MyUniVoice

Mae MyUniVoice wedi'i strwythuro fel bwrdd trafod sydd wedi'i rannu'n ddau faes allweddol:

1. Yr adran breifat - yn y maes hwn, gallwch chi ofyn cwestiynau, cyhoeddi syniadau, canmol a chodi problemau rhyngoch chi, eich cyd-fyfyrwyr a'ch cynrychiolwyr yn breifat. Nid oes gan staff fynediad at y maes hwn ac felly nid ydynt yn gallu gweld eich postiadau yma. Os bydd eich postiad yn denu digon o sylwadau a phleidleisiau, bydd eich cynrychiolydd yn ei symud i'r maes cyhoeddus, ac yna bydd aelodau staff yn gallu ei weld. Os bydd eich postiad yn gofyn am ymateb oddi wrth aelod o staff (os na all cynrychiolwyr ymdrin ag ef), yna bydd rhaid i'ch cynrychiolydd ei symud i'r adran gyhoeddus.
2. Yr adran gyhoeddus - yn y maes hwn, mae staff yn gallu gweld eich postiad. Golyga hynny fod staff yn gallu rhoi ymateb, ateb eich cwestiwn neu ofyn am ragor o wybodaeth er mwyn ymdrin â'r pynciau rydych chi wedi sôn amdanynt yn eich postiad.

Cofwich, os ydych chi'n dewis postio'n ddienw, ni all myfyrwyr, staff na chynrychiolwyr eich adnabod. 

Os hoffech chi ddysgu rhagor am Unitu a sut mae'n gweithio, mae llawer o fideos a thiwtorialau defnyddiol ar sianel Youtube Unitu

Mynediad: gweinyddwyr y bwrdd yn unig fydd yn gallu adeiladu Mannau Cyswllt ac arolygon Pwls newydd.

Mae MyUniVoice wedi lansio Mannau Cyswllt fel ffordd o gefnogi cyfranogiad myfyrwyr cyn, yn ystod ac ar ôl cyfarfodydd llais y myfyrwyr megis 'Fforwm Staff-Myfyrwyr'. Mae'r offeryn yn galluogi staff i ofyn cwestiynau ac mae'n galluogi myfyrwyr i roi sylwadau a blaenoriaethu eitemau i lunio agendâu'r cyfarfodydd. Ar ôl y cyfarfod, gellir ychwanegu nodiadau a chamau gweithredu'n uniongyrchol at Mannau Cyswllt i sicrhau bod yr hyn a drafodwyd yn amlwg ynghyd â'r hyn a fydd yn digwydd nesaf.

Mae MyUniVoice wedi lansio Pwls fel offeryn cyfleus iawn ar gyfer casglu adborth. Mae'r offeryn yn galluogi staff i ofyn cwestiynau y gall myfyrwyr eu hateb yn gyflym; mae'r offeryn hwn yn arbennig o ddefnyddiol ar ôl digwyddiad neu weithgaredd lle gall staff gael syniad o ba mor dda mae myfyrwyr wedi cyfranogi ac a ydynt wedi mwynhau'r digwyddiad. 

Gallwch chi gael mynediad at MyUniVoice drwy MyApps, drwy'r ddolen hon: MyUniVoice, neu drwy'r siop apiau: Lawrlwytho o'r Apple App Store neu oddi ar Google Play

Ar y Byrddau Trafod: bydd eich adborth yn cael ei adolygu gan Gynrychiolwyr Myfyrwyr ac, os bydd angen, caiff eich adborth ei uwchgyfeirio i aelodau staff priodol. Gallwch chi ddewis postio eich adborth yn ddienw neu beidio. Byddwch yn cael ymateb terfynol gan aelod staff perthnasol.

Drwy Mannau Cyswllt: mae eich adborth bob amser yn ddienw a bydd staff yn defnyddio'r adborth yn ystod y cyfarfod i sicrhau eu bod yn trafod yr eitemau sy'n bwysicaf i fyfyrwyr. Ar ôl y y cyfarfod, darperir yr wybodaeth ddiweddaraf drwy Mannau Cyswllt, ac aelodau staff sy'n gyfrifol am gymryd y camau gweithredu'n unig fydd yn cael eu henwi ar y platfform.

Drwy Pwls: bydd eich adborth bob amser yn ddienw a bydd staff yn defnyddio'r adborth o fewn eu timau perthnasol. Bydd yr adborth ar gael i aelodau staff penodol yn unig, gelwir y rhain yn 'Weinyddwyr Bwrdd'. Bydd yn gyfrifol am sefydlu a chau'r arolwg Pwls ac adolygu'r holl adborth.

Mae'r holl ddefnyddwyr yn cytuno i'r telerau defnyddio. Mae hyn yn cynnwys y polisi tri cham am gynnwys amhriodol;

1. Adrodd amdano i'r Brifysgol
2. Colli'r hawl i fod yn ddienw
3. Colli mynediad at Unitu

Yn ogystal â hynny, gall staff a myfyrwyr adrodd i Unitu'n uniongyrchol am sylwadau amhriodol neu ddifenwol. Caiff y cynnwys ei ddileu a chymerir camau disgyblu yn erbyn yr unigolyn sy'n gyfrifol am y postiad.

Darllenwch Bolisi Cynnwys MyUniVoice