Beichiogrwydd Myfyrwyr

Dylech chi ddweud wrth eich Tiwtor Personol a Thîm Cymorth Myfyrwyr y Gyfadran cyn gynted ag y gallwch. Byddant yn sicrhau eich bod chi'n gwbl ymwybodol o'r cymorth sydd ar gael i chi, gan gynnwys cydlynu unrhyw asesiadau risg sy'n ofynnol a gweithio drwy gynllun cymorth personol gyda chi.

Gallwch gael rhagor o fanylion am gysylltu â Thîm Gwybodaeth/Profiad Myfyrwyr eich Cyfadran ar ein tudalen we bwrpasol.

Am ragor o wybodaeth, cyngor ac arweiniad ar feichiogrwydd, ewch i brif wefan y GIG neu  wefan Better Health Start for Life y GIG, sy'n wefan bwrpasol i rieni newydd.

Mae'r risg fwyaf i'ch baban yn ystod yr 13 wythnos gyntaf o'ch beichiogrwydd. Rydym yn argymell felly eich bod yn dweud wrth y Brifysgol cyn gynted â phosib, fel y gellir cwblhau asesiad risg. Hyd yn oed os nad ydych yn siŵr a ydych yn mynd i barhau â'r beichiogrwydd, gallai fod yn fuddiol cynnal asesiad risg er eich iechyd a'ch diogelwch chi.

Am ragor o wybodaeth, cyngor ac arweiniad ar feichiogrwydd, ewch i brif wefan y GIG neu'r sefydliad allanol Brook i gael help a chyngor ar eich opsiynau.

Os nad ydych chi wedi penderfynu a fyddwch chi neu'ch partner yn parhau â'r beichiogrwydd, y peth gorau fyddai ceisio gwybodaeth ychwanegol i gefnogi eich penderfyniad.

Gallai cyfarfod ag aelod o dîm Llesiant@BywydCampws fod yn fuddiol, er mwyn trafod hyn. Gallwch chi gysylltu â'r Swyddogion Bywyd Myfyrwyr yn BywydCampws sy'n gallu helpu i gadarnhau pa gymorth sydd ar gael i chi yn y Brifysgol a'r tu hwnt iddi. Anfonwch e-bost i welfare.campuslife@abertawe.ac.uk a bydd aelod o'r tîm yn cysylltu.

Fel arall, mae'r sefydliad canlynol, Brook, yn cynnal gwasanaethau iechyd a lles rhywiol ledled y DU, ac mae ganddo dudalennau gwe pwrpasol ar gyfer archwilio eich opsiynau.

Yn lleol, mae Canolfan Keyhope yn Abertawe yn cynnig cymorth cyn ac ar ôl erthyliad, camesgoriad a marw-enedigaethau.

Hefyd, mae'r Gwasanaeth Cynghori am Feichiogrwydd a gynhelir gan y bwrdd iechyd lleol.

Na fydd, ni fydd rhaid i chi adael y Brifysgol na gohirio'ch cwrs oherwydd eich bod yn feichiog. Efallai y bydd angen asesu’r risg wrth barhau â’ch cwrs a darparu cyngor, arweiniad a chymorth priodol. Mae hyn yn dibynnu ar ofynion a natur y cwrs a'ch amgylchiadau personol chi.

Os ydych chi'n astudio cwrs lle mae angen gweithgarwch corfforol, neu lle byddwch chi'n dod i gysylltiad â chemegion neu ymbelydredd, bydd angen ystyried hyn fel rhan o asesiad risg.

Gweler cwestiynau 1 and 2.  

Mae hawl gennych i gael amser i ffwrdd yn ystod eich beichiogrwydd. Bydd angen trafod hyd y cyfnod hwn â'ch cyfadran oherwydd gallai fod goblygiadau i'ch astudiaethau academaidd. E-bostiwch dîm Gwybodaeth/Profiad Myfyrwyr y Gyfadran  yn uniongyrchol i drafod hyn.

