2019-20 RHEOLIADAU ASESU COVID-19 PEIRIANNEG

Er mwyn symud ymlaen i Flwyddyn 1 y radd Peirianneg yr hoffech ei hastudio, bydd angen i chi fodloni pob un o'r meini prawf isod:

• 100 o gredydau ar lefel lwyddo (40+%) neu'n uwch
• Dim methiannau mewn modiwlau a ddynodir yn rhai 'Craidd'. Mae'r rhain yn dibynnu ar eich cynllun gradd ac maent wedi’u nodi yn eich Llawlyfr Rhan 2

Am y flwyddyn academaidd hon yn unig, caniateir 20 credyd o fethiannau a oddefir, mor isel â 0%, mewn modiwlau nad ydynt yn rhai craidd.

Er mwyn symud ymlaen i Flwyddyn 2 eich rhaglen mae'n rhaid i chi ennill 120 o gredydau ar lefel lwyddo (40%+) neu'n uwch.

Mae'r holl fodiwlau ym Mlwyddyn 1 yn rhai 'Craidd’.

Mae hyn oherwydd bod rheolau'r Cyngor Peirianneg wedi cael eu diweddaru sy'n golygu na ellir caniatáu methiannau a oddefir o hyn allan.

Er mwyn symud ymlaen i Flwyddyn 3 y radd Peirianneg yr hoffech ei hastudio, bydd angen i chi fodloni pob un o'r meini prawf isod:

• 100 o gredydau ar lefel lwyddo (40+%) neu'n uwch.
• Dim methiannau mewn modiwlau a ddynodir yn rhai 'Craidd'. Mae'r rhain yn dibynnu ar eich cynllun gradd ac maent wedi’u nodi yn eich Llawlyfr Rhan 2.
• Dim marc cyffredinol islaw 30% mewn modiwl.

Er mwyn ennill gradd BEng achrededig, bydd angen i chi fodloni'r holl feini prawf isod yn eich blwyddyn astudio olaf.

• 100 o gredydau ar lefel lwyddo (40+%) neu'n uwch.
• Dim methiannau mewn modiwlau a ddynodir yn rhai 'Craidd'. Mae'r rhain yn dibynnu ar eich cynllun gradd ac maent wedi’u nodi yn eich Llawlyfr Rhan 2.
• Dim marc cyffredinol islaw 30% mewn modiwl.
• Cyfartaledd cyffredinol o 35% neu'n uwch ar gyfer y lefel astudio.

Er mwyn symud ymlaen i flwyddyn y rhaglen MEng, bydd angen i ch gyflawni'r canlynol:

• 100 o gredydau ar lefel lwyddo (40+%) neu'n uwch.
• Marc cyfartalog o 55% neu'n uwch naill ai yn eich cyfartaledd am y flwyddyn a gyfrifwyd ar sail y rheoliadau arferol, NEU yn eich cyfartaledd a gyfrifwyd ar sail y rheoliadau rhwyd ddiogelwch.
• Dim marciau islaw 30%
• Dim methiannau mewn modiwlau a ddynodir yn rhai 'Craidd'.
• Mae eich modiwlau craidd yn dibynnu ar eich cynllun gradd a gellir eu gweld yn eich Llawlyfr Rhan 2

Os nad ydych yn cyflawni'r uchod yn dilyn asesiadau atodol ym mis Awst, byddwch yn cael eich trosglwyddo i'r BEng a'ch asesu yn unol â rheoliadau Blwyddyn 3 y cynllun BEng.

Er mwyn ennill gradd MEng achrededig, bydd rhaid i chi fodloni pob un o'r meini prawf isod yn eich blwyddyn astudio olaf:

• 100 o gredydau ar lefel lwyddo (50+%) neu'n uwch.
• Dim methiannau mewn modiwlau a ddynodir yn rhai 'Craidd'. Mae'r rhain yn dibynnu ar eich cynllun gradd ac maent wedi’u nodi yn eich Llawlyfr Rhan 2.
• Cyfartaledd cyffredinol o 35% neu'n uwch ar gyfer y lefel astudio.

