CYSYLLTWCH Â NI

Cysylltwch â ni os oes angen i chi adrodd am ddigwyddiad neu os oes angen cyngor ac arweiniad arnoch am unrhyw agwedd o diogelwch seiber a gwybodaeth.

Rhowch wybod am bob digwyddiad, toriadau data, damweiniau a fu bron â digwydd, pryderon neu arfer gwael. Yn y Brifysgol mae gennym ddiwylliant diolgelwch seiber a gwybodaeth cadarnhaol ac rydym wedi ymrwymo i welliant parhaus, rydym yn dysgu o gamgymeriadau fel y gallwn geisio eu hatal rhag digwydd eto. Mae pawb yn y Brifysgol yn gyfrifol am ddiogelwch seiber a gwybodaeth a thrwy gydweithio gallwn gryfhau ein hamddiffynfeydd a lleihau problemau.

Rydym yn darparu gwasanaethau rhagweithiol ac adweithiol yn dibynnu ar natur sensitif yr hyn a adroddir i ni o ran amser. Ar gyfer digwyddiad neu ymosodiad sydd ar y gweill gall pob eiliad gyfrif ac rydym yn annog pawb yn y Brifysgol i roi gwybod i ni ar unwaith, hyd yn oed os nad ydych yn hollol siŵr beth sy’n digwydd. Byddai’n well gennym ymchwilio a darganfod nad oes dim byd o bryder a diolchwn i’n holl gydweithwyr am wneud eu rhan drwy roi gwybod i ni.

Ar gyfer gweithgareddau rhagweithiol mae'n well gennym gymryd rhan cyn gynted â phosibl fel y gallwn sicrhau bod diogelwch seiber a gwybodaeth yn cael ei ddarparu trwy gynllun. Gallwn ddarparu cyngor amhrisiadwy yn gynnar mewn prosiect a all arbed amser, arian ac ail-weithio yn nes ymlaen. Mae ôl-ffitio rheolaethau diogelwch yn gyffredinol yn llawer mwy aflonyddgar a drud na chynnwys diogelwch trwy ddyluniad.

Cyn gynted ag y byddwch yn cysylltu â'r ddesg wasanaeth bydd y cynghorydd yn asesu'r wybodaeth a ddarparwyd i benderfynu ar y brysoldeb, effaith a'r tîm cywir i drosglwyddo'r wybodaeth iddynt. Mae digwyddiadau sydd angen ymateb ar unwaith fel arfer yn cael eu trosglwyddo i’r tîm Gweithrediadau Seiber, fel arfer anfonir ceisiadau rhagweithiol at y tîm Seiber-Gynghorol.

Mae'n bwysig sicrhau bod gennym fanylion cyswllt priodol ar eich cyfer yn gymesur â'r hyn yr ydych wedi cysylltu â ni yn ei gylch. Efallai y bydd angen i’r tîm ddiogelwch seiber a gwybodaeth gysylltu â chi i gael rhagor o wybodaeth. Ar gyfer materion brys efallai y byddwn yn ceisio cysylltu â chi y tu allan i oriau arferol.

Pan fydd y tîm yn cysylltu â chi byddant yn gallu darparu rhif cyfeirnod y ddesg wasanaeth, gwnewch yn siŵr ei fod yn gywir ac os oes gennych unrhyw amheuon ynghylch dilysrwydd y galwr yna defnyddiwch y manylion uchod i gysylltu â'r ddesg wasanaeth i ddilysu hunaniaeth.