Diogelwch Mewn Labordai

Rhaid ymgymryd â’r holl waith gyda deunyddiau neu gyfryngau biolegol yn y Brifysgol yn unol â Rheoliadau Rheoli Sylweddau sy’n Beryglus i Iechyd 2002 (fel y’i diwygiwyd). Mae hyn yn cynnwys gwaith gyda chyfryngau biolegol megis bacteria peryglus, firysau neu ffyngau a allai achosi heintiau, alergeddau, gwenwyndra neu fel arall sy’n achosi perygl i iechyd dynol, neu weithio gyda deunyddiau a allai gynnwys y fath deunydd, er enghraifft gwaed dynol neu anifeiliaid, meinweoedd neu fiohylifau a diwylliannau celloedd. Rhaid cynnal asesiadau risg ar gyfer yr holl weithgareddau sy’n cynnwys cyfryngau neu ddeunydd biolegol, a lle bo’n briodol, rhaid cael cymeradwyaeth gan yr Is-bwyllgor Peryglon Biolegol ac Organeddau a Addaswyd yn Enetig. Mae rhagor o wybodaeth ar gael yn nhrefniadau, canllawiau a thempledi polisi biolegol.

Dogfennau Ategol

Mae amrywiaeth o gemegion a deunyddiau yn y Brifysgol. Mae rhai ohonynt yn gwbl ddiogel, ond gallai rhai eraill eich niweidio chi, plentyn yn y groth neu’r amgylchedd. Cyn cynnal unrhyw arbrawf yn y Brifysgol, rhaid i chi bob amser gwblhau Asesiad COSHH. Er mwyn sicrhau nad yw sylweddau peryglus yn achosi niwed i iechyd, nac i’r amgylchedd, rhaid ystyried defnyddio sylweddau mewn modd diogel, cyfrifol, cynaliadwy ac economaidd trwy gydol eu cylchred oes – o’u caffael, eu storio, eu defnyddio, eu cludo, hyd at eu gwaredu. Pan fyddwch yn gweithio gyda sylweddau peryglus i iechyd, ystyriwch a ellir cyfnewid y sylwedd hwnnw am sylwedd â risg llai, yn enwedig os gwyddys bod y sylwedd yn garsinogen, yn fwtagen, yn sensiteiddiwr neu’n wenwynig i’w ailgynhyrchu. 

Os na ellir gwneud hyn, rhaid dilyn pob un o’r egwyddorion rheoli er mwyn lleihau’r risg (gall yr egwyddorion gorgyffwrdd wrth eu cymhwyso):

• Dylunio a gweithredu prosesau a gweithgareddau i leihau allyrru, rhyddhau a lledaenu sylweddau peryglus i iechyd a’r amgylchedd.
• Ystyried yr holl lwybrau perthnasol y gellir dod i gysylltiad â sylweddau – mewnanadlu, trwy’r croen neu wrth fwyta – wrth ddatblygu mesurau rheoli.
• Rheoli’r cysylltiad trwy ddewis mesurau sy’n gymesurol â’r risg iechyd.
• Dewis yr opsiynau rheoli mwyaf effeithiol a dibynadwy sy’n lleihau’r siawns y bydd sylweddau peryglus i iechyd yn dianc ac yn ymledu.
• Pan na ellir cyflawni rheolaeth ddigonol o gysylltiad trwy ddulliau eraill, ochr yn ochr â mesurau rheoli eraill, dylid darparu cyfarpar diogelu personol priodol.
• Dylid gwirio ac adolygu’r holl elfennau o fesurau rheoli yn rheolaidd er mwyn sicrhau eu bod yn parhau i fod yn effeithiol.
• Hysbysu a hyfforddi eraill, pan fydd angen, ar beryglon a risgiau’r sylweddau y maen nhw’n gweithio gyda nhw,  gan gynnwys defnyddio mesurau rheoli a ddatblygwyd i leihau’r risgiau.
• Sicrhau nad yw’r mesurau a gyflwynir i reoli cysylltiad yn cynyddu’r risg gyffredinol i iechyd a diogelwch.

Pan fydd risg o fwy o gysylltiad na’r lefelau a argymhellir, bydd yn rhaid i’r  rheini sy’n dod i gysylltiad â’r sylwedd fod yn agored i wyliadwriaeth iechyd. 