Am y flwyddyn academaidd hon, caniateir 20 credyd o fethiannau a oddefir, mor isel â 0%, mewn modiwlau nad ydynt yn rhai craidd.

Er mwyn symud ymlaen o Ran Un i Ran Dau eich rhaglen MSc, bydd rhaid i chi fodloni pob un o'r meini prawf isod:

• 100 o gredydau ar lefel lwyddo (50+%) neu'n uwch.
• Dim marciau islaw 40%
• Dim methiannau mewn modiwlau a ddynodir yn rhai 'Craidd'. Mae'r rhain yn dibynnu ar eich cynllun gradd ac maent wedi’u nodi yn eich Llawlyfr Rhan 2.
• Cyfartaledd cyffredinol o 50% neu'n uwch ar gyfer y lefel astudio.

Gall myfyrwyr sy'n gymwys am fethiant a oddefir ar yr ymgais gyntaf ac sy'n dymuno ildio eu hawl i ailsefyll y modiwlau a fethwyd, gyflwyno cais am oddefiant o fewn 10 niwrnod ar ôl cael hysbysiad swyddogol o'u canlyniad.

Cysylltwch â'r Tîm Gwybodaeth Myfyrwyr os ydych chi am wneud y cais hwn.

Defnyddir y polisi rhwyd ddiogelwch i gyfrifo dosbarthiadau gradd yn unig. Nid yw marciau ar gyfer y Flwyddyn Sylfaen a Blwyddyn 1 yn cyfrif tuag at ddosbarthiad terfynol eich gradd, felly caiff y polisi rhwyd ddiogelwch ei ddefnyddio ar gyfer Blynyddoedd 2, 3 a 4 yn unig.

Byddwn yn defnyddio'r holl fodiwlau a gwblhawyd gennych cyn 14 Mawrth 2020 yn y flwyddyn academaidd hon.

Os yw hyn gyfwerth â 60 credyd neu fwy, byddwn yn cyfrifo'r marc cyfartalog ar sail y modiwlau hyn.

Os yw'n llai na 60 credyd, byddwn yn ei gynyddu i 60 credyd gan ddefnyddio eich cyfartaledd o'r flwyddyn flaenorol i wneud iawn am y diffyg credydau.

Wrth i chi ddod i ddiwedd eich rhaglen (ym mis Mehefin 2021 neu 2022), cofnodir y marc cyfartalog hwn ar gyfer yr holl fodiwlau yr effeithiwyd arnynt nas cwblhawyd eto eleni. Cofnodir yr holl farciau eraill, gan gynnwys rhai ar gyfer y flwyddyn nesaf, yn y ffordd arferol. Defnyddir y rheolau cyfrifo dosbarthiad gradd arferol gyda'r rhain i roi "dosbarthiad gradd gwarchodedig". 

Yna byddwn yn cofnodi'r marciau rydych yn eu cyflawni ar fodiwlau a gwblhawyd eleni a chyfrifir eich dosbarthiad gradd fel arfer. Os yw'r dosbarthiad hwn yn is na'r dosbarthiad gwarchodedig, defnyddir y dosbarthiad gwarchodedig uwch.

Bydd eich trawsgrifiad yn cynnwys eich marciau a ddyfarnwyd am gredydau a gwblhawyd, ynghyd ag eglurhad o'r broses rhwyd ddiogelwch.

Rhoddir enghreifftiau o gyfrifo dosbarthiad gwarchodedig isod.

Myfyriwr 1 - Blwyddyn 2 ar raglen 3 blynedd.

