Gŵyl Ymchwil Ôl-raddedig

Ffansinau Ymchwil: cyfathrebiadau ymchwil greadigol

Rydyn ni i gyd yn gyfarwydd â'r ffyrdd traddodiadol o rannu ymchwil: cyflwyno mewn cynadleddau, posteri ymchwil a chyhoeddiadau. Ond nid dyma'r unig ddulliau posib o rannu nodau a chanfyddiadau ein hymchwil, ac yn aml mae angen ymagweddau gwahanol arnon ni i ennyn diddordeb cynulleidfaoedd gwahanol.

Bydd ein gweithdy Ffansîns yn rhoi cyflwyniad ymarferol i ffordd wahanol a chyffrous o gyfleu eich ymchwil, gan ganolbwyntio ar greu cyfleoedd i bobl amrywiol gyrchu a defnyddio eich ymchwil.

Mae Dr Michaela James yn swyddog ymchwil yn y Ganolfan Genedlaethol ar gyfer Iechyd y Boblogaeth ac ADR UK. Mae ei phrif feysydd ymchwil yn cynnwys iechyd a lles pobl ifanc, yn benodol chwarae a gweithgarwch corfforol. Mae hi'n rheoli HAPPEN-Wales, rhwydwaith cenedlaethol sy'n ceisio gwella iechyd, lles a deilliannau addysgol plant ysgolion cynradd ledled Cymru. Mae ei gwaith ymchwil yn cynnwys eirioli dros anghenion pobl ifanc yn eu cymunedau lleol i wella iechyd a lles. Caiff ei gwaith ei gyd-greu'n bennaf â phobl ifanc er mwyn rhoi llais iddyn nhw ar faterion sy'n effeithio arnyn nhw.

Yn ogystal, Michaela yw sefydlydd Girls To The Front, mudiad i ysbrydoli merched ifanc i'w blaenoriaethu eu hunain drwy ddefnyddio eu llais, meddiannu lle a meithrin brand personol. Ochr yn ochr â sesiynau ffitrwydd wythnosol i fagu hyder, mae Mickey yn cynnal Gweithdai Ffansîns (Zines) i ysbrydoli eraill drwy bŵer eu dewisiadau eu hunain.

Byddwn ni'n archwilio sut gallwn ni gyfleu ymchwil mewn modd creadigol drwy greu cylchgronau personol, archwilio beth yw ffansîn mewn gwirionedd, ystyried sut i rannu negeseuon allweddol eich ymchwil, a darparu popeth y mae ei angen arnoch chi er mwyn llunio eich ffansîn eich hun.

Ceir cyfle hefyd i ddosbarthu copïau o'ch ffansîn yn y digwyddiad arddangos ymchwil ôl-raddedig a gynhelir ar 22 Mai.

Pryd: 1 Mai, 11:00 - 13:00

Ble: Singleton: Faraday 309

Cymryd rhan: Ffansinau Ymchwil: cyfathrebiadau ymchwil greadigol

SURES / Bydd myfyrwyr SUSPRS yn arddangos eu hymchwil, gan ddefnyddio delwedd, fideo, animeiddiad, neu luniad a ddylai lywio ac ymgysylltu â chynulleidfa academaidd nad yw'n arbenigol a chynnig persbectif gweledol ar ymchwil doethurol cyfredol.  Dyma gyfle gwych i gwrdd â'r garfan ac arddangos yr ysgoloriaethau.

Darperir lluniaeth.

Pryd: 7 Mai, 10:00 - 13:00

Ble: Singleton, Faraday 309 and online

Cymryd rhan: Cipolwg ar Ymchwil

Ymunwch â'r Gymdeithas Ymchwil Ôl-raddedig am ddigwyddiad Cwrdd a Chyfarch hamddenol fel rhan o'r Ŵyl Ymchwil Ôl-raddedig. Helpwch eich hun i ddiod boeth a byrbrydau a chewch chi sgwrsio ag ymchwilwyr myfyrwyr eraill wrth ein byrddau gweithgareddau. Bydd gorsaf addurno cwcis a llawer mwy – peidiwch â cholli'r cyfle!

Mae'r Gymdeithas Ymchwil Ôl-raddedig yn cael ei chynnal gan Fyfyrwyr Ymchwil Ôl-raddedig ar gyfer Myfyrwyr Ymchwil Ôl-raddedig.