Gellir dod o hyd i fwy o wybodaeth am wyliadwriaeth iechyd ar wefan yr Awdurdod Gweithredol Iechyd a Diogelwch (HSE), a gellir cael cyngor gan Iechyd Galwedigaethol:

Rhif ffôn: 01792 295538

E-bost: Cliciwch yma i e-bostio’r Tîm Iechyd Galwedigaethol

Mae’r taflenni data diogelwch deunyddiau (MSDs) yn rhoi gwybodaeth gyffredinol am y sylwedd.  Fodd bynnag, rhaid cynnal asesiad o sut caiff y sylwedd ei ddefnyddio a’i storio, a bydd hyn yn pennu’r rheoliadau ar gyfer defnydd penodol. Rhaid cadw pob MSD ar Quartzy fel atodiad â hyperddolen. Bydd hyn yn caniatáu ichi gael mynediad at MSDs y tu allan i’r labordy os bydd angen. 

Gellir dod o hyd i’r prif adrannau sy’n nodi’r risgiau iechyd a’r sefyllfaoedd argyfwng sy’n gysylltiedig â’r sylwedd yn:

• Adran 2 ac 16 ar gyfer gwybodaeth am y peryglon;
• Adran 4-8 ar gyfer gwybodaeth am argyfyngau, storio a thrafod.

Os oes unrhyw sylwedd yn dangos terfyn uchaf o ran ei effaith ar y gweithle (adran 8), gofynnwch am gyngor eich Cydgysylltydd Iechyd a Diogelwch neu’r Tîm Iechyd a Diogelwch. Os oes gennych chi ymholiadau mewn perthynas â sylweddau peryglus, siaradwch â’ch Arweinydd/Ymgynghorydd Iechyd a Diogelwch. Fel arall, gallwch gysylltu â’r Tîm Iechyd a Diogelwch Cynaliadwyedd i gael cyngor a chefnogaeth.

Dogfennau Ategol

Templedi a Chanllawiau Diogelwch

Chemical Risk Assessment - Pre-Purchase Form

Chemical Risk Assessment - Safe Operating Procedure

Chemical Risk Assessment Guidance

Mae silindrau nwy yn ffordd hwylus o gludo a storio nwyon dan bwysau. Caiff nifer o wahanol nwyon eu defnyddio mewn labordai ar draws y Brifysgol at amrywiaeth o ddibenion gwyddonol. Fodd bynnag, nid yn union mae peryglon yn deillio o’r nwy ei hun ond hefyd o sut mae’n cael ei storio – dan bwysau.

Gall silindrau o nwy cywasgedig fod yn berygl penodol yn ystod tân, ac yn aml mae angen gwybodaeth ar y Gwasanaethau Brys o ran lleoliad silindrau nwy mewn adeilad er mwyn amddiffyn eu hunain ac eraill.

Bydd y Cydgysylltydd Iechyd a Diogelwch yn eich Coleg/PSU yn rhoi cyngor ac arweiniad i chi ar systemau nwy cywasgedig, ac ef neu hi fydd eich prif gyswllt. Fodd bynnag, gall y gwaith pob dydd o reoli nwyon cywasgedig gael ei roi yn nwylo aelod cymwys o’r tîm. Ni chaniateir gwneud gwaith gyda nwy cywasgedig sy’n gallu gwneud cyflogwyr, myfyrwyr neu ymwelwyr yn agored i risgiau’r defnyddio nwyon cywasgedig, ymdrin â nhw a’u storio oni bai fod y risgiau wedi’u rheoli drwy broses rheoli risg. Dim ond pobl sydd wedi cwblhau’r hyfforddiant canlynol sydd ag awdurdod i ddefnyddio/newid/symud silindr nwy cywasgedig. Darperir hyfforddiant ymarferol ar gyfer ymdrin â silindrau yn eich Coleg/Uned Gwasanaeth Proffesiynol. I gael rhagor o wybodaeth, cysylltwch â’ch Cydgysylltydd Iechyd a Diogelwch.

Rhaid i bob defnyddiwr ddilyn y Gweithdrefnau Gweithredu Safonol ar gyfer newid silindrau nwy a amlinellwyd yn y trefniadau polisi. Maent hefyd yn cynnwys manylion am ddewis rheoleiddiwr a’r rhaglen amnewid (bob 5 mlynedd). Rhaid i’r holl nwyon a gafaelir ac a gedwir ar y campws gael eu nodi yn y gronfa ddata Quartzy. Nodwch yr wybodaeth dan y categori perthnasol yn y gronfa ddata, e.e. Nwyon Campws y Bae neu Nwyon Campws Singleton.