• Cyfartaledd Blwyddyn 1: 72.6%
• Modiwlau Blwyddyn 2 a gwblhawyd: #1 15 credyd 73%, #2 15 credyd 56%, #3 15 credyd 65% a #4 15 credyd 73%.
• Cyfrifir y cyfartaledd rhwyd ddiogelwch ar sail y 60 credyd a gwblhawyd ym Mlwyddyn 2 felly 66.75% yw'r marc.
• Bydd y marc hwn a'r 60 credyd o fodiwlau yr effeithiwyd arnynt yn cael eu cadw ar y cofnod tan fis Mehefin 2021, pan gyfrifir dosbarthiad gradd. Bryd hynny, cofnodir marc o 67% ar gyfer yr holl fodiwlau Blwyddyn 2 yr effeithiwyd arnynt a defnyddir y rheolau dosbarthiad fel arfer (gan gynnwys marciau Blwyddyn 3 o 2020/21) i gyfrifo dosbarthiad gradd gwarchodedig. Caiff hwn ei gymharu â'r dosbarthiad gradd ar sail marciau a ddyfarnwyd am gredydau a gwblhawyd a defnyddir y dosbarthiad uwch os oes gwahaniaeth.

Myfyriwr 2 - Blwyddyn 2 ar raglen 4 blynedd.

• Cyfartaledd Blwyddyn 1: 81.3%
• Modiwlau Blwyddyn 2 a gwblhawyd: #1 10 credyd 77%, #2 20 credyd 66%, #3 10 credyd 83% a #4 10 credyd 53%.
• Cyfrifir y cyfartaledd rhwyd ddiogelwch ar sail y 50 credyd a gwblhawyd ym Mlwyddyn 2 a 10 credyd cyfwerth â chyfartaledd Blwyddyn 1: (77*10+66*20+83*10+53*10+81.3*10) = 71.05%.
• Cedwir y marc hwn a'r 70 credyd o fodiwlau yr effeithiwyd arnynt ar y cofnod tan fis Mehefin 2022 pan gyfrifir dosbarthiad gradd. Bryd hynny, cofnodir marc o 71% ar gyfer yr holl fodiwlau blwyddyn 2 yr effeithiwyd arnynt a defnyddir y rheolau dosbarthiad fel arfer (gan gynnwys marciau Blwyddyn 3 o 2020/21 a marciau Blwyddyn 4 o 2021/22) i gyfrifo dosbarthiad gradd gwarchodedig. Caiff hwn ei gymharu â'r dosbarthiad gradd ar sail marciau a ddyfarnwyd am gredydau a gwblhawyd a defnyddir y dosbarthiad uwch os oes gwahaniaeth.

Myfyriwr 3 - Blwyddyn 2 ar raglen 3 blynedd

55 credyd wedi'u cwblhau yn Semester 1.

Cyfartaledd Blwyddyn 1: 74%

Modiwlau Blwyddyn 2 a gwblhawyd:

• #1 10 credyd 70%
• #2 10 credyd 68%
• #3 10 credyd 87%
• #4 10 credyd 61%
• #5 10 credyd 68%
• #6 5 credyd 82%
• Ynghyd â 5 credyd a gyfrifwyd ar sail cyfartaledd Blwyddyn 1 y myfyriwr (74%), # 7 5 credyd 74%

Cyfrifir cyfartaledd rhwyd ddiogelwch ar sail y 55 credyd a gwblhawyd ym Mlwyddyn 2 a 5 credyd o gyfartaledd Blwyddyn 1 y myfyriwr felly 72% yw'r marc. Cedwir y marc hwn a'r 60 credyd o fodiwlau yr effeithiwyd arnynt ar y cofnod tan fis Mehefin 2021 pan gyfrifir dosbarthiad gradd. Bryd hynny, cofnodir marc o 72% ar gyfer yr holl fodiwlau o Flwyddyn 2 yr effeithiwyd arnynt a defnyddir y rheolau dosbarthiad fel arfer (gan gynnwys marciau Blwyddyn 3 o 2020/21) i gyfrifo dosbarthiad gradd gwarchodedig. Caiff hwn ei gymharu â'r dosbarthiad gradd ar sail marciau a ddyfarnwyd am gredydau a gwblhawyd a defnyddir y dosbarthiad uwch os oes gwahaniaeth.

