Wrth ichi gofrestru, gallwch ddewis pa weithdai yr hoffech fynd iddynt ymhlith y canlynol:
GWEITHDY UN: Profi Rhagdybiaethau
Mae’r gweithdy hwn yn rhoi cyflwyniad sylfaenol i ddadansoddi ystadegol data meintiol, cyflwyno dadansoddi data a phrofi damcaniaethau: Byddwn ni’n trafod cysyniad profi damcaniaethau a’r rheswm pam bod hwn yn adnodd hynod o hanfodol ar gyfer cynnal ein dadansoddiadau.
GWEITHDY DAU: Profi Rhagdybiaethau ar Waith
Mae'r ail weithdy'n dilyn y gweithdy profi damcaniaeth ac mae'n cynnwys gweithio drwy enghreifftiau. Ym mhob enghraifft, byddwch yn derbyn set ddata a bydd gofyn i chi fformiwleiddio damcaniaeth, dewis dull dadansoddi ystadegol priodol a dehongli'r canlyniadau mewn perthynas â'r ddamcaniaeth osod. Drwy gydol y sesiwn hon, byddwn ni'n gweithio yn y rhaglen R er mwyn cynnal dadansoddiad ystadegol. Anogir myfyrwyr i ddilyn y sesiwn ar eu dyfais eu hun. Bydd y dadansoddi ystadegol yn cynnwys rhai o'r dadansoddiadau cyffredin syml fel prawf-t, chi sgwâr a dadansoddi cydberthynas.
GWEITHDY TRI: Profi Modeli Ystadegol mewn R a Delweddu Data
Bydd y gweithdy hwn yn cynnwys dwy ran. Yn gyntaf, yn dilyn ymlaen o'r gweithdy profi damcaniaeth ar waith, bydd y gweithdy hwn yn eich tywys trwy rai profion dadansoddi ystadegol mwy cymhleth sy’n amly yn destun ymholiadau: dadansoddi atchweliad. Gan weithio yn rhaglen R i gynnal y dadansoddiad ystadegol, rhoddir setiau data i fyfyrwyr a byddwn yn gweithio drwy'r dadansoddiad ystadegol a'r dehongliad priodol (gan gynnwys atchweliad llinol ac atchweliad model cymysg). Bydd ail ran y gweithdy hwn yn canolbwyntio ar ddelweddu data, a bydd myfyrwyr yn gweithio trwy'r ffordd orau o ddelweddu canlyniadau dadansoddiad ystadegol mewn ffordd ystyrlon.