Cwestiynau Cyffredin am gyflwyno Cadarnhad Derbyn i Astudio

Mae rhif CAS yn ddogfen electronig bwysig iawn y bydd ei hangen arnoch cyn cyflwyno eich cais am fisa Haen 4. Mae'n rhaid i chi wneud cais am eich CAS cyn i chi ddechrau er mwyn cwblhau eich ffurflen gais am fisa, oherwydd y bydd angen i chi gynnwys gwybodaeth allweddol fel y nodir ar ddatganiad eich CAS, megis y rhif CAS unigryw sy'n cadarnhau mai Prifysgol Abertawe fydd eich noddwr Haen 4.

Bydd angen rhif CAS arnoch i wneud cais am fisa er mwyn eich galluogi chi i astudio yn y DU gyda noddwr Haen 4.

Bydd angen i chi gysylltu â'r Uned Cydymffurfiaeth Myfyrwyr Rhyngwladol (ISCU) ar studentcompliance@abertawe.ac.uk i ofyn am ffurflen gais CAS.  Bydd yr Uned Cydymffurfiaeth Myfyrwyr Rhyngwladol wedyn yn eich arwain drwy'r broses CAS.

A chithau'n ddeiliad fisa Haen 4, byddwch yn gyfrifol am ddiweddaru eich cyfeiriad yn y DU yn ystod y tymor pan fyddwch yn astudio yn y DU.  Os ydych yn penderfynu symud cyfeiriad ar unrhyw adeg yn ystod eich astudiaethau, bydd angen i chi fewngofnodi i'ch cyfrif ar y fewnrwyd a diweddaru eich manylion cyn gynted ag y byddwch wedi symud i'ch llety newydd.

I gael rhagor o wybodaeth am y Cynllun Cymeradwyaeth Technoleg Academaidd (ATAS) a sut i wneud cais, ewch i adran MyfyrwyrRhyngwladol@BywydCampws y wefan.

Byddwn yn gofyn i weld copi o'ch pasbort cyfredol cyn cyflwyno CAS. Y pasbort cyfredol a gyflwynwyd i'r Uned Cydymffurfiaeth Myfyrwyr Rhyngwladol gyda'ch cais CAS fydd y pasbort a fydd yn cael ei ychwanegu at eich CAS a bydd angen i chi ei gyflwyno gyda'ch cais am fisa Haen 4.

Os ydych wedi derbyn CAS newydd erbyn i'r pasbort newydd gyrraedd, bydd angen i chi roi gwybod i'r Uned Cydymffurfiaeth Myfyrwyr Rhyngwladol fod eich pasbort newydd wedi cyrraedd drwy anfon copi o'r pasbort newydd atom ni. Bydd hyn yn ein galluogi ni i ychwanegu nodyn noddwr at eich CAS drwy'r System Rheoli Nawdd (SMS) cyn i chi gyflwyno eich cais am fisa. Wedyn bydd angen i chi gyflwyno eich pasbort newydd gyda'ch cais am fisa Haen 4.

Bydd y CAS yn ddilys am chwe mis o'r dyddiad y cafodd ei neilltuo.

Gallwch gysylltu â'n Cynghorwyr Myfyrwyr Rhyngwladol ar MyfyrwyrRhyngwladol@BywydCampws,  International.Campuslife@abertawe.ac.uk i gael cyngor ac arweiniad pellach neu gallwch drefnu apwyntiad i gwrdd ag un o'n cynghorwyr cymwys.

Byddwch, yn amodol ar fodloni gofynion Fisâu a Mewnfudo y DU o ran "cynnydd academaidd" a chyfyngiadau amser.

Erbyn diwedd eich cwrs newydd, rhaid sicrhau nad ydych wedi treulio mwy na phum mlynedd yn astudio cymwysterau Bagloriaeth a Meistr ar fisa myfyriwr o'r DU (chwe blynedd os hyd safonol eich cwrs israddedig yw pedair blynedd).

Os bydd eich fisa'n cael ei wrthod gan y Swyddfa Gartref, ni ddylech geisio ailddefnyddio'r CAS i wneud cais newydd am ganiatâd. Er mwyn gallu gwneud cais arall, bydd angen i chi wneud cais am CAS newydd o'ch noddwr Haen 4, a chynnig cais cwbl newydd am ganiatâd.

Na fyddwch. I sicrhau eich bod yn cael fisa mae'n rhaid i chi fodloni holl ofynion eraill rheolau a rheoliadau mewnfudo'r DU. Gallwch weld yr wybodaeth hon ar wefan MyfyrwyrRhyngwladol@BywydCampws.

Darperir cyngor a chanllawiau gan dîm cyngor myfyriwr rhyngwladol Prifysgol Abertawe yn MyfyrwyrRhyngwladol@BywydCampws.

Gellir cael rhagor o wybodaeth am agweddau eraill ar fewnfudo o ran y broses gwneud cais am fisa ar wefan Fisâu a Mewnfudo y DU.