Blwyddyn 3 BEng a Blwyddyn 4 MEng

Byddwn yn defnyddio holl fodiwlau'r flwyddyn olaf rydych chi wedi'u cwblhau cyn 14 Mawrth 2020.

Os yw hyn gyfwerth â 60 credyd neu fwy, byddwn yn cyfrifo'r marc cyfartalog ar sail y modiwlau hyn.

Os yw'n llai na 60 credyd, byddwn yn ei gynyddu i 60 credyd gan ddefnyddio eich cyfartaledd o'r flwyddyn flaenorol i wneud iawn am y diffyg credydau.

Cofnodir y marc cyfartalog hwn ar gyfer yr holl fodiwlau o'r flwyddyn olaf nas cwblhawyd eto.

Defnyddir y rheolau cyfrifo dosbarthiad arferol gyda'r rhain i roi "dosbarthiad gradd gwarchodedig". Pan fyddwch wedi cwblhau eich holl asesiadau am y flwyddyn, cofnodir yr holl farciau a chyfrifir dosbarthiad eich gradd fel arfer.

Os yw'r dosbarthiad hwn yn is na'r dosbarthiad gwarchodedig, yna defnyddir y dosbarthiad gwarchodedig uwch.

Bydd eich trawsgrifiad yn cynnwys eich marciau a ddyfarnwyd am gredydau a gwblhawyd, ynghyd ag eglurhad o'r broses rhwyd ddiogelwch.

Rhoddir enghreifftiau o gyfrifo dosbarthiad gwarchodedig isod.

Myfyriwr 1 - Blwyddyn 3 ar raglen 3 blynedd.

• Cyfartaledd Blwyddyn 2: 62.7%
• Modiwlau Blwyddyn 3 a gwblhawyd:#1 20 credyd 71%, #2 20 credyd 64% a #3 20 credyd 66%.
• Cyfrifir cyfartaledd rhwyd ddiogelwch ar sail y 60 credyd a gwblhawyd ym Mlwyddyn 3, felly 67.0% yw'r marc.
• Cofnodir marc o 67% ar gyfer yr holl fodiwlau blwyddyn 3 nas cwblhawyd eto a defnyddir y rheolau dosbarthiad fel arfer i gyfrifo dosbarthiad gradd gwarchodedig.

Myfyriwr 2 - Blwyddyn 3 ar raglen 3 blynedd.

• Cyfartaledd Blwyddyn 2: 71.6%
• Modiwlau Blwyddyn 3 a gwblhawyd: #1 10 credyd 74%, #2 10 credyd 68%, #3 10 credyd 76% a #4 10 credyd 66%.
• Cyfrifir cyfartaledd rhwyd ddiogelwch ar sail y 40 credyd a gwblhawyd ym Mlwyddyn 3, ac 20 credyd cyfwerth â chyfartaledd Blwyddyn 2, felly y marc yw (74*10+68*10+76*10+66*10+71.6*20)/60 = 71.2%
• Cofnodir marc o 71% ar gyfer yr holl fodiwlau Blwyddyn 3 nas cwblhawyd eto a defnyddir y rheolau dosbarthiad fel arfer i gyfrifo dosbarthiad gradd gwarchodedig.

Myfyriwr 3 - Blwyddyn 3 ar raglen 3 blynedd.

• Cyfartaledd Blwyddyn 2 52.4%
• Modiwlau Blwyddyn 3 a gwblhawyd: #1 15 credyd 61%, #2 15 credyd 52%, #3 15 credyd 63% a #4 15 credyd 33%.
• Cyfrifir cyfartaledd rhwyd ddiogelwch ar sail y 60 credyd a gwblhawyd ym Mlwyddyn 3 (gan gynnwys y methiant), felly 52.25% yw'r marc.
• Cofnodir marc o 52% am yr holl fodiwlau ym Mlwyddyn 3 nas cwblhawyd eto a defnyddir y rheolau dosbarthiad fel arfer i gyfrifo dosbarthiad gradd gwarchodedig.

Myfyriwr 4 - Blwyddyn 4 ar raglen 4 blynedd.