I ganfod a oes gan eich cyflenwad nwy anadweithiol y potensial i wacáu’r ocsigen yn yr ystafell i lai na 19.5% (os felly, bydd angen monitro ocsigen), defnyddiwch y Cyfrifiannell Gwacáu Ocsigen.

Rhaid i bob gosodiad newydd fod yn unol â’r trefniadau polisi. 

O ran unrhyw gyflenwad sy’n fwy na 0.5 Bar PSU, rhaid i’r cyflenwr/gosodwr ddarparu cynllun archwilio ysgrifenedig fel rhan o’r llawlyfr gweithredu a chynnal a chadw wrth drosglwyddo’r prosiect.

O ran prosiectau a gosodiadau newydd, bydd cydgysylltydd y prosiect yn gyfrifol am sicrhau bod cynllun ysgrifenedig ar waith (lle bo’n briodol) ac am hysbysu’r adran Ystadau a Rheoli Cyfleusterau o unrhyw osodiadau nwy cywasgedig y bydd angen eu profi yn y dyfodol dan PSSR 2000.

O ran gosodiadau sy’n bodoli eisoes, rhaid i Bennaeth y Coleg gynnal adolygiad o osodiadau’r nwy cywasgedig er mwyn pennu a oes angen cynllun ysgrifenedig ac a oes angen archwilio/profi.

Bydd yr holl nwyon gwenwynig a fflamadwy yn cael eu gosod o’r pwynt defnyddio ac mewn cabinet sy’n gallu gwrthsefyll tân am o leiaf 30 munud. Nid oes angen storio nwyon anadweithiol ac ocsigen mewn cabinet.

Os oes angen eglurhad pellach arnoch, cysylltwch â’r adran Ystadau a Rheoli Cyfleusterau ar: 5240

Dogfennau Ategol

Oxygen Depletion Calculator

Mae nitrogen ar ffurf hylif yn hylif di-liw ac heb arogl sy’n debyg i ddŵr o ran golwg a chaiff ei ddefnyddio wrth gadw samplau biolegol, systemau pwmp gwactod, oeri samplau mewn microsgopau electron, crysostatau ar gyfer ymchwil ar dymheredd isel a systemau magnetig tra-dargludol uwch. Os na fydd yn cael ei drin yn gywir, gall achosi anafiadau difrifol ac hyd yn oed farwolaeth felly mae’n hollbwysig y caiff canllawiau eu dilyn. Mae hyfforddiant ar gael ar y defnydd diogel o gryogenig. I gyrchu’r hyfforddiant, e-bostiwch y Tîm Iechyd a Diogelwch.

Polisi

Cryogenic Liquids Policy Arrangements

Dogfennau Ategol

Oxygen Depletion Calculator

Cryogenics - Bilingual Safety Signs

Rhaid i’r holl waith gydag organeddau a addaswyd yn enetig yn y Brifysgol gael ei gwblhau yn unol â Rheoliadau Organebau wedi'u Haddasu'n Enetig (Defnydd Cynwysedig) 2014. Mae trefniadau polisi addasu genetig (GM) y Brifysgol yn amlinellu’r polisi a’r gweithdrefnau ar gyfer gweithio gydag Organebau a Addaswyd yn Enetig (GMOau), gan gynnwys y gofyniad i holl weithgareddau’r Brifysgol sy’n cynnwys GMOau fod yn destun asesiad risg sy’n rhoi pob un o weithgareddau’r Brifysgol i mewn i un o chwe dosbarth o weithgaredd yn seiliedig ar y risg i iechyd dynol a’r amgylchedd.

Caiff asesiadau risg eu hadolygu a’u cymeradwyo gan Is-bwyllgor Peryglon Biolegol ac Organebau a Addaswyd yn Enetig sy’n gweithredu fel Pwyllgor Diogelwch Addasu Genetig y Brifysgol ac yn darparu cyngor ar asesiadau risg sy’n gysylltiedig â gweithgareddau addasu genetig.

