2019-20 Rheoliadau Asesu SPEX COVID-19

Gweler isod wybodaeth allweddol ynghylch rheoliadau asesu Gwyddor Chwaraeon ac Ymarfer Corff yn ystod 2019-20 gan ystyried sefyllfa pandemig COVID-19. Os oes gennych gwestiynau, mae croeso i chi gysylltu â'r Tîm Gwybodaeth Myfyrwyr.

Hefyd, cofiwch lawrlwytho a darllen y llythyr penderfyniad a geir yn eich proffil ar y fewnrwyd nesaf at eich penderfyniad dilyniant/dyfarniad.

BETH MAE'N RHAID I MI EI WNEUD I BASIO'R FLWYDDYN/RADDIO?

Bydd angen i chi barhau i astudio ar gyfer gweddill eich modiwlau a chyflwyno'r aseiniadau gofynnol. Bydd hyn yn bwysig ar gyfer eich blynyddoedd o astudiaethau pellach a/neu eich gyrfa ar ôl graddio. Cofiwch y bydd marciau pob modiwl yn cael eu cofnodi ar eich trawsgrifiadau.

Ym mhob blwyddyn, caniateir methiant a oddefir mewn hyd at 40 credyd a chewch symud ymlaen i'r lefel astudio nesaf neu raddio o hyd; gall y marc am y methiannau a oddefir hyn fod mor isel â 0%.

Nid yw rhaglenni Gwyddor Chwaraeon ac Ymarfer Corff yn cynnwys modiwlau craidd

SUT BYDD Y POLISI RHWYD DDIOGELWCH YN BERTHNASOL I'M BLWYDDYN I?

Blwyddyn 1

Defnyddir y polisi rhwyd ddiogelwch wrth gyfrifo dosbarthiadau gradd yn unig ac nid yw marciau Blwyddyn 1 yn cyfrannu at ddosbarthiad terfynol eich gradd, felly bydd y polisi rhwyd ddiogelwch yn berthnasol ym Mlynyddoedd 2 a 3 yn unig.

Blwyddyn 2

Byddwn yn defnyddio'r holl fodiwlau a gwblhawyd gennych cyn 14 Mawrth 2020 yn y flwyddyn academaidd hon.

Os yw hyn yn gyfwerth â 60 credyd neu fwy, byddwn yn cyfrifo'r marc cyfartalog ar sail y modiwlau hyn.

Os yw'n llai na 60 credyd, byddwn yn ei gynyddu i 60 credyd gan ddefnyddio eich cyfartaledd o'r flwyddyn flaenorol i wneud iawn am y diffyg credydau.

Wrth i chi ddod i ddiwedd eich rhaglen (ym mis Mehefin 2021 neu 2022), cofnodir y marc cyfartalog hwn ar gyfer yr holl fodiwlau yr effeithiwyd arnynt nas cwblhawyd eto eleni. Cofnodir yr holl farciau eraill, gan gynnwys rhai ar gyfer y flwyddyn nesaf, yn y ffordd arferol. Defnyddir y rheolau dosbarthiad gradd arferol gyda'r rhain i roi "dosbarthiad gradd gwarchodedig".

Yna byddwn yn cofnodi'r marciau rydych yn eu cyflawni ar fodiwlau a gwblhawyd eleni a chyfrifir eich dosbarthiad gradd fel arfer. Os yw'r dosbarthiad hwn yn is na'r dosbarthiad gwarchodedig, defnyddir y dosbarthiad gwarchodedig uwch.

Bydd eich trawsgrifiad yn cynnwys eich marciau a ddyfarnwyd am gredydau a gwblhawyd, ynghyd ag eglurhad o'r broses rhwyd ddiogelwch.

Rhoddir enghreifftiau o gyfrifo dosbarthiad gwarchodedig isod.

Myfyriwr 1 – Blwyddyn 2 ar raglen 3 blynedd.