• Cyfartaledd Blwyddyn 3: 71.3%
• Modiwlau Blwyddyn 4 a gwblhawyd: #1 10 credyd 65%, #2 10 credyd 74%, #3 10 credyd 66%, #4 10 credyd 78% a #5 10 credyd wedi'u gohirio.
• Cyfrifir cyfartaledd rhwyd ddiogelwch ar sail y 40 credyd a gwblhawyd ym Mlwyddyn 4 (ac eithrio'r modiwl a ohiriwyd) ac 20 credyd cyfwerth â chyfartaledd Blwyddyn 3, felly y marc yw: (65*10+74*10+66*10+78*10+71.3*20)/60 = 70.9%.
• Cofnodir marc o 71% am yr holl fodiwlau o Flwyddyn 4 nas cwblhawyd eto a defnyddir y rheolau dosbarthiad fel arfer i gyfrifo dosbarthiad gradd gwarchodedig.

Byddwn yn defnyddio holl fodiwlau'r flwyddyn olaf rydych chi wedi'u cwblhau cyn 14 Mawrth 2020. 

Os yw hyn gyfwerth â 60 credyd neu fwy, byddwn yn cyfrifo'r marc cyfartalog ar sail y modiwlau hyn. 

Os yw'n llai na 60 credyd, byddwn yn ei gynyddu i 60 credyd gan ddefnyddio eich cyfartaledd o'r flwyddyn flaenorol i wneud iawn am y diffyg credydau.

Cofnodir y marc cyfartalog hwn ar gyfer yr holl fodiwlau o'r flwyddyn olaf nas cwblhawyd eto. Defnyddir y rheolau cyfrifo dosbarthiad arferol gyda'r rhain i roi "dosbarthiad gradd gwarchodedig".

Pan fyddwch wedi cwblhau eich holl asesiadau am y flwyddyn, cofnodir yr holl farciau a chyfrifir dosbarthiad eich gradd fel arfer. Os yw'r dosbarthiad hwn yn is na'r dosbarthiad gwarchodedig, yna defnyddir y dosbarthiad gwarchodedig uwch.

Bydd eich trawsgrifiad yn cynnwys eich marciau a ddyfarnwyd am gredydau a gwblhawyd, ynghyd ag eglurhad o'r broses rhwyd ddiogelwch.

Rhoddir enghreifftiau o gyfrifo dosbarthiad gwarchodedig isod.

Myfyriwr 1 - Blwyddyn 3 ar raglen 3 blynedd.

• Cyfartaledd Blwyddyn 2: 62.7%
• Modiwlau Blwyddyn 3 a gwblhawyd: #1 20 credyd 71%, #2 20 credyd 64% a #3 20 credyd 66%.
• Cyfrifir cyfartaledd rhwyd ddiogelwch ar sail y 60 credyd a gwblhawyd ym Mlwyddyn 3, felly 67.0% yw'r marc.
• Cofnodir marc o 67% ar gyfer yr holl fodiwlau blwyddyn 3 nas cwblhawyd eto a defnyddir y rheolau dosbarthiad fel arfer i gyfrifo dosbarthiad gradd gwarchodedig.

Myfyriwr 2 - Blwyddyn 3 ar raglen 3 blynedd.

• Cyfartaledd Blwyddyn 2: 71.6%
• Modiwlau Blwyddyn 3 a gwblhawyd: #1 10 credyd 74%, #2 10 credyd 68%, #3 10 credyd 76% a #4 10 credyd 66%.
• Cyfrifir cyfartaledd rhwyd ddiogelwch ar sail y 40 credyd a gwblhawyd ym Mlwyddyn 3, ac 20 credyd cyfwerth â chyfartaledd Blwyddyn 2, felly y marc yw (74*10+68*10+76*10+66*10+71.6*20)/60 = 71.2%
• Cofnodir marc o 71% ar gyfer yr holl fodiwlau Blwyddyn 3 nas cwblhawyd eto a defnyddir y rheolau dosbarthiad fel arfer i gyfrifo dosbarthiad gradd gwarchodedig.