Rhaid i bob aelod o staff, myfyriwr ac ymwelydd â’r Brifysgol sy’n gweithio ar GMO Dosbarth 2 neu 3 gofrestru gyda’r tîm Iechyd a Diogelwch. Yn ogystal, rhaid i weithwyr ar brosiectau risg uwch (sef prosiectau Dosbarth 2 a 3 gydag organebau y nodwyd eu bod yn beryglus i iechyd dynol) gwblhau holiadur meddygol Iechyd Galwedigaethol. Rhaid anfon hyn i Wasanaeth Iechyd Galwedigaethol y Brifysgol ac ni ddylai weithwyr ddechrau gweithio gyda deunydd GM nes eu bod wedi derbyn llythyr sy’n nodi ffitrwydd i weithio.

Am ragor o wybodaeth am weithio gyda pheryglon biolegol, gweler yr adran fiolegol.

Polisi

Dogfennau Ategol

GM Project Risk Assessment Form

Dan adolygiad

Am wybodaeth sy’n ymwneud ag ymbelydredd ïoneiddio/ymbelydredd heb ei selio, cysylltwch â’r tîm.

Mae ymbelydredd ïoneiddio’n cael ei ddefnyddio am lawer o bethau yn y byd diwydiannol, megis cynhyrchu ynni, gweithgynhyrchu, meddyginiaeth ac ymchwil ac mae’n cynhyrchu llawer o fuddion i’r gymdeithas. Fodd bynnag, mae’n bwysig bod peryglon ymbelydredd ïoneiddio’n cael eu rheoli’n synhwyrol er mwyn diogelu gweithwyr a’r cyhoedd.

Mae’r ymbelydredd ïoneiddio a ddefnyddir yn cynnwys:

pelydrau-x, pelydrau gama, ymbelydredd o ffynonellau ymbelydrol a ffynonellau sy’n cynhyrchu ymbelydredd naturiol, megis nwy radon.

Mae diogelwch Ymbelydredd Ïoneiddio ym Mhrifysgol Abertawe yn ymwneud â bodloni tri nod rhyng-gysylltiedig;

• diogelu’r amgylchedd, ac felly diogelu’r cyhoedd yn gyffredinol;
• diogelu’r unigolion hynny sy’n gweithio gyda sylweddau ymbelydrol;
• diogelu’r claf (neu’r gwirfoddolwr) sy’n dod i gysylltiad ag ymbelydredd at ddibenion therapiwtig, diagnostig neu ymchwil.

Cysylltwch â’r tîm Iechyd a Diogelwch am ragor o wybodaeth.

Mae’r gwaith a wneir gyda laserau yn y Brifysgol yn amrywiol tu hwnt ac mae ar flaen y gad o ran  gweithgareddau ymchwil. 

Mae pob laser yn gallu bod yn beryglus, ond mae graddfa’r perygl yn dibynnu ar nodweddion y laser a’r defnydd a wneir ohono. Bydd gan golegau sy’n gwneud gwaith laser gyda laserau Dosbarth 3B/4 Oruchwyliwr Diogelwch Laser (LPS). Bydd yr LPS yn gyfrifol am oruchwylio’r gwaith o reoli sut y caiff laserau eu defnyddio bob dydd a’r safonau diogelwch laser o fewn y Coleg. Mae’r Swyddog Diogelwch Laser (LSO) yn rhoi cyngor ar sut i ddefnyddio laserau ac yn cyflawni dyletswyddau gweithredol er mwyn sicrhau bod y gweithdrefnau sydd gan y Brifysgol mewn cysylltiad â diogelwch laser yn cael eu dilyn a’u bod yn cydymffurfio â’r gofynion deddfwriaethol. 

Mae’r LSO yn adrodd wrth y Tîm Iechyd a Diogelwch. Cysylltwch ag LPS eich Coleg am ragor o wybodaeth am weithdrefnau diogelwch laser. Rhaid i bob aelod staff a phob myfyriwr sy’n dymuno gweithio gyda laserau - ac eithrio israddedigion sy’n cymryd rhan mewn gweithgareddau addysgu/arddangos dan oruchwyliaeth yn unig - fod yn gofrestredig fel Gweithwyr Laser. 