Cyfartaledd Blwyddyn 1:72.6%
Modiwlau Blwyddyn 2 a gwblhawyd:#1 15 credyd 73%, #2 15 credyd 56%, #3 15 credyd 65% a #4 15 credyd 73%.
Cyfrifir y cyfartaledd rhwyd ddiogelwch ar sail y 60 credyd a gwblhawyd ym Mlwyddyn 2 felly 66.75% yw'r marc.
Bydd y marc hwn a'r 60 credyd o fodiwlau yr effeithiwyd arnynt yn cael eu cadw ar y cofnod tan fis Mehefin 2021, pan gyfrifir dosbarthiad gradd. Bryd hynny, cofnodir marc o 67% ar gyfer yr holl fodiwlau Blwyddyn 2 yr effeithiwyd arnynt a defnyddir y rheolau dosbarthiad fel arfer (gan gynnwys marciau Blwyddyn 3 o 2020/21) i gyfrifo dosbarthiad gradd gwarchodedig. Caiff hwn ei gymharu â'r dosbarthiad gradd ar sail y marciau a gyflawnwyd a defnyddir yr uchaf o'r ddau os oes gwahaniaeth.

Myfyriwr 2 – Blwyddyn 2 ar raglen 3 blynedd

55 credyd wedi'u cwblhau yn Semester 1.

Cyfartaledd Blwyddyn 1:74%

Modiwlau Blwyddyn 2 a gwblhawyd:

#1 10 credyd 70%
#2 10 credyd 68%
#3 10 credyd 87%
#4 10 credyd 61%
#5 10 credyd 68%
#6 5 credyd 82%
Ynghyd â 5 credyd a gyfrifwyd ar sail cyfartaledd Blwyddyn 1 y myfyriwr (74%), # 7 5 credyd 74%

Cyfrifir cyfartaledd rhwyd ddiogelwch ar sail y 55 credyd a gwblhawyd ym Mlwyddyn 2 a 5 credyd o gyfartaledd Blwyddyn 1 y myfyriwr felly 72% yw'r marc. Cedwir y marc hwn a'r 60 credyd o fodiwlau yr effeithiwyd arnynt ar y cofnod tan fis Mehefin 2021 pan gyfrifir dosbarthiad gradd. Bryd hynny, cofnodir marc o 72% ar gyfer yr holl fodiwlau o Flwyddyn 2 yr effeithiwyd arnynt a defnyddir y rheolau dosbarthiad fel arfer (gan gynnwys marciau Blwyddyn 3 o 2020/21) i gyfrifo dosbarthiad gradd gwarchodedig. Caiff hwn ei gymharu â'r dosbarthiad gradd ar sail marciau a ddyfarnwyd am gredydau a gwblhawyd a defnyddir y dosbarthiad uchaf os oes gwahaniaeth.

Blwyddyn 3

Byddwn yn defnyddio holl fodiwlau'r flwyddyn olaf rydych chi wedi'u cwblhau cyn 14 Mawrth 2020.

Os yw hyn yn gyfwerth â 60 credyd neu fwy, byddwn yn cyfrifo'r marc cyfartalog ar sail y modiwlau hyn.

Os yw'n llai na 60 credyd, byddwn yn ei gynyddu i 60 credyd gan ddefnyddio eich cyfartaledd o'r flwyddyn flaenorol i wneud iawn am y diffyg credydau.

Cofnodir y marc cyfartalog hwn ar gyfer yr holl fodiwlau o'r flwyddyn olaf nas cwblhawyd eto.

Defnyddir y rheolau cyfrifo dosbarthiad arferol gyda'r rhain i roi "dosbarthiad gradd gwarchodedig".

Pan fyddwch wedi cwblhau eich holl asesiadau am y flwyddyn, cofnodir yr holl farciau a chyfrifir dosbarthiad eich gradd fel arfer.

Os yw'r dosbarthiad hwn yn is na'r dosbarthiad gwarchodedig, yna defnyddir y dosbarthiad gwarchodedig uwch.

