Glanhau, Gwastraff a’r Amgylchedd

Ein cyfrifoldebau ni:

• Glanhau'r microdon, y ffwrn, yr hob, llawr y gegin, byrddau a chadeiriau
• Glanhau tu allan yr oergelloedd a'r rhewgelloedd
• Gwirio waliau’r gegin, y byrddau sgyrtin, cypyrddau, ochr fewnol y ffenestri a siliau’r ffenestri
• Glanhau'r toiled, y sinc, ardal y gawod a llawr yr ystafell ymolchi mewn ardaloedd cymunedol
• Nid yw'r gwasanaeth glanhau yn cynnwys golchi llestri na glanhau tu mewn i gypyrddau neu oergelloedd/rhewgelloedd.

Eich cyfrifoldebau glanhau:

• Chi sy'n gyfrifol am lanhau eich ystafell (gan gynnwys eich ystafell ymolchi en suite, lle bo hynny'n berthnasol) yn rheolaidd.
• Er bod eich tîm gofalu a glanhau yn glanhau ardaloedd a rennir yn rheolaidd, disgwylir i chi gadw'r rhain heb sbwriel ac mewn cyflwr da. Dylai preswylwyr lanhau'n rheolaidd ffyrnau, hobiau a microdonnau rhwng y glanhau a amserlennir.
• Mae'n ofynnol i breswylwyr ganiatáu mynediad i'r glanhawyr a sicrhau nad oes rhwystrau na pheryglon a allai rwystro eu gwaith.

Mae'n hynod bwysig, yn enwedig ar eich diwrnod glanhau dynodedig, fod y canlynol wedi'u cwblhau erbyn 9.00am:

• Mae'r holl wastraff yn cael ei roi yn y biniau priodol.
• Dylech chi olchi'r llestri’n rheolaidd a'u storio yn y cypyrddau - peidiwch â gadael i’r llestri brwnt gronni ar arwynebau gwaith yn enwedig cyn y diwrnod glanhau gan fod hyn yn cyfyngu ar allu'r glanhawyr i lanhau
• Mae arwynebau gwaith cegin yn cael eu glanhau
• Mae'r lloriau'n glir yn barod i'w glanhau

Peidiwch â symud dodrefn o ardaloedd dynodedig a chadwch y grisiau a'r coridorau'n ddirwystr.

Os na fyddwch chi’n cadw eich ystafell wely neu eich cegin mewn cyflwr derbyniol, rhoir gwybod i chi a byddwch chi’n cael cyfle i wneud iawn am y pryderon. Os na fyddwch chi’n ei glanhau i safon foddhaol, gellid codi tâl arnoch chi. Gallai hyn arwain at oedi cyn i'r tîm gofalu a glanhau gyflawni ei ddyletswyddau glanhau nes iddo gael ei gywiro. Gallai tâl i lanhau'r gegin dan gontract gostio mwy na £145.00.

Preswylwyr Campws y Bae

Mae padell lwch a brwsh, mop a bwced a sugnwr llwch ar gael i'w defnyddio ym mhob cegin gymunedol.

Peidiwch â defnyddio sugnwyr llwch i lanhau ar ôl gollyngiadau.

Preswylwyr pob safle arall

Gellir benthyg sugnwyr llwch gan dderbynfa eich safle. Bydd staff y dderbynfa yn gofyn am eich cerdyn adnabod myfyriwr, a gaiff ei ddychwelyd atoch ar ôl i'r sugnwr llwch ddod yn ôl.
Peidiwch â defnyddio sugnwyr llwch i lanhau ar ôl gollyngiadau.

Dylai'r broses hon gael ei chwblhau gan breswylwyr bob tymor h.y. cyn gadael ar gyfer y Nadolig, gwyliau'r Pasg a chyn gadael eich preswylfeydd ar ddiwedd cyfnod eich tenantiaeth.  Dylech chi wneud hyn hefyd pan fydd rhew wedi cronni nes ei bod yn amhosib cau’r droriau a/neu'r drws yn gyfan gwbl.  Gallwch chi ddysgu Sut i Ddadrewi eich Rhewgell. 

• Cadwch eich dwylo’n lân: maen nhw’n cario germau.
• Defnyddiwch glytiau glanhau tafladwy i osgoi lledaenu bacteria.
• Golchwch offer a theclynnau bob amser ar ôl paratoi bwyd.
• Cadwch’ y gegin yn lân: mae bwyd sy'n weddill yn denu plâu.
• Gorchuddiwch glwyfau agored pan fyddwch chi’n paratoi bwyd.
• Cadwch bob bwyd risg uchel yn yr oergell e.e. cig, dofednod, pysgod, cynnyrch llaeth.
• Peidiwch â rhoi gormod o bethau yn yr oergell. Dylech ’ddadrewi’r rhewgell unwaith y tymor (gweler uchod).
• Cadwch fwyd wedi'i goginio a bwyd amrwd ar wahân ar waelod yr oergell.

