Diploma Addysg Uwch

1.1

Caiff Diploma Addysg Uwch ei dyfarnu i fyfyrwyr sydd wedi dangos:

• gwybodaeth a dealltwriaeth feirniadol o egwyddorion sefydledig eu maes neu feysydd astudio, a'r modd y mae'r egwyddorion hyn wedi datblygu;
• y gallu i gymhwyso cysyniadau ac egwyddorion sylfaenol y tu hwnt i'r cyd-destun lle y'u hastudiwyd i ddechrau, gan gynnwys, lle bo'n berthnasol, rhoi'r egwyddorion hynny ar waith mewn cyd-destun cyflogaeth;
• gwybodaeth o'r prif ddulliau ymchwilio yn y pwnc neu'r pynciau sy'n berthnasol i'r cymhwyster a enwir, a'r gallu i werthuso'n feirniadol addasrwydd gwahanol ddulliau o ddatrys problemau yn y maes astudio;
• dealltwriaeth o derfynau eu gwybodaeth, a sut mae hyn yn dylanwadu ar ddadansoddiadau a dehongliadau sy'n seiliedig ar yr wybodaeth honno.

Yn nodweddiadol, bydd deiliaid y cymhwyster yn gallu gwneud y pethau canlynol:  

• defnyddio amrywiaeth o dechnegau sefydledig i gychwyn a chynnal dadansoddiad beirniadol o wybodaeth, ac i gynnig atebion i broblemau sy'n codi o'r dadansoddiad hwnnw;
• cyfleu gwybodaeth, dadleuon a dadansoddiad yn effeithiol mewn amrywiaeth o ddulliau i gynulleidfaoedd arbenigol a lleyg, a rhoi technegau allweddol y ddisgyblaeth ar waith yn effeithiol;
• ymgymryd â rhagor o hyfforddiant, datblygu sgiliau cyfredol, a dysgu cymwyseddau newydd a fydd yn eu galluogi i dderbyn cyfrifoldeb sylweddol mewn sefydliadau.

A bydd gan y deiliaid:

• y nodweddion a'r sgiliau trosglwyddadwy angenrheidiol ar gyfer cyflogaeth lle mae angen ymarfer cyfrifoldeb personol a gwneud penderfyniadau.

2.1

Cynigir rhaglenni Diploma Israddedig ar sail cyfnod astudio dwy flynedd amser llawn (neu’r hyn sy’n cyfateb yn rhan-amser).

2.2

Disgwylir fel rheol i ymgeiswyr ddilyn yr hyn sy’n cyfateb i 120 credyd yn ystod pob blwyddyn academaidd. 

2.3

Adeiledir strwythur y rhaglen ar 120 credyd ar Lefel 4 a 120 credyd ar Lefel 5 mewn modiwlau a ddynodwyd fel cydrannau’r rhaglen a enwyd neu fodiwlau mewn disgyblaethau perthynol ar y naill lefel a’r llall.

3.1

Tynnir sylw myfyrwyr at y Rheoliadau Cyffredinol ar gyfer Israddedigion - Trosglwyddo Credydau (Rheoliad 29).

3.2

Uchafswm nifer y credydau a dderbynnir i gyfrif tuag at Ddiploma Israddedig fydd 120 credyd.

3.3

Lle derbyniwyd uchafswm y credydau trosglwyddadwy, bydd y credydau sydd yn weddill i’w dilyn yn Abertawe fel rheol ar Lefel 4 neu yn uwch.

4.1

Dyma fydd uchafswm cyfnod ymgeisyddiaeth ymgeiswyr sydd yn dilyn Diploma Israddedig:

• Amser llawn: dim mwy na thair blynedd o gychwyn y rhaglen;
• Rhan-amser: dim llai na thair blynedd a dim mwy na chwe blynedd o gychwyn y rhaglen.

4.2

O fewn y terfynau amser cyffredinol hyn, gall y Cyfadrannau/Ysgolion bennu terfynau amser is ar gyfer rhaglenni astudio unigol.

4.3

Gellir ymestyn y terfyn amser cyffredinol yn unol â’r rheoliadau a amlinellir yn rheoliad 27 y Rheoliadau Cyffredinol.

4.4

Gellir gostwng y terfyn amser uchod pro rata ar gychwyn yr ymgeisyddiaeth gan y Gyfadran/Ysgol dan sylw lle derbyniwyd ymgeisydd i astudio gyda chredydau trosglwyddadwy, fel y’i disgrifir ym mharagraff 3.

5.1

Caiff cynnydd ymgeisydd ei asesu fel rheol naill ai yn ystod modiwl a/neu yn y cyfnod yn syth wedi ei gwblhau.

5.2

Bydd gofyn i ymgeiswyr gwblhau’r rhaglen astudio tystysgrif israddedig yn unol â’r rheoliadau ar gyfer dyfarnu credyd fel y’u hamlinellir yn Rheoliadau Asesu Israddedigion.

5.3

40% fydd marc pasio modiwl.

6.1

Os derbynnir ymgeisydd i raglen diploma israddedig ond ni all, neu ni chaniateir iddo, wedi hynny fwrw ymlaen i'w chwblhau, gan ddibynnu ar nifer y credydau a gafwyd ar y lefelau priodol adeg gadael, gall dderbyn cymhwyster ymadael. Ceir manylion am gymwysterau ymadael yn y Rheoliadau Asesu Israddedigion.

7.1

Er mwyn bod yn gymwys i’w hystyried am ddiploma israddedig Prifysgol Abertawe, rhaid i ymgeiswyr fod wedi gwneud y canlynol:

• dilyn rhaglen astudio gymeradwy am y cyfnod a bennir gan y Brifysgol;
• dilyn isafswm o 120 credyd ar Lefel 4 a 120 credyd ar Lefel 5, oni ddarperir fel arall yn Adran 3;
• bodloni unrhyw amod(au) pellach a fynnir gan y Gyfadran/Ysgol neu’r Brifysgol.

7.2

Bydd ymgeisydd sydd yn cwblhau Diploma Addysg Uwch israddedig yn llwyddiannus yn gymwys am ddyfarniad Rhagoriaeth os bydd wedi ennill marc cyffredinol o 70% neu’n uwch (neu’r pwynt graddfa cyfatebol) am y cymhwyster dan sylw.

8.1

Dyfernir Diploma Addysg Uwch i ymgeiswyr yn seremoni wobrwyo Prifysgol Abertawe.

9.1

Gellir rhoi dyfarniad Aegrotat i ymgeisydd nad yw'n gallu parhau i astudio ar y dybiaeth y byddai wedi bodloni'r safon angenrheidiol ar gyfer y dyfarniad, pe gallasai wedi parhau i astudio.

Gwneir dyfarniad Diploma Addysg Uwch Aegrotat yn unol â'r Rheoliadau ar gyfer Dyfarnu Graddau, Diplomâu, a Thystysgrifau Aegrotat.

9.2

Ni fydd ymgeiswyr sy'n dilyn rhaglenni proffesiynol mewn gofal iechyd ac sy'n derbyn gradd, diploma neu dystysgrif Aegrotat yn gymwys i gofrestru â chyrff gofal iechyd proffesiynol.

10.1

Gellir dyfarnu cymhwyster ar ôl marwolaeth i fyfyriwr sydd wedi marw ac sydd wedi cwblhau digon o'i astudiaethau ar gyfer y dyfarniad. Gwneir dyfarniad Diploma Addysg Uwch ar ôl marwolaeth yn unol â'r Rheoliadau ar gyfer Dyfarniadau Ar Ôl Marwolaeth.