Tystysgrifau Sylfaen

1.1

Gellir dyfarnu Tystysgrif Sylfaen i gydnabod cwblhau yn llwyddiannus raglen astudio gymeradwy a fwriadwyd i alluogi ymgeiswyr i wneud y canlynol:

• Datblygu sgiliau meddwl a dadansoddi i’w cymhwyso i ystod o faterion;
• Dangos gallu i gyfathrebu yn glir a chywir mewn dull cryno, rhesymegol a pherthnasol;
• Dangos ehangder a dyfnder gwybodaeth mewn pwnc neu bynciau a gallu i drosglwyddo sgiliau a gwneud cysylltiadau.

2.1        

Cynigir rhaglenni Tystysgrif Sylfaen ar sail blwyddyn o astudio amser llawn (neu’r hyn sy’n cyfateb yn rhan-amser).

2.2        

Bydd gofyn i ymgeiswyr amser llawn fel rheol ddilyn yr hyn sy’n cyfateb i 120 credyd ar Lefel 3 mewn un flwyddyn academaidd.

2.3        

Bydd gofyn i ymgeiswyr rhan-amser fel rheol ddilyn yr hyn sy’n cyfateb i 60 credydar Lefel 3 mewn un flwyddyn academaidd. Ni chaniateir i ymgeiswyr rhan-amser fel rheol ddilyn mwy na 90 credyd na llai na 30 credyd mewn un flwyddyn academaidd.

2.4        

Caniateir i ymgeiswyr sydd yn dilyn rhaglenni Tystysgrif Sylfaen rhan-amser a gynigir gan yr Adran Addysg Barhaus i Oedolion ddilyn isafswm o 20 credyd mewn un flwyddyn academaidd.

2.5        

Bydd gofyn i ymgeiswyr gydymffurfio â rheoliadau atodol y mae disgwyl i Gyfadrannau/Ysgolion gynhyrchu sydd yn nodi strwythur y rhaglen, gan nodi’n glir pa rai yw’r modiwlau craidd a gofodol, ac a ganiateir modiwlau dethol.

3.1 

Rhaid i ymgeisydd ddilyn isafswm o 90 credyd ym Mhrifysgol Cymru Abertawe neu mewn sefydliad sy’n bartner dan ei reolaeth trwy gytundeb cydweithredu ffurfiol i fod yn gymwys am Dystysgrif Sylfaen.

4.1        

Dyma fydd uchafswm cyfnod ymgeisyddiaeth i fyfyrwyr sydd yn dilyn Tystysgrif Sylfaen:

• Modd amser llawn: dim mwy na dwy flynedd o gychwyn y rhaglen
• Modd rhan-amser: dim llai na dwy flynedd a dim mwy na thair blynedd o gychwyn y rhaglen.

4.2        

Gellir ymestyn y terfyn amser cyffredinol yn unol â’r rheoliadau a amlinellir yn rheoliad 27 y Rheoliadau Cyffredinol.

4.3        

Gellir gostwng y terfyn amser uchod pro rata ar gychwyn yr ymgeisyddiaeth gan y Gyfadran/Ysgol dan sylw lle derbyniwyd ymgeisydd i astudio gyda chredyd trosglwyddadwy, fel y’i disgrifir yn rheoliad 3.

5.1        

Caiff cynnydd ymgeisydd fel rheol ei asesu naill ai yn ystod modiwl a/neu yn y cyfnod yn syth wedi ei gwblhau.

5.2        

Caiff pob ymgeisydd ei fonitro gan Cyfadran/Ysgol priodol a'r Bwrdd Rheoliadau, Ansawdd a Safonau a phennir y dyfarniad gan y Bwrdd Dilyniant a Dyfarniadau'r Brifysgol.

5.3        

Bydd gofyn i ymgeiswyr gwblhau rhaglen astudio’r dystysgrif yn unol â’r rheoliadau ar gyfer dyfarnu credyd fel y’u hamlinellwyd yn Rheoliadau Asesu Israddedigion.

5.4     

40% fydd marc pasio modiwl.

6.1        

Ni fydd ymgeisydd a dderbynnir i raglen astudio tystysgrif ond na all, neu nas caniateir iddo, wedi hynny fwrw ymlaen i gwblhau yn gymwys am gymhwyster ymadael.

7.1        

Er mwyn bod yn gymwys i’w ystyried am gymhwyster o Brifysgol Abertawe, bydd yn rhaid i ymgeiswyr fod wedi gwneud y canlynol:

• Dilyn rhaglen astudio gymeradwy am y cyfnod a nodir gan y Brifysgol;
• Dilyn isafswm o 120 credyd ar Lefel 3 (neu yn uwch) ac eithrio yn ôl darpariaeth Adran 3 uchod;
• Ateb unrhyw amodau) pellach a fynnir gan y Coleg neu’r Brifysgol.

7.2      

Bydd ymgeisydd sydd yn cwblhau Tystysgrif Sylfaen yn llwyddiannus yn gymwys am gymhwyster Clod lle cafodd farc cyffredinol o 70% neu’n uwch (neu’r pwynt graddfa cyfatebol) ar gyfer y cymhwyster dan sylw.

8.1        

Dyfernir Tystysgrif Sylfaen i ymgeiswyr yn seremoni wobrwyo Prifysgol Abertawe.