CWESTIYNAU CYFFREDIN AR GYFER ASESIADAU ATODOL MIS AWST 2022

Caiff canlyniadau'r asesiadau atodol eu rhyddhau ar eich Proffil Myfyriwr ar fewnrwyd y Brifysgol ar 4 Mai 2023.

I weld eich canlyniadau, ewch i https://myuni.swansea.ac.uk/ ac ewch i'r Fewnrwyd/Proffil Myfyriwr/Manylion Cwrs/Modiwlau 2022.

I'ch helpu i baratoi ar gyfer eich asesiadau, edrychwch ar yr adnoddau academaidd sydd wedi'u rhestru ar dudalen Cymorth Academaidd y Gyfadran ac edrychwch hefyd ar yr wybodaeth am adnoddau ar-lein, gweithdai a thiwtora personol drwy apwyntiad sydd ar gael drwy'r Ganolfan Llwyddiant Academaidd.

Ewch i dudalennau gwe'r Llyfrgell am restr lawn o oriau agor a gwasanaethau a chymorth llyfrgell:

https://www.swansea.ac.uk/library/library-hours/

Ar wahân i adeiladau'r llyfrgell, mae nifer o leoedd ar Gampws y Bae ac ar Gampws Singleton y gallwch chi eu defnyddio at ddibenion astudio anffurfiol. Mae rhagor o wybodaeth am y mannau astudio anffurfiol hyn ar gael yma.

Ni allwn newid dyddiadau cau modiwlau, ond os ydych yn sylwi ar gamgymeriadau, dylech chi e-bostio studentsupport-scienceengineering@abertawe.ac.uk.

Os ydych yn disgwyl cwblhau modiwl yn ystod y cyfnod atodol (drwy ailsefyll asesiad neu asesiad wedi'i ohirio) ond nid yw'n ymddangos ar yr amserlenni, e-bostiwch studentsupport-scienceengineering@abertawe.ac.uk.

Ar gyfer unrhyw fyfyrwyr sy'n sefyll arholiadau ar y safle, sylwer y cynhelir pob arholiad ar y safle ym mis Mawrth ar Gampws y Bae. Gweler y map o Gampws y Bae. Os oes angen help arnoch i ddod o hyd i leoliad eich arholiad ar ddiwrnod yr arholiad, ewch i Dderbynfa Adeilad Canolog Peirianneg (Adeilad 4 ar y map) a byddwn ar gael i helpu i'ch cyfeirio.

• Os ydych chi'n bwriadu teithio ar y bws i Gampws y Bae, defnyddiwch Gynlluniwr Taith Traveline i'ch helpu i gynllunio eich taith: https://myunijourney.traveline.cymru/swansea-university/
• Ar gyfer myfyrwyr sy'n teithio ar feic, mae mannau parcio beiciau ledled Campws y Bae, yn ogystal â hyb beiciau Santander. Gweler yr wybodaeth ar y dudalen we Teithio Llesol: https://www.swansea.ac.uk/cy/teithio/teithio-llesol/
• Ar gyfer myfyrwyr sy'n bwriadu teithio mewn car, sylwer bod nifer y lleoedd parcio ar Gampws y Bae yn gyfyngedig iawn a bydd angen i fyfyrwyr ddefnyddio safle parcio a theithio Ffordd Fabian (SA1 8LD), a dal bws i Gampws y Bae ar hyd y briffordd (dangoswch eich tocyn parcio a theithio i yrrwr y bws).

I sicrhau marcio dienw ac i'ch helpu chi i wneud yn siŵr eich bod yn lanlwytho'r gwaith cywir, gofynnwn i chi beidio â defnyddio eich enw wrth gyflwyno darn o waith. Dylech enwi pob ffeil rydych yn ei chyflwyno gan ddefnyddio'r fformat canlynol: eich rhif myfyriwr, côd y modiwl ac enw'r aseiniad - (e.e. EG-M25_123456_Enw'r Aseiniad.pdf).

Gwnewch yn siŵr hefyd fod eich rhif myfyriwr yn amlwg ar bob un o'ch taflenni ateb.

Os ydych yn cael anawsterau cwblhau asesiad oherwydd amgylchiadau anodd, darllenwch yr wybodaeth ar y dudalen Amgylchiadau Esgusodol ar gyfer Asesiadau Atodol a chysylltwch â'r Tîm Gwybodaeth Myfyrwyr yn studentsupport-scienceengineering@abertawe.ac.uk i drafod eich opsiynau.

Os ydych yn ceisio cyflwyno neu lanlwytho eich gwaith ac rydych yn poeni y gallech golli terfyn amser oherwydd problemau cyflwyno, byddwn yn derbyn gwaith drwy e-bost mewn amgylchiadau eithriadol a chyn y terfyn amser yn unig. Gwnewch ymdrech i gyflwyno eich gwaith drwy Canvas ac os oes gennych anawsterau technegol, gallwch hefyd e-bostio Cydlynydd eich Modiwl yn uniongyrchol. Os na allwch gyflwyno eich gwaith drwy Canvas gallwch e-bostio eich gwaith i studentsupport-scienceengineering@abertawe.ac.uk a byddwn yn cysylltu â'r Arweinydd Addysg Myfyrwyr a Chydlynydd y Modiwl i weld a oes modd derbyn a marcio'r gwaith.

Cysylltwch â'r Tîm Gwybodaeth Myfyrwyr yn studentsupport-scienceengineering@abertawe.ac.uk. Sylwer y byddwn yn gallu helpu'n well os ydych chi'n cysylltu â'r tîm cyn y dyddiad cau os oes gennych broblem.

Os oes problemau Canvas gennych, cysylltwch â'r Tîm Gwasanaeth Cwsmeriaid gan anfon copi i'r Tîm Gwybodaeth Myfyrwyr (studentsupport-scienceengineering@abertawe.ac.uk). Yn ogystal, cysylltwch â Chydlynydd eich Modiwl er mwyn rhoi gwybod iddo os na allwch gyflwyno gwaith ar Canvas, er mwyn iddo fod yn ymwybodol o'r sefyllfa.

Cyn y dyddiad cau, gwnewch yn siŵr eich bod yn cyflwyno’r gwaith i studentsupport-scienceengineering@abertawe.ac.uk, gan nodi côd/enw'r modiwl a'ch rhif myfyriwr. Sylwer y bydd yn rhaid anfon y gwaith o'ch cyfrif e-bost myfyriwr ym Mhrifysgol Abertawe a rhaid ei gyflwyno'n unol â'r terfyn amser a nodir ar gyfer yr asesiad. Bydd y gwaith yn dal i gael ei brosesu drwy feddalwedd Turnitin lle bo angen.

Ni fydd gwaith sy'n cael ei gyflwyno'n hwyr yn cael ei dderbyn. Gwnewch yn siŵr eich bod yn lanlwytho ac yn cyflwyno'r ffeiliau cywir erbyn y dyddiad cau. Hyd yn oed os ydych chi'n colli dyddiad cau, e-bostiwch studentsupport-scienceengineering@abertawe.ac.uk cyn gynted â phosib er mwyn trafod y sefyllfa.