Os ydych chi ar fin cael babi yn agos at ddyddiadau cau aseiniadau/cyfnodau arholiadau neu yn ystod y cyfnodau hyn ac rydych chi am gwblhau'r gwaith, bydd angen trafod hyn â'ch cyfadran. Byddant yn trafod yr effeithiau posib ar eich astudiaethau a'ch opsiynau gan gynnwys y cymorth a all fod ar gael i chi.

E-bostiwch dîm Gwybodaeth/Profiad Myfyrwyr eich Cyfadran yn uniongyrchol i drafod eich opsiynau.

Nid yw beichiogrwydd yn amgylchiadau esgusodol, a disgwylir i chi baratoi ar gyfer eich asesiadau a'ch arholiadau yn ôl yr arfer. Fodd bynnag, os bydd cymhlethdodau, neu os bydd eich iechyd yn amharu ar eich astudiaethau academaidd, byddem yn eich cynghori'n gryf i ddilyn Polisi Amgylchiadau Esgusodol y Brifysgol.. Y peth gorau fyddai trafod hyn â thîm Gwybodaeth/Profiad Myfyrwyr eich Cyfadran cyn gynted â phosib fel y gellir trafod y cymorth sydd ar gael i chi. 

Fel arall, gallwch chi e-bostio welfare.campuslife@abertawe.ac.uk gydag unrhyw gwestiynau ychwanegol a allai fod gennych ynghylch eich beichiogrwydd a'ch opsiynau.

Os ydych yn parhau i astudio ar ôl i'ch baban gael ei eni, bydd gennych hawl i gymryd absenoldeb mamolaeth yn dilyn genedigaeth eich plentyn. Bydd hyd yr absenoldeb hwn yn dibynnu ar eich amgylchiadau personol a natur eich cwrs. Bydd y Brifysgol yn gweithio gyda chi i gytuno ar ddyddiad addas i ddychwelyd i astudio.

Gallwch gael rhagor o fanylion am gysylltu â Thîm Gwybodaeth/Profiad Myfyrwyr eich Cyfadran ar ein tudalen we bwrpasol.

Am ragor o wybodaeth, cyngor ac arweiniad ar feichiogrwydd, ewch i brif wefan y GIG neu wefan Better Health Start for Life y GIG, sy'n wefan bwrpasol i rieni newydd.

Gan ddibynnu ar eich sefyllfa, mae'n bosib y bydd gennych hawl i fudd-daliadau mamolaeth yn ystod eich beichiogrwydd.

E-bostiwch Arian@BywydCampws am ragor o wybodaeth am gyllid a chymorth ariannol y gallech chi fod yn gymwys i'w derbyn.

Am wybodaeth gyffredinol am help a chostau Gofal Plant, mae MoneyHelper yn wasanaeth am ddim a ddarperir gan y Gwasanaeth Arian a Phensiynau, wedi'i gefnogi gan y Llywodraeth, i'ch helpu chi i ganfod ffordd drwy'r broses o baratoi am deulu. Mae ganddynt dudalennau gwe pwrpasol ar opsiynau gofal plant a fforddiadwyedd.

Mae Undeb y Myfyrwyr yn rhedeg Meithrinfa Ddydd ar Gampws Parc Singleton sy'n cynnig gwasanaeth gofal plant o safon a fforddiadwy i blant rhwng 3 mis ac 8 oed. Mae'r galw'n uchel iawn ac mae rhestr aros.

Am ragor o wybodaeth am y feithrinfa ar y campws, e-bostiwch  nursery@swansea-union.co.uk.

Yn ogystal, mae amrywiaeth o opsiynau gofal plant yn y gymuned. Ewch i wefan Cyngor Abertawe i gael rhagor o wybodaeth i rieni a gofalwyr am eich opsiynau.

I gael gwybodaeth benodol am opsiynau gofal plant yn Abertawe, mae cyngor defnyddiol i'w gael ar y dudalen we hon.

