Storfa Ffeiliau OneDrive ar gyfer Busnes

Mae OneDrive ar gyfer Busnes yn rhan annatod o Office 365, sy'n darparu lle yn y cwmwl le y gall staff a myfyrwyr Prifysgol Abertawe storio, rhannu a chydamseru eu ffeiliau gwaith.

Gallwch ddiweddaru a rhannu eich ffeiliau o unrhyw ddyfais sy'n cefnogi OneDrive ar gyfer Busnes. Gallwch hyd yn oed gweithio ar ddogfennau Office gyda phobl eraill ar yr un pryd.

Storfa bersonol ar-lein yw OneDrive, sydd ar gael am ddim gyda naill ai cyfrif Microsoft neu Outlook.com.

Storfa ar-lein sydd wedi'i fwriadau at ddibenion busnes yw OneDrive ar gyfer Busnes. Mae'ch cyfrif OneDrive ar gyfer Busnes yn cael ei rheoli gan Brifysgol Abertawe.

Mae gan holl staff a myfyrwyr y Brifysgol mynediad i storio hyd at 1 terabeit (TB) o ddata.

Y cyfanswm nifer y ffeiliau gellir eu cydamseru o fewn eich storfa OneDrive ar gyfer Busnes yw 20,000.

Uchafswm maint ffeiliau unigol yw 15 gigabeit.

I gyrchu OneDrive ar gyfer Busnes, ewch i Fy Apiau a mewngofnodwch gyda'ch cyfeiriad e-bost Prifysgol Abertawe a'ch cyfrinair.

Bydd yr ap OneDrive ar gyfer Busnes wedi'i osod yn barod ar beiriannau'r Brifysgol sy'n rhedeg Office 2016, ac ar ôl gosod i fyny, bydd yn ymddangos fel ffolder ar eich cyfrifiadur. Am gymorth gosod hwn i fyny, cofnodwch alwad ar y Desg Wasanaeth TG.

Gweler yr erthygl wybodaeth OneDrive for Business am fwy o manylion.

Mae Microsoft yn awgrymu defnyddio Internet Explorer ond gallwch hefyd defnyddio porwyr eraill megis Firefox a Chrome.

Rydym yn galluogi OneDrive ar gyfer Busnes fel datrysiad i gyrchu, defnyddio, diweddaru a rhannu ffeiliau o amryfal leoliadau a dyfeisiau. OneDrive ar gyfer Busnes yw'r gwasanaeth sy'n eich galluogi i wneud hyn i gyd yn ddi-dor.

Sylwer, mae OneDrive ar gyfer Busnes ar gyfer dibenion gwaith yn unig - ni ddylai unrhyw wybodaeth bersonol cael ei storio.

Gallwch, mae OneDrive ar gyfer Busnes yn eich caniatáu i rannu ffeiliau a ffolderi gydag aelodau staff a myfyrwyr cyfredol eraill.

Gallwch hefyd rhannu ffeiliau gyda chysylltiadau allanol ond bydd angen mynediad at OneDrive arnynt i dderbyn y ffeil.

Gellir defnyddio OneDrive ar gyfer Busnes i storio eich dogfennau cyffredinol Office a ffeiliau eraill.

Sylwer, mae OneDrive ar gyfer Busnes ar gyfer dibenion gwaith yn unig - ni ddylai unrhyw wybodaeth bersonol cael ei storio.

Agorwch OneDrive ar gyfer Busnes yn eich porwr a dewch o hyd i'r ffeil cywir. Dde-gliciwch ar y ddewislen tri dot yn erbyn y ffeil a dewiswch 'Rhannu'. Bydd blwch newydd yn agor a bydd yn dangos y bobl rydych chi'n rhannu'r ddogfen gyda nhw ar hyn o bryd.

Gweler yr erthygl wybodaeth OneDrive for Business am fwy o manylion.

Ydy, os rydych wedi rhannu dogfen wedyn gall OneDrive ar gyfer Busnes cefnogi cydweithio ar-lein amser real, ond bydd rhaid agor y ddogfen gydag ap Office ar-lein.

Byddwch yn gweld pan bod rhywun arall yn golygu'r ffeil, yng nghornel dde uchaf yr ap ar-lein. Byddwch hefyd yn weld baner tra bod y person arall yn teipio.

Pan rydych yn dileu ffeil, caiff ei symud i'r Bin Ailgylchu OneDrive ar gyfer Busnes am 90 diwrnod.

Sylwer: Ar ôl 90 diwrnod, caiff y ffeil ei dileu yn barhaol.

I gael ffeil yn ôl o'r bin ailgylchu, agorwch bin ailgylchu OneDrive ar gyfer Busnes a dewch o hyd i'r ffeil sydd wedi'i dileu. Gallwch adfer y ffeil o'r fan hyn, neu gallwch ei ddileu yn barhaol.

