Cynllun Bydi – Ewch ati i fod yn Fentor Cymheiriaid

Mae'r Cynllun Bydi'n cefnogi myfyrwyr sydd newydd gyrraedd Prifysgol Abertawe gan amlaf, a'i nod yw helpu myfyrwyr i wneud y canlynol:

• Cwrdd â phobl newydd
• Ymgartrefu yn Abertawe
• Cymryd rhan mewn digwyddiadau a gweithgareddau
• Cael cyngor gan fyfyrwyr ar lefel uwch

Fel Mentor Cymheiriaid, bydd gennych rôl allweddol wrth helpu myfyrwyr i ymgartrefu, ac wrth greu cymuned.

• Cael dyfarniad HEAR am eich amser
• Rhoi cymorth a chyngor i fyfyrwyr blwyddyn gyntaf
• Gwneud mwy o gyfraniad at ddigwyddiadau a gweithgareddau
• Datblygu eich sgiliau cyfathrebu ac arwain.

Ni fydd yn gofyn am lawer o'ch amser. Mae’r sesiwn hyfforddi er mwyn bod yn fentor yn para tua 2 awr, ac er mwyn cael cydnabyddiaeth ffurfiol am fentora, bydd angen i fentoriaid gwblhau a chofnodi cyfanswm o 6 awr yn gwneud gwaith sy’n gysylltiedig â mentora.

Ar hyn o bryd, mae'r Gyfadran yn recriwtio Mentoriaid Cymheiriaid i'r cynllun ar gyfer blwyddyn academaidd 2023/24. Er mwyn cofrestru, a wnewch chi gwblhau holiadur byr i ddatgan eich diddordeb mewn bod yn fentor.

Gofynnir i chi roi manylion eich cwrs a gwybodaeth am eich diddordebau.

Sut byddwn yn defnyddio'r wybodaeth hon?

Bydd Tîm Profiad y Myfyrwyr yn defnyddio eich gwybodaeth at ddibenion y cynllun mentora cymheiriaid yn unig. Caiff ei rhannu ag aelodau staff perthnasol y Brifysgol yn unig, yn ogystal â myfyrwyr eraill sydd wedi ymuno â'r cynllun mentora cymheiriaid am flwyddyn academaidd 2023/24.

Ar ôl cwblhau'r hyfforddiant yn llwyddiannus, byddwn yn defnyddio eich gwybodaeth am eich diddordebau i'ch cysylltu â grŵp o fyfyrwyr â diddordebau tebyg i'w mentora.

Os hoffech dynnu'n ôl o'r cynllun ar unrhyw adeg, rhowch wybod i ni drwy e-bostio StudentExperience-ScienceEngineering@abertawe.ac.uk

Hyfforddiant penodol i'r Gyfadran

Fel rhan o'ch holiadur, gofynnir i chi ddewis dyddiad i ddod i sesiwn hyfforddiant orfodol gyda Thîm Profiad y Myfyrwyr ac aelodau staff academaidd perthnasol.

Bydd y sesiwn hon yn amlinellu'r wybodaeth allweddol y bydd ei hangen arnoch am fod yn fentor a sut i gefnogi'r rhai rydych yn eu mentora.

Ni fyddwch yn gallu bod yn fentor heb gwblhau'r sesiwn hon.

Hyfforddiant ar-lein

Yn ogystal â'r uchod, cewch eich cofrestru ar fodiwl Canvas o'r enw: Dyfarniad HEAR Mentora Cymheiriaid SAILS.

Mae'r modiwl hwn yn adnodd ar-lein y byddwch yn gallu cyfeirio ato drwy gydol eich amser fel mentor. Mae hefyd yn rhoi arweiniad clir, a lle i chi gyflwyno eich cais am ddyfarniad HEAR Mentora Cymheiriaid SAILS.

Mae unrhyw fyfyriwr israddedig sy'n dechrau Blwyddyn 2 neu'n uwch ym mlwyddyn academaidd 2022/23 yn gymwys i gofrestru fel mentor. Bydd angen i bob myfyriwr sy'n cofrestru wneud y canlynol:

• Cwblhau'r hyfforddiant
• Cwblhau Gwiriad Hawl i Weithio
• Llofnodi'r Canllawiau Mentora Cymheiriaid

Os byddwch yn methu cwblhau pob un o'r uchod erbyn dechrau blwyddyn academaidd 2022/23, ni fyddwch yn gallu mentora myfyrwyr yn ystod y flwyddyn honno.