PASS (Cynllun Astudio â Chymorth Cymheiriaid)

Caiff myfyrwyr blwyddyn gyntaf ar fodiwlau dethol eu dosbarthu i grwpiau bach fesul pwnc (h.y. Peirianneg Fecanyddol etc). Bob wythnos, bydd pob grŵp yn cael sesiwn PASS, a hwylusir gan un neu ddau Arweinydd Myfyrwyr. Caiff y sesiynau PASS eu hamserlennu a rhaid eu cynnal yn ôl yr amserlen. 

Bydd Arweinwyr Myfyrwyr yn gweithio gyda James o'r Ganolfan Llwyddiant Academaidd i nodi agweddau penodol ar bynciau a allai fod yn arbennig o ddefnyddiol i weithio arnynt yn y sesiwn astudio.

Cyn sesiynau astudio, bydd arweinwyr myfyrwyr yn gwneud y canlynol:

• Cyfeirio at gynnwys y modiwl ac amserlen yr aseiniad.
• Paratoi ar gyfer pob sesiwn.
• Siarad â James Lewis

Yn ystod y sesiynau astudio, bydd arweinwyr myfyrwyr yn gwneud y canlynol:

• Hwyluso sesiwn astudio gyfeiriedig.
• Annog cydweithio a thrafodaeth.
• Cyflwyno strategaethau astudio da.
• Crynhoi'r sesiwn gyda'r grŵp ac amlinellu'r pwnc ar gyfer y sesiwn nesaf.

 Ar ôl y sesiynau astudio, bydd arweinwyr myfyrwyr yn gwneud y canlynol:

• Rhoi adborth i James Lewis.
• Cadw mewn cysylltiad â'u grŵp astudio.
• Ymgysylltu â hyfforddiant parhaus neu sesiynau cymorth.
• Ysgrifennu adroddiad diwedd tymor byr.

Yr hyn a ddisgwylir gan Arweinwyr Myfyrwyr

• Ymrwymiad cadarn a dibynadwyedd. Ni fyddwn yn gallu parhau â'r penodiad i'r cynllun os bydd Arweinydd yn colli sesiynau astudio neu'n hwyr amdanynt yn rheolaidd.
• Paratoi mewn hyfforddiant ym mis Medi.
• Cynnal cyswllt priodol gyda James Lewis.
• Cynnal cyswllt priodol gyda Chyfarwyddwr perthnasol y Modiwl.

Bydd Arweinwyr Myfyrwyr yn cael y canlynol

• Hyfforddiant diddorol a chefnogol.
• Llyfryn hyfforddiant a chanllaw adnoddau.
• Llawer o gefnogaeth drwy gydol y cynllun.
• Cofrestru ar safle Canvas, fel bod gennych fynediad at ddeunyddiau'r dosbarth.

Mae Arweinwyr Myfyrwyr PASS mewn ysgolion eraill yn y Brifysgol yn dweud bod hyn yn brofiad gwych. Pan holwyd Arweinwyr PASS blaenorol, dywedodd:

• 85% ei fod wedi'u gwneud yn well gyfathrebwr
• 90% ei fod wedi gwella eu sgiliau arwain
• 80% ei fod wedi dysgu sgiliau sy'n berthnasol mewn meysydd bywyd eraill wrthynt
• 85% ei fod wedi gwella ei hyder wrth siarad o flaen pobl eraill

Isod, mae nodiadau ychwanegol gan Arweinydd PASS am eu profiad:

Roedd bod yn Arweinydd PASS yn brofiad gwych. Y peth pwysicaf a ges i oedd bod yn fwy cyffyrddus yn siarad o flaen pobl.. At hynny, mae'r holl brofiad wedi fy helpu i  wella fy sgiliau trefnu   a dysgu sut i weithio fel  rhan o dîm. Rwyf bob amser wedi bod yn funud olaf am bethau. Er hyn, roedd bod yn rhan o PASS wedi dangos i mi mai gwneud y gwaith o flaen llaw oedd orau. Mae cael sesiwn lwyddiannus PASS yn rhoi ymdeimlad o lawenydd a hapusrwydd i mi, bob tro.'

‘Byddwn yn argymell PASS i bawb. Roedd yn ddefnyddiol iawn, iawn, am sawl rheswm. Yn gyntaf, roedd helpu myfyrwyr a'u gweld yn gwella gyda'u hastudiaethau yn brofiad gwych; Sylwais i ar welliant amlwg drwy gydol y flwyddyn. Gwnaeth hefyd fy ngalluogi i ddatblygu ymarfer astudio newydd ar gyfer fy ngwaith fy hun. Yn ail, mae'n gyfle da i gwrdd â phobl newydd, rhyngweithio a dod i adnabod eraill. Yn drydydd, mae'n dda iawn ar gyfer y CV ac mae'n rhywbeth a fydd yn eich gwneud chi'n unigryw, mewn gyrfa neu astudiaethau pellach.'