Gwiriwch eich bod wedi enwi'ch ffeil yn gywir.

Mae gan OneDrive ar gyfer Busnes rhai cyfyngiadau enwi ffeiliau a dangosir isod:

Cyfyngiadau nodau ar gyfer ffeiliau a ffolderi

Gall enwau ffeil cael hyd at 128 nod

Gall enwau ffolder cael hyd at 256 nod

Gall cyfuniadau o enwau ffolder ac enwau ffeil cael hyd at 260 nod ar draws yr enwau ffolder ac enwau ffeil

Mae cydamseru eich ffeiliau yn golygu bydd gennych gopi o'ch ffeiliau ar y cyfrifiadur rydych yn dewis cydamseru gydag o, yn ogystal ag yn eich storfa OneDrive ar gyfer Busnes. Gallwch gadw dogfennau neu ffeiliau eraill yn uniongyrchol i'ch ffolder cydamseru lleol, a chaiff y ffeiliau ei chopïo i'ch storfa OneDrive ar gyfer Busnes.

O'r cleient cydamseru bwrdd gwaith Windows:

I gydamseru eich ffeiliau, de-gliciwch ar yr eicon OneDrive ar gyfer Busnes sydd wedi'i leoli yn y gilfach a chliciwch yr opsiwn 'Cydamseru nawr' ar y ddewislen. Gallwch hefyd seibio, atal a chydamseru lleoliad llyfrgell newydd.

O'ch tudalen we OneDrive ar gyfer Busnes:

Cliciwch ar yr eicon Cydamseru ('Sync') sydd wedi'i leoli ar y bar rhuban ar ben y tudalen, a dilynwch y cyfarwyddiadau.

Os ydych chi’n defnyddio dyfais Mac, darllenwch dudalen Microsoft Support ar gyfer cyd-amseru eich ffeiliau. 

Sut i weld ffeiliau yn OneDrive wrth ddefnyddio dyfais Windows 7 ar gampws

Mae'r holl ddata a adneuir yng ngwasanaeth OneDrive ar gyfer Busnes Prifysgol Abertawe yn cael ei storio yng nghanolfannau data Microsoft a leolir yn yr Undeb Ewropeaidd. Cedwir Prifysgol Abertawe perchnogaeth a rheolaeth lawn dros y data ac mae'r Brifysgol yn fodlon bod y data wedi'i ddiogeli a'i gwarchod yn gywir.

Mae'r cytundebau cytundebol rhwng Microsoft a Phrifysgol Abertawe wedi'i drafod gan JISC ar ran sector AU y DU ac maent yn cadw at holl ddeddfwriaeth berthnasol y DU ac Ewrop. Yn ogystal, mae Llywodraeth y DU wedi rhoi achrediad "SWYDDOGOL" i Microsoft Azure a Microsoft Office 365. Golygir hyn eu bod wedi'u hachredu i ddal neu drafod data sector cyhoeddus ar gyfer busnes a gynhelir at y lefel SWYDDOGOL o Ddosbarthiad Diogelwch.

Mae apiau OneDrive ar gyfer Busnes ar gael ar gyfer dyfeisiau iOS, Android a Windows.

Chwiliwch y Siop Play, Siop iTunes neu'r Siop Windows am 'OneDrive for Business' a lawrlwythwch i'ch dyfais. Mewnbynnwch eich cyfeiriad e-bost a chyfrinair Prifysgol Abertawe pan gewch eich annog.

Bydd eich mynediad at yr holl ddogfennau Office a ffeiliau eraill sydd wedi'u storio yn eich storfa OneDrive ar gyfer Busnes yn dod i ben pan rydych yn gadael Prifysgol Abertawe, ac ymhen amser byddent yn cael eu dileu.

Eich cyfrifoldeb chi yw hi felly i sicrhau eich bod yn cadw copïau o unrhyw ddogfennau neu ffeiliau efallai bydd angen arnoch ar ôl i chi gadael y Brifysgol, cyn bod eich cyfrif Prifysgol Abertawe yn dod i ben. Ar gyfer staff, hwn fydd y dyddiad mae'ch contract yn dod i ben, ac ar gyfer myfyrwyr, hwn fydd y dyddiad mae'ch cwrs yn dod i ben.

Pwysig: Datblygwyd, gweithredwyd a chefnogwyd OneDrive ar gyfer Busnes gan Microsoft. Golygir hyn fod y Brifysgol ond yn gallu darparu cymorth rheng flaen gyfyngedig, a chaiff problemau mwy cymhleth eu blaenyrru i Microsoft i'w ddatrys.

Mae gennym bolisi cadw dwy flwyddyn. Gall ffeiliau cael eu hadfer hyd at ddwy flwyddyn ar ôl i'r cyfrif cael ei dileu.