Bydd eich trawsgrifiad yn cynnwys eich marciau a ddyfarnwyd am gredydau a gwblhawyd, ynghyd ag eglurhad o'r broses rhwyd ddiogelwch.

Rhoddir enghreifftiau o gyfrifo dosbarthiad gwarchodedig isod.

Myfyriwr 1 – Blwyddyn 3 ar raglen 3 blynedd. Cyfartaledd Blwyddyn 2: 62.7%. Modiwlau Blwyddyn 3 a gwblhawyd: #1 20 credyd 71%, #2 20 credyd 64% a #3 20 credyd 66%. Cyfrifir y cyfartaledd rhwyd ddiogelwch ar sail y 60 credyd a gwblhawyd ym Mlwyddyn 3, felly 67.0% yw'r marc. Cofnodir marc o 67% ar gyfer yr holl fodiwlau blwyddyn 3 nas cwblhawyd eto a defnyddir y rheolau dosbarthiad fel arfer i gyfrifo dosbarthiad gradd gwarchodedig.

Myfyriwr 2 – Blwyddyn 3 ar raglen 3 blynedd. Cyfartaledd Blwyddyn 2: 71.6%. Modiwlau Blwyddyn 3 a gwblhawyd: #1 10 credyd 74%, #2 10 credyd 68%, #3 10 credyd 76% a #4 10 credyd 66%. Cyfrifir y cyfartaledd rhwyd ddiogelwch ar sail y 40 credyd a gwblhawyd ym Mlwyddyn 3, ynghyd ag 20 credyd sy'n gyfwerth â chyfartaledd Blwyddyn 2, felly y marc yw (74*10+68*10+76*10+66*10+71.6*20)/60 = 71.2%. Cofnodir marc o 71% ar gyfer pob modiwl Blwyddyn 3 nas cwblhawyd eto a defnyddir y rheolau dosbarthiad arferol i gyfrifo dosbarthiad gradd gwarchodedig.

Myfyriwr 3 – Blwyddyn 3 ar raglen 3 blynedd. Cyfartaledd Blwyddyn 2: 52.4%. Modiwlau Blwyddyn 3 a gwblhawyd: #1 15 credyd 61%, #2 15 credyd 52%, #3 15 credyd 63% a #4 15 credyd 33% Cyfrifir cyfartaledd Rhwyd Ddiogelwch ar sail y 60 credyd a gwblhawyd ym Mlwyddyn 3 (gan gynnwys y methiant), a'r marc felly yw 52.25%. Cofnodir marc o 52% am yr holl fodiwlau ym Mlwyddyn 3 nas cwblhawyd eto a defnyddir y rheolau dosbarthiad fel arfer i gyfrifo dosbarthiad gradd gwarchodedig.

SUT CAIFF FY NGRADD EI CHYFRIFO?

Darllenwch yr adran Dosbarthiad Graddau Anrhydedd yn y Canllaw Academaidd am wybodaeth fanylach am y pwnc hwn a cheir dadansoddiad o ffiniau dosbarthiad gradd isod.

Degree Classification	Weighted Degree Average (%)
First Class Honours (1st)	70+
Second Class Honours, Division I (2:1)	60-69.99
Second Class Honours, Division II (2:2)	50-59.99
Third Class Honours (3rd)	40-49.99
Pass Degree	35-39.99

Rheoliadau Dyfarnu Gradd

Cyfrifir cyfartaledd wedi'i bwysoli cyffredinol eich gradd gan ddefnyddio'r fformiwlâu pwysoli canlynol:

Rhoddir pwysoliad o 3 i gyfartaledd yr 80 credyd gorau a gyflawnwyd gennych ym Mlwyddyn 3, h.y. lluosi â 3/6.
Rhoddir pwysoliad o 2 i gyfartaledd y 40 credyd gwaethaf a gyflawnwyd gennych ym Mlwyddyn 3 a’r 40 credyd gorau a gyflawnwyd gennych ym Mlwyddyn 2, h.y. lluosi â 2/6.
Rhoddir pwysoliad o 1 i gyfartaledd yr 80 credyd gwaethaf a gyflawnwyd gennych ym Mlwyddyn 2, h.y. lluosi â 1/6.

