EICH LLAIS, EICH CYMUNED

Fel myfyriwr yn Abertawe, rydych chi'n rhan o sawl cymuned yn awtomatig - a'ch penderfyniad chi yw sut rydych chi'n dymuno bod yn rhan o'r rhain.

Mae eich cymunedau myfyrwyr yn rhan allweddol o'r ffordd rydym yn cyfathrebu â chi, er mwyn sicrhau eich bod yn cael cyfleoedd, digwyddiadau a gwybodaeth sy'n berthnasol ac yn ddiddorol.

Yn ogystal, mae'n ein galluogi i gyfeirio eich cwestiynau a'ch adborth at staff priodol. Archwiliwch y tabiau isod i ddysgu rhagor am bob cymuned, a'n hawgrymiadau gwych ar gyfer cymryd rhan yn y rhain.

Dyma'ch cymuned ehangaf, sy'n cynnwys holl aelodau Prifysgol Abertawe, gan gynnwys myfyrwyr, staff, ac yn aml aelodau o'r gymuned leol hefyd.

Cymerwch ran drwy...

• Ddarllen yr holl ddiweddariadau gan Gylchlythyr Myfyrwyr MyUni.
• Cadw llygad ar Galendr Digwyddiadau Undeb Myfyrwyr Abertawe am ddigwyddiadau yn yr ardal leol a chyfleoedd i gymryd rhan mewn digwyddiadau cymdeithasol Go!, sesiynau Bod yn Actif a digwyddiadau BywydCampws.
• Ymuno â grwpiau fel clybiau chwaraeon, cymdeithasau, gwirfoddoli Discovery a grwpiau cymunedol eraill.
• Ychwanegu adborth a syniadau at fwrdd Prifysgol Unitu ar gyfer yr hyn yr hoffech ei weld.

Bydd timau cymorth eich Cyfadran yn ymgysylltu â chi drwy gydol y flwyddyn i dynnu sylw at ddigwyddiadau, cyfleoedd a chynlluniau sy'n berthnasol i bob myfyriwr. 

Peidiwch â cholli'r cyffro…

• Byddwn yn postio am ddigwyddiadau ar Hyb Cymunedol eich Cyfadran ar Canvas ac yn rhoi nodiadau atgoffa yn ein cyfryngau cymdeithasol - cofiwch ddilyn y tîm Profiad Myfyrwyr @scienceengineering_community / @cymuned_gwyddoniaethpeirianneg ar Instagram er mwyn cael y diweddaraf am yr hyn sy'n digwydd bob wythnos!

Yn y Gyfadran, rydych yn perthyn i un o'n pedair Ysgol

• Ysgol y Biowyddorau, Daearyddiaeth a Ffiseg
• Yr Ysgol Peirianneg a Gwyddorau Cymhwysol
• Yr Ysgol Peirianneg Awyrofod, Gyffredinol, Sifil, Fecanyddol ac Electronig a Thrydanol
• Yr Ysgol Mathemateg a Chyfrifiadureg

Mae Arweinydd Academaidd gan bob Ysgol  (Partneriaid Profiad Myfyrwyr a Chynhwysoldeb) a'i rôl yw ymateb i adborth a godwyd gan Gynrychiolwyr eich pwnc a'ch Ysgol a datrys unrhyw faterion a godir. 

Byddwch yn rhagweithiol drwy gyflwyno eich syniadau a'ch adborth i gynrychiolwyr, neu drwy Fwrdd Unitu eich Ysgol.

Mae staff yr Adran a'r Rhaglen yn gweithio'n agos gyda myfyrwyr i gynnig cyfleoedd perthnasol am ddatblygu sy'n briodol ar gyfer eich rhaglen a byd gwaith.

Gwneud y gorau o'ch arbenigwyr…

• Cysylltwch â'ch Hyrwyddwyr Cyflogadwyedd am wybodaeth am sgyrsiau perthnasol am fyd diwydiant
• Cadwch lygad ar Hyb Canvas eich Adran am ddigwyddiadau a chymorth perthnasol
• Ewch i unrhyw fforymau gwrando’r adran neu sesiynau holi ac ateb, dilynwch gyfryngau cymdeithasol yr adran os yw'n berthnasol sy'n dweud wrthych y diweddaraf am yr hyn sydd wedi bod yn digwydd.

Rydyn ni wedi bod yma o'r blaen - ond rydyn ni'n gwybod nad ydych chi, ac mae eich cyfoedion yn eich grŵp blwyddyn yn gallu uniaethu! 

Boed yn ffrindiau yn eich llety neu ar eich rhaglen - mae'r gymuned hon yn un a fydd gyda chi o ddechrau eich gradd hyd at y diwedd.

Ar adegau, efallai bydd eich Tîm Profiad Myfyrwyr yn cynnal digwyddiadau a grwpiau ffocws sy'n benodol i'ch blwyddyn. Cadwch lygad am y cyfleoedd hyn i roi adborth.

Os oes gennych ddiddordeb mewn defnyddio'ch llais i gefnogi cymuned a phrofiad eich grŵp blwyddyn, ystyriwch ddod yn Gynrychiolydd Pwnc