Mae’r dudalen hon yn cynnwys yr wybodaeth a’r adnoddau y bydd eu hangen arnoch chi i’ch helpu i ymgysylltu’n effeithiol â’ch astudiaethau. Ewch hefyd i dudalennau Bywyd Academaidd y Brifysgol i gael rhagor o wybodaeth fanwl am ystod ehangach o bynciau.
Ewch i’n tudalen Cymorth Academaidd.
Gwybodaeth am Fodiwlau ac Amserlenni
Gallwch chi ddod o hyd i’ch amserlenni a’ch llawlyfrau sy’n cynnwys manylion llawn y modiwlau yn eich rhaglenni ar Fewnrwyd y Coleg.
Mae hyn yn cynnwys manylion asesu llawn ar gyfer pob modiwl sy’n dangos a fydd y marciau terfynol yn seiliedig ar arholiadau, asesu parhaus neu gymysgedd o’r ddau.
Gwybodaeth Asesu
Canvas yw’ch porth ar-lein i gael mynediad at ddeunyddiau dysgu ar gyfer y modiwlau rydych chi’n eu hastudio. Gallwch chi gael mynediad yma i nodiadau darlith, aseiniadau gwaith cwrs, cyflwyno gwaith a chael mynediad at adborth a llawer mwy.
Sut galla i gael gwybod pryd mae dyddiadau cau fy asesiadau?
Bydd Cydlynydd eich Modiwl yn rhoi gwybod ichi drwy Canvas, e-bost a/neu yn ystod darlithoedd pryd bydd dyddiadau cau’r asesiadau. Ceir hefyd Galendr Asesu ar Fewnrwyd y Coleg. Dewiswch eich modiwlau neu teipiwch eich rhif myfyriwr i weld calendr sy’n dangos eich aseiniadau a’ch dyddiadau cau ar gyfer y semester.
Pryd galla i ddisgwyl derbyn marciau fy ngwaith cwrs?
Fel arfer, bydd marciau ac adborth aseiniadau gwaith cwrs yn cael eu rhyddhau dair wythnos waith ar ôl y dyddiad cyflwyno.
Alla i gael estyniad ar gyfer dyddiad cau fy ngwaith cwrs?
Os byddwch chi’n mynd yn sâl neu’n dioddef amgylchiadau sy’n effeithio ar eich gallu i gwblhau’ch gwaith, hwyrach y byddwch chi’n gymwys i gyflwyno Ffurflen Amgylchiadau Esgusodol sy’n gofyn i’r Brifysgol ystyried eich amgylchiadau a chaniatáu’r achos priodol o estyniad/eithrio.
Beth sy’n digwydd os bydda i’n cyflwyno fy ngwaith cwrs yn hwyr?
Mae gan y Coleg Peirianneg bolisi dim goddefgarwch tuag at waith a gyflwynir yn hwyr. Os byddwch chi’n cyflwyno’n hwyr heb Ffurflen Amgylchiadau Esgusodol cymeradwy, ni fyddwch chi’n derbyn yr un marc.
Sut galla i wirio fy marciau?
Bydd eich Cydlynwyr Modiwlau’n anfon atoch chi farciau dros dro gwaith cwrs ynghyd ag adborth drwy gydol y flwyddyn. Dros dro yw’r holl farciau arholiadau a gwaith cwrs hyd nes y bydd Byrddau Dilyniant Arholiadau neu Ddyfarniadau’r Brifysgol a gynhelir ym mis Mehefin/Gorffennaf ac ym mis Awst/Medi yn eu cadarnhau fel rhai terfynol. Bydd marciau terfynol a’ch marciau cyffredinol terfynol a gadarnhawyd ar gyfer pob modiwl yn cael eu cyhoeddi ar eich proffil myfyriwr ar y Fewnrwyd.
Ewch i’n tudalen Cwestiynau Cyffredin am Amserlenni Addysgu i gael esboniad manwl am yr amserlenni addysgu a’r atebion i’r cwestiynau a ofynnir amlaf.
Mae gan y Brifysgol dri chyfnod arholi swyddogol bob blwyddyn ar gyfer rhaglenni sy’n dechrau ym mis Medi:
|
Ionawr - Asesiadau Amgen Ar-lein Semester 1 |
4ydd hyd 22ain Ionawr 2021 |
|
Mai – Mehefin - Asesiadau Amgen Ar-lein Semester 2 |
10fed Mai – 4ydd Mehefin 2021 |
|
Awst – Asesiadau Amgen Ar-lein Atodol (Ailsefyll arholiadau a/neu rai a ohiriwyd) |
9fed - 27ain Awst 2021 |
Dylech chi ofalu eich bod ar gael ar gyfer yr holl ddyddiadau arholi, gan gynnwys Cyfnod Asesu Atodol mis Awst. Hyd yn oed os nad ydych chi’n disgwyl ailsefyll arholiadau, hwyrach y bydd gennych chi arholiadau a ohiriwyd o ganlyniad i salwch neu amgylchiadau esgusodol eraill.
Ar gyfer cyfnodau arholi rhaglenni sy’n dechrau ym mis Ionawr, ewch i dudalen we ’Dyddiadau Semestrau a Thymhorau’r Brifysgol.
Arholiadau ac Asesiadau
Beth dylwn i ei wneud os bydd problem o ran fy amserlen asesu?
Os byddwch chi’n dod o hyd i broblem o ran eich amserlen arholi, rhowch wybod yn syth i engoffice@abertawe.ac.uk. Hwyrach bod modiwl ar goll, mae modiwl a restrir nad ydych chi wedi cofrestru ar ei gyfer neu ceir gwrthdaro. Ni waeth beth fo’r broblem, rhowch wybod amdani’n syth.