Dylid cyfyngu posteri, ffotograffau, addurniadau etc i'r byrddau a ddarperir mewn ceginau. Mae hyn yn berthnasol i addurniadau tymhorol hefyd. Peidiwch â gosod eitemau ar waliau, nenfydau neu ddrysau gan fod hyn yn berygl tân a gall niweidio arwynebau'r wal. Mae'r staff yn cael cyfarwyddyd i gael gwared arnynt. Mae hyn yn berthnasol i ystafelloedd gwely ac ardaloedd cyffredin. Bydd peidio â chydymffurfio yn arwain at ffioedd glanhau ac ailaddurno yn cael eu codi ar eich cyfrif myfyriwr.

Ni chaniateir addasiadau nac ychwanegiadau i addurniadau na gosodiadau'r ystafell.

Rydym wedi buddsoddi'n sylweddol yn ein hisadeiledd gwastraff ac ailgylchu i sicrhau bod gan ein safleoedd rwydwaith helaeth o finiau ailgylchu. Mae'r buddsoddiad hwn wedi sicrhau ein bod yn gallu cynyddu i’r uchaf ein gallu i ddidoli deunydd ailgylchu wrth ei darddiad, gan sicrhau ailgylchu o ansawdd da ar gyfer ailbrosesu, a lefelau ailgylchu sy'n cynyddu drwy'r amser.

Dylid didoli’r holl wastraff a’i roi yn y biniau gwastraff sydd wedi'u labelu'n briodol yn y ceginau cymunedol. Mae'n ofynnol i chi roi gwastraff o'r ystafell wely yn y biniau cegin cymunedol priodol. Gwnewch yn siŵr bod hyn yn cael ei roi mewn bagiau cyn ei roi yn y biniau allanol.

Bydd staff gofalu a glanhau'n gwacáu’r biniau yn y mannau cymunedol yn wythnosol. Byddwch chi’n cael bagiau bin clir newydd yn ddi-dâl. Fodd bynnag, os gwelwch fod y biniau'n llawn, rhowch y sbwriel mewn bagiau yn briodol a'i roi yn y biniau allanol.

Mae biniau gwahanol ym mhob cegin. Bydd bagiau bin clir yn cael eu cyflenwi i bob bin. Yn y biniau hyn bydd modd i chi ailgylchu eitemau yn ôl eu deunydd, gan gynnwys plastigau, papur, cardfwrdd a metel. Cysylltwch â ni os oes gennych chi gwestiynau.

Bydd deunydd na ellir ei ailgylchu sy'n cael ei roi yn y biniau ailgylchu’n anghywir yn halogi'r cynnwys, gan achosi i'r gwastraff gael ei ail-gyfeirio i safleoedd tirlenwi yn y pen draw. Gellir codi tâl ar geginau sydd â bagiau halogedig yn rheolaidd er mwyn talu’r gost ychwanegol am anfon gwastraff i safleoedd tirlenwi.

• Gellir ailgylchu gwydr 100% a gellir ei ailgylchu'n ddiddiwedd heb unrhyw golled o ran ansawdd.
• Golchwch boteli a jariau cyn eu rhoi yn y bin ailgylchu.
• Tynnwch gaeadau plastig a metel a'u rhoi yn y biniau ailgylchu perthnasol.

Mae lleihau gwastraff, a chynyddu cyfraddau ailddefnyddio a didoli gwastraff ar gyfer ailgylchu dolen gaeedig yn cefnogi'r economi gylchol. Felly, mae lleihau gwastraff a chynyddu effeithlonrwydd adnoddau yn un o brif ffocysau gweithredol Strategaeth Cynaliadwyedd ac Argyfwng Hinsawdd y Brifysgol.

Ar bob cam o'r datblygiad, rydym yn sicrhau bod ein gwaith yn llwyddo i wella'r amgylchedd naturiol ac adeiledig gan adael etifeddiaeth gadarnhaol y gall cymunedau ei mwynhau am flynyddoedd i ddod. Ein nod yw cyflawni hyn heb effeithio ar lefelau cysur preswylwyr drwy osod a defnyddio cyfarpar a systemau arbed ynni ac, yn bwysicaf oll, drwy gyfranogiad pawb sy'n byw ac yn gweithio yn ein preswylfeydd. 

Gallwch chi helpu eich fflat i arbed ynni a lleihau allyriadau carbon drwy ddefnyddio'r awgrymiadau canlynol ar gyfer arbed ynni, sy'n syml ond yn effeithiol:

• Diffoddwch oleuadau eich ystafell wely a’r ystafell ymolchi pan fyddwch chi’n gadael yr ystafell.
• Peidiwch â gadael y drws a'r ffenestri ar agor yn y gaeaf pan fydd y gwres ymlaen.
• Os ydych chi’n teimlo bod eich ystafell yn rhy gynnes ac na allwch chi reoli'r tymheredd, rhowch wybod am hyn fel diffyg.
• Defnyddiwch’ y tegell i ferwi dŵr i goginio yn lle twymo dŵr oer mewn sosban ar y stôf. Nid yn unig y bydd hyn yn fwy effeithlon, ond yn gyffredinol mae'n cymryd llai o amser hefyd.
• Peidiwch â gadael y ffwrn ymlaen yn hirach na'r angen. Ceisiwch ei ddefnyddio ar yr un pryd ag eraill os oes modd.
• Tynnwch y llenni gyda'r nos i gadw'r gwres y tu mewn.
• Cadwch eich amser yn y cawod mor fyr ag y bo modd yn rhesymol.
• Diffoddwch yr holl offer trydanol wrth y plwg yn hytrach na defnyddio'r swyddogaeth 'segur'. Gall eitemau segur ddefnyddio hyd at 75% o'u pŵer llawn.
• Peidiwch â sychu dillad neu dywelion gwlyb ar reiddiaduron – bydd sychu eitemau ar y rheiddiaduron yn gwneud i’ch ystafell deimlo'n oer ac yn lleihau effeithlonrwydd y rheiddiadur ac yn cynyddu anwedd. Mae sychwyr ar gael yn y golchdy.
• Rhowch am dapiau neu gawodydd sy'n diferu neu unrhyw ddiffyg arall sy'n arwain at wastraff ynni yn eich barn chi.
• Cymerwch ran yn ein hymgyrchoedd a'n cystadlaethau arbed ynni a lleihau ynni.

Mae'r arfordir yn lle gwych i fyw ac ymlacio, ac rydym yn ffodus iawn ym Mhrifysgol Abertawe bod gennym leoliad unigryw ger y traeth a'r môr ar stepen ein drws. Mae hwn yn adnodd gwych i bawb ei fwynhau, ond gwnewch yn siŵr eich bod yn darllen yr awgrymiadau isod am sut i gadw ein traethau’n lân a chadw'n ddiogel yn y môr.

• Aseswch yr amodau yn gyntaf; os yw'n edrych yn rhy arw, arhoswch ar y traeth.
• Peidiwch byth â nofio ar ôl yfed alcohol neu fwyta pryd trwm.
• Gwiriwch y llanw i osgoi crychdonnau cryf a chael eich gwahanu o’r tir gan ddŵr sy'n dod i mewn.
• Rhowch wybod i bobl eraill ble rydych chi’n mynd.
• Os bydd argyfwng ffoniwch 999 a gofynnwch am Wylwyr y Glannau.
• Mae dingis, matiau a theganau chwyddadwy yn wych ar gyfer y pwll ond nid ydynt yn ddiogel i'w defnyddio ar y traeth ac ni ddylid eu defnyddio fel dyfais achub bywyd.
• Dylech chi gael gwared ar sbwriel yn gyfrifol.
• Peidiwch â gosod tywod ar ben barbeciws sydd wedi'u defnyddio a pheidiwch â rhoi barbeciws poeth mewn biniau llwch, gall hyn gynnau tân.

Os hoffech chi gael rhagor o wybodaeth am ddiogelwch yn y dŵr, ewch i i: Respect the Water –
Ymgyrch Genedlaethol Atal Boddi (rnli.org). Ceir rhestr o draethau dan oruchwyliaeth achubwyr bywyd yn

I'r dwyrain i Gampws y Bae mae ardal o bwysigrwydd o ran cadwraeth natur sydd wedi'i dynodi'n Safle o Ddiddordeb Gwyddonol Arbennig (SoDdGA). Yn yr ardal hon mae sawl cynefin pwysig gan gynnwys twyni tywod, morfa heli a fflatiau llaid. Mae'r llystyfiant yn cynnwys planhigion prin fel wermod y maes a murwyll tewbannog. Mae madfallod cyffredin, pryfed a llawer o rywogaethau adar, gan gynnwys pioden y môr, pibydd y tywod, a’r cwtiad torchog.

Prifysgol Abertawe sy’n berchen ar SoDdGA Twyni Crymlyn, ac mae’n gyfrifol am ei ddiogelu ar gyfer y dyfodol. Mae'r tîm Bioamrywiaeth yn rheoli'r ardal, ac mae sawl peth y gallwch chi ei wneud i sicrhau bod yr ardal hon yn cael ei diogelu:

• Peidiwch â gadael sbwriel
• Dim tanau na barbeciws
• Peidiwch â chasglu nac amharu ar fflora neu ffawna

Mae difrod i'r ardal SoDdGA yn drosedd. Os gwelwch chi unrhyw beth a allai fod yn niweidiol neu darfu ar y safle, ffoniwch +44 (0) 1792 205678 a gofynnwch am y Swyddog Bioamrywiaeth neu aelod o dîm Diogelwch y Brifysgol.

Yma ym Mhrifysgol Abertawe, rydym yn gwybod bod bywyd yn y brifysgol yn fwy nag astudio'n unig. Dyna pam mae'r Tîm Cynaliadwyedd yn gweithio'n galed i gynnig llawer o wahanol gyfleoedd i chi gymryd rhan yn ein mentrau cynaliadwyedd.