Myfyriwr 3 - Blwyddyn 3 ar raglen 3 blynedd.

• Cyfartaledd Blwyddyn 2 : 52.4%
• Modiwlau Blwyddyn 3 a gwblhawyd: #1 15 credyd 61%, #2 15 credyd 52%, #3 15 credyd 63% a #4 15 credyd 33%.
• Cyfrifir cyfartaledd rhwyd ddiogelwch ar sail y 60 credyd a gwblhawyd ym Mlwyddyn 3 (gan gynnwys y methiant), felly 52.25% yw'r marc.
• Cofnodir marc o 52% am yr holl fodiwlau ym Mlwyddyn 3 nas cwblhawyd eto a defnyddir y rheolau dosbarthiad fel arfer i gyfrifo dosbarthiad gradd gwarchodedig.

Myfyriwr 4 - Blwyddyn 4 ar raglen 4 blynedd.

• Cyfartaledd Blwyddyn 3: 71.3%
• Modiwlau Blwyddyn 4 a gwblhawyd: #1 10 credyd 65%, #2 10 credyd 74%, #3 10 credyd 66%, #4 10 credyd 78% a #5 10 credyd wedi'u gohirio.
• Cyfrifir cyfartaledd rhwyd ddiogelwch ar sail y 40 credyd a gwblhawyd ym Mlwyddyn 4 (ac eithrio'r modiwl a ohiriwyd) ac 20 credyd cyfwerth â chyfartaledd Blwyddyn 3, felly y marc yw: (65*10+74*10+66*10+78*10+71.3*20)/60 = 70.9%.
• Cofnodir marc o 71% am yr holl fodiwlau o Flwyddyn 4 nas cwblhawyd eto a defnyddir y rheolau dosbarthiad fel arfer i gyfrifo dosbarthiad gradd gwarchodedig.

Darllenwch yr adrannau "Beth yw diben y Rhwyd Ddiogelwch ar gyfer Myfyrwyr Ôl-raddedig a Addysgir?" a "Sut mae'r Rhwyd Ddiogelwch yn sicrhau na fyddaf yn derbyn canlyniad gradd gwaeth?" ar y dudalen Cwestiynau Cyffredinol am Bolisi Rhwyd Ddiogelwch y Brifysgol ar gyfer Myfyrwyr MSc Ôl-raddedig a Addysgir am eglurhad o sut caiff y polisi rhwyd ddiogelwch ei gymhwyso i raglenni MSc a Addysgir.

Darllenwch yr adran Dosbarthiad Graddau Anrhydedd yn y Canllaw Academaidd am wybodaeth fanylach am y pwnc hwn a cheir dadansoddiad o ffiniau dosbarthiad gradd isod.

Rhoddir pwysoliad o 1 i'ch cyfartaledd Blwyddyn 2 a phwysoliad o 2 i'ch cyfartaledd Blwyddyn 3 i gyfrifo eich cyfartaledd gradd wedi'i bwysoli cyffredinol.

Enghraifft:

• Cyfartaledd Blwyddyn 2 = 62%
• Cyfartaledd Blwyddyn 3 = 59%
• Cyfartaledd Gradd wedi'i Bwysoli = (62 x 1/3) + (59 x 2/3) = (20.67 + 39.33) = 60%

Rhoddir pwysoliad o 1 i'ch cyfartaledd ym Mlwyddyn 2, rhoddir pwysoliad o 2 i'ch cyfartaledd ym Mlwyddyn 3 a phwysoliad o 2 i'ch cyfartaledd ym Mlwyddyn 4 i gyfrifo eich cyfartaledd gradd wedi'i bwysoli cyffredinol.

