Cyrraedd a’r Camau Nesaf

Am resymau Iechyd a Diogelwch, rhaid i bob gwestai sy'n aros dros nos gael ei gofrestru yma cyn iddo gyrraedd.

• Gall 1 ymwelydd dros 18 mlwydd oed aros dros nos gyda phob preswylydd, am hyd at uchafswm o 3 noson bob tymor.
• Ar gyfer myfyrwyr sy'n byw mewn ardal Un Rhyw, dylai gwesteion fod o'r un rhyw â’r preswylwyr (oni cheir caniatâd HOLL breswylwyr y fflat).
• Os byddwch chi’n gwahodd ffrindiau i ddod draw, sylwer bod yn rhaid i chi fod yn bresennol bob amser, a bydd disgwyl i chi gymryd cyfrifoldeb llawn am eu hymddygiad.
• Er eich diogelwch a’ch lles eich hun, rydym ni'n eich cynghori i beidio â dod â gwesteion i breswylfeydd oni bai eich bod yn eu hadnabod.
• Mae gan staff Diogelwch a Phreswylfeydd yr hawl i wrthod hawl gwesteion i aros dros nos a'u gorfodi i adael os nad ydynt yn ufuddhau i'r rheoliadau a amlinellir yn y ffurflen uchod.

Un o'r pethau pwysicaf i'w hystyried wrth fyw gyda phobl eraill yw lefelau sŵn. Mewn cymunedau mawr, bydd lefelau anochel o sŵn cefndirol, ond bydd ystyried eich cyd-drigolion a'ch cymdogion yn gwneud eich amser mewn preswylfeydd yn fwy pleserus i bawb. Os bydd lefelau sŵn yn tarfu arnoch chi, yn y lle cyntaf dylech chi siarad â'r rhai sy'n gyfrifol yn eich barn chi. Os yw sŵn yn tarfu arnoch chi o hyd, gallwch chi gysylltu â'r Tîm Bywyd Preswyl neu'r tîm Diogelwch.

Darperir dŵr poeth ar sail system galw a chyflenwi y bydd preswylwyr yn gallu ei defnyddio drwy gydol y flwyddyn.
Mae'r gwres canolog drwy'r preswylfeydd yn gweithredu ar sail system dymhorol felly bydd yn diffodd yn ystod y misoedd cynhesach ac yn gweithredu eto yn ystod y misoedd oerach.

• Mae’r tymheredd yn cael ei reoleiddio gan system synhwyrydd rheoli effeithlon sy'n effeithio ar y tymheredd mewnol. Mae'r gwres a gyflenwir i'r adeilad wedi'i gynllunio i fod yn gyfforddus, wrth gadw ynni.
• Mae rheiddiaduron yn darparu'r gwres ym mhob ystafell ac yn cael eu rheoli gan falf rheiddiadur thermostatig (TRV). Mae TRV yn falf hunanreoleiddiol i reoli'r tymheredd; Gallwch chi addasu'r TRV sydd wedi'i rifo 0-5 ar ochr pob rheiddiadur.
• I gadw eich ystafell mor gynnes â phosibl, caewch eich ffenestr pan fyddwch chi’n gadael yr ystafell.
• Peidiwch â defnyddio ffynonellau gwres ychwanegol fel gwresogyddion trydan gan y gallent achosi tân ac ymyrryd yn sylweddol â phrif system wresogi'r adeilad – gall defnyddio gwresogydd anfon neges i'r thermostat bod yr adeilad yn rhy gynnes, sy'n golygu bod y gwres canolog yn cael ei ddiffodd.

Mae eich diogelwch o’r pwys mwyaf i ni ac mae diogelwch trydanol yn bwysig iawn yn y llety. Rydym yn gofyn i chi ddilyn y canlynol:

• Os ydych yn dod â chyfarpar i'ch llety yn y Brifysgol, chi sy'n gyfrifol am sicrhau ei fod yn ddiogel o safbwynt trydanol ac yn addas ar gyfer systemau trydanol y DU.
• Caiff dyfeisiau trydanol sy'n rhoi gormod o straen ar y system drydanol neu yr ystyrir nad ydynt yn ddiogel neu'n addas i'w defnyddio eu symud a'u storio tan ddiwedd y flwyddyn.
• Y pŵer a gyflenwir yw 240v a rhaid defnyddio plygiau 3 phin.
• Peidiwch â gorlwytho socedi na chysylltu mwy nag un addasydd trydanol. Caniateir un addasydd â sawl soced i'w ddefnyddio gyda chyfarpar watedd isel yn unig, megis cyfrifiadur ac argraffydd, ym mhob ystafell. Gweler Atodiad A a B.
• Ni ellir defnyddio cyfarpar na phlygiau cysylltiedig o'r tu allan i'r DU i addasu’r cyfarpar i ddyfeisiau'r DU oni bai eu bod wedi'u harchwilio a'u cymeradwyo gan y Brifysgol. Gweler Atodiad C.
• Os oes unrhyw amheuaeth gennych ynghylch addasrwydd eich offer trydanol, cysylltwch â'r Dderbynfa a chynhelir prawf trydanol ar bob dyfais, yn ôl yr angen.
• Mae'r Brifysgol yn cynnal profion dyfeisiau cludadwy blynyddol lle caiff yr holl gyfarpar mewn ardaloedd cymunol ei brofi.
• Mae'r eitemau na ddylid dod â hwy i lety'r brifysgol yn cynnwys
• Addasyddion ciwb (mwy nag un). Gweler Atodiad D.
• Eitemau y mae angen addasydd trydanol cyfandirol arnynt i weithio.
• Gwresogyddion trydanol
• Peiriannau sychu dillad trydanol cludadwy
• Blancedi electronig
• Peiriannau ffrio dwfn
• Cyfarpar golchi dillad, gan gynnwys peiriannau golchi a sychu dillad
• Sgwteri neu feiciau trydan yn y llety

Mae'r rheoleiddiwr annibynnol, yr Awdurdod Gweithredol Iechyd a Diogelwch, yn darparu cyngor a gwybodaeth ynghylch defnyddio dyfeisiau trydanol yn y DU:

Cyngor ar ddefnyddio dyfeisiau trydanol yn ddiogel

Beth yw profion dyfeisiau cludadwy?

Mae eich eiddo personol yn eich llety wedi'i yswirio drwy bolisi yswiriant eiddo Endsleigh.
Rydym yn eich annog i adolygu eich yswiriant er mwyn:

• Gwirio beth sydd wedi'i gynnwys
• Gwirio eithriadau a chyfyngiadau allweddol
• Gwirio tâl dros ben y polisi
• Gwirio sut i wneud hawliad
• Penderfynwch a ydych chi am estyn a phersonoli eich yswiriant i ddiogelu eitemau gwerthfawr erail

Er mwyn gwella eich polisi i gynnwys eitemau drud (e.e. offer trydanol neu feiciau) cysylltwch ag Endsleigh: endsleigh.co.uk/personal/student-insurance