Llunio Adroddiadau Hunangyfeiriedig

Trosolwg
	Lefel 1, 2, 3, a Lefel Gradd Meistr a PhD
	Gwersi sydyn tua 3 i 10 munud o hyd.

Mae Llunio Adroddiadau'n gwrs Cwestiynau Cyffredin ar Canvas sy'n llawn adnoddau e-ddysgu rhyngweithiol yn seiliedig ar gwestiynau cyffredin megis: Beth yw adroddiad a sut mae'n wahanol i fathau eraill o ysgrifennu academaidd? Sut gallaf gael marciau uwch? A pha rannau sydd i adroddiad? Mae pob pecyn cwestiynau'n cael ei ateb yn gryno ond mae sleidiau manwl i roi'r cyfle gorau i chi ddysgu ar ben eich astudiaethau presennol.

MAES LLAFUR

Dyma gwrs Llunio Adroddiadau hunangyfeiriedig, ac mae'r cynnwys ar ffurf cynnwys rhyngweithiol a chwisiau Canvas. Golyga hyn y gallwch chi gwblhau'r cwrs yn eich amser chi. Mae'r cwrs yn cynnwys y cwestiynau canlynol:

Beth yw adroddiad a sut mae'n wahanol i fathau eraill o ysgrifennu academaidd?

Mae'r wers hon yn archwilio'r prif wahaniaethau rhwng llunio adroddiad a thraethawd.

Sut gallaf gael marciau uwch?

Bydd y wers hon yn ystyried beth mae darlithwyr yn chwilio amdano o ran gramadeg, iaith a meddwl yn feirniadol er mwyn cael y marciau uchaf.

Pa rannau sydd i adroddiad?

Mae'r wers hon yn ystyried pob adran o adroddiad yn fanwl. Esbonio'r hyn y dylid ei gynnwys a pheidio â'i gynnwys ym mhob rhan.

Sut dylid arddangos fformiwla?

Bydd y wers hon yn edrych ar sut y gallwch chi arddangos fformiwlâu yn eich adroddiad gan ddefnyddio technegau Microsoft Word.

Sut dylwn i rifo hafaliad a'i groesgyfeirio yn fy adroddiad?

Mae'r wers hon yn archwilio sut i ddefnyddio nodweddion uwch yn Microsoft Word i groesgyfeirio rhannau o'ch adroddiad.

Oes angen i mi gynnwys cyfeiriadau yn fy adroddiad?

Mae'r wers hon, a ddarparwyd gan Wasanaethau Llyfrgell Prifysgol Abertawe, yn archwilio sut y dylech chi ddefnyddio'r ddwy brif arddull gyfeirnodi, APA 7fed argraffiad a Vancouver.

Oes gennych chi unrhyw gwestiynau pellach hoffech chi atebion manwl iddynt? Rhowch wybod i ni yn y ffurflen fer hon [Cliciwch yma] a byddwn yn ystyried creu deunyddiau ychwanegol.