Pecyn Cymorth i Fyfyrwyr sy'n Ofalwyr

• Chi yw’r gofalwr amser llawn ac yn gyfrifol am yr holl ddyletswyddau gofalu a'r cyfrifoldebau ar gyfer yr unigolyn hwnnw.
• Rydych chi'n fyfyriwr 'Cartref' (nid yw myfyrwyr o'r Undeb Ewropeaidd a myfyrwyr rhyngwladol yn gymwys ar gyfer y cymorth ariannol ond gallant gael mynediad at y cymorth bugeiliol a'r cymorth academaidd).
• Rydych chi wedi'ch cofrestru ar gwrs israddedig neu gwrs ôl-raddedig.
• Rydych chi'n fyfyriwr amser llawn neu'n fyfyriwr rhan-amser (*telir myfyrwyr rhan-amser ar sail pro rata).
• Sylwer y byddai'r dyletswyddau hyn yn ychwanegol at y cyfrifoldebau gofalu arferol a fyddai gan riant am blentyn dibynnol oni bai bod gan y plentyn dibynnol salwch difrifol, problem iechyd meddwl neu anabledd.

Bydd angen i chi ddarparul tystiolaeth wedi'i dyddio o fewn y 12 mis diwethaf i brofi eich statws gofalwr. Dylai hyn ymwneud â'ch cyfrifoldebau gofalu chi nid y person rydych chi'n gofalu amdano.

Gallai enghreifftiau gynnwys llythyr gan eich meddyg teulu neu weithwyr meddygol proffesiynol eraill, y sector gwirfoddol neu'r ysgol yn cadarnhau eich statws gofalwr. Mae'n rhaid bod y llythyr neu'r e-bost ar bapur pennawd a rhaid iddo gynnwys y canlynol:

• eich enw,
• pwy rydych chi'n gofalu amdano,
• cadarnhad mai chi yw'r prif ofalwr ar gyfer y person hwn,
• amlinelliad byr o'r gofal rydych chi'n ei roi

Gallwch hefyd ddefnyddio derbynneb Lwfans Gofalwr blaenorol.

Sylwer: Dim ond unwaith y bydd angen i chi ddarparu tystiolaeth os ydych chi'n parhau i gael mynediad at y cymorth i ofalwyr ar hyd eich astudiaethau. Os bydd eich cyfrifoldebau gofalu yn newid yn ystod eich astudiaethau, disgwylir i chi hysbysu Llesiant@BywydCampws am y newidiadau hyn.

E-bostiwch studentcarers.campuslife@abertawe.ac.uk i gael rhagor o wybodaeth am gyflwyno cais!

E-bostiwch studentcarers.campuslife@abertawe.ac.uk a rhoi gwybod i ni am eich sefyllfa. Efallai na fydd modd i chi gael mynediad at y pecyn y tro hwn, ond byddwn ni o hyd yn gallu cynnig cyngor ac arweiniad ymarferol i chi.

Yn y cyfamser, efallai y byddwch chi am ystyried datgelu eich sefyllfa fel gofalwr i naill ai'ch meddyg teulu neu'r Gwasanaethau Cymdeithasol. Byddai'r rhan fwyaf o feddygfeydd teulu yn croesawu eich datgeliad ac mae gan y rhan fwyaf gymorth a chyngor ar gael i ofalwyr.

Hyd yn oed os nad ydych chi'n meddwl y byddech chi'n gymwys am gymorth ariannol gan y Gwasanaethau Cymdeithasol, gallwch wneud cais am asesiad gofalwr, a allai gynnwys opsiynau am gymorth nad yw'n ariannol. Mae'r GIG yn argymell y dylech chi siarad â'ch meddyg teulu a/neu'r Gwasanaethau Cymdeithasol, a sylwer y byddwn ni'n ystyried ceisiadau'n hwyrach yn y flwyddyn academaidd pan fyddwch yn gallu darparu tystiolaeth. Gweler cyngor y GIG  i ofalwyr am ragor o wybodaeth a dolenni i gymorth pellach.

Mae'r brifysgol yn cydnabod y gall fod gan fyfyrwyr  gyfrifoldebau gofalu dros dro ar ryw adeg yn ystod eu hastudiaethau. Gallai hyn fod oherwydd bod aelod o'r teulu wedi cael damwain, derbyn diagnosis o salwch neu’n cael triniaeth ac mae angen i'r myfyriwr gymryd cyfrifoldebau gofalu ychwanegol am gyfnod byr wrth i’r unigolyn wella.

Mae croeso i fyfyrwyr â chyfrifoldebau gofalu dros dro gyflwyno cais am y Pecyn Cymorth i Fyfyrwyr sy'n Ofalwyr. Bydd ceisiadau'n cael eu hasesu fesul achos.  Caiff y ceisiadau hyn eu hadolygu bob 6 mis, fodd bynnag, os bydd eich amgylchiadau'n newid, gofynnwn i chi roi gwybod i'r tîm.

Gallai eich cais am y Pecyn Cymorth i Fyfyrwyr sy'n Ofalwyr gymryd hyd at 5 niwrnod gwaith a gall fod yn hirach ar adegau prysur.

Wrth gyflwyno cais am y fwrsariaeth, gall gymryd hyd at 10 niwrnod gwaith i dîm Arian@BywydCampws brosesu eich cais.

Bydd angen i chi ddarparu tystiolaeth o'ch statws fel gofalwr unwaith yn unig os byddwch chi'n parhau i gael mynediad at y pecyn drwy gydol eich astudiaethau.

Nid oes angen i chi ailgyflwyno cais am y Pecyn Cymorth i Ofalwyr ond y myfyriwr sy'n gyfrifol am hysbysu'r Brifysgol os bydd unrhyw newidiadau yn ystod y flwyddyn.