Beth sy’n digwydd os na alla i gwblhau arholiad/asesiad wyneb yn wyneb neu ar-lein?
Dylech chi roi gwybod i’r Tîm Gwybodaeth i Fyfyrwyr yn syth drwy e-bostio engoffice@abertawe.ac.uk.
Beth sy’n digwydd os bydda i’n sâl yn ystod arholiad wyneb yn wyneb?
Rhowch wybod i’r Goruchwyliwr cyn gynted â phosibl. Bydd yn cofnodi’ch salwch ac yn eich helpu chi. Ar ôl i’r arholiad orffen, cysylltwch â’r Tîm Gwybodaeth i Fyfyrwyr drwy e-bostio engoffice@abertawe.ac.uk er mwyn trafod opsiwn gohirio’ch arholiad.
Alla i sefyll fy arholiad/asesiad amgen ar-lein rywbryd arall?
Os ydych chi’n mynd yn sâl neu’n dioddef amgylchiadau eraill sy’n effeithio ar eich gallu i sefyll eich arholiad, hwyrach y bydd yn bosibl ichi ohirio eich arholiad/asesiad amgen ar-lein tan ddyddiad diweddarach. Cysylltwch â’r Tîm Gwybodaeth i Fyfyrwyr drwy e-bostio engoffice@abertawe.ac.uk
Pryd bydd canlyniadau’r arholiadau’n cael eu rhyddhau?
Bydd canlyniadau’r arholiadau a’ch marciau cyffredinol terfynol a gadarnhawyd ar gyfer pob modiwl yn cael eu cyhoeddi ar eich proffil ar y Fewnrwyd.
Marciau dros dro modiwlau Semester 1: Mis Chwefror
Marciau terfynol modiwlau Semester 1 a 2: Mis Gorffennaf
Marciau terfynol asesiadau atodol: Mis Medi
Dros dro yw’r holl farciau arholiadau a gwaith cwrs hyd nes y bydd Byrddau Dilyniant Arholiadau’r Brifysgol a gynhelir ym mis Mehefin/Gorffennaf ac ym mis Awst/Medi bob blwyddyn academaidd yn eu cadarnhau fel rhai terfynol.
Mae gan y Brifysgol dudalen we Monitro Ymgysylltu ddefnyddiol iawn sy’n esbonio’r polisïau a’r arferion perthnasol mewn perthynas â monitro ymgysylltu a phresenoldeb yn y Brifysgol.
Os oes cwestiynau gennych chi, cysylltwch â’r Tîm Gwybodaeth i Fyfyrwyr.
Beth yw camymddygiad academaidd?
Camymddygiad academaidd yw gweithred pan fydd myfyriwr yn cael mantais nad oes ganddo hawl iddi, naill ai iddo’i hun neu i rywun arall. Gall hyn fod yn berthnasol i unrhyw fath o waith a asesir gan gynnwys:
Arholiad ffurfiol
Darn o waith cwrs
Unrhyw fath o asesu yr ymgymerir ag ef ar drywydd cymhwyster academaidd neu broffesiynol ym Mhrifysgol Abertawe. Gellir cyflawni camymddygiad academaidd ar sail unigol neu grŵp.
Ceir mathau gwahanol o gamymddygiad academaidd gan gynnwys:
Llên-ladrad – diffinnir llên-ladrad fel defnyddio gwaith unigolyn arall heb ei gydnabod, a'i gyflwyno i'w asesu fel pe bai'n waith a gynhyrchwyd gennych chi; er enghraifft, trwy gopïo neu aralleirio heb gydnabod. Llên-ladrad yw hyn ni waeth a yw’n fwriadol neu’n anfwriadol.
Gall cyfeirnodi gwael eich arwain i lên-ladrata gwaith rhywun arall yn anfwriadol.
Cydgynllwynio – diffinnir cydgynllwynio fel dau neu fwy o fyfyrwyr (neu rywrai eraill) yn cydweithio i gael mantais annheg heb ganiatâd ymlaen llaw, gan gyflwyno’r un darn neu ddarn o waith tebyg ac yna geisio cyflwyno’r gwaith hwn fel eu gwaith eu hun yn gyfan gwbl.
Comisiynu – diffinnir comisiynu fel talu am ddarn o waith, neu drefnu i rywun arall i’w gynhyrchu, sydd yna’n cael ei gyflwyno i'w asesu fel pe bai'n waith y myfyriwr.
Pa gyngor a chymorth sydd ar gael ar gyfer camymddygiad academaidd?
Mae hyfforddiant ar-lein ar gael yn Adran 3 cwrs Llwyddiant Academaidd: Sgiliau ar gyfer dysgu, Sgiliau ar gyfer Bywyd ar Canvas.
Ewch i dudalen gymorth Camymddygiad Academaidd y Brifysgol i ddod o hyd i wybodaeth fanwl am y prosesau sy’n gysylltiedig â Chamymddwyn Academaidd.
Mae rhagor o gyngor a chymorth ar gael gan Ganolfan Gyngor Undeb y Myfyrwyr ar lawr cyntaf adeilad Undeb y Myfyrwyr (Campws y Bae) neu lawr gwaelod Tŷ Fulton (Campws Singleton). Gallwch chi ebostio advice@swansea-union.co.uk neu ffoniwch 01792 295821.
Beth yw goblygiadau posibl camymddygiad academaidd?
Mae’r Brifysgol yn ystyried camymddygiad academaidd yn fater difrifol iawn a gall gael effaith andwyol ar eich canlyniadau. Yn yr achosion hynny pan fydd camymddygiad academaidd yn cael ei gadarnhau, gallai arwain at un o’r canlynol:
