyw fodiwlau y mae angen iti eu hailsefyll, ond os bydd angen cymorth arnat, cysyllta â’th Gyfadran am gyngor.

A allaf ddychwelyd ym mis Medi os nad yw fy marciau ar gael?

Os wyt ti wedi derbyn penderfyniad credydau heb eu cadarnhau, gelli di symud ymlaen i'r lefel astudio nesaf. Os wyt ti wedi derbyn penderfyniad bod dilyniant wedi'i ohirio, bydd yn rhaid iti aros nes ein bod ni wedi derbyn dy farciau coll a'n bod ni wedi rhoi penderfyniad dilyniant iti. Rydym yn sylweddoli bod hwn yn anodd iawn a byddwn yn sicrhau bod dy benderfyniad yn cael ei gadarnhau cyn dechrau'r flwyddyn academaidd, mae hyn wrth gwrs yn ddibynnol ar a yw dy farciau coll ar gael. Cysyllta â gwasanaethau cymorth y Gyfadran a'r Brifysgol am gymorth ac arweiniad.

Os bydd fy marciau coll yn ôl ar ôl y cyfnod ailsefyll yn yr haf ac mae'n rhaid i mi ailsefyll, pryd byddaf yn gwneud hynny?

Bydd yn rhaid i gredydau heb eu cadarnhau a fethwyd gael eu hailsefyll erbyn diwedd Bloc Addysgu 1 (Ionawr 2024), byddi di hefyd yn cael cyfle arall i ailsefyll ar ddiwedd Bloc Addysgu 2 (Mai 2024) os bydd angen iti ailsefyll eto yn dilyn dy ganlyniad ailsefyll o fis Ionawr 2024. Ni fydd disgwyl iti gymryd rhan yn y dysgu a'r addysgu am unrhyw fodiwlau y bydd angen iti eu hailsefyll, ond os bydd angen cymorth arnat, cysyllta â'th gyfadran am gyngor.

A oes posibilrwydd y byddaf yn cael fy nhynnu oddi ar fy nghwrs y flwyddyn nesaf pan fydd y marciau coll yn cael eu dychwelyd?

Bydd myfyrwyr sy'n symud ymlaen gyda chredydau heb eu cadarnhau yn cael 2 gyfle i wneud yn iawn am unrhyw fethiannau unwaith bydd y marciau hynny'n hysbys a'th fod yn gwybod bod yn rhaid iti ailsefyll. Felly, ni fyddi di mewn perygl o orfod tynnu'n ôl yn ystod y flwyddyn academaidd nesaf.

A fydd marciau go iawn ar gael pan fyddaf yn dychwelyd ym mis Medi?

Pan ddaw'r boicot i ben, bydd modd i'r Brifysgol roi rhagor o newyddion ynghylch pryd i ddisgwyl dy farciau go iawn.

Beth sy'n digwydd os na fydd un o'm hasesiadau neu arholiadau'n cael ei farcio?

Bydd rheoliadau ar waith i sicrhau lle bynnag y bo modd y gall myfyrwyr symud ymlaen i gam nesaf eu rhaglen radd neu ddechrau astudiaethau pellach. Ar gyfer rhaglenni sy'n arwain at achredu proffesiynol, bydd y Brifysgol yn gweithio gyda'r cyrff priodol i gadarnhau gofynion ac addasiadau derbyniol.

Rwy'n fyfyriwr ond nid wyf yn fy mlwyddyn olaf. Beth os bydd fy marc terfynol, pan fydd yn hysbys, yn fethiant? Fydda i'n dal i allu symud ymlaen?

Mae'r rheoliadau asesu'n caniatáu ar gyfer goddef methiannau mewn hyd at 40 o gredydau i lawr i 30% mewn modiwlau nad ydyn nhw'n rhai craidd (yn amodol ar ofynion cyrff proffesiynol, statudol a rheoleiddiol (PSRB)). Os byddi di'n methu mwy na 40 o gredydau a/neu'n cael marc is na 30% ac rwyt ti wedi cael symud ymlaen heb basio modiwlau, cei di gynnig arall i wneud iawn am fethu modiwl. Os wyt ti'n dilyn rhaglen broffesiynol sy'n destun gofynion PSRB, a wnei di gysylltu â'th Gyfadran yn uniongyrchol.

Beth mae Prifysgol Abertawe yn ei wneud i weithio gyda'r undebau i ddod â'r boicot marcio ac asesu i ben?

Mae'n bwysig nodi bod hon yn ymgyrch genedlaethol, y cynhaliodd yr UCU bleidlais gyfanredol yn ei chylch; felly, disgwylir y bydd gweithredu diwydiannol tebyg mewn pob prifysgol yn y DU ag aelodau o'r UCU. Mae'r Brifysgol yn parhau i gyfathrebu â Chymdeithas Cyflogwyr y Prifysgolion a'r Colegau yn genedlaethol, yn ogystal â pharhau i gynnal trafodaethau rheolaidd â changen leol yr UCU.

A fydd y MAB yn effeithio arnaf yn dychwelyd ar fy fisa myfyriwr?

Rydym yn ymrwymedig i gefnogi ein Myfyrwyr Rhyngwladol gyda'u fisâu ac unrhyw effaith y bydd y boicot yn ei chael arnyn nhw. E-bostia'r tîm Cydymffurfiaeth Myfyrwyr am gymorth os oes gen ti unrhyw bryderon.

Rwyf wedi trefnu llety ar gyfer 23/24 ond rwyf yn teimlo bod hyn yn annoeth gyda'r ansicrwydd hwn. Ydych chi'n gallu helpu?

Argymhellir dy fod yn parhau i drefnu llety ar gyfer 23/24 yn ôl y disgwyl.