Lwfans Myfyrwyr Anabl (DSA)

1. Cyflwyna gais am DSA drwy dy borth cyllid myfyrwyr. Fel arall, gelli di lawrlwytho'r ffurflen gais am DSA o wefannau Cyllid Myfyrwyr Lloegr neu Gyllid Myfyrwyr Cymru, ei chwblhau ac yna ei chyflwyno ynghyd â dy dystiolaeth.
2. Bydd eich corff cyllido'n asesu eich cais ac yn ysgrifennu atoch i ofyn i chi fynd am asesiad anghenion (cyfeirir at hyn yn aml fel llythyr DSA1). Mae asesiad anghenion yn gyfarfod anffurfiol rhwng myfyriwr ac aseswr anghenion i drafod effaith anabledd a/neu gyflwr y myfyriwr ar ei astudiaethau.
3. Cysylltwch â’ch Canolfan Asesu leol i drefnu asesiad anghenion. I gael manylion am y ganolfan achrededig agosaf atoch chi, ewch i: https://www.gov.uk/disabled-students-allowances-assessment-centre.
4. Ewch i’ch asesiad anghenion.
5. Bydd yr aseswr anghenion yn ysgrifennu adroddiad ac yn ei anfon atoch chi ac at eich corff cyllido i’w gymeradwyo.
6. Bydd eich corff cyllido'n anfon llythyr atoch y cyfeirir ato'n aml fel llythyr DSA2. Mae llythyr DSA2 yn esbonio pwy fydd yn darparu'r cymorth a argymhellwyd a sut gallwch gysylltu â nhw i drefnu eich cymorth. Byddai o gymorth pe gallech anfon copi at y Brifysgol rydych chi wedi ei dewis.

Mae dy lythyr DSA2 yn cadarnhau pa gymorth a chyfarpar y bydd dy DSA yn eu hariannu.  Mae'n bwysig dy fod yn darllen y llawlyfr hwn yn ofalus, oherwydd dy fod yn gyfrifol am drefnu dy gymorth.

Adran 1 - Lwfans Offer Arbenigol

Mae'r adran hon yn rhoi'r wybodaeth y mae ei hangen er mwyn archebu cyfarpar neu dechnoleg gynorthwyol y mae corff ariannu wedi'u hargymell a'u cymeradwyo.

Bydd angen i ti gysylltu â'r cyflenwr gan ddefnyddio'r manylion cyswllt (rhif ffôn a/neu gyfeiriad e-bost fel arfer) a dyfynnu'r rhif a roddwyd.

Bydd y cyflenwr yn gofyn i ti anfon copi o'r llythyr DSA2 ato, a hefyd bydd yn gofyn am fanylion am le i ddanfon y cyfarpar a bydd yn cadarnhau dyddiad danfon.

Mae'n ofynnol i fyfyrwyr a ariennir drwy Gyllid Myfyrwyr Lloegr gyfrannu £200 tuag at gost offer cyfrifiadurol. Gallai fod cymorth ar gael drwy Wobr Cyfle Prifysgol Abertawe.

Adran 2 - Lwfans Cynorthwywyr Anfeddygol

Mae'r adran hon yn rhoi'r wybodaeth y mae ei hangen er mwyn dechrau cymorth personol y mae'r corff ariannu wedi'i argymell a'i gymeradwyo.

Bydd angen i ti gysylltu â phob cyflenwr yn unigol er mwyn sefydlu dy gymorth. Os nad wyt ti'n fodlon ar y cyflenwr y mae'r corff ariannu wedi'i ddethol, dylet ti gysylltu â dy asesydd anghenion.

Os bydd Prifysgol Abertawe wedi'i rhestru fel cyflenwr ar gyfer:

• cymorth sgiliau astudio arbenigol un i un, e-bostiwch Sgiliau Astudio Arbenigol yn study-skills@abertawe.ac.uk
• cymorth mentora arbenigol, e-bostia'r Gwasanaeth Mentora yn mentoring@abertawe.ac.uk
• cymryd nodiadau neu gymorth ymarferol, e-bostia'r Gwasanaeth Anableddau yn notetaking@abertawe.ac.uk

Adran 3 - Lwfans Cyffredinol

Mae'r adran hon yn rhoi'r wybodaeth y mae ei hangen er mwyn hawlio treuliau ychwanegol y mae'r corff ariannu wedi'u hargymell a'u cymeradwyo, er enghraifft inc a phapur.

Bydd angen i ti gadw derbynebau ar gyfer eitemau rwyt ti wedi'u prynu y gellir eu had-dalu. Dylet ti gwblhau ffurflen hawlio ad-daliad, atodi dy dderbynebau ac anfon hyn at y corff ariannu priodol drwy'r post neu e-bost, yn unol â'r manylion ar y llythyr.

Lawrlwytho ffurflenni ad-dalu ar gyfer Cyllid Myfyrwyr Lloegr

Lawrlwytho ffurflenni ad-dalu ar gyfer Cyllid Myfyrwyr Cymru

Adran 4 - Lwfans Teithio

Mae'r adran hon yn rhoi'r wybodaeth y mae ei hangen er mwyn hawlio costau teithio ychwanegol o ganlyniad i anabledd y mae'r corff ariannu wedi'u hargymell a'u cymeradwyo.

Bydd dy lythyr DSA2 yn manylu ar nifer y teithiau cymeradwy rhwng mannau disgyn a mannu casglu penodol.

Mae'n ofynnol i fyfyrwyr gyfrannu at gost y daith, a bydd y llythyr yn nodi'r swm i'w gyfrannu. Mae dau opsiwn ar gael:

1. Os yw nifer y teithiau achlysurol wedi'u hargymell yn fach, efallai y byddi di am dalu gyrrwr y tacsi'n uniongyrchol a chael derbynneb er mwyn hawlio'r gost y cytunwyd arni gan dy gorff ariannu gan ddefnyddio'r ffurflenni ad-dalu priodol drwy'r ddolen uchod.
2. Mae Cyllid Myfyrwyr Cymru a Chyllid Myfyrwyr Lloegr hefyd yn rhoi opsiwn i sefydlu cyfrif gyda chwmni tacsi a fydd yn anfonebu'r corff ariannu'n uniongyrchol. Gellir cael gafael ar ffurflenni cais am gyfrif tacsi drwy'r corff ariannu perthnasol.