Fel arall, gallwch chi gysylltu â'r Gwasanaeth Gwybodaeth i Deuluoedd fel man cychwyn ar gyfer unrhyw ymholiadau ynghylch cefnogi eich teulu. 

I gael gwybodaeth gyffredinol am help a chostau Gofal Plant, mae MoneyHelper yn wasanaeth am ddim a ddarperir gan y Gwasanaeth Arian a Phensiynau, wedi'i gefnogi gan y Llywodraeth, i'ch helpu chi i ganfod ffordd drwy'r broses o baratoi am deulu. Mae ganddynt dudalennau gwe pwrpasol ar opsiynau gofal plant a fforddiadwyedd.

Gall myfyrwyr cartref fod yn gymwys i dderbyn grantiau ychwanegol a/neu gymorth ariannol ychwanegol i helpu i dalu am gostau gofal plant. E-bostiwch Arian@BywydCampws am ragor o wybodaeth.

Os ydych chi wedi sylweddoli eich bod chi'n feichiog wrth astudio dramor, rydyn ni'n eich annog i ddweud wrth y Brifysgol cyn gynted â phosib. Bydd hyn yn helpu i sicrhau bod cynlluniau priodol yn cael eu rhoi ar waith i gefnogi eich iechyd a'ch diogelwch chi a'r baban.

Bydd y Brifysgol yn cydweithio â darparwr y lleoliad i sicrhau bod asesiad risg yn cael ei gwblhau er mwyn cadarnhau ei bod yn ddiogel o hyd i chi astudio.

Gallwch gael rhagor o fanylion am gysylltu â Thîm Gwybodaeth/Profiad Myfyrwyr eich Cyfadran ar ein tudalen we bwrpasol.

Mae'n bwysig eich bod chi'n ymwybodol o unrhyw oblygiadau mewnfudo neu eraill o fod yn feichiog, cyn gynted â phosib. E-bostiwch international.campuslife@abertawe.ac.uk er mwyn iddynt roi gwybod i chi am y rhain.

Os nad oes rhwydwaith cefnogaeth gyda chi yn y DU, efallai y bydd yn well gennych chi ddychwelyd adref ar gyfer yr enedigaeth. Cofiwch na fydd y rhan fwyaf o gwmnïau hedfan yn derbyn teithwyr sy'n 7 mis yn feichiog neu'n fwy, felly sicrhewch eich bod chi'n ystyried hyn wrth gynllunio.

Mae Rhyngwladol@BywydCampws wedi creu tudalennau cyngor penodol, gan gynnwys canllaw pwrpasol ar gyfer Teuluoedd Rhyngwladol y gallwch chi ei lawrlwytho ar ffurf PDF.

Mae ganddynt ganllaw pwrpasol hefyd ar gyfer Beichiogrwydd a Mamolaeth: Myfyrwyr rhyngwladol. 

Bydd Prifysgol Abertawe yn caniatáu i fyfyrwyr sy'n bartneriaid mamau newydd gymryd absenoldeb rhiant.

Byddem yn eich cynghori i gysylltu â thîm Gwybodaeth/Profiad Myfyrwyr eich Cyfadran am ragor o gymorth ac arweiniad ar hyn.

Mae gan Better Start for Life y GIG dudalen we bwrpasol sy'n rhoi cyngor i bartneriaid a fydd yn helpu wrth ystyried eich opsiynau.

Os bydd y derbynfeydd ar gau, gall y tîm Diogelwch roi mynediad i ystafell briodol lle bo angen.

Os byddwch chi'n dioddef trallod colli baban yn ystod beichiogrwydd, genedigaeth neu'n fuan wedi hynny, mae'n bwysig i chi a'ch partner gael cymorth priodol yn ystod yr amser anodd hwn. 

Gallwch chi gysylltu â'r Swyddogion Bywyd Myfyrwyr yn BywydCampws sy'n gallu helpu i gadarnhau pa gymorth sydd ar gael i chi yn y Brifysgol a'r tu hwnt iddi.

E-bostiwch welfare.campuslife@abertawe.ac.uk a bydd aelod o'r tîm yn cysylltu.

Cymorth ychwanegol

• Mae gan yr elusen feichiogrwydd yn y DU, Tommy's, wybodaeth a chymorth helaeth am golli babi ar ei gwefan.
• Mae'r GIG hefyd yn cynnwys yr hyn sy'n digwydd pan fydd beichiogrwydd yn mynd o chwith, gan gynnwys cymorth ac arweiniad ychwanegol.
• Mae Ymddiriedolaeth Lullaby yn cynnig cymorth profedigaeth cyfrinachol i bobl y mae marwolaeth sydyn neu annisgwyl baban neu blentyn ifanc yn effeithio arnynt.
• Yn lleol, mae canolfan Keyhope yn Abertawe yn cynnig cymorth cyn ac wedi erthyliad, camesgoriad a marw-enedigaeth.

• Mewn perthynas â'r effeithiau ar eich astudiaethau, eichTiwtor Personol a Thîm Cymorth Myfyrwyr eich cyfadranyw'r bobl orau i roi cyngor. Bydd y rhain yn sicrhau eich bod yn hollol ymwybodol o'r cymorth sydd ar gael i chi, yn creu cynllun cydgysylltiedig ac yn trefnu asesiad risg. 
  
  
• Gall tîm Llesiant@BywydCampws helpu gydag unrhyw gwestiynau a allai fod gennych ynghylch eich beichiogrwydd a'ch opsiynau. Anfonwch e-bost atom a byddwn yn hapus i helpu campuslife@abertawe.ac.uk.
  
  
• Mae'r Gwasanaeth Gwrando a gynhelir gan Ffydd a Chymuned@BywydCampws yn cynnig clust gyfeillgar a chyfrinachol i unrhyw un y mae ei hangen arno. Does dim rhaid bod gennych broblem neu bryder penodol, weithiau mae'n dda siarad â rhywun. Gellir cael y sgyrsiau hyn dros y ffôn, dros alwadau fideo neu wyneb yn wyneb, beth bynnag sydd fwyaf cyffyrddus i chi. Os hoffech chi siarad ag aelod penodol o'r tîm, nodwch bwy yw hynny pan fyddwch chi'n cysylltu â ni Listeningservice.campuslife@abertawe.ac.uk.

• Mae gan dîm MyfyrwyrRhyngwladol@BywydCampwsganllaw pwrpasol ar gyfer Beichiogrwydd a Mamolaeth: Myfyrwyr Rhyngwladolsy'n cynnwys amrywiaeth eang o bethau i'w hystyried pan fyddwch chi'n cael gwybod eich bod chi'n feichiog. Mae'n ddefnyddiol i bobl eraill, nid dim ond myfyrwyr rhyngwladol, felly rhowch gipolwg arno!

Mae amrywiaeth eang o gymorth ar gael i fenywod sy'n feichiog neu'n cefnogi partner/ffrind gyda beichiogrwydd. Nid yw hyn yn rhestr gynhwysfawr ond ychydig o opsiynau byddem ni'n eich cyfeirio atynt.

• Rydym yn argymell yn gryf eich bod chi'n cysylltu’n rheolaidd â'ch bydwraig neu'ch meddyg yn ystod eich beichiogrwydd. Dylech chi gysylltu ag un cyn gynted ag y byddwch chi'n cael gwybod eich bod chi'n feichiog i drefnu gofal beichiogrwydd (cyn genedigaeth).
• Mae gan wefan y GIG lawer o gyngor a chanllawiau am holl gamau beichiogrwydd, gan gynnwys gwefan bwrpasol i rieni, NHS Better Health Start for Life.
  
• Mae'r elusen feichiogrwydd Tommy's yn cynnig hyb gwybodaeth a arweinir gan fydwragedd ar gyfer popeth mae angen i chi ei wybod am eich beichiogrwydd.
  
• Yn ogystal, mae sefydliadau allanol megis Brook, ar gyfer help a chyngor am eich beichiogrwydd a'ch opsiynau.