Ceir rhagor o wybodaeth yma am y Gymdeithas Ymchwil Ôl-raddedig, ei digwyddiadau a sut i gymryd rhan. https://www.swansea-union.co.uk/activities/society/pgr_society/

Pryd: 8 May, 14:00 - 16:00

Ble: Singleton, Faraday 313

Cymryd rhan: Cwrdd a chyfarch y Gymdeithas Ymchwil Ôl-raddedig

Mae cyhoeddi eich gwaith ymchwil yn un o'r ffyrdd pwysicaf o rannu eich canfyddiadau a chyfleu effaith eich gwaith. Mae amrywiaeth eang o opsiynau, o gyfnodolion academaidd i fonograffau, felly yn ogystal â meddwl am yr hyn rydych yn mynd i'w ysgrifennu, mae'n bwysig meddwl am sut a ble rydych yn mynd i gyhoeddi'r gwaith. Efallai bydd angen i chi feddwl am rwymedigaethau gwneud eich gwaith yn hygyrch ar Open Access fel bo'r gynulleidfa fwyaf bosib yn gallu elwa o'ch gwaith ymchwil. Yn y sesiwn hon, sydd ar gyfer y rhai sy'n newydd i gyhoeddi, byddwn yn archwilio'r holl bethau hyn ac yn ateb eich cwestiynau hefyd.

Pryd: 8 Mai, 11:00 -12:00

Ble: Faraday 309, Campws Singleton

Cymryd rhan: Singleton: Faraday 309 a ar-lein (Zoom)

Ffedogau'n barod ar gyfer 'Teisen Traethawd Ymchwil', digwyddiad sy'n gwneud yn union beth mae'n ei ddweud ar y tun (teisen)…

Dyma gyfle i chi ddangos eich sgiliau creadigol drwy addurno teisen i gynrychioli pwnc eich traethawd ymchwil.

O deisenni i fisgedi, boed y rheiny'n deisenni cartref neu'n rhai o'r siop, ni waeth a ydynt yn feganaidd, yn deisenni sydd heb glwten neu'n hoff rysáit cartref, byddwn yn chwilio am y portreadau ymchwil mwyaf creadigol.

Bydd gennym ni wobrau i'w rhoi ar gyfer y teisenni sy'n cyfleu eich ymchwil orau a bydd pob un pobydd sy'n cymryd rhan yn derbyn cyfraniad tuag at gost y cynhwysion yn ogystal â chofrodd.

Os yw'r cyfle hwn yn tynnu dŵr o'ch dannedd, cofrestrwch nawr.

Os nad ydych chi'n siŵr o hyd, gallwch chi gael ysbrydoliaeth gan fyfyrwyr ymchwil ym Mhrifysgol Otago, sydd wedi pobi teisenni anghyffredin a hynod realistig.

Pryd: 9 Mai, 12:00 - 14:00

Ble: Faraday Hub, ystafell 313, Campws Singleton

Cymryd rhan: Teisen traethawd ymchwil

Menter a arweinir gan fyfyrwyr yw Siarad am Ymchwil sy'n ceisio creu man cymdeithasol anffurfiol i ymchwilwyr ôl-raddedig ar draws y brifysgol i gymdeithasu, rhannu eu gwaith ymchwil a dod i werthfawrogi prosiectau ymchwil gwahanol drwy sgyrsiau byr ac anffurfiol

Rydym wedi datblygu’n gymuned gynyddol o ymchwilwyr ôl-raddedig sy’n amrywio o fyfyrwyr graddau Meistr I ymgeiswyr blwyddyn olaf PhD, felly os ydych yn ewydd I ymchwil, Abertawe neu bopeth uchod, mae Siarad am Ymchwil yn cynnig amgylchedd anffurfiol I ymgysylltu ag ymchwil ôl-raddedig eraill.

Pryd: 9 Mai - 17:00 - 19:00

Ble: Stiwdio Taliesin, Campws Singleton

Cymryd rhan: Siarad am Ymchwil x Gwyl Ymwchwil Ol-Raddedig

Mae pwy ydym ni fel unigolion, a'r perthnasoedd sydd gennym â phobl eraill, yn chwarae rhan enfawr wrth ddylanwadu ar natur ein hymchwil a'n profiadau wrth gynnal ymchwil.