Enghraifft:

• Cyfartaledd Blwyddyn 2 = 62%
• Cyfartaledd Blwyddyn 3 = 59%
• Cyfartaledd Blwyddyn 4 = 63%
• Cyfartaledd Gradd wedi'i Bwysoli = (62 x 1/5) + (59 x 2/5) + (63 x 2/5) = 12.4 + 23.6 + 25.2 = 61.2%

Nid yw'r dosbarthiadau gradd a ddefnyddir ar gyfer graddau israddedig yn berthnasol i raglenni MSc a addysgir (e.e.1af, 2:1 etc.).

Darllenwch yr adran 'Sut mae'r rhwyd ddiogelwch yn sicrhau na fyddaf yn derbyn canlyniad gradd gwaeth?' ar dudalen Cwestiynau Cyffredin am Bolisi Rhwyd Ddiogelwch y Brifysgol ar gyfer Myfyrwyr MSc Ôl-raddedig a Addysgir am esboniad o sut caiff dosbarthiadau graddau MSc eu cyfrifo eleni oherwydd sefyllfa Covid-19.

Os yw cyfartaledd wedi'i bwysoli eich gradd o fewn 2% i ffin y dosbarth gradd nesaf (sy'n cael ei alw'n 'Ffenestr Cyfle'), defnyddir yr egwyddorion mwyafrif preponderance a chyfradd welliant wrth ymadael exit velocity.

Mae hyn yn golygu y gallech ennill dosbarthiad uwch am eich gradd os ydych yn bodloni'r naill neu'r llall o'r egwyddorion hyn.

Yr Egwyddor Mwyafrif

Rhaid bod hanner y credydau sy'n cyfrif tuag at eich gradd mewn dosbarthiad uwch na'ch cyfartaledd gradd wedi'i bwysoli.

Yn achos gradd BEng, byddai hyn yn golygu ennill 120 credyd mewn dosbarthiad gradd uwch ar draws Blynyddoedd 2 a 3.

Yn achos y radd MEng, byddai hyn yn golygu ennill 180 credyd ar draws Blynyddoedd 2, 3 a 4 mewn dosbarthiad gradd uwch.

Enghraifft ar gyfer BEng:

• Blwyddyn 2 – 40 credyd rhwng 50% a 59% (2:2) ac 80 credyd rhwng 60% a 69% (2:1).
• Blwyddyn 3 - 80 credyd rhwng 50% a 59% (2:2), 30 credyd rhwng 60% a 69% (2:1) a 10 credyd ar 70+% (1af).
• Cyfartaledd Gradd wedi'i Bwysoli - 58.3% (2:2).
• Canlyniad Terfynol - wedi'i uwchraddio i 2:1 am y rhesymau canlynol:
  • Mae'r cyfartaledd gradd wedi'i bwysoli o fewn y Ffenestr Cyfle.
  • Bodlonir yr egwyddor Mwyafrif, h.y. Roedd 80 credyd ym Mlwyddyn 2 a 40 credyd ym Mlwyddyn 3 yn uwch na dosbarthiad 2:2. Mae hynny'n rhoi 120 o gredydau mewn dosbarthiad gradd uwch na'r cyfartaledd gradd wedi'i bwysoli.

Yr Egwyddor Cyfradd Welliant wrth Ymadael

Rhaid i chi gyflawni cyfartaledd yn eich blwyddyn olaf (h.y. y 3 edd Flwyddyn ar raglen BEng; y 4 edd Flwyddyn ar raglen MEng) sydd mewn dosbarthiad gradd uwch na chyfartaledd wedi'i bwysoli eich gradd

Enghraifft:

• Cyfartaledd Gradd wedi'i Bwysoli - 58.3% (2:2).
• Cyfartaledd y Flwyddyn Olaf - 61.2% (2:1).
• Canlyniad Terfynol - wedi'i uwchraddio i 2:1 am y rhesymau canlynol:
  • Mae'r cyfartaledd gradd wedi'i bwysoli o fewn y Ffenestr Cyfle.
  • Bodlonir yr egwyddor Cyfradd Welliant wrth Ymadael, h.y. mae cyfartaledd y flwyddyn olaf mewn dosbarthiad gradd uwch na'r cyfartaledd gradd wedi'i bwysoli.