Yna caiff y cydrannau hyn eu hychwanegu at ei gilydd i roi cyfartaledd wedi'i bwysoli eich gradd:

Enghraifft:

Cyfartaledd yr 80 credyd gorau ym Mlwyddyn 3 = 68
Cyfartaledd y 40 credyd gwaethaf ym Mlwyddyn 3 a'r 40 credyd gorau ym Mlwyddyn 2 = 63
Cyfartaledd yr 80 credyd gwaethaf ym Mlwyddyn 2 = 61

68 * (3/6) + 63 * (2/6) + 61 * (1/6) = 34 + 21 + 10.17 = 65.17% cyfartaledd wedi'i bwysoli'r radd

Mwyafrif a Chyfradd Welliant wrth Ymadael

Os yw cyfartaledd wedi'i bwysoli eich gradd o fewn 2% i ffin y dosbarth gradd nesaf (sy'n cael ei alw'n 'Ffenestr Cyfle'), defnyddir yr egwyddorion mwyafrif preponderance a chyfradd welliant wrth ymadael exit-velocity. Mae hyn yn golygu y gallech ennill dosbarthiad uwch am eich gradd os ydych yn bodloni'r naill neu'r llall o'r egwyddorion hyn.

Yr Egwyddor Mwyafrif

Rhaid bod hanner y credydau sy'n cyfrif tuag at eich gradd mewn dosbarthiad uwch na'ch cyfartaledd gradd wedi'i bwysoli.{

Byddai hyn yn golygu ennill 120 o gredydau mewn dosbarthiad gradd uwch ar draws Blynyddoedd 2 a 3.

Enghraifft:

Blwyddyn 2 40 credyd rhwng 50% a 59% (2:2) ac 80 credyd rhwng 60% a 69% (2:1).
Blwyddyn 3 - 80 credyd rhwng 50% a 59% (2:2), 30 credyd rhwng 60% a 69% (2:1) a 10 credyd ar 70+%
Cyfartaledd Gradd wedi'i Bwysoli - 58.3% (2:2).
Canlyniad Terfynol wedi'i uwchraddio i 2:1 am y rhesymau canlynol:
- Mae'r cyfartaledd gradd wedi'i bwysoli o fewn y Ffenestr Cyfle.
- Bodlonir yr egwyddor Mwyafrif, h.y. Roedd 80 credyd ym Mlwyddyn 2 a 40 credyd ym Mlwyddyn 3 yn uwch na dosbarthiad 2:2. Mae hynny'n rhoi 120 o gredydau mewn dosbarthiad gradd uwch na'r cyfartaledd gradd wedi'i bwysoli

Yr Egwyddor Cyfradd Welliant wrth Ymadael Exit Velocity

Rhaid i chi gyflawni cyfartaledd yn eich blwyddyn olaf sydd mewn dosbarthiad gradd uwch na chyfartaledd wedi'i bwysoli eich gradd.

Enghraifft:

Cyfartaledd Gradd wedi'i Bwysoli - 58.3% (2:2).
Cyfartaledd y Flwyddyn Olaf - 61.2% (2:1).
Canlyniad Terfynol {00103}{00202}–{00203}{00302} wedi'i uwchraddio i 2:1 am y rhesymau canlynol:
- Mae'r cyfartaledd gradd wedi'i bwysoli o fewn y Ffenestr Cyfle.
- Bodlonir yr egwyddor Cyfradd Welliant wrth Ymadael, h.y. mae cyfartaledd y flwyddyn olaf mewn dosbarthiad gradd uwch na'r cyfartaledd gradd wedi'i bwysoli.