CWESTIYNAU CYFFREDIN AM YR ASESIADAU YM MIS IONAWR

Amserlenni arholiadau mis Ionawr 2023 bellach ar gael i'w gweld ar eich Proffil Myfyriwr. Mewngofnodwch i https://myuni.abertawe.ac.uk/ ac ewch i'r fewnrwyd, a gwelwch Amserlenni Arholiadau fel opsiwn ar ochr chwith y dudalen.

Sylwer na fydd dyddiadau cau gwaith cwrs a phrofion dosbarth yn cael eu cynnwys yn yr amserlenni arholiad, ac efallai bydd ganddynt ddyddiadau cau y tu allan i'r ffenestr arholiadau (9 i 27 Ionawr 2023). Gwiriwch yn uniongyrchol gyda'ch Cydlynwyr Modiwl am ddyddiadau cau gwaith cwrs.

Addasiadau Cynhwysol am arholiadau wyneb yn wyneb, ar y safle:

Bydd angen i chi gytuno ar ddarpariaethau am arholiadau ar y safle â'r tîm arholiadau canolog. A wnewch chi e-bostio ymholiadau i examsoffice@abertawe.ac.uk.

Addasiadau Cynhwysol am arholiadau ar-lein:

Os oes gennych ffurflen Addasiadau Cynhwysol sy'n cynnwys darpariaethau cytunedig ar gyfer unrhyw arholiad sydd ar-lein ac sy’n para am 24 awr neu lai, rhoddir eich darpariaethau amser ychwanegol a/neu seibiannau ar waith yn awtomatig. Dylech chi dderbyn e-bost i gadarnhau eich darpariaethau, ond os nad ydych yn gallu dod o hyd i'r wybodaeth, a wnewch chi gysylltu â thîm Profiad a Gwybodaeth Myfyrwyr y gyfadran a byddwn yn hapus i helpu.

Os ydych yn dechrau asesiad ar-lein ac yn sylweddoli nad ydych wedi derbyn yr amser ychwanegol, cysylltwch â'r tîm drwy StudentSupport-ScienceEngineering@abertawe.ac.uk ar unwaith (yn ystod cyfnod yr asesiad yn ddelfrydol) er mwyn i ni ymchwilio i hyn a'i gywiro os oes angen.

Darpariaethau Darllenydd: Ar gyfer myfyrwyr sydd fel arfer yn gallu defnyddio gwasanaeth darllenydd yn ystod arholiadau ar y campws, nid yw'r ddarpariaeth hon ar gael am yr asesiadau ar-lein. Fodd bynnag, rydym yn awgrymu bod myfyrwyr yn cael cip ar y dechnoleg gynorthwyol sydd ar gael iddynt: https://www.swansea.ac.uk/cy/technoleg-gynorthwyol/

Sylwer hefyd ar y nodwedd newydd sydd ar gael yn Canvas o'r enw ‘Immersive Reader’. Mae hwn yn ategyn Microsoft y gellir ei ddefnyddio yn Canvas ac sy’n helpu gyda darllen cynnwys tudalennau Canvas mewn ffyrdd hygyrch, gan gynnwys:

• naratif sain
• cyfieithu
• cynlluniau lliw pwrpasol
• ffontiau pwrpasol
• a mwy.

Ceir canllaw yn y cwrs ‘Passport to Canvas’ dan y pennawd Immersive Reader in Canvas Pages sy'n rhoi rhagor o wybodaeth ynghylch sut i ddefnyddio'r offeryn hwn.

Ar gyfer cyflwyniadau drwy Turnitin: Ar ôl cwblhau'r cyflwyno, bydd derbynneb ddigidol yn ffenestr eich porwr. Hefyd, anfonir copi drwy e-bost. Mae'n bwysig defnyddio cyfeiriad e-bost dilys er mwyn derbyn y copi hwn o'r dderbynneb ddigidol. Cadwch y dderbynneb a'r rhif adnabod cyflwyno y mae'n ei gynnwys, oherwydd bod hyn yn profi eich bod wedi cyflwyno'n llwyddiannus. Os na fydd y sgrin yn dangos y dderbynneb ddigidol ar ôl i chi gyflwyno, ewch yn ôl i dudalen portffolio'r dosbarth ac edrychwch ar yr aseiniad er mwyn sicrhau eich bod wedi cyflwyno'r papur yn gywir.

Ar gyfer cyflwyno drwy lanlwytho ffeil Canvas (sef drwy ‘Canvas File Upload Submissions’): Er mwyn gwirio a ydych chi wedi cyflwyno eich aseiniad yn llwyddiannus, ewch i'r adran 'Aseiniadau' a chliciwch ar deitl yr aseiniad. Yn y gornel dde ar ben y sgrin, dylech chi weld y testun 'Wedi'i gyflwyno' (sef ‘Submitted’) a chadarnhad o’r amser cyflwyno.

Er mwyn sicrhau eich bod wedi cyflwyno'r gwaith cywir ar gyfer y modiwl cywir, rydym ni'n argymell y dylai ffeiliau rydych chi'n eu lanlwytho fod â theitl sy'n cynnwys eich rhif myfyriwr, côd y modiwl, a theitl cryno ar ffurf côd y modiwl_rhif y myfyriwr_enw'r asesiad (e.e. EG-128_123456_arholiad ar-lein). Ni ddylech chi gynnwys eich enw wrth gyflwyno gwaith.

Ar gyfer atebion ysgrifenedig y tynnwyd llun ohonynt, defnyddiwch ap sganio fel Microsoft Office Lens neu mae enw da iawn gan ap Adobe Scanner. Os oes modd, rhowch dudalennau eich ateb mewn ffeil PDF unigol. Yn olaf, cyn cyflwyno'r PDF, adolygwch y ddogfen i wirio a yw'n ddarllenadwy:

• Ydy'r delweddau'n glir ac mewn ffocws?
• Oes afluniad yn y delweddau a fydd yn eu gwneud yn anodd eu darllen?
• Ydy'r delweddau wedi'u gogwyddo yn y ffordd gywir?
• Ydy eich ap neu'ch camera wedi ychwanegu arteffactau, fel dyfrnodau, sydd wedi cuddio rhan o'ch gwaith ysgrifennu?
• Fydd modd i mi ddarllen a marcio eich gwaith yn hwylus?

Gall treulio ychydig o funudau'n gwneud hyn osgoi problemau difrifol nes ymlaen.

Os ydych wedi colli terfyn amser oherwydd amgylchiadau anodd, darllenwch yr wybodaeth ar y dudalen Amgylchiadau Esgusodol ar gyfer Asesiadau Terfynol a chysylltwch â'r Tîm Gwybodaeth Myfyrwyr drwy studentsupport-scienceengineering@abertawe.ac.uk i drafod eich opsiynau.

Ar gyfer materion ynghylch Canvas, cysylltwch â Canvas Help yn Canvas os gallwch chi, neu gofynnwch am gymorth technegol drwy gysylltu â'r Ddesg Gwasanaeth TG:

• Ar-lein: Y Ddesg Wasanaeth
• E-bost: Gwasanaeth Cwsmeriaid
• Ffoniwch: +44 (0) 1792 (29) 5500

Yn ogystal, cysylltwch â Chydlynydd eich Modiwl er mwyn rhoi gwybod iddo os na allwch gyflwyno gwaith ar Canvas, er mwyn iddo fod yn ymwybodol o'r sefyllfa.

Ar gyfer problemau sy'n ymwneud â Canvas Quizzes, neu os ydych chi'n dechrau asesiad ac rydych chi'n cael problemau technegol yn cael mynediad at yr asesiad, e-bostiwch assessment-scienceengineering@abertawe.ac.uk a gall y Tîm Arholiadau ac Asesiadau ailosod yr asesiad i chi. Nodwch yn y pennawd mai ymholiad technegol brys yw hwn sy'n ymwneud ag arholiad.