Mae’r gofrestr o Weithwyr Laser yn cael ei llunio gan yr LPS. Rhaid i bob Gweithiwr Laser lofnodi datganiad ei fod wedi darllen y rheolau lleol. Rhaid cwblhau’r broses gofrestru cyn dechrau gweithio gyda laserau. Ni ddylai Gweithwyr Laser ganiatáu i arbrawf laser redeg ar ei ben ei hun oni bai fod asesiad risg wedi cadarnhau ei bod yn ddiogel gwneud hynny. Mae gan Weithwyr Laser gyfrifoldebau dros eu diogelwch eu hunain ac eraill a allai gael eu heffeithio gan eu gwaith. Rhaid i bob Gweithiwr Laser fynychu hyfforddiant fel y bo angen.

Os oes gennych unrhyw gwestiynau neu os hoffech gael cyngor ychwanegol ar derfynau cysylltiad â dirgryniad, cysylltwch â’r Tîm Iechyd a Diogelwch.

Rhaid i weithwyr sy’n bwriadu defnyddio laserau Dosbarth 3B/Dosbarth 4 gael prawf llygaid cyffredinol cyn dechrau gweithio. Diben y prawf yw sgrinio’r gweithwyr hynny a allai, oherwydd diffyg difrifol ar eu golwg, fod yn fwy sensitif i laser neu a allai gael eu heffeithio’n fwy pe bai digwyddiad niweidiol yn digwydd gyda’r laser.  Gellir trefnu prawf gydag Iechyd Galwedigaethol.

Offer a fydd yn amddiffyn y defnyddiwr rhag risgiau iechyd neu ddiogelwch yn y gwaith yw PPE. Gall gynnwys eitemau megis helmedau diogelwch, menig, offer diogelu’r llygaid, dillad llachar sy’n hawdd eu gweld, esgidiau diogelwch a harneisiau diogelwch. Mae hefyd yn cynnwys cyfarpar diogelu anadlol.

Mae sicrhau bod y gweithle’n ddiogel yn cynnwys darparu cyfarwyddiadau, gweithdrefnau, hyfforddiant a goruchwyliaeth i annog pobl i weithio’n gyfrifol. Hyd yn oed pan fydd rheolau peirianneg a systemau diogel wedi’u rhoi ar waith, efallai y bydd rhai peryglon yn parhau i fod yn berthnasol. Mae’r rhain yn cynnwys anafiadau i:

• Yr ysgyfaint, e.e. o ganlyniad i anadlu aer wedi’i lygru
• Y pen a thraed, e.e. oherwydd deunydd sy’n cwympo
• Y llygaid, e.e. o ronynnau sy’n hedfan neu hylifau cyrydol yn tasgu
• Y croen, e.e. o gysylltiad â deunyddiau cyrydol
• Y corff, e.e. oherwydd tymereddau eithafol, poeth ac oer

Mae angen PPE yn yr achosion hyn i leihau’r risg.

Gall gweithgareddau gweithio arwain at sylweddau peryglus yn halogi’r aer ar ffurf llwch, niwl, nwy neu fwg. Er enghraifft:

• Torri deunydd, e.e. carreg, concrit neu bren
• Defnyddio hylif sy’n cynnwys toddyddion anweddol
• Defnyddio powdr llychlyd

Dyluniwyd RPE i amddiffyn yr unigolyn sy’n ei wisgo rhag y peryglon hyn pan na fydd ffordd arall o’u rheoli. Dylai detholiad o offer anadlol fod yn rhan o’r asesiad risg ar gyfer y gweithgaredd neu’r sylwedd.

Dylid gwisgo RPE:

• Pan fydd hi’n bosib eich bod chi’n anadlu aer wedi’i halogi o hyd, er gwaethaf y rheolau eraill sydd gennych chi ar waith o bosib, e.e. systemau echdynnu;
• Pan fydd datgeliad byrdymor neu afreolaidd ac nid yw defnyddio rheolau eraill yn ymarferol;
• Pan fyddwch wrthi’n rhoi rheolau eraill ar waith;
• Pan fydd angen i chi ddarparu RPE i allu gadael yn gyflym mewn argyfwng (e.e. to dianc gyda chyflenwad aer);
• Pan fydd angen i chi ddarparu RPE ar gyfer gwaith brys neu pan fydd rheolau’n methu dros dro;
• Pan fydd achub mewn argyfwng gan bersonél cymwys yn ofynnol.

Dylai unrhyw ddefnyddiwr RPE sy’n dibynnu ar sêl tynn i’r wyneb i ddarparu amddiffyniad gael prawf ffitio wyneb i sicrhau ei fod yn ffitio’n gywir.

