Therapi Galwedigaethol

Mae'r tîm addysgu'n cynnwys therapyddion galwedigaethol cofrestredig cymwys a brwdfrydig HCPC ochr yn ochr â darlithwyr arbenigol eraill sydd ag ystod eang o wybodaeth broffesiynol i'w rhannu gyda chi.

Mae profiad y timau o therapi galwedigaethol mewn lleoliadau iechyd a gofal cymdeithasol neu’r gymuned ehangach yn darparu adnodd rhagorol i ddysgwyr ddatblygu dealltwriaeth o’r berthynas rhwng theori ac ymarfer.

Mae'r tîm yn arbenigwyr yn eu maes ac maent wedi ymrwymo i wella gwasanaethau therapi galwedigaethol ar lefel leol, genedlaethol a rhyngwladol trwy ymwneud â chymdeithasau cenedlaethol, cyhoeddiadau proffesiynol a rhannu gwybodaeth yn yr amgylchedd iechyd a gofal cymdeithasol ehangach.

Trwy gydol ein rhaglenni gradd mae'r Ysgol yn gweithio i ddarparu cyfleoedd i'n myfyrwyr yn yr Ysgol Iechyd a Gofal Cymdeithasol ac o'i chwmpas, gyda'n partneriaid yn y diwydiant ac yn cyfeirio at y cyfleoedd rhyngwladol sydd ar gael i chi. Ein ffocws i chi yw eich paratoi ar gyfer y byd gwaith. 

I gael gwybod am y cyfleoedd a gewch yn eich ysgol, edrychwch ar ein tudalen we cyfleoedd myfyrwyr a chyflogadwyedd. 

Fel myfyriwr ym Mhrifysgol Abertawe, byddwch yn cael y cyfle i ymgysylltu â diwydiant, cael y cyfle i fynd ar leoliad a chwblhau profiad gwaith, fel eich bod yn gwbl barod ar gyfer y byd gwaith pan fyddwch yn ein gadael. Hwylusir y broses hon gan Academi Cyflogadwyedd Abertawe (SEA) sy'n anelu at ddarparu cyngor gyrfaoedd a chyfleoedd cyflogaeth oll o dan yr un to. 

Gallwch gysylltu â Thîm Academi Cyflogadwyedd Abertawe yma.   

Byddwch yn cael Mentor Academaidd a fydd yn un o gronfa o bersonél hyfforddedig sy’n aelodau staff academaidd yr Ysgol Feddygaeth, neu staff clinigol o Fyrddau Iechyd ar gyfer Meddygaeth i Raddedigion a Chydymaith Meddygol. 

Y Mentoriaid Academaidd yw eich pwynt cyswllt cyntaf tra’n astudio yn yr Ysgol Feddygaeth a gallant roi cymorth ac arweiniad ar faterion amrywiol a allai effeithio ar eich lles, eich presenoldeb a’ch cynnydd academaidd. Gall Mentoriaid Academaidd hefyd eich helpu wrth gynllunio datblygiad personol a rhoi cyngor ar yrfaoedd.  Gall eich mentor hefyd eich cyfeirio at wasanaethau lles a gwasanaeth cymorth eraill fel y bo’n briodol.  

Yn ogystal â chymorth pwnc penodol gan staff addysgu'r coleg a'ch mentor academaidd personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

.