Yn y gweithdy anffurfiol hwn, rydym yn eich gwahodd i fyfyrio ar eich hunaniaeth ymchwil a'ch perthnasoedd chi a chreu golygfeydd personol â Lego i helpu i archwilio a deall y rhain. Byddwn hefyd yn archwilio sut y gallech ymgorffori ymarfer atblygol ar hunaniaeth ymchwilwyr yn eich traethawd ymchwil.

Darperir lluniaeth.

Pryd: 10 Mai, 13:00 - 15:00

Ble: Campws y Bae - MBA Suite, Yr Ysgol Rheolaeth - Ystafell 043

Cymryd rhan: Adeiladu Hunaniaethau Ymchwil

Mae'r berthynas goruchwyliaeth yn ganolog i lwyddiant myfyrwyr ymchwil ôl-raddedig, ac yn sylfaen perthnasoedd ymchwil a chydweithio.

Mae ein digwyddiadau goruchwylio'n dod ag ymchwilwyr ôl-raddedig a goruchwylwyr ynghyd i rannu eu profiadau am y broses oruchwylio, gan drafod eu profiadau a rhannu syniadau ar gyfer gwella goruchwyliaeth. 

Ein nod yw canfod beth sy'n gwneud goruchwyliaeth yn wych!

Mae digwyddiad eleni'n canolbwyntio ar gynwysoldeb a pherthyn yn y berthynas goruchwyliaeth, o safbwynt goruchwylwyr a myfyrwyr. Byddwn yn ymchwilio i sut gallwn wneud yn fawr o'n cymunedau ymchwil amrywiol i feithrin ymdeimlad o berthyn i bawb, a sut mae hyn yn effeithio ar gymunedau ymchwil yn gyffredinol.

Bydd y themâu y byddwn yn eu trafod yn cynnwys y canlynol:

• Beth yw perthyn? – i Ymchwilwyr Ôl-raddedig a goruchwylwyr
• Cymhwysedd diwylliannol mewn perthnasoedd goruchwylio
• Meithrin perthnasoedd ymchwil cynhwysol - beth sy'n gweithio?
• Heriau a rhwystrau i gynnwys a perthyn

Darperir cinio felly cofrestrwch ymlaen llaw i sicrhau ein bod yn gallu cynnig arlwyo i bawb.

Pryd: 14 Mai, 13:00 - 15:00 

Ble: Adeilad Canolog Peirianneg, Ystafell 001

Cymryd rhan: Goruchwyliaeth: cydraddoldeb ac ymdeimlad o berthyn mewn goruchwyliaeth ymchwil ôl-raddedig

Rydym yn gwybod bod effaith yn rhan bwysig o ymchwil, ond beth mae effaith yn ei olygu mewn gwirionedd a pham mae cyllidwyr a phrifysgolion yn siarad am effaith gymaint? Yn y gweithdy hwn, byddwn yn ystyried beth yw ystyr effaith ymchwil, yn y byd academaidd a'r tu hwnt iddo, gan eich galluogi i feddwl am effaith eich ymchwil eich hun yn y dyfodol. Fe'ch anogir i feddwl am sut y gallai eich ymchwil gyfrannu at fframweithiau cenedlaethol neu ryngwladol o bwys megis Nodau Cenedlaethau'r Dyfodol Cymru neu Nodau Datblygu Cynaliadwy'r Cenhedloedd Unedig, gan helpu i roi eich ymchwil a'i harwyddocâd yn ei chyd-destun ehangach. Ar y diwedd, bydd amser i rannu eich syniadau yn anffurfiol, gan eich galluogi i gymryd ysbrydoliaeth gan ymchwilwyr eraill a chael adborth ar eich syniadau chi.

Pryd: 15 Mai, 10:00 - 13:00

Ble: PGR Hub, Faraday lefel 3

Cymryd rhan: Canfod Effaith yn eich Ymchwil

Mae Myfyrwyr Ymchwil Ôl-raddedig yn Trafod Addysgu'n lle anffurfiol i ymchwilwyr ôl-raddedig sy'n addysgu, neu'r rhai hynny sy'n bwriadu gwneud, i ddod ynghyd a thrafod eu profiadau.

Bydd llawer o fyfyrwyr ymchwil ôl-raddedig yn cael blas ar addysgu wrth iddynt gwblhau eu gradd ymchwil ac er y gall hyfforddiant eich helpu I baratoi, un o’r ffyrdd gorau o wella’ch ymarfer addysgu yw trwy rannu syniadau a materion â’ch cyfoedion.

Dros baned o de neu goffi a chacennau, byddwn yn trafod profiadau addysgu, gan ymdrin â phopeth o’r hyn y byddech wedi hoffi ei wybod cyn eich dosbarth cyntaf I ennyn diddordeb dysgwyr ar-lein.

Bydd yr arweinydd datblygu ymchwil ôl-raddedig, Dr Teresa Phipps a Dr Pamela Styles o Academi Dysgu ac Addysgu Abertawe ar gael I gynnig cymorth ac arweiniad ychwanegol ynghyd â phrofiad ymarferol uniongyrchol o’u ewydd addysgu eu hunain.

Pryd: Mai 16, 13:00 - 14:30

Ble: Campws Singleton, Faraday 309

Cymryd rhan: Myfyrwyr Ymchwil Ôl-raddedig yn Trafod Addysgu

Ydych chi wedi colli’r awen ysgrifennu? Oes gennych ddyddiad cau ar y gorwel I gyflwyno eich papur nesaf neu bennod nesaf eich traethawd ymchwil? Oes angen cymhelliant ychwanegol I’ch helpu I symud ymlaen gyda’ch ewydd? Gweithgaredd misol ewydd yw’r Clwb Ysgrifennu Ymchwil Ôl-raddedig, a gynhelir yn yr Hyb Ymchwil Ôl-raddedig. Ei nod yw darparu trefn,  cymorth a chymhelliant I’ch  helpu I gyflawni eich nodau ysgrifennu. Caiff y diwrnod ei rannu’n sesiynau pennu nodau, sesiynau ysgrifennu tawel ac egwyliau I gysylltu â myfyrwyr ymchwil ôl-raddedig eraill I drafod eich cynnydd.

Dewch â gliniadur a syniad am nod ysgrifennu penodol ar gyfer y diwrnod. Bydd gorsafoedd docio a the/coffi ar gael.

Pryd: 17 Mai - 10:00 - 16:00

Ble: Campws Singleton, Faraday, PGR Hwb, 312, 313

Cymryd rhan: Clwb Ysgrifennu Myfyrwyr Ymchwil Ôl-Raddedig 

Ar 22 Mai byddwn yn cynnal Digwyddiad Arddangos Ymchwil Ôl-raddedig, sef ein dathliad blynyddol o'r gymuned Ymchwil Ôl-raddedig sy'n gartref i'r Gystadleuaeth Poster Ymchwil Ôl-raddedig, rownd derfynol 3MT Abertawe a Gwobrau Ymchwil Ôl-raddedig.

Mae ein digwyddiad posteri yn arddangos ymchwil myfyrwyr ymchwil ôl-raddedig, gan ddod â thair cyfadran y Brifysgol ynghyd i rannu ystod eang o bynciau a dulliau. Bydd y digwyddiad posteri eleni yn cynnig cyfle anffurfiol i sgwrsio â myfyrwyr ymchwil ôl-raddedig am eu hymchwil, archwilio'r posteri sy'n cael eu harddangos, a phleidleisio dros eich hoff boster.

Mae rownd derfynol 3MT bob amser yn un o uchafbwyntiau’r ŵyl, wrth inni glywed gan rai o'n myfyrwyr Ymchwil Ôl-raddedig gorau a disgleiriaf o’r tair cyfadran a fydd yn rhannu eu gwaith ymchwil mewn tair munud yn unig, gyda dim ond un sleid i'w helpu. 

Bydd y digwyddiad yn dod i ben gyda gwobrau Ymchwil Ôl-raddedig, sy'n cydnabod y rhai sydd wedi cyfrannu at wella profiad myfyrwyr yn ystod y flwyddyn ddiwethaf.

Trefnlen: Digwyddiad Posteri 10yb-12yp, cinio 12yp-1yp, rownd derfynol 3MT a Gwobrau Ymchwil Ôl-raddedig 1.30yp-4yp. Dewch am y diwrnod cyfan neu galwch heibio ar gyfer digwyddiadau unigol.

Pryd: 22nd May - 10:00 - 16:00

Ble: Campws Singleton, Taliesin

Cymryd rhan: Digwyddiad Arddangos Ymchwil Ôl-raddedig