Baglor Israddedig

1.1        

Caiff Gradd Baglor ag Anrhydedd ei dyfarnu i fyfyriwr sydd wedi dangos:

• Dealltwriaeth systematig o agweddau allweddol eu maes astudio, gan gynnwys caffael gwybodaeth gydlynol a manwl, gyda rhai ohoni, o leiaf, ar flaen y gad o ran agweddau diffiniedig ar y ddisgyblaeth, neu wedi'i goleuo gan waith ar flaen y gad;
• Y gallu i roi technegau dadansoddi ac ymchwilio sefydledig o fewn disgyblaeth ar waith yn gywir;
• Dealltwriaeth gysyniadol sy'n galluogi'r myfyriwr:
  • I lunio a chynnal dadleuon, a/neu i ddatrys problemau, gan ddefnyddio syniadau a thechnegau, rhai ohonynt ar flaen y gad o fewn y ddisgyblaeth;
  • I ddisgrifio a chynnig sylwadau ar agweddau penodol ar ymchwil cyfredol, neu ysgolheictod uwch cyfatebol, o fewn y ddisgyblaeth.

• Dealltwriaeth o ansicrwydd, amwysedd a therfynau gwybodaeth;
• Y gallu i reoli ei ddysgu ei hun, a defnyddio adolygiadau ysgolheigaidd a ffynonellau gwreiddiol (er enghraifft erthyglau wedi'u cymedroli a/neu ddefnyddiau gwreiddiol perthnasol i'r ddisgyblaeth).

Yn nodweddiadol, bydd deiliaid y cymhwyster yn gallu gwneud y pethau canlynol:

• Cymhwyso'r dulliau a'r technegau y maent wedi'u dysgu i adolygu, atgyfnerthu, estyn a chymhwyso eu gwybodaeth a'u dealltwriaeth, a chychwyn a gweithredu prosiectau;
• Gwerthuso dadleuon, tybiaethau, cysyniadau haniaethol a data (a all fod yn anghyflawn) yn feirniadol, dod i farn, a fframio cwestiynau priodol i ganfod datrysiad - neu ystod o ddatrysiadau - i broblem;
• Cyfleu gwybodaeth, syniadau a datrysiadau i gynulleidfaoedd arbenigol a lleyg.

A bydd gan y deiliaid:

• Y nodweddion a'r sgiliau trosglwyddadwy angenrheidiol ar gyfer cyflogaeth sy'n gofyn am:
  • Defnyddio menter a chyfrifoldeb personol;
  • Gwneud penderfyniadau mewn cyd-destunau cymhleth nad oes modd eu rhagweld;
  • Y gallu angenrheidiol i ddysgu er mwyn ymgymryd â rhagor o hyfforddiant o natur broffesiynol neu gyfatebol.

2.1

Fel arfer, bydd yn ofynnol i ymgeiswyr amser llawn astudio am 120 o gredydau, neu’r nifer cyfatebol derbyniol, mewn un flwyddyn.

2.2        

Llunnir strwythur y rhaglen ar sail y pwyntiau canlynol:

Anrhydedd Sengl

O leiaf 100 credyd mewn modiwlau a ddynodwyd fel cydrannau’r rhaglen gradd enwebedig neu fodiwlau mewn disgyblaethau perthynol ar bob lefel.

Cydanrhydedd

O leiaf 50 credyd a dim mwy na 70 credyd ym mhob pwnc Anrhydedd arfaethedig ar bob lefel.

Anrhydedd Prif Bwnc/Pwnc Atodol   

Prif Bwnc - o leiaf 80 credyd ond dim mwy na 90 credyd yn y prif bwnc ar bob lefel.

Pwnc Atodol - o leiaf 30 credyd ond dim mwy na 40 credyd yn y pwnc atodol ar bob lefel.

Anrhydedd Cyfun

O leiaf 30 credyd ym mhob un o dri phwnc ar bob lefel yn y rhaglen gyda gweddill y modiwlau wedi eu cyfyngu i’r tri phwnc hwnnw fel y’u diffiniwyd gan gydlynydd y rhaglen.

