Croeso neges Cyfarwyddwr Rhaglen y Biowyddorau
"Hoffwn estyn croeso cynnes iawn i chi i gyd i Abertawe ac Adran y Biowyddorau. Rydym yn edrych ymlaen at ddod i'ch adnabod dros yr ychydig flynyddoedd nesaf, a gobeithio eich bod yn falch iawn o fod yma a dechrau'r cam pwysig nesaf yn eich bywydau.
Bydd llawer o weithgareddau yn yr adran a'r brifysgol yn ystod eich Wythnos Sefydlu, ond mae eich sgyrsiau sefydlu’n rhai o'r ffynonellau pwysicaf o wybodaeth am eich cwrs felly gwnewch yn siŵr eich bod yn mynd i'r rhain. Yn ystod y sgyrsiau, cewch gyfle hefyd i gwrdd â rhai o'ch darlithwyr ac aelodau allweddol eraill o'r staff, ond yn bwysicaf oll, byddwch yn cwrdd â'ch gilydd. Rydym wedi trefnu cinio a gweithgareddau i roi cyfleoedd ychwanegol i chi ymgartrefu a chwrdd â'ch gilydd. Yng nghanol hyn oll, cofiwch ymaelodi ag ambell gymdeithas - mae Abertawe'n cynnig rhywbeth at ddant pawb!
Rydym yn gwybod y gall dysgu yn y brifysgol fod yn heriol, felly byddwn yn cyfeirio at rai lleoedd allweddol i gael cymorth drwy gydol yr Wythnos Sefydlu, ond cofiwch ein bod yma i helpu unrhyw bryd. Mae tîm Derbynfa Adeilad Wallace, eich mentor academaidd, eich darlithydd neu ein swyddogion cymorth cyntaf iechyd meddwl ar gael bob amser i gynnig cymorth ac arweiniad i chi.
Edrychaf ymlaen at gwrdd â chi yn eich sgyrsiau sefydlu, a hoffwn estyn fy nymuniadau gorau oll i chi am eich amser yn Abertawe."
Dr Ed Pope
Cyfarwyddwr Rhaglen y Biowyddorau
Mae'r amserlen hon yn berthnasol i'r bobl sy'n dechrau ar Blwyddyn 0 (Sylfaen) & 1 yn Biowyddorau.
23 Medi 2024
10:00 - 11:00 - Sgwrs Groeso, Blwyddyn 0 - Darlithfa, Adeliad Wallace
Bydd staff academaidd allweddol o'ch Adran yn rhoi trosolwg i chi o'r hyn i'w ddisgwyl drwy gydol eich Blwyddyn Sylfaen yn y Biowyddorau.
11:00 - 12:00 - Sgwrs Groeso, Blwyddyn 1 - Darlithfa, Adeliad Wallace
Bydd staff academaidd allweddol o'ch Adran yn rhoi trosolwg i chi o'r hyn i'w ddisgwyl drwy gydol Blwyddyn 1 eich rhaglen Biowyddorau ddewisol.
12:00 - 13:30 - Cinio Croeso, Blwyddyn 0 ac 1 - Cyntedd / 218, Adeliad Wallace
Ymunwch â'ch cyd-fyfyrwyr am ddigwyddiad cymdeithasol i groesawu'r holl fyfyrwyr MSc newydd i'r Adran Gyfrifiadureg. Fel rhan o'r sesiwn hon, byddwn yn darparu cinio gan gynnwys amrywiaeth o opsiynau i'r rhai sydd â gofynion dietegol gan gynnwys llysieuol, feganaidd a halal. Os oes gennych alergedd (e.e. cnau, glwten), rhowch wybod i ni erbyn 12pm ar 18 Medi fan bellaf drwy lenwi'r Ffurflen Microsoft fer hon.
|
24 Medi 2024
13:00 - 14:00 - Canllaw Hanfodol i'ch Astudiaethau - Darlithfa, Adeliad Grove
Dewch i gwrdd â Thîm Profiad a Gwybodaeth Myfyrwyr y Gyfadran sydd yma i'ch cefnogi drwy gydol eich astudiaethau. Mae'r sesiwn hon yn gyfle i archwilio'r cymorth sydd ar gael i chi fel myfyriwr ac ateb unrhyw gwestiynau a allai fod gennych ynghylch astudio yn y brifysgol.
13:00 - 14:00 - Sgwrs am y Flwyddyn mewn Ymchwil Gymhwysol - Darlithfa, Adeliad Wallace
Cyfle i ddysgu rhagor am y cyfleoedd i gwblhau Blwyddyn mewn Ymchwil Gymhwysol a'r hyn y mae'n ei olygu.
|
25 Medi 2024
11:30 - 13:30 - Amrywio Lleisiau - Glaniadau, Adeliad Wallace
Ymunwch â thîm Cydraddoldeb, Amrywiaeth a Chynhwysiant y Gyfadran ar gyfer pizza a gweithgareddau wrth i chi gael cyflwyniad i'r gymuned amrywiol rydych chi'n ymuno â hi yn y Gyfadran Gwyddoniaeth a Pheirianneg.
13:00 - 16:00 - Ffair Groeso'r Holl Gyfadrannau - Create, Taliesin
Byddwch yn clywed rhagor am ffyrdd o gymryd rhan, sut i ddod o hyd i gymorth pan fydd ei angen arnoch chi a sicrhau bod popeth yn barod gennych ar gyfer eich wythnos addysgu gyntaf. Bydd cyfle hefyd i gymryd rhan mewn cystadlaethau a chael pethau am ddim.
|
25 Medi 2024
Neilltuwyd y diwrnod hwn i roi cyfle i ti fynd i Ffair y Glas, Undeb y Myfyrwyr. Sylwer, cynhelir y ffair hon ym Mharc Chwaraeon Bae Abertawe ar Lôn Sgeti ac nid ar Gampws y Bae.
Cadwa dy le drwy dudalennau Digwyddiadau Undeb y Myfyrwyr.
|
Cyn i ti gyrraedd, gwna yn siŵr dy fod ti'n archwilio pa bethau eraill sy'n digwydd y tu allan i'th adran, a'r ffyrdd y gelli di baratoi ar gyfer dy raglen unwaith dy fod ti'n cofrestru. Awgrym euraidd: clustnoda'r tair tudalen isod i gychwyn arni!
.jpg)
.jpg)
.jpg)