Am ragor o gyngor am brofi ffit wyneb, cysylltwch â’ch Arweinydd/Ymgynghorydd Iechyd a Diogelwch neu e-bostiwch y Tîm Iechyd a Diogelwch. 

Dogfennau Ategol

Information Sheet - Respiratory Protection Equipment (RPE) Face Fit Testing

Information Sheet - Qualitative Face Fit Testing

Rydym ni’n cynnig amrywiaeth o gymwysterau ar gyfer gweithwyr proffesiynol maes gofal a gwasanaethau cysylltiedig, gan gynnal astudiaethau a threialon clinigol sy’n cynnwys cyfranogiad pobl ac yn darparu gwasanaethau Lles. Rydym yn ymroddedig i gynnal y rheoliadau ym mhob gweithgaredd sy’n cynnwys eitemau miniog yn ein labordai a’n cyfleusterau sy’n gysylltiedig â gofal iechyd. 

Diffiniad ‘Eitemau Miniog’ yw nodwyddau, chwistrelli, offerynnau gydag ymylon, gwydr wedi’i dorri, trocarau, ffiolau, ffleimiau, llafnau ffleimiau, raserau, siswrn, cyllyll meddyg, darnau o esgyrn neu unrhyw eitem arall a allai achosi toriad croes neu anafiadau twll ac sydd wedi’u halogi drwy’r defnydd o waed, hylifau’r corff neu beryglon biolegol neu gemegion niweidiol.

Mae eitemau miniog mewn lleoliad gofal yn cynrychioli risg benodol o ganlyniad i’r posibilrwydd o halogi gwaed neu ddeunyddiau biolegol eraill pan fydd potensial o drosglwyddo cyfryngau heintus, megis hepatitis B neu firysau diffyg imiwnedd dynol.

Yn yr un modd, mewn labordai, gall eitemau miniog weithredu fel ffordd o gyflwyno micro-organebau peryglus, llinellau celloedd neu gemegion i’r corff.

Gall staff cefnogi sy’n mynd i ardaloedd addysgu ac ymchwil, megis glanhawyr, porthorion, staff cynnal neu weithredwyr gwastraff hefyd fod yn agored i anafiadau o ganlyniad i eitemau miniog sydd wedi’u gwaredu anghywir gan y prif ddefnyddiwr.

Bwriad y trefniadau polisi yw darparu canllawiau ar y defnydd diogel o eitemau miniog a dylid eu darllen mewn cyfuniad â threfniadau polisi iechyd a diogelwch eraill, gan gynnwys trefniadau polisi ar fflebotomi, peryglon imiwneiddio a biolegol ac asesiadau risg ar gyfer y gweithgaredd penodol hwnnw.

Polisi

Sharps in Laboratories, Healthcare and Allied Practices Policy Arrangements

Dogfennau Ategol

Sharps Audit Checklist

Rydym yn cydnabod yr angen i sicrhau iechyd, diogelwch a lles pobl ifanc (sy’n cael ei ddiffinio fel unrhyw un dan 18 oed) a phlant (sef unigolyn dan yr oedran gadael ysgol gorfodol, sef 16 oed) wrth ymgymryd â gweithgareddau a drefnwyd gan y Brifysgol, megis gweithgareddau allgymorth neu fel myfyrwyr israddedig neu sylfaen. Mae’r trefniadau polisi yn amlinellu’r ystyriaeth ychwanegol y mae ei hangen pan fydd pobl ifanc yn cymryd rhan mewn gweithgareddau mewn labordai gwyddonol (gwlyb), gweithdai neu ddigwyddiadau a gynhelir ar y safle sy’n cynnwys y defnydd o beryglon cemegol, biolegol, radiolegol neu eraill.

Gall pobl ifanc sy’n cymryd rhan yn y gweithgareddau hyn fod mewn mwy o berygl oherwydd: 

• Ffactorau seicolegol – diffyg profiad, aeddfedrwydd a diffyg ymwybyddiaeth o’r risgiau presennol neu bosib.
• Ffactorau ffisiolegol – galluoedd corfforol a datblygu ffisiolegol, mwy o risg o beryglon penodol yn ogystal ag addasrwydd y wisg/cyfarpar diogelu personol.

Dogfennau Ategol

Young People in Scientific Labs and Related Activities - Police Arrangements