Cysylltwch â thîm Profiad a Gwybodaeth Myfyrwyr y gyfadran cyn gynted â phosibl er mwyn trafod yr opsiynau, ac yn ddelfrydol cyn i'ch arholiadau ddechrau. Os ydych chi'n cysylltu â'r tîm cyn neu yn ystod arholiad, bydd eich opsiynau'n fwy cyfyngedig.

Mae disgwyl i fyfyrwyr wneud trefniadau ar gyfer offer TG personol y bydd eu hangen arnoch fel rhan o'ch rhaglen astudio. Fodd bynnag, os ydych chi wedi colli neu ddifrodi eich gliniadur/offer ac mae angen cymorth arnoch wrth gael trwsio offer personol neu gael offer newydd, gweler yr opsiynau isod (sydd ar gael i fyfyrwyr yn Abertawe):

Mae Mannau Cyfrifiaduron y Llyfrgell ar gael drwy apwyntiad:https://www.swansea.ac.uk/cy/ggs/llyfrgelloedd/mannau-astudio-eraill/ 

Mae Benthyca Gliniaduron Byrdymor ar gael drwy loceri hunanwasanaeth:https://myuni.swansea.ac.uk/cy/bywyd-academaidd/gwasanaethau-tg/locer-gliniadur/

Mae Benthyca Gliniaduron Hirdymor ar gael i fyfyrwyr sydd ag amgylchiadau esgusodol cymwys ac sy'n gallu dangos angen clir am fenthyciad hirdymor. Cysylltwch â'r Tîm Profiad a Gwybodaeth Myfyrwyr er mwyn trafod.

Os nad ydych chi yn Abertawe, ac mae gennych amgylchiadau sy'n golygu na fydd modd i chi gwblhau eich asesiadau oherwydd problemau TG, efallai bydd opsiwn i ohirio hefyd.

Os ydych chi'n sylwi nad yw modiwl rydych chi'n disgwyl cwblhau arholiad ar ei gyfer yn ystod cyfnod mis Ionawr 2023 yn ymddangos ar amserlen yr arholiadau, e-bostiwch assessment-scienceengineering@abertawe.ac.uk cyn gynted â phosibl.

Mae Prifysgol Abertawe wedi buddsoddi mewn technoleg gynorthwyol sy'n gallu helpu myfyrwyr i fod yn fwy cynhyrchiol yn eu hastudiaethau. Gallwch gael rhagor o ganllawiau ynghylch technoleg gynorthwyol i helpu myfyrwyr i fod yn fwy cynhyrchiol yma: https://www.swansea.ac.uk/cy/technoleg-gynorthwyol/

Y porwr delfrydol yw Chrome, ac yna Firefox. Byddem ni'n eich cynghori i ddefnyddio un o'r porwyr hyn, yn ddelfrydol Chrome os bydd yn bosibl.

Nid oes modd i ni symud dyddiadau'r asesiadau oherwydd bod yr amserlenni wedi cael eu pennu a'u hystyried yn ofalus. Fodd bynnag, os ydych chi'n sylwi ar wallau yn yr amserlenni, e-bostiwch assessment-scienceengineering@abertawe.ac.uk.

Os nad ydych yn gallu mynd i asesiad wyneb yn wyneb, nid oes opsiwn i gwblhau eich asesiad ar-lein.

Os nad ydych yn gallu mynd i'r asesiad o ganlyniad i amgylchiadau y tu hwnt i'ch rheolaeth, efallai hoffech gyflwyno cais am Ohirio Asesiad. Os caiff ei gymeradwyo, eich cyfle nesaf i wneud yr asesiad fydd yn ystod Cyfnod Atodol Mis Awst (os nad ydynt yn rhai terfynol) neu'r Cyfnod Asesu mis Mai/Mehefin (i'r rhai sy'n gorffen yn unig).