2.3   Prentisiaethau

Mae natur darpariaeth Prentisiaethau'n caniatáu amrywiaeth o strwythurau a dulliau addysgu gwahanol. Cyhoeddir manylion llawn y modiwlau a'r dull addysgu yn llawlyfr y rhaglen.

3.1        

Os bydd rhaglen gradd yn cynnwys arfer diwydiannol annatod a gorfodol a/neu leoliad rhyngosodol, rhaid i’r lleoliad fod â phwysiad credyd.

3.2        

Cynyddir isafswm nifer y credydau sydd eu hangen am gymhwyster os bydd y lleoliad yn ymestyn hyd y rhaglen gradd. Pennir pwysiad credyd a lefel y lleoliad yn yr un modd ag ar gyfer modiwl a ddysgir. Rhaid i faes llafur unrhyw raglen gradd sydd yn cynnwys lleoliad, boed yn llwyr neu yn rhannol, osod nodau, deilliannau dysgu a dull asesu’r lleoliad.

3.3        

Pennir dosbarth ymgeiswyr sydd yn dilyn rhaglen sy’n cynnwys Arfer Diwydiannol, Lleoliadau Rhyngosodol neu Gyfnod Astudio Tramor yn unol â’r confensiynau a amlinellir yn y Neilltuir marciau i ymgeiswyr ar Lefel S, ond ni neilltuir marciau ar gyfer Lefel E.

3.4        

Rhaid i ymgeiswyr fodloni gofynion y Brifysgol o ran bwrw ymlaen i, ac o, Lefel S a Lefel E, fel yr amlinellir yn y Rheoliadau Asesu.

3.5        

Gall y Cyfadrannau/Ysgolion bennu rheoliadau llymach na rheoliadau cynnydd arferol y Brifysgol, ar yr amod eu bod wedi eu hargraffu yn glir yn llawlyfr y Gyfadran/Ysgol.

3.6      

Rhaid dilyn y lleoliad diwydiannol (Lefel E) neu’r flwyddyn ryngosodol (Lefel S) cyn y flwyddyn astudio olaf, a bydd hyn yn digwydd fel rheol yn ystod blwyddyn astudio olaf ond un yr ymgeiswyr.

3.7

Mae prentisiaethau'n cyfuno astudio mewn Prifysgol â dysgu yn y gweithle i alluogi prentisiaid cyflogedig i ennill gradd academaidd lawn. Disgwylir i'r graddau hyn gael eu cynllunio drwy ymgynghori â chyflogwyr i sicrhau bod y ddarpariaeth yn diwallu anghenion y cyflogwyr. Yng Nghymru, ariennir Prentisiaethau'n uniongyrchol gan CCAUC. Os nad yw myfyriwr prentisiaeth yn gallu cwblhau ei raglen, neu os na chaniateir iddo/iddi wneud hynny, gan ddibynnu ar nifer y credydau a enillwyd ar y lefelau priodol adeg gadael, gall gymhwyso am ddyfarniad ymadael, e.e. Gradd Sylfaen neu Dystysgrif Addysg Uwch.

4.1        

Tynnir sylw myfyrwyr at y Rheoliadau Cyffredinol ar gyfer Israddedigion - Trosglwyddo Credydau (Rheoliad 29).

4.2        

Ni fydd uchafswm y credydau y gellir ei dderbyn i gyfrif tuag at radd gychwynnol:

• Fod yn fwy na 240 (h.y. rhaid i ymgeiswyr fel rheol astudio o leiaf 120 o gredydau yn Abertawe). Lle derbyniwyd uchafswm y credydau trosglwyddadwy, rhaid i weddill y credydau sy'n cael eu hastudio fod ar Lefel 6 neu uwch; neu
• Uchafswm o 120 o gredydau trwy ddysgu "profiadol" neu ddysgu "tystysgrifedig" (e.e. cymwysterau proffesiynol).

5.1        

Caiff cynnydd ymgeisydd ei asesu fel rheol naill ai yn ystod modiwl a/neu yn y cyfnod yn syth wedi ei gwblhau.

5.2        

Bydd gofyn i ymgeiswyr gwblhau’r rhaglen astudio tystysgrif Israddedig yn unol â’r rheoliadau ar gyfer dyfarnu credyd fel y’u hamlinellir yn y Rheoliadau Asesu Israddedigion.

5.3        

40% fydd marc pasio modiwl ar Lefelau 3, 4, 5, 6 a S.

6.1        

Os derbynnir ymgeisydd i raglen gradd baglor israddedig ond na all, neu na chaniateir iddo, wedi hynny fwrw ymlaen i'w chwblhau, gan ddibynnu ar nifer y credydau a gafwyd ar y lefelau priodol adeg gadael, gall gael cymhwyster ymadael. Ceir manylion am gymwysterau ymadael yn y Rheoliadau Asesu Israddedigion.

7.1        

Dyma Uchafswm/Isafswm Cyfnodau Ymgeisyddiaeth:

7.2        

Bydd isafswm ac uchafswm cyfnodau cofrestru fel rheol yn fyrrach i fyfyrwyr a dderbynnir gyda throsglwyddiad credyd am astudio a/neu am brofiad blaenorol. Rhoddir isod isafswm ac uchafswm y cyfnodau cofrestru ar gyfer ymgeiswyr a dderbynnir i’r Lefel Astudio olaf ond un (fel arfer Lefel 5):

Nodir isafswm ac uchafswm y cyfnod cofrestru ar gyfer ymgeiswyr a dderbynnir i'r Lefel Astudio terfynol/Gradd Atodol (fel arfer Lefel 6) isod:

7.3        

Ystyrir pob achos arall yn unigol.

8.1        

Er mwyn bod yn gymwys i’w hystyried am gymhwyster baglor israddedig Prifysgol Abertawe, dylai ymgeiswyr fynychu a chwblhau modiwlau o fewn uchafswm y cyfnod cofrestru, a bydd y pwysiad credyd fel a ganlyn. Caniateir addasiadau ar gyfer ymgeiswyr y caniateir iddynt ddilyn modiwlau dewisol ar lefel is.

*Nodyn: Ni fydd Gradd Anrhydeddig ar gael I fyfyrwyr o fis Medi 2018 ymlaen.

9.1        

Er mwyn bod yn gymwys i’w hystyried am radd baglor israddedig dan y Rheoliadau hyn, dylai ymgeiswyr fod wedi gwneud y canlynol:

• Dilyn rhaglen astudio fodiwlaidd gymeradwy am y cyfnod a nodir gan y Brifysgol, ac eithrio dan yr amgylchiadau y sonnir amdanynt yn Adran 4;
• Wedi ennill isafswm y credydau a bennir gan y Brifysgol mewn rhaglen a gymeradwyir gan y Brifysgol;
• Wedi bodloni unrhyw amod(au) pellach a fynnir gan y Brifysgol.

9.2        

Cyhoeddir enwau’r ymgeiswyr am radd Anrhydedd a gyflawnodd ofynion asesu’r rhaglen a’r Brifysgol yn y dosbarthau Anrhydedd a ganlyn:

• Cyntaf;
• Ail Ddosbarth Rhan Un;
• Ail Ddosbarth Rhan Dau;
• Trydydd Dosbarth;
• Gradd Lwyddo.

10.1   

Gellir rhoi dyfarniad Aegrotat i ymgeisydd nad yw'n gallu parhau i astudio ar y dybiaeth y byddai wedi bodloni'r safon angenrheidiol ar gyfer y dyfarniad, pe gallasai wedi parhau i astudio.

10.2      

Gwneir dyfarniad Gradd Aegrotat yn unol â'r Rheoliadau ar gyfer Dyfarnu Graddau, Diplomâu, a Thystysgrifau Aegrotat.

10.3   

Ni fydd ymgeiswyr sy'n dilyn rhaglenni proffesiynol mewn gofal iechyd ac sy'n derbyn gradd, diploma neu dystysgrif Aegrotat yn gymwys i gofrestru â chyrff gofal iechyd proffesiynol.

11.1      

Gellir dyfarnu cymhwyster ar ôl marwolaeth i fyfyriwr sydd wedi marw ac sydd wedi cwblhau digon o'i astudiaethau ar gyfer y dyfarniad. Gwneir dyfarniad Gradd ar ôl marwolaeth yn unol â'r Rheoliadau ar gyfer Dyfarniadau Ar Ôl Marwolaeth.